News

POST TYPE

LATEST NEWS POST

မင်းဘူးနယ်ရှေ့ဟောင်းဆိုက်တူးဖော်မှု ပျူခေတ်​​ပစ္စည်းများဖြစ်၍ တားမြစ်
24-Jun-2019

ချောက်၊ ဇွန် ၂၄

မင်းဘူး-စကုမြို့နယ်​၊ အလံပါယ်​​ရွာအုပ်​စုအတွင်းရှိ ယာ​မြေများတွင်​ တူးဖော်နေသည့် ပစ္စည်းများသည် လွန်ခဲ့သော နှစ်ပေါင်း ၂၀၀၀ ခန့်က ပျူ​ခေတ်​​ရှေးဟောင်း အ​မွေအနှစ်​ပစ္စည်းများ ဖြစ်သောကြောင့် ဆက်မတူး​​ရန် ​နောက်​ဆုံးအကြိမ် တားမြစ်​မိန့်​ ထုတ်​လိုက်သည်။

အဆိုပါ တူးဖော်နေသည့်နေရာသို့ ဇွန်​လ ၂၃ ရက်​၊ ည​နေပိုင်းက မြို့နယ် လွှတ်​​တော်​ကိုယ်စားလှယ်​များ၊ မြို့နယ်​အ​ထွေ​ထွေအုပ်​ချုပ်​​ရေးမှူး၊ မ​ကွေးတိုင်း ရှေးဟောင်းသု​​သေသနဦးစီးဌာန တိုင်းဦးစီးမှူးနှင့်​ တာဝန်​ရှိသူများ၊ မြိုနယ်ရဲတပ်ဖွဲ့မှူးနှင့် မြို့မရဲစခန်းမှတာဝန်​ရှိသူများက သွားရောက်စစ်ဆေးခဲ့ပြီး ထုတ်ပြန်လိုက်ခြင်းဖြစ်သည်။

မကွေးတိုင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန ဒုညွှန်ကြားရေးမှူး ဦးစောလွင်က မြန်မာနိုင်ငံတွင် တွေ့ရှိခဲ့သော ရှေ့ဟောင်းအမွေအနှစ် ပျူခေတ်လက်ရာများတွင် မင်းဘူးစကုမြို့နယ်အတွင်းက အကောင်းဆုံးဖြစ်ကြောင်း မှတ်ချက်ပေးသည်။

ဒေသခံများအနေဖြင့် ဆက်​လက်​တူး​ဖော်မှုများပြုလုပ်ပါက ​ရှေ့​ဟောင်းသု​တေသန ဦးစီးဌာနအ​နေနှင့်​ ဥပ​ဒေ​ကြောင်းအရ တရားစွဲဆိုသွားမည်ဖြစ်ကြောင်း ၎င်းက သတိပေးပြောကြားသွားသည်။

လွန်ခဲ့သည့် သုံးလခန့်​ကတည်းက ယာ​ပိုင်ရှင်များက လပိုင်းအချိန်အကန့်အသတ်ဖြင့် မြေရောင်းချကာ ရှေ့ဟောင်းဆိုက်တူးဖော်ရာတွင် ပျူခေတ်လက်ရာများဖြစ်သော ပျူပုတီးများအပါအဝင်​ ပျူရှေး​ဟောင်း​ပစ္စည်းအမျိုးမျိုးတွေ့ရှိခဲ့ပြီး ပြန်လည်ရောင်းချရာတွင် ငွေကျပ်တစ်​​သောင်းမှ သုံးသိန်းကျပ်​အထိ ဈေးရရှိ​ကြောင်း ​ဒေသခံအချို့ထံမှ သိရသည်။