News

POST TYPE

LATEST NEWS POST

လူရှစ်ဦး သေဆုံးခဲ့သည့် အန်စာတုံးကား မီးလောင်မှု ယနေ့ အပြီးသတ်အမိန့်ချမည်
20-Mar-2018 tagged as ကားမီးလောင်

ရန်ကုန်၊ မတ် ၂၀

ရန်ကုန်-မန္တလေး အမြန်လမ်းတွင် Hi Ace (အန်စာတုံး)ယာဉ်တစ်စီး မီးလောင်ရာမှ ယာဉ်ပေါ်ပါ လူရှစ်ဦး သေဆုံးမှုနှင့်ပတ်သက်၍ ပုဒ်မ သုံးခုဖြင့် တရားစွဲဆိုထားသော ယာဉ်မောင်း အမျိုးသားကို မတ်လ ၂၁ ရက်နေ့တွင် လှည်းကူးမြို့နယ် တရားရုံး၌ အမှုကို အပြီးသတ် စီရင်ချက် အမိန့်ချမှတ်မည်ဖြစ်ကြောင်း သေဆုံးသူ၏ မိသားစုဝင်များထံမှ သိရသည်။

ရာဇသတ်ကြီးပုဒ်မ ၃၀၄-က/ ၂၈၅/ ၂၇၉ ဖြင့် စွဲချက်တင် စစ်ဆေးနေသော ယာဉ်မောင်း ကိုအောင်ခန့်(ခ) ဇွဲမြန်မာမှာ ၂၀၁၇ ခုနှစ် ဇန်နဝါရီလ ၂၁ ရက် နံနက်ပိုင်းက ပုဂံဘုရားဖူးခရီးစဉ်မှ ရန်ကုန်သို့ အမြန်လမ်းအတိုင်း အန်စာတုံးကား မောင်းနှင်လာစဉ် မိုင်တိုင်အမှတ် ၄/၂ အနီး လမ်း၏ ဘယ်ဘက်တွင် ကာရံထားသော အလူမီနီယံ လက်တန်းဘောင်ကို ဝင်တိုက်မိပြီး ယာဉ်မီးလောင်မှု ဖြစ်ပွားခဲ့ကြောင်း၊ မီးလောင်မှုကြောင့် ယာဉ်ပေါ်ပါ ကိုးဦးအနက် ၎င်းတစ်ဦးတည်းသာ အသက်ရှင် လွတ်မြောက်ခဲ့ပြီး ရှစ်ဦးမှာ မီးလောင်သေဆုံးခဲ့ကြောင်း ရဲတပ်ဖွဲ့ထံမှ သိရသည်။

သေဆုံးသူများမှာ ဆဋ္ဌဂံဆောက်လုပ်ရေး လုပ်ငန်းပိုင်ရှင် ဦးဝင်းထွန်းနှင့် ယင်းကုမ္ပဏီမှ ဝန်ထမ်းများဖြစ်ပြီး ယင်းအမှုကို စီအိုင်ဒီမှ ကိုင်တွယ်စစ်ဆေးခဲ့ပြီးနောက် လှည်းကူးမြို့နယ်တရားရုံးတွင် ယင်းအမှုကို တရားစွဲဆို စစ်ဆေးခဲ့ရာတွင် တရားလိုပြသက်သေ ၂၂ ဦးကို စစ်ဆေးကာ ၂၀၁၇ ခုနှစ် ဒီဇင်ဘာလ ၂၉ ရက်နေ့က ယာဉ်မောင်း အောင်ခန့်(ခ) ဇွဲမြန်မာကို ပုဒ်မသုံးခုဖြင့် စွဲချက်တင် စစ်ဆေးရန် တရားသူကြီးက အမိန့်ချမှတ်ခဲ့သည်။

“ဒီအမှုကို ဥပဒေလမ်းကြောင်းအရ မှန်ကန်တဲ့ တရားစီရင်မှု ဖြစ်လာဖို့ တစ်ခုသာ အစ်မတို့က မျှော်လင့်ထားပါတယ်”ဟု မီးလောင်သေဆုံးခဲ့သော ဆဋ္ဌဂံ ဆောက်လုပ်ရေးလုပ်ငန်းပိုင်ရှင် ဦးဝင်းထွန်း၏ ကျန်ရစ်သူ ဇနီးက ပြောသည်။

အဆိုပါအမှုကို စွဲချက်တင် အမိန့်ချ မှတ်ခဲ့ပြီးနောက် တရားစွဲဆိုခံရသူ အောင်ခန့် (ခ) ဇွဲမြန်မာ၏ အကျိုးဆောင်ရှေ့နေဘက်က ပြန်ခေါ်သက်သေ လေးဦးကို စစ်ဆေးပေးရန် လျှောက်တင်ခဲ့ပြီး ယင်းအမှုကို မတ်လ ၂၁ ရက်နေ့တွင် လှည်းကူးမြို့နယ် တရားရုံး၌ အပြီးသတ်စီရင်ချက် အမိန့်ချမှတ်မည်ဖြစ်သည်။ 

S-03