News

13-Feb-2021
၈၈ ကျောင်းသားခေါင်းဆောင် ကိုမင်းကိုနိုင်အပါအဝင် နာမည်ကြီး လူပုဂ္ဂိုလ် (၇)ဦးကို ဖမ်းဝရမ်းထုတ်ထားကြောင်း တပ်မတော်သတင်းမှန်ပြန်ကြားရေးအဖွဲ့က ထုတ်ပြန်ထားသည်။
13-Feb-2021
စစ်အာဏာသိမ်းအစိုးရ၏ ဖမ်းဆီးခြင်းခံရသူများမှ အကူအညီတောင်းခံလာပါက အလေးအနက်ထား ကူညီပေး သွားရန် ရန်ကုန်တိုင်းဒေသကြီးလွှတ်တော်ကိုယ်စားပြုကော်မတီ (CRYH) က ရန်ကုန်တိုင်းဒေသကြီးအတွင်းရှိ ရှေ့နေများ၊ ဥပဒေပညာရှင်များကို လေးစားစွာမေတ္တာရပ်ခံပန်ကြားကြောင်း ဖေဖော်ဝါရီလ ၁၃ ရက်နေ့စွဲဖြင့် ထုတ်ပြန်ထားသည်။
09-Feb-2021
တပ်မတော်က အာဏာသိမ်းပြီးနောက် မြန်မာ့အရေးနှင့်ပတ်သက်၍ ကုလသမဂ္ဂလူ့အခွင့်အရေးကောင်စီ အထူးအစည်းအဝေးတစ်ရပ်ကို ကြာသပတေးနေ့ (မြန်မာစံတော်ချိန် သောကြာနေ့)မှာ ခေါ်ယူကျင်းပပေးဖို့ ယူကေနှင့် အီးယူ တို့က ဖေဖော်ဝါရီလ ၈ ရက်နေ့က ပန်ကြားလိုက်ကြောင်း မြန်မာနိုင်ငံဆိုင်ရာ ယူကေသံရုံးထံမှ သိရသည်။
09-Feb-2021
စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ပြည်တွင်းအခွန်များဦးစီးဌာန (ရုံးချုပ်) မှ ဝန်ထမ်းများသည် Civil Disobedience Movement (CDM) တွင်ပါဝင်ကြောင်း ပါဝင်သည့်ဝန်ထမ်းများက သဘောထားထုတ်ပြန် ကြေညာ လိုက်သည်။
09-Feb-2021
မြို့နယ်အသီးသီးတွင် ဖြစ်ပေါ်လျက်ရှိသော အကြမ်းမဖက် ငြိမ်းချမ်းစွာဆန္ဒပြလှုပ်ရှားမှုများကို အကြမ်းဖက်တုံ့ပြန်ခြင်း မပြုလုပ်ရန်နှင့် မြန်မာနိုင်ငံရဲတပ်အဖွဲ့အပါအဝင် တာဝန်ရှိသူများအနေဖြင့် နိုင်ငံသားများ၏ မူလအခွင့်အရေး နှင့် ရပိုင်ခွင့်များ၊ လွတ်လပ်စွာ ကျင့်သုံးခွင့်ကို အကာအကွယ်ပေးရန် တောင်းဆိုကြောင်း ပြည်ထောင်စုလွှတ်တော်ကိုယ်စား ပြုကော်မတီ (CRPH) က ဖေဖော်ဝါရီလ ၉ ရက်နေ့စွဲဖြင့် ထုတ်ပြန်တောင်းဆိုထားသည်။
09-Feb-2021
စစ်အစိုးရက လူငါးဦးထက်ပိုမစုရ အမိန့်ထုတ်၍ စစ်အာဏာသိမ်းမှု ဆန့်ကျင်ရေးဆန္ဒပြမှုများကို ရပ်တန့်စေရန် ကြိုးပမ်း သော်လည်း ရန်ကုန်မြို့ ဆူးလေနှင့် လှည်းတန်းတွင် လူထုသိန်းနှင့်ချီ၍ ဆက်လက်ဆန္ဒပြခဲ့ကြသည်။
08-Feb-2021
ဒေါ်အောင်ဆန်းစုကြည်၏ စီးပွားရေးအကြံပေးကို ပြန်လွှတ်ပေးရန် သြစတြေးလျနိုင်ငံခြားရေးဝန်ကြီး တောင်းဆို ရန်ကုန်၊ ဖေဖော်ဝါရီ ၈ သြစတြေးလျ နိုင်ငံခြားရေးဝန်ကြီး မာရိုက်စ်ပိုင်းက တပ်မတော်မှနေ၍ ဖမ်း ဆီးထိန်းသိမ်းထားသော ဒေါ်အောင်ဆန်း စုကြည်၏ စီးပွားရေးအကြံပေး ရှောင်တာနယ်လ်ကို အမြန်ဆုံး ပြန်လွှတ်ပေးရန် တောင်းဆိုလိုက်ကြောင်း