News

POST TYPE

LATEST NEWS POST

ဒေါ်အောင်ဆန်းစုကြည်နှင့် ဂျပန်ဝန်ကြီးချုပ်အထူးအကြံပေးတို့ တွေ့ဆုံ
25-Aug-2016
ရန်ကုန်၊ သြဂုတ် ၂၅

မြန်မာနိုင်ငံအတွင်း ဒေသများအားလုံးမျှတစွာ ဖွံ့ဖြိုးတိုးတက်စေနိုင်မည့် အစီအစဉ်များထည့်သွင်းစဉ်းစားဆောင်ရွက်ရန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဂျပန်နိုင်ငံ 
ဝန်ကြီးချုပ်၏ အထူးအကြံပေးပုဂ္ဂိုလ် Mr. Hiroto Izumi တို့ ယနေ့(သြဂုတ် ၂၅ရက်) နံနက် ၁၀နာရီက နိုင်ငံခြားဝန်ကြီးဌာန ပြည်ထောင်စုဝန်ကြီးဧည့်ခန်းမ၌ တွေ့ဆုံဆွေးနွေးခဲ့ကြောင်း နိုင်ငံခြားရေးဝန်ကြီးဌာနက သတင်းထုတ်ပြန်သည်။

တွေ့ဆုံရာတွင် ရန်ကုန်မြို့ပြမဟာစီမံကိန်း၊ စိုက်ပျိုးရေးကဏ္ဍဖွံ့ဖြိုးတိုးတက်ရေး၊ သီလဝါစီးပွားရေးဇုန်ဖွံ့ဖြိုးတိုးတက်ရေး၊ ရေသုတေသနလုပ်ငန်းအပါအဝင် နိုင်ငံဖွံ့ဖြိုးရေးလုပ်ငန်းများကို ပူးပေါင်း
ဆောင်ရွက်ရာတွင် နှစ်နိုင်ငံအကျိုးဖြစ်ထွန်းမှုသာမက မြန်မာနိုင်ငံအတွက် ရေရှည် အကျိုးရှိပြီး လုပ်ငန်းကျွမ်းကျင်၍ ပြည်သူများအလုပ်အကိုင်ဖန်တီးပေးနိုင်မည့် အစီအစဉ်များကို ဆွေးနွေးခဲ့ကြောင်း
အဆိုပါသတင်းထုတ်ပြန် ချက်တွင် ဖော်ပြထားသည်။

ဓာတ်ပုံ- နိုင်ငံခြားရေးဝန်ကြီးဌာန


  • VIA