News

POST TYPE

LATEST NEWS POST

တရားဥပဒေစိုးမိုးရေး ဘယ်သူ့တာဝန်လဲ (Daily, Vol-6/No-23)
လက်ရှိ မြန်မာနိုင်ငံတွင် ဖြစ်ပေါ်နေသော အခြေအနေ အရပ်ရပ်နှင့်ပတ်သက်၍ တာဝန်အရှိဆုံးမှာ လက်ရှိ အာဏာသုံးရပ်၊ တပ်မတော်နှင့် တိုင်းရင်းသား လက်နက်ကိုင်အဖွဲ့များဟု ဆိုနိုင်သည်။ အာဏာသုံးရပ်နှင့် တပ်မတော်မှာမူ ဖွဲ့စည်းပုံအခြေခံဥပဒေအရပင် တရားဝင် တာဝန်ရှိသူများဖြစ်ကြပြီး တိုင်းရင်းသား လက်နက်ကိုင်အဖွဲ့များမှာမူ ဥပဒေအရမဟုတ်သော်ငြား သွယ်ဝိုက်၍ တာဝန်ရှိသူများဖြစ်ကြသည်။

လတ်တလော ရင်ဆိုင်နေရသည့် ပြည်တွင်း၊ ပြည်ပဖိအားများ၊ ပြဿနာများ၊ အခက်အခဲ၊ အကျပ်အတည်းများမှာ ဘယ်သူမပြု မိမိမှု ဆိုသကဲ့သို့ ခေတ် အဆက်ဆက်မှသည် ယနေ့ထိတိုင် အာဏာကို ချုပ်ကိုင်စေစားလာခဲ့သူများ ကိုယ်တိုင် ချမှတ်၊ ဆောင်ရွက်ခဲ့သော မူဝါဒ၊ လုပ်နည်းလုပ်ဟန်၊ နည်းနာတို့၏ အားနည်းချက်ကြောင့် ပေါ်ထွက်လာသော အကျိုးဆက်များဖြစ်သည်။

နေရာတိုင်း၊ နယ်ပယ်တိုင်း၊ ကဏ္ဍတိုင်းတွင် ဖြစ်ပေါ်နေသော ပြဿနာ များကို လေ့လာကြည့်သည့်အခါ ယင်းပြဿနာများ ပေါ်ပေါက်လာစေသည့် အရင်းခံအကြောင်းအရင်းများစွာ ရှိသည့်အနက် တရားဥပဒေစိုးမိုးမှု မရှိခြင်း မှာ အဓိကအချက် ဖြစ်နေသည်။

ဥပဒေသည် ဗြိတိသျှကိုလိုနီအစိုးရလက်ထက်က ပြဋ္ဌာန်းထားခဲ့သော တည်ဆဲဥပဒေများကို ယနေ့အထိတိုင် ဆက်ခံကျင့်သုံးနေပြီး အာဏာရှင် အစိုးရများလက်ထက်တစ်လျှောက် မိမိတို့ အာဏာတည်မြဲရေး၊ မိမိတို့ ဩဇာ၊ အာဏာ၊ စည်းစိမ်ချမ်းသာ ကာကွယ်ရေး၊ မိမိတို့အပေါ် တန်ပြန်တော်လှန် လာနိုင်ခြေရှိသည်များကို နှိမ်နင်းဖိနှိပ်ရေးတို့အတွက် သီးခြားပြဋ္ဌာန်းသော ဥပဒေများမှအပ နိုင်ငံတော်နှင့် နိုင်ငံသားများ အကျိုးကို ရှေးရှုမျှော်ကိုးသည့် တရားဥပဒေပြုစုပြဋ္ဌာန်းနိုင်မှု လွန်စွာ နည်းပါးခဲ့သည်။

ဥပဒေဆိုသည်မှာ သက်ဆိုင်ရာ ပြည်သူ၊ ပြည်သားများကို စည်းကမ်းတကျ၊ နည်းလမ်းမှန်စွာ နေထိုင်၊ စားသောက်၊ လုပ်ကိုင်နိုင်စေရန်၊ မသမာသူများ၏ နှောင့်ယှက်၊ စော်ကား၊ တိုက်ခိုက်ခြင်းမှ အကာအကွယ်ပေးရန်နှင့် နိုင်ငံသား အားလုံး မျှတသော ဥပဒေစည်းကမ်းများအောက်တွင် တန်းတူညီမျှ ဖြစ်စေရန် လိုအပ်သော စည်းမျဉ်း၊ စည်းကမ်း၊ အကာအကွယ်များ ရံတား၊ အုပ်မိုးပေးထားသည့်သဘော ဖြစ်သည်။