Reuters က ဖော်ပြထားသည်။ ရှောင်တာနယ်လ်သည် တပ်မတော် မှနေ၍ အာဏာလွှဲပြောင်းရယူလိုက်သည့် ဖေဖော်ဝါရီလ ၁ ရက်နေ့ နောက်ပိုင်းတွင် ပထမဆုံး ဖမ်းဆီးထိန်းသိမ်းခံလိုက်ရ သော ပထမဆုံးနိုင်ငံသားအဖြစ် မှတ်တမ်း ဝင်သွားခဲ့ပြီဖြစ်ပြီး မြန်မာနိုင်ငံဆိုင်ရာ သြစတြေးလျသံအမတ်နှင့် ရှောင်တာ နယ်လ်တို့အကြားတွင် အဆက်အသွယ် ရရှိခဲ့ကြောင်းကိုမူ သြစတြေးလျနိုင်ငံခြား ရေးဝန်ကြီးက အတည်ပြုသွားခဲ့သည်။ "သြစတြေးလျနိုင်ငံသားဖြစ်တဲ့ ပါမောက္ခ ရှောင်တာနယ်လ်ကို ချက်ချင်း ပြန်လွှတ်ပေးဖို့ တောင်းဆိုပါတယ်။ သံရုံး အနေနဲ့လည်း အခုလို အကျပ်အတည်း ကာလထဲမှာ ပါမောက္ခ ရှောင်တာနယ်လ် ကို အပြည့်အဝ ထောက်ခံပေးသွားမှာပါ" ဟု Reuters ၏ ဆက်သွယ်မေးမြန်းမှုကို မာရိုက်စ်ပိုင်းက ဖြေကြားသွားခဲ့သည်။ ရှောင်တာနယ်လ်သည် သြစတြေးလျ နိုင်ငံ ဆစ်ဒနီမြို့ရှိ မက်ကွာရီတက္ကသိုလ်တွင် စီးပွားရေးဆိုင်ရာ ပါမောက္ခအဖြစ် တာဝန် ထမ်းဆောင်ခဲ့သူဖြစ်ပြီး ဒေါ်အောင်ဆန်း စုကြည်ကို စီးပွားရေးမူဝါဒအကြံÓဏ် များကို နှစ်ပေါင်းများစွာ ပေးအပ်ခဲ့သူလည်း ဖြစ်သည်။ ရှောင်တာနယ်လ်ကို မည်သည့်နေရာ တွင် တပ်မတော်က ထိန်းသိမ်းထားသည်ကို မသိရသေးကြောင်း နိုင်ငံခြားရေးဝန်ကြီး မာရိုက်စ်ပိုင်းက မှတ်ချက်ပေးသွားခဲ့ပြီး အစော ပိုင်းကာလက မာရိုက်စ်ပိုင်း၏ ပြောကြား ချက်တွင် အမည်မဖော်လိုသော သြစတြေးလျ နိုင်ငံသားတစ်ဦးမှာလည်း ရဲစခန်းတွင် ထိန်း သိမ်းစစ်ဆေးခံခဲ့ရကြောင်း ပါရှိခဲ့ဖူးသည်။ လက်ရှိတွင် မြန်မာနိုင်ငံ၌ တပ် မတော်၏ အာဏာလွှဲပြောင်းရမှုကို ဆန့် ကျင်သော ဆန္ဒပြမှုများ အရှိန်အဟုန် မြင့် တက်လာခဲ့ပြီဖြစ်ပြီး မြို့ကြီးပေါင်းများစွာ တွင် ဆန္ဒပြမှုများ ရှိနေပြီဖြစ်ကာ ယနေ့ (ဖေဖော်ဝါရီလ ၈ ရက်) နေ့တွင် အစိုးရ ရုံးစိုက်ရာ နေပြည်တော်၌ ဆန္ဒပြလူအုပ်စု ကို မီးသတ်ပိုက်များအသုံးပြု၍ ဖြိုခွင်းခဲ့ သည်ကို မြင်တွေ့ကြရသည်။ ရိုက်တာက ရှောင်တာနယ်လ်ထံသို့ ဆက်သွယ်မေးမြန်းခဲ့ရာတွင် "မကြာခင် အချိန်အတွင်း အခြေအနေတွေကို ခင်ဗျားတို့ ကြားသိရနိုင်လိမ့်မယ်လို့ ကျွန် တော် ထင်နေမိပါတယ်။ လက်ရှိမှာတော့ ကျွန်တော် အထိန်းသိမ်းခံထားရပါတယ်။ တစ်စုံတစ်ခုနဲ့တော့ ကျွန်တော် စွဲချက် တင်ခံရနိုင်ပါတယ်။ ဒါပေမဲ့ သေသေချာ ချာတော့ မပြောနိုင်သေးပါဘူး။ လက်ရှိ မှာ ကျွန်တော့် ကျန်းမာရေးက ကောင်း ကောင်းမွန်မွန် ရှိနေပါတယ်" ဟု သတင်း ရရှိခဲ့ကြောင်း သိရှိရသည်။ ANW
08-Feb-2021
