News

POST TYPE

LATEST NEWS POST

မြန်မာနိုင်ငံတစ်ဝန်းမှ တရားမဝင် သစ်တန်ချိန် နှစ်သောင်းနီးပါးဖမ်းမိ
17-Oct-2018

ရန်ကုန်၊ အောက်တိုဘာ ၁၆

မြန်မာနိုင်ငံတစ်ဝန်း တိုင်းဒေသကြီးနှင့် ပြည်နယ်များမှ ယခုနှစ် ဧပြီလမှ စက်တင်ဘာလအတွင်း တရားမဝင်သစ် တန်ချိန် နှစ်သောင်းနီးပါးကို ဖမ်းဆီးရမိခဲ့ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနထံမှ သိရသည်။

အဆိုပါဖမ်းဆီးရမိမှုတွင် ကျွန်းသစ် တန်ချိန် ၅၀၀၀ ကျော်၊ သစ်မာတန်ချိန် ၅၃၀၀ ကျော်နှင့် အခြားသောသစ်တန်ချိန် ၈၀၀၀ ကျော်ကို ဖမ်းဆီးရမိခဲ့ကာ ယာဉ်၊ ယန္တရား ၁၉၉၂ စီးနှင့် တရားမဝင်သစ် သယ်ဆောင်သူဦးရေ ၃၂၆၅ ဦးကို ဖမ်းဆီးအရေးယူနိုင်ခဲ့ကြောင်း အဆိုပါဌာန အကြီးတန်းအရာရှိတစ်ဦးက ပြောကြားသည်။

တရားမဝင်သစ်ဖမ်းဆီးရမိမှု အများဆုံးဒေသမှာ ကချင်ပြည်နယ်၊ ရှမ်းပြည် နယ်၊ စစ်ကိုင်းတိုင်းဒေသကြီးနှင့် ပဲခူးတိုင်းဒေသကြီးတို့ဖြစ်ပြီး ကချင်ပြည်နယ်တွင် ကျွန်းနှင့်သစ်မာအပါအဝင် သစ်တန်ချိန် တစ်ထောင်ကျော်၊ ရှမ်းပြည်နယ်တွင် သစ်တန်ချိန် သုံးထောင်ကျော်နှင့် စစ်ကိုင်းတိုင်းဒေသကြီးတို့တွင် သစ်တန်ချိန် ခြောက်ထောင်ကျော် ဖမ်းဆီးရမိခဲ့ကြောင်း သစ်တောဦးစီးဌာနထံမှ သိရသည်။ 

မြန်မာနိုင်ငံ၏လက်ရှိသစ်တောဖုံး လွှမ်းမှုဧရိယာမှာ ၄၄ ဒသမ ၁၃ ရာခိုင်နှုန်းသာရှိပြီး ကမ္ဘာ့သစ်တောပြုန်းတီးမှုအများဆုံး နိုင်ငံများစာရင်းတွင် တတိယနေရာသို့ ရောက်ရှိနေသည်။ 

E-03