News

POST TYPE

LATEST NEWS POST

ဗဟိုဘဏ်က နိုင်ငံခြားငွေစီမံခန့်ခွဲမှုဥပဒေနှင့် စည်းမျဉ်းများ အသိပေးကြေညာ
16-Jul-2020
ရန်ကုန်၊ ဇူလိုင် ၁၆

ပို့ကုန်ရငွေအားလုံးကို သတ်မှတ်ကာလအတွင်း နိုင်ငံတော်အတွင်းရှိငွေစာရင်းသို့ နိုင်ငံခြားသုံးငွေထည့်သွင်းရမည့်အချက်များအပါအဝင် နိုင်ငံခြားငွေစီမံခန့်ခွဲမှုဥပဒေနှင့် စည်းမျဉ်းများကို မြန်မာနိုင်ငံတော် ဗဟိုဘဏ်က ထပ်မံကြေညာသည်။

ဗဟိုဘဏ်သည် နိုင်ငံခြားသုံးငွေများကို စီမံခန့်ခွဲနိုင်ရန် နိုင်ငံခြားငွေစီမံခန့်ခွဲမှုဥပဒေကို ၂၀၁၂ ခုနှစ် ဩဂုတ်လက ယင်းဥပဒေကို ပြင်ဆင်ထားသည့် ဥပဒေကို ၂၀၁၅ ခုနှစ် ဒီဇင်ဘာလတွင် ပြည်ထောင်စုလွှတ်တော်က အတည်ပြုခဲ့သည်။

အဆိုပါ နိုင်ငံခြားငွေစီမံခန့်ခွဲမှုဥပဒေနှင့် နိုင်ငံခြားသုံးစွဲငွေစီမံခန့်ခွဲမှုစည်းမျဉ်းများကို ပြည်သူများလေ့လာနိုင်ရန် ဗဟိုဘဏ်၏ဝက်ဘ်ဆိုက်တွင် ဖော်ပြထားသည်။

လက်ရှိတွင် နိုင်ငံခြားငွေစီမံခန့်ခွဲမှုဥပဒေအရ နိုင်ငံတော်နှင့် ပြည်ပနိုင်ငံများအကြား နိုင်ငံခြားငွေ ငွေသားပေးချေမှု စာချုပ်စာတမ်းများနှင့် ငွေချးသက်သေခံလက်မှတ်များ လက်ရောက်လွှဲပြောင်းခြင်းမှအပ နိုင်ငံခြားငွေဖြင့်ပေးချေခြင်းနှင့် လွှဲပြောင်းမှုများကို နိုင်ငံခြားသုံးငွေများ ရောင်းဝယ်ဖောက်ကားသည့်လုပ်ငန်းလိုင်စင်ဖြင့်သာ ဆောင်ရွက်ခွင့်ပြုမည်ဖြစ်သည်။

နိုင်ငံခြားသုံးငွေစီမံခန့်ခွဲမှု စည်းမျဉ်းအပိုဒ် ၃၅ တွင် နိုင်ငံခြားသုံးငွေများ ရောင်းဝယ်ဖောက်ကားသည့် လုပ်ငန်းလိုင်စင်ရှိသူများသည် ပို့ကုန်အမှန်တကယ်တင်ပို့သည့် အထောက်အထားများအရ ကုန်စည်များကို သင်္ဘာတင်သည့်နေ့မှ ခြောက်လအတွင်း ပို့ကုန်တင်ပို့သူများက ရငွေလက်ခံခြင်းရှိ၊ မရှိ စစ်ဆေးရမည့်အချက်များ ပါဝင်သည်။

နိုင်ငံခြားသုံးငွေများ ရောင်းဝယ်ဖောက်ကားသည့် လုပ်ငန်းလိုင်စင်ရှိသူများသည် ကုန်စည်တင်ပို့သူက သတ်မှတ်ရက်အတွင်း၊ လအတွင်း ပို့ကုန်တင်ပို့သူများက ရငွေလက်ခံခြင်းရှိ၊ မရှိ ကုန်စည်တင်ပို့သည့် ကြေညာချက်ကို စိစစ်သုံးသပ်ချက်နှင့်အတူ ဗဟိုဘဏ်သို့ တင်ပြရမည်ဖြစ်ကြောင်း မြန်မာနိုင်ငံတော် ဗဟိုဘဏ်ကအသိပေးကြေညာထားသည်။ 

J-03