News

POST TYPE

LOCAL

ကျိုက်မရော ပျားတောင်ဒေသ ကျောက်မီးသွေးကင်းစင်ရေး ဆုတောင်းပွဲကျင်းပ
17-Aug-2016 tagged as ဆုတောင်းပွဲ

မွန်ပြည်နယ်၊ ကျိုက်မရောမြို့နယ်ရှိ ပျားတောင်ဒေသ ကျောက်မီးသွေး ကင်း စင်ရေးအတွက် ဒေသခံလူထု ၅၀၀ကျော်က ကျိုက်မရော ဆုတောင်းပြည့်ဘုရားကြီး ဒက္ခိဏာရာမိက ဓမ္မာရုံတွင် သြဂုတ် ၁၆ ရက်နေ့ မွန်းလွဲပိုင်းက ဆုတောင်းပွဲ ပြုလုပ်ခဲ့သည်။

နေ့စဉ် ဘိလပ်မြေ တန်ချိန် ၅၀၀၀ ခန့် ထုတ်လုပ်မည့် Mawlamyine Cement Limited (MCL) ဘိလပ်မြေ စက်ရုံ လည်ပတ်မှုအတွက် လိုအပ်နေသော လျှပ်စစ်ဓာတ်အားကို ကျောက်မီးသွေးဖြင့် လျှပ်စစ်ထုတ်လုပ်ခြင်းကြောင့် ဒေသခံများက ကန့်ကွက်ခြင်းဖြစ်ပြီး ဘိလပ်မြေ စက်ရုံ တည်ဆောက်မှုကို ကန့်ကွက်ခြင်း မဟုတ်ကြောင်း ကော့ပနောကျေးရွာရှိ သုမနာရာမ ဘုန်းကြီးကျောင်းမှ ဆရာတော် ဦးသုမန က မိန့်ကြားသည်။

"ဆုတောင်းပွဲလုပ်တာကတော့ အဆိပ်ရှိ ကျောက်မီးသွေးလျှပ်စစ်ကို မြန်မြန် ရပ်တန့်ပေးပါ၊ ကျောက်မီးသွေးက အဆိပ်ရှိတဲ့အတွက် ကျောက်မီးသွေးနဲ့ လည်ပတ်မှုက ဦးပဉ္စင်းတို့ ဘယ်တော့မှ ခွင့်မပြုနိုင်ဘူး၊ ကျောက်မီးသွေးအစား တခြား တခြား ဓာတ်အားပေးလျှပ်စစ် အစားထိုးပေးပါ၊ ကျောက်မီးသွေးနဲ့ မလည်ပတ်ရင် ပြီးတာပဲ၊ အစိုးရအဖွဲ့ကရော၊ အာဏာပိုင်အဖွဲ့ကရော ပြည်သူလူထုကို သနားသောအားဖြင့် ၀ိုင်းစဉ်းစားပေးပါ"ဟု ဆရာတော်က မိန့်သည်။

မြန်မာ့ ရင်နှီးမြှုပ်နှံမှုကော်မရှင် (MIC) နှင့် MCL ကုမ္ပဏီတို့၏ နှစ်ဦးသဘောတူ စာချုပ်တွင် ဘိလပ်မြေစက်ရုံ လည်ပတ်ရန် လိုအပ်သော လျှပ်စစ်စွမ်းအား ၄၀ မဂ္ဂါဝပ်ကို ကျောက်မီးသွေး လောင်စာဖြင့် လျှပ်စစ်စွမ်းအား ထုတ်ယူရန် သဘောတူညီချက် ပါရှိသည်။

"ပြည်သူလူထုက သေချင်သေ၊ အန္တရာယ်ဖြစ်ချင်ဖြစ် သူတို့(ကုမ္ပဏီ)က စဉ်းစားတာ မဟုတ်ဘူး၊ ဒီတောတောင် သဘာဝလှိုဏ်ဂူများကို သဘာဝရှိတဲ့အတိုင်း  မပျက်စီးပါဘူးလို့ ပြောတယ်၊ မိုင်းဖောက်ရင် အသံမကျယ်ဘူး၊ အဆောက်အအုံ မတုန်လှုပ်ဘူးလို့ ပြောပေမယ့် ပြောတဲ့အတိုင်း ဘာမှဖြစ်မလာဘူး"ဟု ဆရာတော် ဦးသုမနက ဆုတောင်းပွဲတွင် မိန့်ကြားသည်။