News

POST TYPE

IT

ဗြိတိန်တွင် ရထားလက်မှတ်အစား မျက်နှာပြင်ကို မှတ်သားသည့်စနစ် ကျင့်သုံးမည်
09-Aug-2017 tagged as ရထား

လန်ဒန်၊ ဩဂုတ် ၈

ဗြိတိန်တွင် ရထားစီးရန် တန်းစီပြီး လက်မှတ်ပြရာမှ ရထား လွတ်သွားရသော အဖြစ်မျိုးကို မကြုံတွေ့စေရန်အတွက် ဖြတ်သန်းဂိတ်များတွင် မျက်နှာပြင်ကို မှတ်သားထားသည့်စနစ်အား လက်မှတ်များအစား အသုံးပြုသွားရန် စီစဉ်လျက်ရှိကြောင်း The Mirror သတင်းတွင် ဖော်ပြထားသည်။

မျက်နှာပြင် မှတ်သားသည့်စနစ်ကို ဂိတ်ပေါက်များတွင် လျှို့ဝှက်ထားသော ကင်မရာများဖြင့် ဆောင်ရွက်သွားမည်ဖြစ်ပြီး 3D ပုံရိပ်များကို ဖမ်းနိုင်သည့် ကင်မရာက ပုံရိပ်ကို ချက်ချင်း အသိအမှတ်ပြုမှ ဂိတ်ထဲဝင်၍ ရစေရန် စီစဉ်ထားမည်ဖြစ်ကြောင်း ယင်းသတင်းက ဆိုသည်။

မျက်နှာပြင်ကိုပြပြီး ရထားစီးနိုင်ရန်အတွက် ရထားစီးမည့်သူများသည် မိမိတို့မျက်နှာပြင်ကို ရှေးဦးစွာ မှတ်ပုံတင်ထားရန်လိုပြီး မျက်နှာပြင်ပေါ်မှ အရေးအကြောင်းများ၊ မျက်မှန် တပ်ထားသူများနှင့် ထူးခြားသည့် မျက်နှာ၏ ကောက်ကြောင်း အားလုံးကို မှတ်တမ်း ယူထားမည်ဖြစ်သည်။

ရထားဘူတာ ပလက်ဖောင်းကို ဝင်လိုက်သည်နှင့် မှတ်ပုံတင်ထားသည့် မျက်နှာကို ချက်ချင်း တိုက်ဆိုင်စစ်ဆေးလိုက်ပြီး နောက်၊ ဖြည့်သွင်းထားသည့် ဒေတာများကို မျက်နှာနှင့် တိုက်ဆိုင်ပြီးမှ ရထားစီးခွင့်ပြုသည့် ဧရိယာထဲကို ဝင်ရောက်ခွင့်ရမည်ဖြစ်သည်။

ခရီးသည်များအနေနှင့် မိမိတို့ ငွေစာရင်းကို အွန်လိုင်းကတစ်ဆင့် ဖြည့်သွင်းပေးရန်သာ လိုပြီး မျက်နှာမှတ်ပုံတင်ထားသူများ၏ ငွေစာရင်းနှင့် မျက်နှာပြင်ကို ဘူတာရှိစက်များက တိုက်ဆိုင်ပြီး လက်မှတ်ဝယ်ရန်မလို ရထားစီးခွင့်များကို လွယ်ကူစွာ လုပ်ဆောင်နိုင်တော့မည်ဖြစ်သည်။

မျက်နှာပြင် တိုက်ဆိုင်စစ်ဆေးသည့် နည်းပညာကို Bristol Robotics Labotatory ကုမ္ပဏီက တီထွင်ထားခြင်းဖြစ်ပြီး၊ ယင်းစနစ်အတွက် ဗြိတိန်၏ ရထားကုမ္ပဏီကြီး တစ်ခုဖြစ်သော Go-Ahead နှင့် ဗြိတိန်ရထားလုံခြုံရေးနှင့် အဆင့်အတန်း မြင့်မားရေးဘုတ်အဖွဲ့က ငွေကြေးအားဖြင့် အထောက်အကူများ ပေးထားကြောင်း The Mirror တွင် ရေးသားထားသည်။

လာမည့် သုံးနှစ်အတွင်း ဗြိတိန်နိုင်ငံရှိ ရထားဘူတာရုံတိုင်းတွင် လက်မှတ်ဖြတ်ဂိတ်များ၌ လက်မှတ်များကို ဝယ်ယူခြင်း၊ လက်မှတ်ဖြတ်ခြင်းများဖြင့် အချိန်ကြာမြင့်စွာ ဖြတ်သန်းရမည့်အစား၊ ဂိတ်ကို လက်မှတ်မပါ၊ မျက်နှာပြရုံဖြင့် ဝင်ခွင့်များကို ရရှိနိုင်တော့မည်ဖြစ်ကြောင်း Prof Lyndon Smith အဖွဲ့ကလည်း သတင်းထုတ်ပြန်ခဲ့သည်။