သို့သော် လက်တွေ့အားဖြင့်မူ ပြည်သူလူထုက ဥပဒေဆိုသည်မှာ မိမိတို့အပေါ် တင်းကျပ်၊ ချုပ်ချယ်၊ ဖိနှိပ်၊ ကန့်သတ်၊ အပြစ်ရှာ၊ နှောင့်ယှက်၊ အနိုင်အထက်ပြု၊ ခွဲခြားဆက်ဆံရန် အာဏာကိုင်စွဲသူများက လိုရာဆွဲ အသုံးပြုနေသော လက်နက်ဆိုးသဖွယ် ရှုမြင်နေကြသည်။ ထိုရှုမြင်ချက်တို့ မှန်ကန်ကြောင်း သက်သေပြနေသည့် သာဓက အဖြစ်အပျက်များလည်း များစွာ ရှိနေခဲ့၊ ရှိနေဆဲဖြစ်သည်။

မော်တော်ဆိုင်ကယ်စီး ဦးထုပ် မဆောင်းထားသောကြောင့် သာမန် ယာဉ်တိုက်မှု တစ်ခုတွင်ပင် အသက် ဆုံးရှုံးသွားရသော လုပ်အားစွမ်းရည်မြင့် ငယ်ရွယ်သူများ ပြဿနာ၊ သက်တမ်းမစေ့မီ ပြိုကျပျက်စီးသွားသော လမ်းတံတားများ ပြဿနာမှသည် ဖွဲမီးကဲ့သို့ လောင်ကျွမ်းနေသော ဘာသာရေး၊ လူမျိုးရေး၊ နိုင်ငံရေး အမုန်းမီးများနှင့် ပြည်တွင်းစစ် ပြဿနာအထိ ခြုံကြည့်ပါက တရားဥပဒေ စိုးမိုးမှုက အခရာ အကျဆုံး ဖြစ်နေပေသည်။

လက်ရှိ ဖွဲ့စည်းပုံ အခြေခံဥပဒေသည်ပင်လျှင် တရားဥပဒေ စိုးမိုးရေးကို အခိုင်အမာ အာမခံနိုင်မည့် အခြေအနေမျိုး ရှိ၊ မရှိ၊ ရှိခဲ့လျှင်ပင် ထိုအချက်ကို အပြည့်အဝ ကျင့်သုံးခွင့် မရှိစေရန် အခြားတစ်ဖက်မှ သွယ်ဝိုက် သို့မဟုတ် တိုက်ရိုက် ပိတ်ပင်ထားသည့် အခြေအနေများ ရှိနေသလောဟု စောကြောစရာများ ရှိနေဆဲ ဖြစ်သည်။

တရားဥပဒေ စိုးမိုးရေးဟုဆိုလျှင် သီအိုရီအရ ဥပဒေပြုရေး၊ အုပ်ချုပ်ရေး နှင့် တရားစီရင်ရေး ဒေါက်တိုင်သုံးခုက အဓိက ကျသည်ဆိုသော်ငြား မြန်မာနိုင်ငံတွင်မူ တပ်မတော်နှင့် တိုင်းရင်းသား လက်နက်ကိုင်အဖွဲ့များက ကူညီ၊ ပံ့ပိုး၊ အားပေး၊ ထောက်ခံခြင်း၊ ကိုယ်တိုင် လက်တွေ့ လိုက်နာဆောင်ရွက်ခြင်းတို့ မရှိပါက မြန်မာပြည်သူ၊ ပြည်သားများ နေရာမရွေး၊ အချိန်မရွေး အေးချမ်း၊ လုံခြုံ၊ စိတ်ချသော ခံစားမှုမျိုး စိတ်တုံးတုံးချ ရရှိရန် ခက်ခဲနေဦးမည်ဖြစ်ကြောင်း သတိပြုမိစေလိုရင်း ဖြစ်သည်။

အယ်ဒီတာ (၇-၅-၂၀၁၈)