POST TYPE

IT

ဂျပန်နိုင်ငံတွင် လူသားအလုပ်သမားများကို ထုတ်ပစ်ပြီး စက်ရုပ်လုသားများ အစားထိုး
တိုကျို၊ ဇန်နဝါရီ ၈

အနာဂတ်တွင် လူသားများနေရာ၌ စက်ရုပ်များ အစားထိုး ထည့်သွင်းရန် ကြံဆောင်ကြိုးပမ်းသည့် အနေနှင့် ဂျပန်နိုင်ငံ အာမခံလုပ်ငန်းတစ်ခု၌ လူသား ၃၀ ကို အလုပ်ဖြုတ်ပြီး ဉာဏ်ရည်တု (AI) စက်ရုပ်များကို အစားထိုးလိုက်ကြောင်း Reuters သတင်းတွင် ဖော်ပြထားသည်။

လူသားနေရာတွင် အစားထိုး အသုံးပြုမည့် စက်ရုပ်များသည် လစာစာရင်းနှင့် လစာပေးရေး လုပ်ငန်းများကို စတင်ဆောင်ရွက်သွားမည် ဖြစ်ကြောင်း ယင်းသတင်းက ဆိုသည်။

စက်ရုပ်လုပ်သားများကို အသုံးပြုသည့် Fukoku Mutual Life အာမခံကုမ္ပဏီက လာမည့် ၂ နှစ် အတွင်း မိမိတို့ ရင်းနှီးမြှုပ်နှံရမှုနှင့် ထိုက်တန်စွာဖြင့် ထုတ်လုပ်မှုတန်ဖိုး ၃၀ ရာခိုင်နှုန်းကို တိုးမြှင့်ခံစားလာရဖွယ် ရှိကြောင်း ပြောကြားသည်။ 

စက်ရုပ်များကို အသုံးပြုရခြင်းကို လူသားတို့အနေနှင့် ကြိုဆိုမည် မထင်ကြောင်း၊ သို့သော် လာမည့် မတ်လတွင် ဝန်ထမ်း ၃၄ ဦးခန့်သည် ပိုလျှံဝန်ထမ်းများ ဖြစ်သွားနိုင်ကြောင်း ကုမ္ပဏီက ပြောကြားသည်။

စက်ရုပ်လုပ်သားများကို IBM ကုမ္ပဏီထုတ် Watson Explorer စနစ်အပေါ်တွင် အခြေခံ တည်ဆောက်ထားပြီး လုပ်ငန်းများတွင် လူသားတို့အတိုင်း စဉ်းစားလုပ်ကိုင်ဆောင်ရွက်နိုင်စေရန် စီစဉ်ထားသည်ဟု ဆိုသည်။

အာမခံလုပ်ငန်း အနေနှင့် ဆေးပညာဆိုင်ရာ လက်မှတ်များ ထုတ်ပေးခြင်း၊ ဆေးရုံတက်နေသည့်သူများ၏ ရက်များကို မှတ်တမ်းတင်ခြင်း၊ လူနာ၏ ဆေးမှတ်တမ်း၊ ခွဲစိတ်မှုမှတ်တမ်း စသည်များကို ပြုစုထားပြီး အာမခံပေးရာတွင် ထည့်သွင်းအသုံးပြုရသည် ဖြစ်ရာ အစားထိုး စက်ရုပ်များက ထိုတာဝန်များကို ဆက်လက်ထမ်းဆောင်သွားမည် ဖြစ်ကြောင်း Mainichi Shimbun သတင်းတွင် ရေးသားထားသည်။

Fukoku Mutual Life အာမခံ ကုမ္ပဏီသည် လက်ရှိဘဏ္ဍာနှစ်တွင် ဝန်ထမ်းပေါင်း ၁၃၂၀၀၀ ဦး၏ လစာများကို ထုတ်ပေးရန် တာဝန်ယူထားရကြောင်း ယင်းသတင်းက ဆိုသည်။

ဂျပန်နိုင်ငံသည် အသက်အရွယ် ကြီးမြင့်လာသည့် လူဦးရေ ပမာဏကို အစားထိုးသည့် အနေနှင့် မျိုးဆက်သစ် ပညာရှင်များကို မွေးထုတ်ရမည့်အစား ကျွမ်းကျင်စက်ရုပ်များကိုသာ အစားထိုး သုံးစွဲရန် ပြင်ဆင်လျက်ရှိကြောင်း Reuters တွင် ရေးသားထားသည်။ 

လာမည့် ၂၀၃၅ ခုနှစ်တွင် ဂျပန်နိုင်ငံတွင် လုပ်ဆောင်နေသော လုပ်ငန်းထက်ဝက်ကျော်သည် စက်ရုပ်များကို အစားထိုး အသုံးပြုသွားမည် ဖြစ်ကြောင်း Nomura Research Instituteကလည်း ထောက်ပြထားသည်။ 

E01