News

POST TYPE

LATEST NEWS POST

စစ်အုပ်ချုပ်ရေးက ပြီးကောင်းပြီးပြီဆိုပေမယ့် မြန်မာ့ရုပ်ရှင်လုပ်ငန်းကတော့ ပေါချာချာနဲ့ အတိတ်မှာ ကျန်နေတုန်း
26-Sep-2018


Time မဂ္ဂဇင်းပါ Aung Kaung Myat ၏ ဆောင်းပါးကို သန့်ဇင်စိုး ဘာသာပြန်ဆိုဖော်ပြသည်။

ဆောင်းပါးပါ အကြောင်းအရာများသည် The Voice Daily ၏ အာဘော်မဟုတ်ဘဲ မူရင်းသတင်း ဆောင်းပါးပါအချက်အလက်များကို သတင်းစာဖတ်ပရိသတ်များ သိရှိသင့်သည်ဟုယူဆ၍ ဘာသာပြန်ဆိုဖော်ပြခြင်းဖြစ်သည်။

အောင်ပဒင်း အင်းပဒေါင် ဇာတ်ကားအကြောင်း ပြောသည့်အခါ ကယန်းတိုင်းရင်းသားအစုအဖွဲ့၏ စာပေနှင့်ယဉ်ကျေးမှုကော်မတီ အတွင်းရေးမှူး ခွန်လွီးစီ အလွန်စိတ်ဆိုး ဒေါသထွက်သွားသည်။ အဆိုပါဇာတ်ကားထဲတွင် ပဒေါင်ဟု လူသိကြသော ကယန်းရပ်ရွာတစ်ခုမှ အမျိုးသမီးတစ်ဦးကို တိရစ္ဆာန်ရုံမှ အကောင်တစ်ကောင်လို သစ်ကုလားအုတ်နားတွင် ပြထားသည်။ (ပဒေါင်အမျိုးသမီးများသည် ကြေးကွင်းများ တပ်ထားသော လည်ရှည်ကြောင့် ကျော်ကြား၏) ရုပ်ရှင်ထဲမှ အခြားအခန်းတစ်ခုတွင်လည်း ပဒေါင်အမျိုးသမီးတစ်ဦးထံသို့ ငှက်ပျောသီးကို တုတ်နဲ့ထိုးကာ ကျွေးနေခြင်း ပါဝင်ပါသည်။ ကယန်းရပ်ရွာ၏ ကန့်ကွက် ဆန္ဒပြမှုများကြောင့် ဇာတ်ကားထုတ်လုပ်သူမှာ တောင်းပန်ခဲ့ရပြီး ဇာတ်ကားကိုလည်း မဖြန့်ချိရတော့ပေ။

သို့သော် ကယန်းများသာ ထိုသို့ လုပ်ပြခံနေရခြင်းမဟုတ်ပေ။ ဆယ်စုနှစ် ငါးခုခန့်ကြာခဲ့သော စစ်အုပ်ချုပ်ရေး၏ တင်းကျပ်သော ဆင်ဆာစနစ်က သင့်လျော်သော ရုပ်ရှင်ယဉ်ကျေးမှု တိုးတက်မည့် အခွင့်အလမ်းများကို ချိုးနှိမ်လိုက်ခြင်း၏ ရလဒ်အဖြစ် လူမျိုးရေး ခွဲခြားမှု၊ လိင်တူမလိုလားမှု၊ မွတ်ဆလင် ဆန့်ကျင်ရေး သဘောထားတို့ကို မြန်မာရုပ်ရှင်များထဲတွင် ဖောချင်း သောချင်း ဖြစ်နေသည်ဟု လောကသားများက ဆိုသည်။

“လူနည်းစု တိုင်းရင်းသားများကို စိတ်ဒဏ်ရာတစ်ခု ရစေခဲ့တယ်”ဟု ခွန်လွီးစီက TIME ကို ပြောကြားသည်။

