News

POST TYPE

LATEST NEWS POST

ပုဇွန်တောင် တည်းခိုခန်း လူသတ်မှု တရားခံဆိုသူ အမျိုးသမီးကိုဖမ်းမိ
21-Sep-2018



ရန်ကုန်၊ စက်တင်ဘာ ၂၁

မင်္ဂလာတောင်ညွန့်မြို့နယ်၊ အထက်ပုဇွန်တောင်လမ်း ရှိ ပုဇွန်တောင်ဈေးအနီး ရွိုင်ရယ် တည်းခိုခန်းတွင် အမျိုးသားတစ်ဦး ဓားဖြင့် ထိုးသတ်ခံရမှုမှ ပြစ်မှုကျူးလွန်ခဲ့သည်ဟု ဆိုသော အမျိုးသမီးကို စက်တင်ဘာလ ၂၁ ရက် နံနက်အစောပိုင်းက ဒေါပုံမြို့နယ်တွင် ဖမ်းဆီးရမိခဲ့ကြောင်း ရဲတပ်ဖွဲ့ထံမှ စုံစမ်းသိရှိရသည်။

လူသတ်မှုဖြင့် ဖမ်းဆီးခံရသူ အမျိုးသမီးက သေဆုံးသူ အမျိုးသားမှာ အိမ်ထောင်ရှိလျက်နှင့် ၎င်းကို လူပျိုဟု လီဆယ်ပြောဆိုပြီး ပေါင်းသင်းခဲ့သည့်အပြင် မြဝတီသို့ ခေါ်ဆောင်သွားပြီး နေအိမ်တစ်အိမ်တွင် ပစ်ထားခဲ့သောကြောင့် ယင်းအမျိုးသားကို စက်တင်ဘာလ ၁၆ ရက်နေ့ နံနက်ပိုင်းက ရိုင်ရယ်တည်းခိုခန်းသို့ ခေါ်ဆောင်လာပြီး အခန်းထဲတွင် ဓားဖြင့်ထိုးသတ်ခဲ့ကြောင်း ဝန်ခံထွက်ဆိုချက် ပေးထားသည်။

“သူတို့နှစ်ယောက်က Viber ကနေ တွေ့ဆုံပြီး ချစ်ကြိုက်ခဲ့ကြတယ်။ သေဆုံးသူက အိမ်ထောင်ရှိတယ် မြဝတီဘက်မှာ အီကြာကွေးရောင်းတယ်။ ကောင်မလေးကို သူက လူပျိုလို့ လီဆယ်ပြောဆိုပြီး ပေါင်းသင်းခဲ့ရာက အိမ်ထောင်ရှိမှန်း ပေါ်သွားလို့ အမျိုးသမီးက တရားရုံးမှာ တရားစွဲဆို ဦးတိုက်လျောက်ထားခဲ့တယ်။ ဒါပေမဲ့ သူ့ရဲ့တရားစွဲဆိုမှုကို လက်မခံခဲ့ဘူးလို့ အမျိုးသမီးထံက သိရပြီး သေဆုံးသူက မယားကြီးရှိတဲ့ မြဝတီဘက်ကို ထပ်ခေါ်သွားတယ်။ ဟိုရောက်တော့ အိမ်တစ်အိမ်မှာ သူ့ကို တစ်ယောက်ထဲ ပစ်ထားခဲ့တာကြောင့် ရန်ကုန်ပြန်လာပြီး သေဆုံးသူနဲ့ ပြန်ဆက်သွယ် တည်းခိုခန်းကို ခေါ်လာပြီး အခန်းထဲရောက်မှ ဓားနဲ့ ထိုးသတ်ခဲ့တာလို့ ထွက်ဆိုချက်ပေးထားတယ်”ဟု ရဲအရာရှိက ရှင်းပြသည်။

ရိုင်ရယ် တည်းခိုခန်း လေးလွှာရှိ အခန်းတစ်ခန်းထဲ၌ ကျောနှင့်ရင်ညွန့်တွင် ထိုးသွင်းဒဏ်ရာ တစ်ချက်စီဖြင့် သေဆုံးခဲ့သော အသက် ၃၂ နှစ် အမျိုးသားမှာ ခရမ်းမြို့နယ်၊ (၁၁) ရပ်ကွက် အနော်ရထာလမ်းတွင် နေထိုင်သူဖြစ်ပြီး ထိုင်း-မြန်မာနယ်စပ်ရှိ မြဝတီမြို့တွင် အီကြာကွေးရောင်းနေသူဖြစ်ကြောင်းနှင့် ၎င်းတွင် ဇနီးနှင့် သားသမီးရှိကြောင်း ရဲတပ်ဖွဲ့ထံမှ စုံစမ်းသိရှိရသည်။

“လူသတ်မှုနဲ့ ဖမ်းဆီးခံရတဲ့ အမျိုးသမီးက ဒေါပုံမှာရှိတဲ့ သူ့အမေအိမ် ပြန်လာချိန်မှာ အဖမ်းခံရတာ။ သူက ဆွံအနေသူ တစ်ယောက်တော့ မဟုတ်ပါဘူး”ဟု မင်္ဂလာတောင်ညွန့် မြို့မရဲစခန်းမှူးက ပြောသည်။

ရိုင်ရယ် တည်းခိုခန်းတွင် ဖြစ်ပွားခဲ့သည့် လူသတ်မှုကို အခင်းဖြစ်နေ့၌ စီအိုင်ဒီက လာရောက်စစ်ဆေးခဲ့ပြီးနောက် သေဆုံးသူအမျိုးသားတွင် ကာမဆက်ဆံထားသည်ကို မတွေ့ရှိရကြောင်းနှင့် သက်သေခံပစ္စည်း တစ်စုံတစ်ရာမှ မတွေ့ရှိခဲ့ကြောင်း တောင်လုံးပြန် ရပ်ကွက်အုပ်ချုပ်ရေးမှူးထံမှ စုံစမ်းသိရှိရပြီး ယင်းအမှုကို မင်္ဂလာတောင်ညွန့် မြို့မရဲစခန်းမှ လူသတ်မှု ပုဒ်မ ၃၀၂ ဖြင့် အမှုဖွင့် အရေးယူထားသည်။

S-03