News

POST TYPE

LATEST NEWS POST

လက်ပံတောင်းတောင် ကြေးနီစီမံကိန်း ဆန္ဒပြတောင်သူများကို အမှုဖွင့်
17-Feb-2018


မုံရွာ၊ ဖေဖော်ဝါရီ ၁၇

ဆားလင်းကြီးမြို့နယ်၊ လက်ပံတောင်း တောင်ကြေးနီစီမံကိန်း လုပ်ဆောင်နေသော မြန်မာဝမ်ပေါင်နှင့် မြန်မာ့စီးပွားရေး ဦးပိုင်လီမိတက်တို့ကို ဆန္ဒပြခဲ့သူများအား ဖေဖော်ဝါရီလ ၁၆ ရက်နေ့က ခွင့်ပြုချက် တောင်းခံခြင်းမရှိဘဲ ဆန္ဒပြခဲ့မှုနှင့်ပတ်သက်၍ ဦးဆောင်သူ ဒေသခံငါးဦးကို အမှုဖွင့်ထားကြောင်း တိုင်းရဲတပ်ဖွဲ့မှူးရုံးထံမှ သိရသည်။ 

ဖေဖော်ဝါရီလ ၁၆ ရက်နေ့ ညနေ ၃ နာရီခန့်က ပုသိမ်- မုံရွာလမ်းရှိ အဆိုပါ ကုမ္ပဏီရှေ့တွင် ဒေသခံတောင်သူ ၅၀ ခန့်က လက်ပံတောင်းတောင် ကယ်တင်ရေး အလံကိုကိုင်ဆောင်ကာ ဦးပိုင်ကုမ္ပဏီ၊ ဝမ်ပေါင်ကုမ္ပဏီဟု စာရွက်ကပ်ထားသော အခေါင်းနှစ်လုံးဖြင့် စီတန်းလှည့်လည်ကာ ဆန္ဒထုတ်ဖော်ခဲ့သည့်အပြင် ကုမ္ပဏီရှေ့တွင်လည်း တစ်နာရီခန့်ကြာ ကျိန်စာတိုက်ခဲ့သည်။
 
“တရုတ်နိုင်ငံသားတွေကို မုန်းတာမဟုတ်ဘူး။ လက်ပံတောင်းကမြေတွေ မတရားသိမ်းပြီး ဦးပိုင်နဲ့ပေါင်းတဲ့ တရုတ် ဝမ်ပေါင်ကုမ္ပဏီကို ဆန့်ကျင်ကြောင်း တရုတ်ပြည်သူတွေသိစေဖို့ တရုတ်အခေါင်းနဲ့ တရုတ်အလံ မီးရှို့ကျိန်စာတိုက်တာ”ဟု ဒေသခံ ဒေါ်ရီဝင်းက ပြောဆိုသည်။

ယင်းသို့ဆန္ဒထုတ်ဖော်မှုကို ဆားလင်းကြီးမြို့နယ် ရဲမှူးဌေးဝင်းက တရားလိုပြုကာ မိုးကြိုးပြင်ရွာမှ ဦးဝင်းကျော်၊ ဆည်တည်းရွာမှ ဒေါ်ခင်ငြိမ်း၊ ဒေါ်ရီဝင်း၊ တုံရွာမှ ဒေါ်စန္ဒာနှင့် ဒေါ်စန်းနွဲ့တို့ကို ငြိမ်းချမ်းစွာ စီတန်းလှည့်လည်ခြင်း ဥပဒေ ပုဒ်မ ၁၉ ပြစ်မှု ပုဒ်မ(ပ) ၄၂ / ၂၀၁၈ဖြင့် ဆားလင်းကြီးမြို့မစခန်းတွင် အမှုဖွင့်ထားကြောင်း ယင်းစခန်းထံမှ သိရသည်။ 

R-08