၁၉၄၈ ခုနှစ်တွင် ဗြိတိသျှလက်အောက်မှ လွတ်လပ်ရေးရပြီးနောက်ပိုင်း လူမျိုးရေး တင်းမာမှုများကြောင့် ဒုက္ခပင်လယ်ဝေခဲ့ရသော အဆိုပါ အရှေ့တောင်အာရှနိုင်ငံတွင် လူနည်းစုများသည် လွယ်လင့်တကူ ထိပါးနိုင်သောပစ်မှတ်များ ဖြစ်ခဲ့သည်။ လူများစု ဗမာမျိုးနွယ်ဝင်ဖြစ်သော လွတ်လပ်ရေးဗိသုကာ ဗိုလ်ချုပ်အောင်ဆန်းက တိုင်းရင်းသားလူမျိုးစု ခေါင်းဆောင်များနှင့် ဖက်ဒရယ်စနစ်အစိုးရပုံစံကို သဘောတူခဲ့သော်လည်း သဘောတူညီချက်ကို အကောင်အထည်မဖော်ခင်မှာပင် သူ လုပ်ကြံခံခဲ့ရသည်။ ထို့နောက်ပိုင်းများတွင် ၁၃၅ မျိုးကျော်သော မြန်မာ့တိုင်းရင်းသားအစုအဖွဲ့များသည် စစ်အုပ်ချုပ်ရေးအောက်တွင် မကျေမချမ်း နေထိုင်ခဲ့ရပြီး အချို့က လက်နက်ကိုင်ခဲ့ကြသည်။

စစ်အစိုးရနေရာတွင် စစ်တပ်က ကျောထောက် နောက်ခံပြုပေးထားသော အရပ်သားအစိုးရ ၂၀၁၁ တွင် တက်လာခဲ့သော်ငြား မျှော်လင့်ထားသော တစ်ခေတ်ဆန်းလာမည့် ပြည်တွင်းရုပ်ရှင်ကိုကား မမြင်ရသေးချေ။ ထို့ပြင် လက်ရှိအာဏာရ အမျိုးသားဒီမိုကရေစီအဖွဲ့ချုပ် (NLD) အစိုးရလက်ထက်တွင်လည်း ဆင်ဆာ လက်တံက ကျန်နေသေးသည်။ အင်ဒီရုပ်ရှင်ရိုက်ကူး သူ (Independent filmmaker) သည်မော်နိုင်၏ ၂၀၁၄ ထွက် The Mon ရုပ်ရှင်ကားသည် ပြီးခဲ့သည့်နှစ်များအတွင်း အရည်အသွေးရှိရှိ ထွက်လာသော ရုပ်ရှင်အနည်းငယ်ထဲက တစ်ခုဖြစ်ကာ နိုင်ငံတကာ ရုပ်ရှင်ပွဲတော်များက ကြိုဆိုခဲ့ကြသည်။ သို့သော် မြန်မာပြည်တွင် ပြလို့ကတော့မရ။ ဘုန်းကြီးလောက ဘုန်းကြီးဘဝတွေအတွင်း တကယ်ဖြစ်နေချက်များကို သရုပ်ဖော်ပြသထားမှုသည် ဗုဒ္ဓဘာသာလွှမ်းမိုးသော တိုင်းပြည်တွင် အာဏာပိုင်များက လိုလားသော အမွှမ်းတင်ဖော်ပြသည့် ပြသခြင်းမျိုးနှင့် ကွဲလွဲနေသောကြောင့်ဖြစ်သည်။

သို့ဖြင့် ပရိသတ်များသို့ ခပ်နိမ့်နိမ့်ကားများသာ ခပ်ချာချာ ရုပ်ရှင်လုပ်ငန်းဖြင့် တင်ဆက်တော့သည်။ မွဲပြာပုဆိုး ဇာတ်ကွက်များ၊ ဖန်တရာတေ အာဘော်များနှင့် လက်တစ်ဆုပ်စာ နာမည်ကျော်သရုပ်ဆောင်များကို ပြစားခြင်းဖြင့်သာ ဖြစ်ပေသည်။ ယင်းသို့လုပ်ခြင်းသည် ဆင်ဆာရရန် အလုံခြုံဆုံးနည်းဖြစ်ပြီး တပ်မတော်၏ မလိုလား ဆန့်ကျင်ခြင်းကိုလည်း ရှောင်နိုင်မည်ဖြစ်သည်။ အဆိုပါဖော်မြူလာဖြင့်ပင် ရုပ်ရှင်လောက ရှေ့ဆက်လာခဲ့သည်။ ၂၀၁၇ တွင် ပြည်တွင်းရုပ်ရှင် ၅၃ ကား ရုံတင်ခဲ့သည်။ ၂၀၁၆ တွင် ရုံတင်ပြသခဲ့သည့် ကားများအရေအတွက်နှင့်ယှဉ်လျှင် နှစ်ဆနီးပါးဖြစ်သည်။

