News

POST TYPE

LATEST NEWS POST

အစွန်းရောက် ခံစားမှုများ လျှော့ချရေး (Daily, Vol-4/No-252)
မျက်မှောက်မြန်မာ့လူ့အဖွဲ့အစည်းတွင် တွေ့ကြုံရတတ်သည့် သဘောထားကွဲလွဲမှုများ၊ ပြဿနာများ၊ အခက်အခဲများ၊ မပြေလည်မှုများနှင့် တင်းမာမှုများကို အုပ်စုအမြင်ဆန်ဆန် ‘ဘက်’ တစ်ခုမှ ရပ်၍ မိမိတို့နှင့် အုပ်စု၊ ဘက်မတူဟု ယူဆထားသူများအပေါ် အလွန်အမင်း နှိမ်ချပြောဆိုမှုများ အတွေ့ရ များလာသည်။

စိတ်ပညာသဘောအရ ပြင်းထန်စွာ ရက်စက်ဖိနှိပ်အုပ်ချုပ်ခဲ့သော ကာလများကို ခါးသီးစွာ ကျော်ဖြတ်လာခဲ့သူများတွင် စိတ်ခံစားချက် တစ်စုံတစ်ရာ ကြုံရပါက အစွန်းနှစ်ဖက်သို့ အလွယ်တကူ ရောက်သွားတတ်သည်။ 

ဆိုလိုသည်မှာ ချစ်ပြီဆိုလျှင် အရာအားလုံး အကောင်းဆုံး၊ အတော်ဆုံးဟု မြင်သွားသည့်အပြင် ဆည်းကပ်ကိုးကွယ်လုနီးနီး ဦးထိပ်တင်သွားတတ်ကြပြီး မုန်းပြီဆိုပါက မည်မျှကောင်းသည့် ကိစ္စလုပ်သည် ဖြစ်စေ အဆိုးဆုံး၊ အညံ့ဆုံးဟု မြင်သွားကာ ဆန့်ကျင်တိုက်ခိုက်၊ အပြုတ်တိုက် အပြီးဖယ်ရှားလိုသည့် အဆင့်အထိပါ ရောက်သွားတတ်ခြင်းကို ဆိုလိုသည်။

ထိုသို့ ဖြစ်သွားစေရန်လည်း တစ်ဖက်ဖက်ကို အစွန်းရောက် ထောက်ခံကာ အခြားတစ်ဖက်ကို အစွန်းရောက် ဆန့်ကျင်တတ်သူများ၏ လွန်လွန်ကဲကဲ ခွဲခြားဆက်ဆံမှုများ၊ မယဉ်ကျေးသော ပြောဆိုသုံးနှုန်းမှုများဖြင့် အပြန်အလှန် ပုတ်ခတ်တိုက်ခိုက်မှုများက တွန်းပို့သကဲ့သို့ ဖြစ်နေပေသည်။

အာဏာရှင်စနစ်ဖြင့် နှစ်ပေါင်းငါးဆယ်ကျော် ဖြတ်သန်းလာခဲ့သော မြန်မာနိုင်ငံတွင်လည်း အာဏာအလွဲသုံးစား ပြုခဲ့သူများနှင့် ၎င်းတို့နှင့် အလွန်းသင့်ခဲ့သူများက ၎င်းတို့ အုပ်ချုပ်ဖိနှိပ်မှုအောက်တွင် ရှိနေခဲ့သူ ပြည်သူလူထုအပေါ် အထင်အမြင်သေးစွာ ဆက်ဆံခြင်းနှင့် ၎င်းတို့နှင့် ဆန့်ကျင်ဘက်ရှိသူများအပေါ် အမေကျော် ဒွေးတော်လွမ်းသူများ၊ ပုဆိန်ရိုးများ၊ သစ္စာဖောက်များ၊ လေလှိုင်းလူသတ်သမား အစရှိသည့် လူအဆင့်မှ နိမ့်ကျသွားစေသည့် အသုံးအနှုန်းများဖြင့် ခိုင်းနှိုင်းညွှန်းဆိုလေ့ ရှိတတ်သည်။

ထိုနည်းတူစွာ အာဏာရှင်များ၏ ဖိနှိပ်ရက်စက်မှုကို ခံခဲ့ရခြင်းကြောင့် အာဏာရှင်တို့အပေါ် ဆန့်ကျင်သူများကလည်း အာဏာရှင်တို့အပေါ် လူကဲ့သို့ စဉ်းစားတွေးခေါ်၊ လုပ်ကိုင်တတ်သူများ မဟုတ်ကြောင်း၊ လူမဆန်သူများ ဖြစ်ကြောင်း ပြန်လည်ပုတ်ခတ် တိုက်ခိုက်လေ့ရှိပြီး အဖိအနှိပ်ခံ ပြည်သူများကလည်း အာဏာရှင်များကို စက်ဆုပ်ရွံရှာဖွယ်ရာ လူ့အန္ဓများ၊ ရက်စက်ကြမ်းကြုတ်သော ဘီလူးသရဲများသဖွယ် ဆက်ဆံလာတတ်သည်။

အကျိုးဆက်အားဖြင့် ထိုစိတ်ခံစားချက်မျိုး ဖြစ်ပေါ်နေသော လူ့အဖွဲ့အစည်းရှိ ဆန့်ကျင်ဘက် အသွင်ဆောင်နေသော အုပ်စုများအကြား ပြန်လည်ရင်ကြားစေ့ရန်၊ အပြန်အလှန် နားလည်မှု ယုံကြည်မှု တည်ဆောက်ရန်၊ လေးစားမှု ရရှိရန် များစွာခက်ခဲသွားကာ နိုင်ငံတည်ဆောက်ရေး လုပ်ငန်းများ၊ ဒီမိုကရေစီ အသွင်ကူးပြောင်းရေး လုပ်ငန်းများ နှောင့်နှေးသွားတတ်သည်။

များစွာ အရေးကြီးသည်မှာ ဆန့်ကျင်ဘက် အသွင်ဆောင်နေသော အုပ်စုများ၏ ခေါင်းဆောင်နေရာတွင် ရှိနေသူများ၏ သည်းခံခွင့်လွှတ်မှု၊ နားလည်ပေးမှု၊ ဉာဏ်ပညာ အမြော်အမြင်၊ ပါးနပ်လိမ္မာမှု၊ ရိုးသားဖြောင့်မတ်မှု၊ နိုင်ငံရေး စိတ်စေတနာများ စသည့် အရည်အသွေးနှင့် အရည်အချင်းများအပေါ် မူတည်ကာ မိမိတို့အုပ်စု သို့မဟုတ် ဘက်အသီးသီးကို မှန်ကန်သော နည်းလမ်းဖြင့် တုံ့ပြန်ကြရန် ခေါင်းဆောင်နိုင်ကြောင်း သိစေလိုရင်းဖြစ်သည်။

အယ်ဒီတာ (၂၉-၁-၂၀၁၇)

(လက်ရှိဖြစ်ပေါ်နေသော အခြေအနေနှင့် ကိုက်ညီနေသောကြောင့် ၁၀-၅-၂၀၁၅ နေ့ထုတ် The Voice Daily သတင်းစာတွင် ဖော်ပြခဲ့ပြီးသော အယ်ဒီတာ့အာဘော်ကို ပြန်လည်ဖော်ပြခြင်း ဖြစ်ပါသည်။)