News

POST TYPE

LATEST NEWS POST

ကရင်-မြန်မာ-အင်္ဂလိပ်အဘိဓာန် ထုတ်ဝေမည်
28-Sep-2018
ပုသိမ်၊ စက်တင်ဘာ ၂၇

ဧရာဝတီတိုင်းအစိုးရအဖွဲ့ ကရင်တိုင်းရင်းသားရေးရာဝန်ကြီးရုံးမှ မြန်မာ-အင်္ဂလိပ်-ကရင် အဘိဓာန်ကို ပြုစုပြီး မကြာမီထုတ်ဝေမည်ဖြစ်ကြောင်း ကရင် တိုင်းရင်းသားရေးရာဝန်ကြီး ဂါ့မိုးမြတ်မြတ်သူက ပြောကြားသည်။

“၂၀၁၆ ကတည်းက ကြိုးစားဆောင်ရွက်လာတာပါ၊ ၂၀၁၈ မကုန်မီအတွင်းမှာတော့ ထုတ်ဝေသွားနိုင်မှာပါ၊ ကရင်လူမျိုးနဲ့ ဘာသာစကားအတွက်ကတော့ သမိုင်းမှတ်တိုင်တစ်ခုဖြစ်လာမှာပါ”ဟု ဝန်ကြီးက ပြောဆိုသည်။

ယင်းအဘိဓာန်စာအုပ်ကို ကရင်တိုင်းရင်းသားစာပေနှင့် ယဉ်ကျေးမှုအဖွဲ့နှင့် ကရင်လူမျိုးပညာရှင်များဖြင့် ပြုစုထားပြီး ကရင်ဘာသာအတွက် စကောကရင် တစ်အုပ်နှင့် ပိုးကရင်တစ်အုပ်ဟူ၍ ဘာသာနှစ်မျိုးဖြင့် ထုတ်ဝေမည်ဖြစ်ကြောင်း၊ ပိုးကရင်ဘာသာအတွက် ပြုစုပြီးဖြစ်၍ ရိုက်နှိပ်နေပြီး စကောကရင် ဘာသာအတွက် “အ” အက္ခရာတစ်လုံး ကျန်နေသေးသည့်အတွက် ဆက်လက်ဆောင်ရွက်နေကြောင်း ဧရာဝတီတိုင်းအစိုးရအဖွဲ့ထံမှသိရသည်။ 

“အဲဒီအဘိဓာန်တွေ ထွက်လာရင် တော်တော်လေးအဆင်ပြေပြီး တော်တော်ကောင်းလာမယ်လို့ ယူဆပါတယ်၊ ကရင်စာပေအသုံးအနှုန်းနဲ့ မြန်မာ၊ အင်္ဂလိပ်ဘာသာတွေရဲ့အသုံးအနှုန်းကို အလွယ်တကူလေ့လာလို့ရမယ့်အပြင် ကရင်စာပေနဲ့ ယဉ်ကျေးမှုကို မြှင့်တင်ရာလည်းရောက်ပါတယ်”ဟု ညောင်တုန်းမြို့မှ မန်းကျော်ဆန်းက မှတ်ချက်ပေးသည်။ 

R-11


  • VIA