သေသေချာချာ ရုပ်ရှင်ရိုက်ကြပါသော အနည်းငယ်သာရှိသည့် ရုပ်ရှင်ဒါရိုက်တာများထဲတွင် တစ်ဦး အပါအဝင်ဖြစ်သူ ငါးထပ်ကွမ်းအကယ်ဒမီ ကြည်စိုးထွန်းက ပညာရေးအဆင့်နိမ့်ကျခြင်းကို အပြစ်တင်ခဲ့သည်။ “ပရိသတ်က ခေတ်မီလာမယ်ဆိုရင် ရုပ်ရှင်တွေလည်း ခေတ်မီလာမှာပဲ”ဟု ၎င်းက TIME ကို ပြောကြားခဲ့သည်။ ကိုယ့်ကိုယ်ကိုယ် အဟုတ်ထင်နေသော ရုပ်ရှင်လောက၏အမှားဟု ရုပ်ရှင်ဝေဖန်ရေးသမား ကျော်သက်ဆွေက ပြောကြားသည်။ “ထုတ်တဲ့သူရော ပရိသတ်ကရော တာဝန်ရှိပါတယ်။ မြန်မာပြည်မှာက အရည်အသွေးကောင်း ရုပ်ရှင်မရှိတာ ဆယ်စုနှစ်တစ်ခုလောက်ရှိပြီ”ဟု ၎င်းကဆိုသည်။

ခွဲခြားဆက်ဆံခြင်းသည် လုပ်အပ်သောအရာဟု လူ အတော်များများက ထင်နေခြင်း

အရည်အသွေးရှိပါသည်ဟု ပြောနေကြသည့် ရုပ်ရှင်များတွင်ပင်လျှင် အသားသေနေသော ပုံသေကားကျ သတ်မှတ်ခြင်းများ ပါလာတတ်သည်။ ၂၀၁၇ ထွက် ရုပ်ရှင်အုတ်ကြားမြက်ပေါက်သည် အကောင်းဆုံး ရုပ်ရှင်ဆု၊ အကောင်းဆုံး သရုပ်ဆောင်ဆုနှင့် အကောင်းဆုံး ဒါရိုက်တာဆုတို့ ရသွားခဲ့သည်။ ရုပ်ရှင်ထဲတွင် ထွန်းထွန်းက သရုပ်ဆောင်ထားသော အဓိကဇာတ်ကောင် ဖိုးသကြား ထောင်ကထွက်လာသောအခါ သူ့အိမ်ဖြစ်ခဲ့ဖူးသောနေရာတွင် နေထိုင်ကြသည့် မွတ်ဆလင်မိသားစု၏ နှုတ်ဆက်ခြင်းကိုသာ ရခဲ့သည်။ အဆိုပါ မွတ်ဆလင်များသည် ဖိုးသိကြား၏ဖခင် ကူညီပေးထားသော ကွပ်ပျစ်ကလေးဖြင့် အိမ်ရှေ့တွင် နေထိုင်အိပ်စက်ခဲ့ကြသူများ ဖြစ်သည်။ သို့သော် ဇာတ်လိုက်တို့ မိသားစု စီးပွားကျသောအခါ သူတို့က အိမ်ကို ဝယ်လိုက်သည်ကို ပြထားသည်။

ယင်းသို့ ဖန်တီးပြသထားသော အခန်းသည် မြန်မာ့မျိုးချစ်များ၏ ပြောဆိုမှု ဇာတ်လမ်းများဖြစ်သော မွတ်ဆလင်များသည် ဗုဒ္ဓဘာသာ အိမ်ရှင်များ၏ဖော်ရွေပျူငှာမှုကို အခွင့်ကောင်းယူကာ ကျူးကျော်သူများ ဖြစ်သည်ဆိုသော အကောက်အယူကို ဇာတ်လမ်း ဖန်တီး ထည့်သွင်းထားခြင်းဖြစ်သည်။

