News

POST TYPE

INTERVIEW

မြန်မာ့ အိမ်၊ ခြံ၊ မြေ ဥပဒေကြမ်းအပေါ် သုံးသပ်ချက်များ
25-Jun-2018

အိမ်၊ ခြံ၊ မြေ ဝန်ဆောင်မှုဥပဒေမူကြမ်း ပေါ်ထွက်လာပြီးနောက် ယင်းဥပဒေပါအချက်များနှင့် ပတ်သက်၍ နိုင်ငံတော်၊ ဝန်ဆောင်မှုရယူသူ ပြည်သူနှင့် အိမ်၊ ခြံ၊ မြေလောကအတွက် အကျိုးသက်ရောက်မှု ရှိ၊ မရှိ ဟူသည့်မေးခွန်းအပေါ် မြန်မာနိုင်ငံ အိမ်၊ ခြံ၊ မြေလုပ်ငန်း ဖွံ့ဖြိုးတိုးတက်ရေးအသင်းတာဝန်ရှိသူများနှင့် အကျိုးဆောင်အချို့၏ အမြင်၊ သဘောထားများကို ကောက်နုတ်ဖော်ပြလိုက်ပါသည်။ ပြည်ထောင်စုလွှတ်တော်ရုံးက အများပြည်သူ သိရှိလေ့လာအကြံပြုနိုင်ရန် အိမ်၊ ခြံ၊ မြေဝန်ဆောင်မှု ဥပဒေကြမ်းကို နိုင်ငံပိုင်သတင်းစာများမှနေ၍ ဇွန်လ ၁၅ ရက်နေ့တွင် ဖော်ပြခဲ့သော ယင်းဥပဒေကြမ်းတွင် စာမျက်နှာ ၁၁ မျက်နှာပါရှိပြီး အပိုဒ် ၃၃ ပိုဒ် ပါဝင်ရေးဆွဲထားသည်။



ဦးတင်မောင် (ဥက္ကဋ္ဌ၊ မြန်မာနိုင်ငံ အိမ်၊ ခြံ၊ မြေလုပ်ငန်း ဖွံ့ဖြိုးတိုးတက်ရေးအသင်း၊ နေပြည်တော်) 

