News

POST TYPE

LOCAL

မြေယာနှင့် ပတ်သက်၍ အဂတိမကင်းသည့် လုပ်ဆောင်ချက်ကို ထိန်းညှိပေးရေးအဆို စတင်ဆွေးနွေး
15-Aug-2018

နေပြည်တော် ဩဂုတ် ၁၄ 

စီမံခန့်ခွဲမှုကော်မတီ၊ စည်ပင်သာယာရေး ကော်မတီနှင့် လယ်ယာမြေစီမံခန့်ခွဲမှု ကော်မတီ အဆင့်ဆင့် (ကော် ၃ ကော်) တို့၏ အဂတိမကင်းသည့် လုပ်ဆောင်ချက်များကို ထိရောက်စွာ ထိန်းညှိပေးမည့် အစီအမံတစ်ခုကို အလျင်အမြန် ရေးဆွဲပြဋ္ဌာန်းအကောင်အထည်ဖော်ပေးပါရန် အစိုးရအား တိုက်တွန်းသည့်အဆိုကို ယနေ့ကျင်းပသော အမျိုးသားလွှတ်တော် အစည်းအဝေးတွင် စတင်ဆွေးနွေးနေပြီဖြစ်သည်။

လယ်ယာဥယျာဉ်ခြံမြေများကို စည်းကမ်းမဲ့စွာ အကွက်ဖော်ရောင်းစားနေကြခြင်း၊ စိုက်ပျိုးမြေများ အလျင်အမြန် လျော့နည်းလာခြင်း၊ မြို့ပေါ်နှင့် ကျေးရွာများတွင် နောင်တစ်ချိန် လိုအပ်လာပါက အသုံးပြုနိုင်ရန် ချန်လှပ်ထားသော မြေလွတ်များ ပျောက်ဆုံးကုန်ခြင်းများကြောင့် ကော်မတီသုံးရပ်၏ တာဝန်မကျေမှုများနှင့် အဂတိမကင်းသည့် လုပ်ရပ်များကို ထိရောက်စွာထိန်းညှိပေးရေး အဆိုကို မွန်ပြည်နယ်မဲဆန္ဒနယ်မှ ဦးမျိုးဝင်းက ဩဂုတ်လ ၆ ရက်နေ့က ပြုလုပ်သော အမျိုးသားလွှတ်တော် အစည်းအဝေးတွင် တင်သွင်းထားခဲ့ခြင်းဖြစ်သည်။

ကော်မတီသုံးရပ်၏ တာဝန်မကျေမှုများနှင့် အဂတိမကင်းသည့် လုပ်ရပ်များသည် တရားဥပဒေစိုးမိုးမှုမရှိခြင်းကြောင့်ဖြစ်ကြောင်း ရန်ကုန်တိုင်းဒေသကြီး မဲဆန္ဒနယ်အမှတ် (၂) မှ ဦးဌေးဦးက ဆိုသည်။

ယင်းအပြင် အောက်ခြေပိုင်းမှ မမှန်မကန် လုပ်ဆောင်ချက်တိူ့ကို ကိုယ်စားလှယ်တွေက ထောက်ပြသော်လည်း အုပ်ချုပ်ရေးပိုင်းကိုဥပဒေပြုရေးက ဝင်ရောက်စွက်ဖက်သည်ဟု ပြောဆိုခံရကြောင်း မန္တလေးတိုင်းဒေသကြီး မဲဆန္ဒနယ် အမှတ် ( ၃) မှ ဒေါက်တာကျော်သန်းထွန်းက ပြောသည်။

အဆိုပါဖြစ်ရပ်များသည် မြေပြင် မြေပုံစာရင်းမှန်ကန်အောင် မပြုစုနိုင်သည့်အတွက်ကြောင့်လည်း ဖြစ်နေကြောင်း မန္တလေးတိုင်းဒေသကြီး မဲဆန္ဒနယ် အမှတ် ၁၀ မှ ဦးကျော်မြင့်ဦးက ထောက်ပြပြောဆိုခဲ့သည်။

S-01