ထိုရုပ်ရှင်ထဲမှာပင် နောက်ထပ် သရုပ်ဆောင်ဖြစ်သော နေတိုးက ငှက်များနှင့် အသိုက်အကြောင်းကို ရှည်ကြာစွာ ပြောကြားပြခဲ့သည်။ ငှက်တစ်ကောင်ဟာ အခြားငှက်သိုက်ကို ကျူးကျော်ပြီဆိုရင် အကျူးကျော်ခံရတဲ့ငှက်တွေဟာ နောက်ဆုံးအထိ ကာကွယ်ရမည်ဖြစ်ပြီး ကျူးကျော်သူကို အတောင်ချိုးကာ ပင်လယ်ထဲ ပစ်ရမည်ဟု ပြောကြားခဲ့သည်။ ဘာကိုပြောချင်သည်ဆိုသည်ကို မြန်မာတိုင်း နားလည်ပါသည်။ မွတ်ဆလင်များကို မလိုလားမှုက ဥပဒေထဲထိ ရောက်သွားခဲ့ပြီဖြစ်သည်။ ယခုအခါ ဖျက်သိမ်းရပြီဖြစ်သော အမျိုး ဘာသာ သာသနာ စောင့်ရှောက်ရေးအဖွဲ့ (မဘသ)သည် ၂၀၁၅ က စစ်တပ်က ထောက်ခံပေးထားသော အစိုးရကို အောင်မြင်စွာ ချဉ်းကပ်စည်းရုံးနိုင်ခဲ့ပြီး ဗုဒ္ဓဘာသာအမျိုးသမီးနှင့် ဘာသာခြားအမျိုးသားတို့ လက်ထပ်ခြင်းကို တားမြစ်သည့် အစိုးရခွင့်ပြုချက်မရဘဲ ဘာသာပြောင်းခြင်းကို တားမြစ်သည့်ဥပဒေကို အတည်ပြုနိုင်ခဲ့သည်။

မကြာသေးခင်က မွတ်ဆလင်ကို မလိုလားသည့် ခံစားချက်များသည် မြန်မာနိုင်ငံ အနောက်ပိုင်းရှိ မွတ်ဆလင်လူနည်းစု ရိုဟင်ဂျာများ (မူရင်းဆောင်းပါး၏ အသုံးအနှုန်း) ကို အကြမ်းဖက် ဖိနှိပ်မှုများအဖြစ် ပြောင်းသွားခဲ့သည်။ စစ်တပ်၏ စစ်ဆင်ရေးများမှလွတ်ရန် အိမ်နီးချင်း ဘင်္ဂလားဒေ့ရ်ှဘက်သို့ အနည်းဆုံး ရိုဟင်ဂျာ ခုနစ်သိန်းခန့် တိမ်းရှောင်ထွက်ပြေးခဲ့ကာ နေအိမ်များကို မီးရှို့ခြင်း၊ လူသတ်ခြင်း၊ မုဒိမ်းကျင့်ခြင်းစသည့် စွပ်စွဲမှုများလည်း ရှိသည်။

“မွတ်ဆလင်တွေကို ခွဲခြားဆက်ဆံတာဟာ ဘာမှမဖြစ်တဲ့အရာလို့ လူအတော်များများက ထင်နေကြပါတယ်”ဟု York Center for Asian Research နှင့် လုပ်ငန်းဆောင်ရွက်သည့် သုတေသီ စိုင်းလတ်က TIME သို့ ပေးပို့သည့် အီးမေးလ်တွင် ပြောကြားခဲ့သည်။ “လူတွေက ဒါကို လက်ခံလို့ရတဲ့အရာလို့ ယူဆလိုက်ရင်၊ လူမျိုးရေးခွဲခြားမှုဟာ လူ့အဖွဲ့ အစည်းအတွင်းမှာ နေရာရလာတော့တာပဲ”ဟု ဆိုသည်။