အိမ်၊ ခြံ၊ မြေ ဝန်ဆောင်မှုဥပဒေမူကြမ်းမှာက ပြည်သူအတွက်ရော၊ နိုင်ငံအတွက်ရော လိုအပ်တာဖြစ်လို့ပြုစုထားတာ။ နိုင်ငံတော်အတွက်လည်း အခွန်ရစေနိုင်တယ်။ ပြည်သူအတွက် အကာအကွယ်ပေးနိုင်တဲ့ ဥပဒေဖြစ်လာမယ်။ အားကိုးထိုက်တဲ့အကျိုးဆောင် တွေပေါ်လာမယ်။ စည်းစနစ်ကျတဲ့ အိမ်၊ ခြံ၊ မြေအကျိုးဆောင်လောက၊ ဝန်ဆောင်မှုလောကပေါ်လာမယ်။ အကျိုးဆောင်တွေ လိုင်စင်ရဖို့ဆိုရင် သင်တန်းတွေတက်ပြီး အသိပညာ ဆည်းပူးရတော့မယ်။ အဲဒါတွေကနေ အကျိုးဆောင်တွေရဲ့သဘော၊ ဌာနဆိုင်ရာသဘော၊ လယ်ယာမြေစည်းမျဉ်းစည်းကမ်းတွေ၊ ဥပဒေလုပ်ထုံးလုပ်နည်းတွေသိလာရင် အကျိုးဆောင်တစ်ယောက်အတွက် အင်မတန်ကောင်းတဲ့ အနေအထားတစ်ခု ဖြစ်လာမယ်။ ဘာမှမသိဘဲ လုပ်တာထက်စာရင် သိပြီး လုပ်ကိုင်ဆောင်ရွက်ရင် အမှားအယွင်းကင်းတာပေါ့။ အခုအချိန်မှာ လိုင်စင်ယူစရာမလိုလို့ အကျိုးဆောင်တွေက ထင်သလို ပေါက်ဖွားနေတယ်။ အဲဒီလူတွေက ဘာမှမသိဘဲ လက်ညှိုးထိုးပြပြီး အကျိုးဆောင်လုပ်နေတယ်။ အမှားအယွင်းတွေ့တဲ့အခါ ဝယ်တဲ့ပြည်သူက တရားရုံးရောက်၊ ဌာနဆိုင်ရာရောက် ဖြစ်ရတယ်။ ဒီလို ပြဿနာတွေ အများကြီးဖြစ်နေတာ။ အခုလိုဥပဒေတစ်ရပ်ပေါ်လာရင် အဲဒီပြဿနာတွေနည်းသွားမယ်။ အကျိုးဆောင်လိုင်စင်ရှိတဲ့သူနဲ့ အရောင်းအဝယ်လုပ်တဲ့အခါ စိတ်ချလက်ချဖြစ်လာမယ်။ အရောင်းအဝယ်မှားရင် အကျိုးဆောင်မှာ တာဝန်ရှိတယ်။ မမှားအောင် သတိထားကြိုးစားရတော့မယ်။ အခု လောလောဆယ်မှာကို တရုတ်လိုကြော်ငြာပြီး အိမ်၊ ခြံ၊ မြေ အရောင်းအဝယ်လုပ်နေတာတွေရှိတယ်။ လိုင်စင်မရှိဘဲ လုပ်နေတာ။ လိုင်စင်ရှိဖို့အတွက် နိုင်ငံတော်က ဥပဒေမရှိသေးတဲ့အခါ တားဆီးဖို့အခက်အခဲ ဖြစ်လာတယ်။ ဒါတွေကို တားဆီးနိုင်မှ မြေအရင်း အမြစ်တွေ မပျောက်ပျက်မှာ။ အရောင်းအဝယ်လုပ်မယ်ဆိုရင် အကျိုးဆောင်ကနေ တစ်ဆင့်သွားရတော့မှာ။ ဒါက အကျိုးဆောင်လောကကို ထိန်းသိမ်းရင်း နိုင်ငံသားတွေရဲ့အခွင့်အရေးကို ကာကွယ်တဲ့သဘောပါပဲ။ အကျိုးဆောင်လုပ်ချင်ရင် လိုင်စင်ရှိရမယ်။ ပညာအရည်အချင်း ကန့်သတ်ထားတာ မရှိပါဘူး။ လိုင်စင်လိုချင်ရင် အိမ်၊ ခြံ၊ မြေလောကနဲ့ ပတ်သတ်တဲ့အသိအမှတ်ပြုလက်မှတ်ရဖို့ သင်တန်းတွေ တက်ရတော့မယ်။ (အိမ်၊ ခြံ၊ မြေ ဝန်ဆောင်မှု ဥပဒေမူကြမ်းတွင် ဝန်ဆောင်မှုလုပ်ငန်းလုပ်ကိုင်ရန် ယာယီလိုင်စင်သို့မဟုတ် လိုင်စင်ရရှိထားသူဖြစ်ရမည်။ ယာယီလိုင်စင်၏ သက်တမ်းမှာ သုံးနှစ်ဖြစ်သည်။ ယာယီလိုင်စင် ရှိသူသည် သုံးနှစ်အတွင်း သတ်မှတ်ထားသောသင်တန်းတက်၍ လိုင်စင်လျှောက်ထားနိုင်ပြီး ယာယီလိုင်စင် လျှောက်ထားရန် သတ်မှတ်ထားသော ၁ နှစ် သက်တမ်းကာလကိုကျော်လွန်ပါက သတ်မှတ်ထားသော သင်တန်းများတက်၍ လိုင်စင်လျှောက်ထားနိုင်ကြောင်း ဖော်ပြထားသည်။)



ဦးစိုင်းခွန်နောင် (ဥက္ကဋ္ဌ၊ ရန်ကုန်တိုင်း အိမ်၊ ခြံ၊ မြေ လုပ်ငန်းရှင်များအသင်း)