တပ်မတော်က အာဏာသိမ်းယူ မှုသည် ပြစ်မှုဆိုင်ရာ ဥပဒေပုဒ်မ အခန်း (၆) ပါ ပြဋ္ဌာန်းချက်နှင့် ငြိစွန်းလျက် နိုင်ငံတော်အစိုးရကို ဆန့်ကျင်ကျူးလွန် သော ရာဇဝတ်မှုမြောက်သည့် လုပ်ရပ်ဖြစ် ကြောင်း ပြည်ထောင်စုလွှတ်တော်ကိုယ်စား ပြုကော်မတီ (CRPH) က ဖေဖော်ဝါရီလ ၈ ရက် နေ့စွဲဖြင့် ထုတ်ပြန်ထားသည်။
08-Feb-2021
အမျိုးသားဒီမိုကရေစီအဖွဲ့ချုပ် (NLD) ပါတီ၏ ရန်ကုန်၊ မန္တလေး၊ ပဲခူး၊ ဧရာဝတီ စသည့် တိုင်းဒေသကြီးလွှတ်တော် ကိုယ်စားလှယ်များ၏ ကိုယ်စားပြုကော်မတီ များကို ဖွဲ့စည်းလိုက်ကြောင်း ယင်းပါတီ ထံမှ သိရသည်။
08-Feb-2021
တရားမျှတခြင်း၊ လွတ်လပ်ခြင်း၊ တန်းတူညီမျှခြင်း၊ အေးချမ်းလုံခြုံခြင်းကို လိုလားကြသည့် ပြည်သူတစ်ရပ်လုံးက ဥပဒေမဲ့ကျူးလွန်သူများကို လက်မခံကြရုံ သာမက နိုင်ငံနှင့် လူမျိုးအကျိုးအတွက် ပူးပေါင်းလက်တွဲကာ တားဆီးဖယ်ရှားကြရန် မေတ္တာရပ်ခံကြောင်း တပ်မတော် သတင်းမှန် ပြန်ကြားရေးအဖွဲ့က ဖေဖော်ဝါရီလ ၈ ရက် နေ့စွဲဖြင့် ထုတ်ပြန် ထားသည်။
07-Feb-2021
မန္တလေးမြို့တော်ဝန်ရာထူးကို ဖေဖော်ဝါရီလ ၅ ရက်နေ့ကပင် စွန့်လွှတ် လိုက်ပြီဖြစ်ကြောင်း ဒေါက်တာရဲလွင်က ဖေဖော်ဝါရီလ ၇ ရက်နေ့တွင် လူမှုကွန်ရက် စာမျက်နှာမှတစ်ဆင့် ပြောကြားလိုက် သည်။
05-Feb-2021
ရန်ကုန်မြို့က ဆေးရုံတွေမှာ ဖဲကြိုးနီလှုပ်ရှားခဲ့တဲ့ ဆရာဝန်တွေဟာ အလုပ်လာမဆင်းတဲ့အတွက် ခြိမ်းခြောက်ခံနေရတယ်လို့ သိရပါတယ်။
05-Feb-2021
ရန်ကုန်တက္ကသိုလ်၊ အင်္ဂလိပ်စာဌာနနှင့် အင်္ဂလိပ်ဘာသာစကား အမျိုးသား ဗဟိုဌာနရှိ ဆရာ၊ ဆရာမ ၅၅ ဦးသည် အကြမ်းမဖက်သော Civil Disobedience Movement တွင် အခြားသောပြည်သူ့ဝန်ထမ်းများနည်းတူပါဝင်မည်ဟု ထုတ်ပြန် လိုက်သည်။
03-Feb-2021
ရန်ကုန်တိုင်းဒေသကြီး စည်ပင်သာယာ နယ်နိမိတ် ၃၃ မြို့နယ်အတွင်းရှိ ပြည်သူများမှ ရွေးကောက်တင်မြှောက်ထားသည့် မြို့နယ်စည်ပင်ဥက္ကဋ္ဌများအနေဖြင့် စစ်အုပ်ချုပ်ရေးစနစ်လက်အောက်တွင် စည်ပင်လုပ်ငန်းများကို ပူးပေါင်းဆောင်ရွက်မည်မဟုတ်ကြောင်း ထုတ်ပြန်ကြေညာ ထားသည်။
03-Feb-2021
တပ်မတော်က အာဏာသိမ်းပြီး နိုင်ငံတော်စီမံအုပ်ချုပ်ရေးကောင်စီ ဖွဲ့စည်းပြီးနောက် ရခိုင်ပြည်နယ်က မြို့နယ် ခုနစ်မြို့နယ်နဲ့ ချင်းပြည်နယ်တောင်ပိုင်း ပလက်ဝမြို့နယ်တို့မှာ ဖေဖော်ဝါရီ ၂ ရက် ည ၁၂ နာရီလောက်ကစပြီး မူလဖွင့်ပေး ထားတဲ့ 2G အရည်အသွေး အင်တာနက် အမျိုးအစားကနေ 4G အင်တာနက်အမျိုး အစားကို ပြန်လည်ရရှိခဲ့တယ်လို့ ဒေသခံ တွေနဲ့ အရပ်ဘက်အဖွဲ့အစည်းတွေကနေ သိရပါတယ်။