News

POST TYPE

LATEST NEWS POST

သက်ငယ်မုဒိမ်း ကျူးလွန်သူကို သေဒဏ်ချမှတ်ရေး အထူးဥပဒေရေးဆွဲရန် အဆိုရှုံးနိမ့်
18-Jun-2018

 နေပြည်တော်၊ ဇွန် ၁၈

တစ်နေ့တခြား များပြားလာပြီး ထိတ်လန့်ဖွယ်ရာအဆင့်သို့ ရောက်ရှိနေသော သက်ငယ်မုဒိမ်းမှု ကျူးလွန်သူများအား ထိရောက်စွာ ဟန့်တားနိုင်ရန် အထူးဥပဒေတစ်ရပ် အမြန်ရေးဆွဲကာ ယင်းဥပဒေထဲတွင် ပြစ်မှုပြစ်ဒဏ်အပိုင်းကို သေဒဏ်ချမှတ်သည်အထိ တိတိကျကျ ရေးဆွဲပြဋ္ဌာန်းပေးရန် ပြည်ထောင်စုအစိုးရအား တိုက်တွန်းကြောင်း အဆိုကို လွှတ်တော်ကအတည်မပြုဘဲ မှတ်တမ်းအဖြစ်သာထားရှိရန် ဆုံးဖြတ်လိုက်သည်။

ယင်းအဆိုကို ရသေ့တောင် မဲဆန္ဒနယ်မှ ဒေါ်ခင်စောဝေက ပြည်သူ့လွှတ်တော်သို့ တင်သွင်းထားခြင်းဖြစ်ပြီး ယနေ့ (ဇွန် ၁၈ ရက်) ကျင်းပသော ပြည်သူ့လွှတ်တော် အစည်းအဝေးတွင် ကိုယ်စားလှယ် ၄ ဦးက ဆွေးနွေးကာ အထက်ပါအတိုင်း ဆုံးဖြတ်ခဲ့ခြင်းဖြစ်သည်။

ယင်းအဆိုနှင့်ပတ်သက်၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ ဒုတိယဝန်ကြီး ဦးစိုးအောင်၊ ပြည်ထောင်စု တရားလွှတ်တော်ချုပ် တရားသူကြီး ဦးမျိုးတင့်၊ ပြည်ထဲရေး ဒုတိယဝန်ကြီး ဗိုလ်ချုပ်အောင်သူ၊ ပြည်ထောင်စု ရှေ့နေချုပ်ရုံးမှ ဒုတိယရှေ့နေချုပ် ဦးဝင်းမြင့်တို့က လာရောက်ရှင်းလင်းခဲ့ရပြီး ဌာနနှစ်ခုက အကြံပြုပြောကြားခြင်းနှင့် ဌာနနှစ်ခုက လွှတ်တော်တွင် မှတ်တမ်းအဖြစ်သာထားရှိရန် ပြောကြားခဲ့သည်။

အဆိုတစ်ခုနှင့်ပတ်သက်၍ ဝန်ကြီးဌာနလေးခုမှ လာရောက်ရှင်းလင်းရခြင်းသည် လွှတ်တော်၏ ၇ နှစ်ကျော် သက်တမ်းတွင် ပထမဆုံးအကြိမ် ဖြစ်သည်။

ယင်းအဆိုကိုတင်သွင်းသူ ဒေါ်ခင်စောဝေက အတည်ပြုပေးရန် ပြောကြားသဖြင့် မဲခွဲဆုံးဖြတ်ရာတွင် ကိုယ်စားလှယ် ၃၈၅ ဦးအနက် အတည်ပြုရန် ထောက်ခံမဲ ၁၄၁ မဲပေးခဲ့ကြပြီး မှတ်တမ်းအဖြစ်ထားရန် ၂၂၇ မဲ၊ ကြားနေ ၄ မဲပေးခဲ့ခြင်းဖြစ်သည်။

ထောက်ခံမဲ ရလဒ်အရ တပ်မတော်သား လွှတ်တော်ကိုယ်စားလှယ်များကလည်း အဆိုကို အတည်ပြုရန် ထောက်ခံမဲပေးခဲ့ခြင်းဖြစ်သည်။

အဆိုနှင့်ပတ်သက်၍ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုဝန်ကြီးက ၁၉၉၃ ခုနှစ် ကလေးသူငယ်ဥပဒေကို ပြန်လည်စိစစ်၍ ပြင်ဆင်ရေးဆွဲနေသည့်အပြင် အမျိုးသမီးများ အကြမ်းဖက်မှု ကာကွယ်တားဆီးရေး ဥပဒေမူကြမ်းကိုလည်း ရေးဆွဲနေကြောင်း ပြန်လည် ရှင်းလင်းပြောကြားခဲ့သည်။