ဒီဥပဒေက အကျိုးဆောင်လောကသားတွေ စည်းစနစ်ရှိသွားတာပေါ့လေ၊ လိုင်စင်ရှိမှ လုပ်ကိုင်ခွင့်ရတော့မှာ။ ဘောင်တစ်ခုခတ်လိုက်တာ သိသာထင်ရှားတဲ့အချက်တစ်ခုပေါ့။ လက်ရှိလုပ်ကိုင်သူတွေ ထိခိုက်မှာစိုးတော့ ယာယီလိုင်စင်ခွင့်ပြုထားတာလည်းပါတယ်။ လိုင်စင်ရဖို့ဆိုရင် သင်တန်းတွေတက်ရမှာပေါ့။ ဒီလိုဆိုရင် အကျိုးဆောင်လောကကို အထင်အမြင်သေးတဲ့သူတွေလည်း လျော့ကျသွားမယ်။ အချက်အလက်တွေက အများပြည်သူအတွက် ဆွဲထားတာတွေပါတယ်။ ဝန်ဆောင်မှုပေးသူက အပြည့်အဝ ဝန်ဆောင်မှုပေးရမယ် ဆိုတာပါတယ်။ ပွဲခယူပြီးရင် ပြီးရောဆိုတာမျိုးမဟုတ်ဘဲ ဝန်ဆောင်မှုရယူသူအပေါ် တာဝန်ရှိစွာနဲ့ တာဝန်ကျေဖို့ ဆွဲထားတာဖြစ်တော့ ပြည်သူအတွက်ကောင်းတယ်။ နိုင်ငံတော်အတွက်လည်း အခွန်အခရဖို့ အထောက်အကူပြုရမယ်လို့ ထည့်ဆွဲထားတယ်။ ပြီးပြည့်စုံတဲ့ဥပဒေဆိုတာတော့ မရှိဘူးပေါ့လေ။ အများကြီးကောင်းလာဖို့ မျှော်လင့်ထားပါတယ်။ ဥပဒေတစ်ရပ်ဖြစ်သွားပြီ၊ အသုံးဝင်တာဆက်သုံးပေါ့။ အသုံးမဝင်တာ ပယ်ဖျက်ပေါ့။ နောင်လာ နောက်သားတွေက တဖြည်းဖြည်း ဆက်လုပ်ဆောင်သွားရင် ပိုပြီး ပြည့်စုံကောင်းမွန်တဲ့ ဥပဒေတစ်ရပ် ဖြစ်သွားမှာပါ။



ကိုမျိုးမြင့်အောင် (ဝသုနြေ္ဒ အိမ်၊ ခြံ၊ မြေ အကျိုးဆောင်လုပ်ငန်း)

ဒီဥပဒေက အိမ်၊ ခြံ၊ မြေလောကအတွက် လိုအပ်ပါတယ်။ အချို့အချက်တွေက ကောင်းပါတယ်။ ဒါပေမဲ့လည်း အချို့သောအချက်အလက်တွေက လိုအပ်ချက်တွေရှိသေးတာပေါ့။ ဒီဥပဒေမူကြမ်းက အချို့သောအချက်တွေကို သေချာလေးပြန်သုံးသပ်သင့်ပါတယ်။ ဥပမာ လိုင်စင်နဲ့ ပတ်သက်တာဆိုလည်း နောက်လာမယ့် နည်းဥပဒေပိုင်းမှာ ပိုပြီးရှင်းလင်းပြတ်သားအောင် ပညာရှင်တွေနဲ့တိုင်ပင်ပြီး လုပ်ဆောင်သင့်တယ်။ လိုင်စင်မရှိဘဲနဲ့ရော လုပ်လို့မရဘူးလားဆိုတဲ့ ပြဿနာတွေ ရှိလာနိုင်တယ်။ ရှေ့နေဆိုရင်ရော အိမ်၊ ခြံ၊ မြေ အရောင်းအဝယ်လုပ်ဖို့ အကျိုးဆောင်လိုင်စင်လိုမလား။ ဒီလိုအချက်လေးတွေပေါ့။ ဘာပဲဖြစ်ဖြစ် ဒီဥပဒေက အိမ်၊ ခြံ၊ မြေလောကအတွက် အကောင်းဆုံးဖြစ်လာဖို့တော့ မျှော်လင့်တယ်။

ဘုန်းနေ