News

POST TYPE

LATEST NEWS POST

မြန်မာနိုင်ငံအောက်ပိုင်းဒေသများ မိုးရွာမည်
19-May-2019


ဓာတ်ပုံ- မိုး/ဇလ

ရန်ကုန်၊ မေ ၁၉

အနောက်တောင်မုတ်သုံ စတင်ဝင်ရောက်လာနိုင်သည့်အတွက် မြန်မာနိုင်ငံအောက်ပိုင်းဒေသများတွင် မေလ ၂၁ ရက်နေ့မှ စတင်၍ မိုးရရှိနိုင်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနမှ ညွှန်ကြားရေးမှူး ဦးကျော်လွင်ဦးက ပြောကြားသည်။

“မေလ ၂၁ ရက်နေ့လောက်ကစပြီး မြန်မာနိုင်ငံအလယ်ပိုင်းဒေသအချို့အပါအဝင် မြန်မာနိုင်ငံအောက်ပိုင်းဒေသတွေမှာ နေ့စဉ် မိုးရေချိန် သုည ဒသမ ၂၀ လက်မ ရွာဖို့ ရာခိုင်နှုန်းများလာတာတွေ့ရတယ်”ဟု ၎င်းက ပြောဆိုသည်။

မိုးကြိုကာလမှ မိုးဦးကာလသို့ ရောက်ရှိလာတော့မည်ဖြစ်သည့်အတွက် မုတ်သုံလေဝင်ရောက်စဉ်ကာလအတွင်း မိုးသက်လေပြင်းတိုက်ခတ်ခြင်း၊ မိုးကြိုးပစ်ခြင်းနှင့် မိုးတိမ်တောင်များကြောင့် ပင်လယ်ပြင်နှင့် လေကြောင်းမိုးလေဝသ အခြေအနေများဆိုးရွားတတ်သဖြင့် ကြိုတင်သတိပြုရန်လိုအပ်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနက သတိပေးထားသည်။

မေလ ၂၁ ရက်နေ့၌ ရန်ကုန်တိုင်းအပါအဝင် ဧရာဝတီတိုင်းနှင့် ပဲခူးတိုင်းဒေသကြီးတို့တွင် နေရာအနှံ့မိုးရွာသွန်းနိုင်ပြီး တနင်္သာရီတိုင်း၊ မွန်ပြည်နယ်၊ ကရင်ပြည်နယ်၊ ရှမ်းပြည်နယ်နှင့် ရခိုင်ပြည်နယ်တို့တွင်လည်း မိုးရွာနိုင်ဖွယ်ရှိနေသည့်အတွက် ဆားလုပ်ငန်းအပါအဝင် ရေထိမခံနိုင်သည့်လုပ်ငန်းလုပ်ကိုင်သူများအနေဖြင့်သတိပြုပြင်ဆင်ရန်လိုအပ်ကြောင်း မိုးလေဝသ ပညာရှင်များကလည်း သတိပေး ပြောကြားထားသည်။ 

E-03