အုတ်ကြားမြက်ပေါက် ဇာတ်ကားနှင့်ပတ်သက်ပြီး မြန်မာနိုင်ငံ ရုပ်ရှင်အစည်းအရုံးသို့လည်းကောင်း၊ NLD ခေါင်းဆောင် ဒေါ်အောင်ဆန်းစုကြည်၏ ရုံးအပါအဝင် အစိုးရအဖွဲ့အစည်း များစွာသို့လည်းကောင်း တိုင်ကြားခဲ့သော်လည်း မည်သည့်တုံ့ပြန်မှုမျိုးမှ မရခဲ့ဟု အစ္စလာမ်သာသနာ့ရေးရာကောင်စီမှ အထွေထွေ အတွင်းရေးမှူး ဦးတင်မောင်သန်းက ပြောကြားသည်။ “ကျွန်တော်တို့ ကန့်ကွက်မှုကို အာဏာပိုင်တွေက အရေးယူဆောင်ရွက်ခြင်း မပြုတဲ့အပြင် ဒီရုပ်ရှင်က ဆုတွေတောင် ရသွားလိုက်ပါသေးတယ်”ဟု ၎င်းက ပြောကြားသည်။

လူ့အခွင့်အရေးဆိုတာကို သူတို့နားမလည်ဘူး

အခြားလူနည်းစုများကိုလည်း ပြောချင်သလို ပြောလို့ရသည့်အရာများအဖြစ် ဆက်ဆံသည်။ အင်တာနက်ဝန်ဆောင်မှုလုပ်ငန်းတစ်ခုတွင် ဈေးကွက်မြှင့်တင်ရေး အမှုဆောင်အဖြစ် အလုပ်လုပ်နေသူ ဆုအောင်သည် သူငယ်ချင်းတစ်ဦး၏ ဖိတ်ခေါ်မှုကြောင့် ကြီးကြီးကျယ်ကျယ် ဆိုသည့်ကားကို သွားကြည့်မိရာ လိင်ပြောင်း အမျိုးသမီးများကို ဖော်ပြပုံနှင့် ပတ်သက်ပြီး တော်တော်ကြီး စိတ်ပျက်သွားခဲ့သည်။ အထူးသဖြင့် ယောက်ျားလေးများကို ပေါ်ပေါ်ထင်ထင်ကြီး သူငယ်ဖမ်းသည့်အခန်းမျိုးဖြစ်သည်။ “ကြည့်ရတာ အဆင်မပြေဘူး”ဟု ဆုအောင်က TIME ကို ပြောကြားသည်။

မြန်မာနိုင်ငံ မသန်စွမ်းသူများအဖွဲ့ချုပ်ဥက္ကဋ္ဌ ဦးအောင်ကိုမြင့်ကလည်း ပြည်တွင်းရုပ်ရှင်များတွင် မသန်စွမ်းဇာတ်ကောင်များသည် ရယ်ရရန်အတွက်သာ ထည့်ထားကြသည်ဟု ထောက်ပြ၏။ “ရုပ်ရှင်ရိုက်ကူးသူတွေက ဘာလို့ အဲဒီလိုလုပ်ကြလဲဆိုတော့ လူ့အခွင့်အရေး၊ လူသားဂုဏ်သိက္ခာတို့ကို သူတို့ နားမလည်လို့ပါ”ဟု ၎င်းကဆိုသည်။

မကောင်းသော သတင်းချည်းပဲတော့ မဟုတ်ပါ။ စစ်အစိုးရက တိုက်ရိုက်အုပ်ချုပ်သောခေတ် ပြီးသွားသောအခါ မျိုးဆက်သစ် ရုပ်ရှင်ဒါရိုက်တာများ ပေါ် ထွက်လာပြီး တစ်ယောက်စ နှစ်ယောက်စသည် လူဝင်များသော ထိပ်တန်းရုပ်ရှင်များအဖြစ် အောင်မြင်လာကြသည်။