“အဲဒီဥပဒေကြမ်းတွေကို လွှတ်တော်ကို ရောက်အောင်ပို့ပေးရမှာ အစိုးရရဲ့တာဝန်ပဲ၊ အမြန်ဆုံးပို့ပေးဖို့လိုပါတယ်”ဟု ဒေါ်ခင်စောဝေက The Voice သို့ ပြောသည်။

ယင်းအဆိုနှင့်ပတ်သက်၍ ပြည်ထောင်စုတရားလွှတ်တော်ချုပ် တရားသူကြီးဦးမျိုးတင့်က “ကလေးသူငယ်အပေါ် ပြုကျင့်သည့် မုဒိမ်းမှုကျူးလွန်သူအပေါ် သေဒဏ်ချမှတ်မည်ဆိုပါက မုဒိမ်းကျင့် လူသတ်မှုနှင့် ပြစ်ဒဏ်အတိုင်းအဆ တူညီသွားမည်ဖြစ်တယ်။ ယင်းကဲ့သို့ တူညီသွားသည့်အတွက် မူခင်းသဘာဝအရ မမြင်ကွယ်ရာ၊ ဆိတ်ကွယ်ရာ ညလို အချိန်မျိုးမှာ ကျူးလွန်လေ့ရှိသည့် ကာမရာဂစိတ်ဖိစီးနေသူ တရားခံက မိမိကျခံရမည့် ပြစ်ဒဏ်နှင့်အတူ မိမိအပေါ် သေဒဏ်ကျအောင် စွပ်စွဲထွက်ဆိုမယ့် အဓိကသက်သေဖြစ်တဲ့ အပြုကျင့်ခံ ကလေးသူငယ်ကို သက်သေခံ ဖျောက်ဖျက်တဲ့အနေနဲ့ နှုတ်ပိတ် သတ်ဖြတ်မှုများ ပိုမိုများပြားလာနိုင်သည့်အတွက် အပြုကျင့်ခံ ကလေးသူငယ်များ၏ အသက်အန္တရာယ်လုံခြုံမှုကို ထည့်သွင်းစဉ်းစားသင့်ပါကြောင်း အကြံပြုအပ်ပါတယ်”ဟုဆိုသည်။

အလားတူ အရွယ်မရောက်သေးသည့် ယောက်ျားလေးများအပေါ် ကျူးလွန်သည့် ဓမ္မတာနှင့် ဆန့်ကျင်သော ပြစ်မှုများကိုပါ ထည့်သွင်းစဉ်းစားရန် လိုအပ်ကြောင်း ၎င်းက ထပ်လောင်းပြောသည်။

“အသက် ၁၆ နှစ်အောက် မိန်းမငယ်နှင့် ယောက်ျားတစ်ဦးတို့ ကာမစပ်ယှက်ခြင်းဟာလည်း ဥပဒေအရ မုဒိမ်းမှုမှာ အကျုံးဝင်နေတာကိုတွေ့ရမှာ ဖြစ်ပါတယ်။ ရာဇသတ်ကြီး ဥပဒေပုဒ်မ ၃၇၅မှာ ခွင့်ပြုသည်ဖြစ်စေ၊ ခွင့်မပြုသည်ဖြစ်စေ အသက် ၁၆ နှစ်အောက် အမျိုးသမီးနှင့် ကာမစပ်ယှက်လျှင် မုဒိမ်းမှုမြောက်မှာဖြစ်ပါတယ်။ ယနေ့အချိန်အခါမှာ လူငယ်လူရွယ် အသက် ၁၅ နှစ်လောက် လူငယ်တွေမှာ သဘာဝအလျောက် ချစ်ကြိုက်၊ စိတ်အလိုလိုက်ပြီးနောက် အကြောင်းအမျိုးမျိုးကြောင့် အဆင်မပြေတဲ့အခါမှာ မိန်းမငယ်ရဲ့ အသက် ၁၆ နှစ်အောက်ဖြစ်တာကြောင့် မုဒိမ်းမှုအဖြစ် အရေးယူရတဲ့ဖြစ်စဉ်တွေ များစွာ ရှိပါတယ်။ ဒီအချက်ကို ထည့်သွင်းစဉ်းစားရမှာဖြစ်ပါတယ်”ဟု ပြည်ထောင်စုရှေ့နေချုပ်ရုံးမှ ဒုတိယရှေ့နေချုပ် ဦးဝင်းမြင့်က တင်ပြပြောဆိုခဲ့သည်။

လတ်တလောတွင် အသက် ၁၈ နှစ်အောက် မိန်းကလေးနှင့် ကာမစပ်ယှက်လျှင် မိန်းကလေးက သဘောတူညီစေကာမူ မုဒိမ်းမှုအဖြစ် သတ်မှတ်ဖွယ်ရာရှိကြောင်းဖြင့် ၎င်းက ရှင်းလင်းတင်ပြခဲ့သည်။

S-01