News

POST TYPE

LATEST NEWS POST

ဆိုလာစနစ်သုံးကား ကလေးနည်းပညာ တက္ကသိုလ်ကျောင်းသားများ တီထွင်
21-Nov-2018


ကလေး၊ နိုဝင်ဘာ ၂၀

လူငါးဦး စီးနိုင်သော ဆိုလာစနစ် သုံးကားကို ကလေးနည်းပညာတက္ကသိုလ် နောက်ဆုံးနှစ် ကျောင်းသား၊ ကျောင်းသူ များက တီထွင်လိုက်သည်။

အီလက်ထရွန်နစ်ဌာန ကျောင်းသား၊ ကျောင်းသူ ၁၀ ဦးက ဆိုလာသုံးကားကို စုပေါင်းတီထွင်ကာ တည်ဆောက်မှုကာလ ၂ လကြာမြင့်ခဲ့ပြီး ကုန်ကျစရိတ် ကျပ် ၂၅ သိန်းရှိကြောင်း ကားတီထွင်ခဲ့သော ကျောင်းသား၊ ကျောင်းသူများထံမှ သိရသည်။

ကားအမိုးတွင် ဆိုလာပြားများ တပ်ဆင်ကာ တစ်နာရီလျှင် ကီလိုမီတာ ၆၀ အထိ မောင်းနှင်နိုင်သည့်ကားကို တီထွင်ထားခြင်းဖြစ်ကြောင်း၊ ယင်းကားမှာ ကလေးမြို့နယ်တွင် ဆိုလာစနစ်ဖြင့် မောင်းနှင်နိုင်သော ပထမဆုံး အိမ်စီးကားဖြစ်ကြောင်း ဆိုလာကားတီထွင်ခဲ့သည့် ကျောင်းသားအဖွဲ့ခေါင်းဆောင် ကိုဇော်မင်းသူက ပြောကြားသည်။

“ဒီကျောင်းမှာ ဆိုလာကားက မရှိဘူး၊ ဒီနယ်မှာဆိုလို့ရှိရင်လည်း မရှိတော့ စမ်းကြည့်ချင်တယ်။ ဒါနဲ့ အရဲစွန့်ပြီးတော့ တစ်ခါမှလည်း မလုပ်ဖူးဘဲနဲ့ အရဲစွန့်ပြီးတော့ လုပ်လိုက်တာ”ဟု ၎င်းက ရှင်းပြသည်။

ဆိုလာစနစ်သုံးကားသည် လျှပ်စစ်ဖြင့် အားသွင်းမောင်းနိုင်သည့်ကားဖြစ်ပြီး ကျောင်းကား၊ ခရီးသည်ကား၊ ဂေါက်ကွင်းနှင့် ဟိုတယ်များတွင်လည်း အသုံးပြုနိုင်သဖြင့် ကလေးမြို့စက်မှုဇုန်ရှိ လုပ်ငန်းရှင်အချို့က အစီးရေများစွာ ထုတ်လုပ်ရောင်းချရန်အတွက် စိတ်ဝင်စားနေကြောင်း နည်းပညာတက္ကသိုလ်(ကလေး) အီလက်ထရွန်နစ်ဌာန ကထိကဌာနမှူး ဒေါ်နိုင်က ပြောသည်။

ဆိုလာစနစ်သုံးကားသည် ကုန်ကျစရိတ်၊ ပြင်ဆင်စရိတ် သက်သာပြီး မိုးရာသီတွင်ပါ သွားလာနိုင်သောကြောင့် တာဝန်ရှိသူများအနေနှင့် လိုင်စင်ထုတ်ပေးစေလိုကြောင်း ဆိုလာကား တီထွင်ခဲ့သည့် ကျောင်းသားအဖွဲ့ခေါင်းဆောင် ကိုဇော်မင်းသူက ပြောသည်။

R-20