နိုင်ငံခြားသား သူငယ်ချင်းများက မြန်မာခေတ် ပေါ်ရုပ်ရှင်ကားများအကြောင်းမေးတိုင်း ဘယ်ကားကိုညွှန်ရမှန်း မသိသောကြောင့်ဆိုသည့် အကြောင်းပြချက်ဖြင့် စင်ကာပူတွင် IT အလုပ်လုပ်နေသော ထုတ်လုပ်သူ၊ ဒါရိုက်တာ အာကာသည် မွေးရပ်မြေ မြန်မာသို့ ပြန်လာပြီး ရုပ်ရှင်ရိုက်ကူးသည်ဟု ဆိုသည်။ (အာကာ သည် ၎င်း၏ အနုပညာလုပ်ငန်းအမည်ဖြစ်သည်) ၎င်း၏ ပွဲဦးထွက်ရုပ်ရှင် ဒုဋ္ဌဝတီကိုကျော်လွန်၍ The Mystery of Burma သည် ရတနာသိုက်မုဆိုးဇာတ်ကားဖြစ်ပြီး ဝေဖန်ရေးများတွင်လည်းကောင်း၊ ငွေရေးကြေးရေးအရသော်လည်းကောင်း အောင်မြင်မှုများ ရရှိခဲ့သည်။ Myanmar Movie Review and Rating က အဆိုပါဇာတ်ကားကို ထိပ်တန်းအဖြစ် သတ်မှတ်ပေးခဲ့ကာ ကြည့်ထားမမှားဟု ပရိသတ်များကို ပြောကြားခဲ့သည်။ အာကာ၏ ထုတ်လုပ်ရေးကုမ္ပဏီသည် ယခုနှစ်ကုန်၌ နောက်ထပ်လေးကား ထွက်လာဖို့ ရှိနေသည်။

အင်ဒီအနုပညာရုပ်ရှင်ကားများ ပြသသည့်ပွဲတော်များ ထွက်ပေါ်လာပြီး လူငယ်ဒါရိုက်တာများအတွက် စင်မြင့်တစ်ရပ်ဖြစ်လာသည်။ အဆိုပါ ရုပ်ရှင်ပွဲတော်များသည် လူ့အခွင့်အရေး၊ လိင်တူလိင်စုံလိင်ပြောင်း LGBT အရေးကိစ္စများကဲ့သို့သော ခေါင်းစဉ်များကို ဖော်ပြလာကြသည်။ အင်ဒီရုပ်ရှင်ဖန်တီးသူလည်းဖြစ်ကာ၊ ဝဿန်ရုပ်ရှင်ပွဲတော်၏ တည်ထောင်သူများထဲမှ တစ်ဦးဖြစ်သော သိဒ္ဒိက ၂၀၁၇ ဝဿန် ရုပ်ရှင်ပွဲတော်အတွင်း မြန်မာရုပ်ရှင်ဒါရိုက်တာ လူငယ်များ ဖန်တီးကြသည့် မှတ်တမ်းရုပ်ရှင်နှင့် ဇာတ်ကားတို ၅၇ ကား ဝင်ရောက်ယှဉ်ပြိုင်ပါဝင်ခဲ့ကြောင်း TIME ကို ပြောကြားသည်။

သို့ပါသော် ပြည်သူ၏ တိမ်းညွတ်နှစ်သက်မှုကို ပြောင်းလဲရန်အတွက် ပင်မရေစီးရုပ်ရှင်စီးပွားဘက်သို့လှည့်ရန် အချိန်ယူရပေမည်။ ရုပ်ရှင်ဝေဖန်သူ ကျော်သက်ဆွေက မြန်မာကားများကို သုံးသပ်နေမှုများအား ရပ်လိုက်ပြီဖြစ်ကာ သူက ဝေဖန်ပြောဆိုတိုင်း ပရိသတ်များက ထိုးနှက်တိုက်ခိုက်ကြသောကြောင့်ဟုဆိုသည်။ “ကျွန်တော်တို့က မင်းသား၊ မင်းသမီးတွေကို ဝေဖန်တဲ့အခါ ပရိသတ်တွေက မကြိုက်ကြဘူး။ အောင်မြင်နေတာကို မနာလိုလို့ ထင်နေကြတယ်”ဟု ၎င်းကဆိုသည်။

လူနည်းစုများကို မကောင်းသဘောဆောင်သည့် ပုံသေကားကျ သတ်မှတ်ဖော်ပြခြင်းများက ရှိနေဆဲပင်။ ကယန်းစာပေနှင့်ယဉ်ကျေးမှု ကော်မတီအတွင်းရေးမှူး ခွန်လွီးစီက“သမိုင်းနဲ့ချီပြီး ပြောမယ်ဆိုရင် တိုင်းရင်းသားတွေက စိတ်နာခဲ့ရတယ်။ ဇာတ်ဝင်ခန်းထဲမှာ ဇာတ်လိုက်နေရာမရှိဘဲ ခံရတာမျိုးပဲရှိတယ်”ဟု ပြောပြသည်။