POST TYPE

LOCAL

တန်ဖိုးနည်း အိမ်ရာ ၀ယ်ခွင့်ရသူ ၆၀၀ ဦး၏စာရင်း ကြေညာ
ရန်ကုန်၊ ဇန်န၀ါရီ ၁၀

မြို့ပြနှင့် အိမ်ရာဖွံ့ဖြိုးရေးဦးစီး ဌာနက တန်ဖိုးနည်းအိမ်ရာ ၀ယ်ယူရန် သတ်မှတ်စုငွေပြည့်ပြီးသူ ၆၀၀ ဦး၏ အမည်စာရင်းကို ဇန်နဝါရီလ ၁၀ ရက်က ထုတ်ပြန် ကြေညာလိုက်ကြောင်း အဆိုပါ ဦးစီးဌာနထံမှ သိရသည်။

ဆောက်လုပ်ရေးနှင့် အိမ်ရာဖွံ့ဖြိုးရေးဘဏ် (CHDB)တွင် အိမ်ရာဝယ်ယူရန် အကောင့် ဖွင့်လှစ်ကာ တိုက်ခန်း၏ ၃၀ ရာခိုင်နှုန်း စုငွေပြည့်သည့်သူများ၏ အမည်စာရင်းကို ထုတ်ပြန်ခြင်းဖြစ်ပြီး ၀ယ်ယူခွင့် ရသူများမှာ အတိုးနှုန်း အပါအ၀င် ရှစ်နှစ်အရစ်ကျ ပြန်ဆပ်ရမည်ဖြစ်ကြောင်း အဆိုပါ ဦးစီးဌာန ဒုတိယ ညွှန်ကြားရေးမှူး ဦးမင်းအောင်အေးက ပြောကြားသည်။

“တိုက်ခန်း ၀ယ်ယူခွင့် ရရှိသူတွေကို ၀ယ်ယူခွင့်နဲ့ပတ်သက်ပြီး ဆက်လက် ဆောင်ရွက်ရမယ့် အချက်အလက်တွေနဲ့ ပတ်သက်လို့ ဇန်နဝါရီ ၁၁ နဲ့ ၁၂ ရက်တွေ မှာ လှိုင်သာယာနဲ့ ဒဂုံဆိပ်ကမ်းမြို့တွေမှာ ရှင်းလင်း ပြောပြသွားမယ်”ဟု ၎င်းက ဆိုသည်။

တိုက်ခန်း ၀ယ်ယူခွင့် ရရှိသူများ စာရင်းကို ရန်ကုန်နှင့် နေပြည်တော်ရှိ မြို့ပြနှင့် အိမ်ရာဖွံ့ဖြိုးရေး ဦးစီးဌာနတွင်လည်းကောင်း၊ ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်(CHDB)ခွဲများတွင်လည်းကောင်း၊  အားလုံးတွင် ကြေညာထားမည်ဖြစ်သည်။

သိန်း ၁၂၀ နှင့် သိန်း ၉၀ ကြားရှိ ဆောက်လုပ်မှု ပြီးစီးပြီဖြစ်သည့် တန်ဖိုးနည်း တိုက်ခန်း ၂၂၀၈ ခန်းအနက် မြို့ပြနှင့် အိမ်ရာဖွံ့ဖြိုးရေး ဦးစီးဌာနက ရရှိသည့် ၃၀ ရာခိုင်နှုန်းမှ တိုက်ခန်း ၆၀၀ ကျော်ကို ရောင်းချပေးသွားမည်ဖြစ်ကြောင်း မြို့ပြ နှင့် အိမ်ရာဖွံ့ဖြိုးဦးစီးဌာနထံမှ သိရသည်။

ရောင်းချသွားမည့် အိမ်ရာစီမံကိန်းများမှာ ဒဂုံဆိပ်ကမ်းမြို့နယ် ယုဇနတန်ဖိုး နည်းအိမ်ရာ အပိုင်း(၁)နှင့် ကနောင်အိမ်ရာ စီမံကိန်းမှ တိုက်ခန်းများ၊ လှိုင်သာယာမြို့နယ် ရွှေလင်ဗန်းအပိုင်း (၃) မှ တိုက်ခန်း စုစုပေါင်း ၆၀၀ ကျော်ကို ရောင်းချပေးသွားမည်ဖြစ်သည်။

အရစ်ကျ စနစ်ဖြင့် ရောင်းချပေးမည့် တိုက်ခန်းများမှာ အလျား ၁၈ ပေ၊ အနံ ၂၆ ပေရှိမည်ဖြစ်ပြီး Hall Type အဖြစ် ဖွဲ့စည်းထားကာ ဧရိယာ စတုရန်း ပေ ၄၆၈ မှ ၅၀၀ ပေအထိ ရှိမည်ဖြစ်သည်။

J-10