POST TYPE

LATEST NEWS POST

ဖားကန့် ကျောက်မျက်လုပ်ကွက်များ၌ နိုင်ငံခြားသား အသုံးပြုပါက အရေးယူမည်
12-Jan-2017 tagged as ဖားကန့်

မြစ်ကြီးနား၊ ဇန်နဝါရီ ၁၂

ဖားကန့်ရတနာမြေ အတွင်းရှိ ကျောက်မျက်ကုမ္ပဏီများသည် ခွင့်ပြုချက်မရဘဲ လုပ်ကွက်အတွင်း နိုင်ငံခြားသားများ ခန့်အပ်အသုံးပြုပါက ထိရောက်စွာ အရေးယူမည် ဖြစ်ကြောင်း ကချင်ပြည်နယ် အစိုးရအဖွဲ့ရုံးထံမှ သိရသည်။

ကျောက်မျက်လုပ်ကွက်များတွင် နိုင်ငံခြားသား ပညာရှင်များနှင့် နိုင်ငံခြားသား အလုပ်သမားများ ခေါ်ယူအသုံးပြုလိုပါက မြန်မာ့ကျောက်မျက်ရတနာ ရောင်းဝယ်ရေးလုပ်ငန်းမှ တစ်ဆင့် ခွင့်ပြုချက် တောင်းခံရမည် ဖြစ်ကြောင်း ကချင်ပြည်နယ် အစိုးရအဖွဲ့ရုံးထံမှ သိရသည်။

အကယ်၍ တရားမဝင် နိုင်ငံခြားသားများ အသုံးပြုမှု တွေ့ရှိပါက ဥပဒေအရ ဆောင်ရွက်မည် ဖြစ်ကြောင်း၊ ယင်းအစီအစဉ်ကို ပြည်ထောင်စုအစိုးရက ညွှန်ကြားထားခြင်း ဖြစ်ကြောင်း ကချင်ပြည်နယ် အစိုးရရုံးမှ ဝန်ကြီးတစ်ဦးက ပြောဆိုသည်။

ဓာတ်ပုံ - ရွှေသိန်း

R-06