News

POST TYPE

LATEST NEWS POST

ချောက်မြို့ ဘတ်ဂျက် ၇၀ ရာခိုင်နှုန်း ပညာရေးအတွက် သုံးမည်
21-Nov-2018

ချောက်၊ နိုဝင်ဘာ ၂၀

မကွေးတိုင်း ချောက်မြို့နယ်အတွင်းရှိ အစိုးရဌာနများအတွက်ရရှိသည့် ဘတ်ဂျက်မှသုံးပုံနှစ်ပုံကို ပညာရေးကဏ္ဍတွင် သုံးစွဲမည်ဖြစ်ကြောင်း ယင်းမြို့စီမံကိန်း ဦးစီးဌာနထံမှသိရသည်။

ယခုဘဏ္ဍာနှစ်အတွက် ချောက်မြို့ရှိ အစိုးရဌာန ၆ ခုအတွက် ပြည်ထောင်စုအစိုးရထံမှ ဘတ်ဂျက်ကျပ်သန်း ၂၄၀၀ နီးပါးရရှိခဲ့ရာတွင် ပညာရေးဌာနအတွက် ကျပ်သန်း ၁၉၁၅ သန်းအသုံးပြုရန်လျာထားပြီး ကျေးလက်ဒေသဖွံ့ဖြိုးတိုးတက်ရေးဦးစီးဌာနအတွက် ကျပ်သန်း ၁၇၀ ကျော်၊ အပူပိုင်းဒေသစိမ်းလန်းစိုပြည်ရေးဦးစီးဌာနအတွက် ကျပ် ၇ သန်းကျော်၊ မြန်မာ့ရေနံနှင့် သဘာဝဓာတ်ငွေ့လုပ်ငန်းအတွက် ကျပ် ၆၇ သန်းကျော်၊ အားကစားနှင့် ကာယပညာဦးစီးဌာနအတွက် ကျပ် ၃၈ သန်းကျော်နှင့် ကျေးလက်လမ်းဖွံ့ဖြိုးရေး ဦးစီးဌာနအတွက် ကျပ်သန်း ၁၉၀ ကျော် သုံးစွဲမည်ဖြစ်ကြောင်း ယင်းဌာနထံမှ သိရသည်။

ယင်းမြို့၏ ပညာရေးကဏ္ဍအတွက် အသုံးပြုရာတွင် နည်းပညာ၊ သက်မွေးပညာနှင့် လေ့ကျင့်ရေးဦးစီးဌာနမှ ကျပ် သန်း ၁၁၀၀ ကျော်ကို ချောက်မြို့အစိုးရစက်မှုလက်မှုသိပ္ပံကျောင်းရှိ စာသင်ဆောင်နှင့် ဆရာ၊ ဆရာမများ အဆောင်ဆောက်လုပ်ခြင်းများ ဆောင်ရွက်မည်ဖြစ်ပြီး ကျန်ကျပ်သန်း ၈၀၀ ကျော်ကို ယင်းမြို့ အခြေခံပညာဦးစီးဌာန လက်အောက်ရှိ ကျေးရွာ ၁၅ ရွာမှ အခြေခံပညာကျောင်းများနှင့် မြို့ပေါ်ရှိ ကျောင်းများကို အသစ်တိုးချဲ့ဆောင်များ ဆောက်လုပ်ရာတွင် သုံးစွဲမည် ဖြစ်ကြောင်း ယင်းဌာနများထံမှ သိရသည်။

R-24