News

POST TYPE

LATEST NEWS POST

နိုင်ငံတကာမွေးမြူရေးနှင့် စိုက်ပျိုးရေးပြပွဲ တတိယအကြိမ်ကျင်းပ


မန္တလေး၊ ဇွန် ၂၃

စိုက်ပျိုးရေးနှင့် မွေးမြူရေးလုပ်ငန်း လုပ်ကိုင်သူများအတွက် အခွင့်အလမ်း၊ စိန်ခေါ်မှု၊ အလားအလာနှင့် ရေရှည်ရပ်တည်နိုင်ရန် ဟောပြောဆွေးနွေးပွဲများပါဝင်သည့် နိုင်ငံတကာမွေးမြူရေးနှင့် စိုက်ပျိုးရေးပြပွဲကို မန္တလေးမြို့တွင် တတိယအကြိမ်မြောက် ကျင်းပလျက်ရှိသည်။

စိုက်ပျိုးမွေးမြူရေးနှင့်ပတ်သက်သည့် ကိရိယာများ၊ ဆေးဝါးများ၊ ပစ္စည်းများခင်းကျင်းပြသသည့် အဆိုပါပြပွဲကို မြို့တော်ခန်းမ၌ သုံးရက်ကြာကျင်းပမည်ဖြစ်ရာ ဇွန်လ ၂၃ ရက်နေ့က စိုက်ပျိုးရေး အခြေခံရင်းနှီးမြှုပ်နှံခြင်းအကြောင်း ဆွေးနွေးခဲ့ပြီး ဇွန်လ ၂၄ ရက်တွင် ကျွဲ၊ နွား၊ သိုး၊ ဆိတ်၊ ကြက်အစရှိသည့် မွေးမြူရေးဆိုင်ရာများ၊ ဇွန်လ ၂၅ ရက်နေ့တွင် ငါးမွေးမြူရေးဆိုင်ရာများ ဆွေးနွေးကြမည်ဖြစ်ကြောင်း မြန်မာနိုင်ငံမွေးမြူရေးလုပ်ငန်းအဖွဲ့ချုပ် မန္တလေးတိုင်းဥက္ကဋ္ဌ ဒေါက်တာကျော်ထင်က ပြောကြားသည်။

“မွေးမြူရေးသမားတွေရော တောင်သူတွေရော နိုင်ငံအသီးသီးကပြသတဲ့ ဆေးဝါးတွေ၊ အသုံးအဆောင်တွေကို တစ်နေရာတည်းမှာ ကြည့်လို့ရတယ်။ နောက်ပြီး ဆွေးနွေးပွဲတွေရှိတယ်။ ဆွေးနွေးပွဲတွေဆိုတာက ကိုယ်က လုပ်တော့ လုပ်နေတယ်။ ရေရှည်မှာ ဘယ်လိုရပ်တည်မလဲ။ ဒါတွေကိုနားထောင်ပြီး ပါဝင်ဆွေးနွေးလို့ရတယ်။ ဒါတွေက မွေးမြူသူအတွက် တောင်သူတွေအတွက် အကျိုးရှိနိုင်ပါတယ်”ဟု ၎င်းက ရှင်းပြသည်။

မြန်မာနိုင်ငံ၏စီးပွားရေးသည် စိုက်ပျိုးရေး၊ မွေးမြူရေးလုပ်ငန်းများဖြင့် အသက်မွေးဝမ်းကျောင်းပြုနေရရာ စိုက်ပျိုးမွေးမြူသူများ ကြွယ်ဝချမ်းသာရန်အတွက် သမားရိုးကျနည်းလမ်းဖြင့် မလုံလောက်ကြောင်း၊ ထွက်ရှိလာသည့်ထုတ်ကုန်များကို တန်ဖိုးမြင့်ထုတ်ကုန်အဖြစ် ထုတ်လုပ်ပေးနိုင်သည့် စက်မှုလုပ်ငန်းများ ထွန်းကားရန်လိုကြောင်း၊ ပြည်တွင်း အလုပ်အကိုင်အခွင့်အလမ်း ပေါ်ပေါက်ရန်နှင့် နိုင်ငံခြားဝင်ငွေတိုးတက်ရန် အရည်အသွေးမြင့် ထုတ်ကုန်များ ထုတ်လုပ်ရန်လိုအပ်ကြောင်း မန္တလေးတိုင်း၊ ကုန်သည်ကြီးများနှင့် စက်မှုလက်မှုလုပ်ငန်းရှင်များအသင်း ဥက္ကဋ္ဌ ဦးကျော်မင်းက “လယ်ယာထွက်ကုန်တွေကနေ စိုက်ပျိုးရေးအခြေခံ စက်မှုလုပ်ငန်းတွေ ထူထောင်နိုင်ဖို့ ဘယ်လိုလုပ်ကြမယ်။ စက်ရုံတွေလည်ပတ်တဲ့အခါမှာလည်း ပြည်သူတွေ ဘေးအန္တရာယ်ကင်းတဲ့ အစားအစာတွေကို ထုတ်လုပ်မယ်။ ပတ်ဝန်းကျင်ကို ထိခိုက်စေနိုင်တာတွေကို ဘယ်လိုကာကွယ်ကြမယ်ဆိုတာ ဆွေးနွေးကြတာ”ဟု ၎င်းက ပြောဆိုသည်။

ယခုပြပွဲတွင် ငါးမွေးမြူရေးလုပ်ငန်းနှင့် ပတ်သက်သည့် ဆွေးနွေးပွဲများပါဝင်ပြီး တရုတ်နိုင်ငံမှ လာရောက်ပြသသည့် ပြခန်းများအပါအဝင် ပြခန်းပေါင်း ၇၀ ကျော်ပါဝင်သည်။ 

M-07