News

POST TYPE

INTERVIEW

ဟာဂျီယာစင်၏ ဘဏ်အပ်ငွေအကြောင်း တွေ့ဆုံမေးမြန်းခြင်း
24-Jun-2018


မလေးရှားမူးယစ်အမှု ထိပ်တန်းသံသယ တရားခံက ငွေပမာဏများစွာ အပ်နှံခဲ့ကြောင်း၊ ဗဟိုဘဏ်က ချမှတ်ထားသည့် စည်းကမ်းအတိုင်း လုပ်ဆောင်ခဲ့ကြောင်း ဧရာဝတီဘဏ်က ပြောသည်။

မကြာသေးမီက မလေးရှားတွင် စံချိန်တင်သိမ်းဆည်းရမိသည့် မူးယစ်ဆေးအမှုနှင့်ပတ်သက်၍ အဓိကတရားခံဟု ယူဆရသူ မောင်မောင် (ခ) ဟာဂျီယာစင်သည် ဧရာဝတီဘဏ်တွင် သိန်းပေါင်းများစွာ အပ်နှံထားသည်ဟု စုံစမ်းသိရှိရသည်။

မောင်မောင် ဖမ်းဆီးခံရစဉ် ပိတ်သိမ်းခံရသည့်သူ၏ ငွေစာရင်း၊ ငွေမည်းခဝါချမှု အလားအလာတို့နှင့် ပတ်သက်ပြီး တိကျခိုင်မာမှန်ကန်သည့် သတင်းအချက်အလက်များရရှိရန် Myanmar Now က ဇွန် ၁၂ရက် နေ့တွင် ရန်ကုန်မြို့၊ ဧရာဝတီဘဏ်ရုံးချုပ်သို့သွားရောက်ပြီး Enterprise Risk Management ဌာန တာဝန်ခံ ဦးအောင်ကိုကိုဦးနှင့် တွေ့ဆုံမေးမြန်းခဲ့သည်။

မေး : ဟာဂျီယာစင်ရဲ့ နီးစပ်သူတွေရဲ့ အဆိုအရ သူဟာ ဧရာဝတီဘဏ်ရဲ့ဖောက်သည်ဖြစ်တယ်၊ ဘဏ်က ဘာမှစစ်ဆေးမေးမြန်းတာမျိုးမရှိဘဲ သူ့အပ်ငွေလက်ခံခဲ့တယ်လို့ သိရပါတယ်။ စစ်ဆေးမေးမြန်းတာ မရှိဘူးဆိုတော့ ငွေကြေးခဝါချဖို့ အခွင့်အလမ်းတွေ ဖွင့်ပေးထားသလို မဖြစ်ဘူးလား။ 
ဖြေ : ကျွန်တော်တို့ဘဏ်အနေနဲ့ ၂၀၁၆ ခုနှစ် ငွေရေးကြေးရေးဆိုင်ရာအဖွဲ့အစည်းအများ ဥပဒေအရ Customer (ဖောက်သည်) ရဲ့ သတင်းအချက်အလက်ကို ထုတ်ဖော်ပြောဆိုလို့ မရပါဘူး။ ဒါပေမဲ့ အခု Myanmar Now က မေးမြန်းလာတဲ့ကိစ္စက တရားမဝင်ငွေကြေးခဝါချမှုတွေနဲ့ပတ်သက်ပြီး စွပ်စွဲမှုတွေရှိလာတဲ့အတွက်ဘဏ်အနေနဲ့ ဗဟိုဘဏ်ရဲ့စည်းမျဉ်းစည်းကမ်းအတိုင်း အတိအကျလိုက်နာပြီး ဆောင်ရွက်ထားတဲ့အပြင် Customer နဲ့ပတ်သက်တဲ့ ဆောင်ရွက်စရာရှိတာတွေကို မှန်မှန်ကန်ကန် ဆောင်ရွက်ထားတယ်ဆိုတာ သက်သေပြနိုင်ဖို့အတွက် ဖြေကြားခြင်းဖြစ်ပါတယ်။ 

ငွေစာရင်းစတင်ဖွင့်စဉ်ကတည်းက စာရင်းဖွင့်လှစ်သူတိုင်းအတွက် Know Your Customer Reference အတွက် CBM Law, AML ဥပဒေနဲ့ FIU ညွှန်ကြားချက်များအရ ကိုယ်ရေးအချက်အလက်၊ သတင်းအချက်အလက် အပြည့်အဝ အားလုံးယူရပါတယ်။ နာမည်၊ ဖုန်းနံပါတ်၊ လိပ်စာ၊ မှတ်ပုံတင်၊ မွေးနေ့သက္ကရာဇ်၊ အလုပ်အကိုင်၊ အဖအမည်၊ သူ့ကို မိတ်ဆက်ပေးသူနှစ်ဦးရဲ့ အချက်အလက်တွေကအစ ယူပါတယ်။ အချက်အလက်တွေမယူဘဲနဲ့ အကောင့်ဖွင့်ပေး၊ ငွေသွင်း၊ ငွေထုတ်လုပ်ပေးတယ်ဆိုတာတော့ မရှိပါဘူး။ Customer က ကုမ္ပဏီလုပ်ငန်းလုပ်ဆောင်တယ်ဆိုတဲ့ အချက်အလက်ကိုပြပါတယ်။ ၎င်းအတွက် DICA Registration (ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန မှတ်ပုံတင်စာရင်း) နဲ့ တိုက်ဆိုင်စစ်ဆေးပြီး မှန်ကန်တဲ့အတွက် သူ့ရဲ့ငွေစာရင်းဖွင့်ခြင်းကို လက်ခံခဲ့ပါတယ်။ 

မေး : သူပြတယ်ဆိုတဲ့ အသေးစိတ်အချက်အလက် ရနိုင်မလား။ 
ဖြေ : မရနိုင်ပါဘူး။ ဘဏ်ဆိုတာ သတင်းပို့အဖွဲ့အစည်းဖြစ်တဲ့အတွက် ကျွန်တော်တို့အနေနဲ့ စာရင်းပိုင်ရှင်ရဲ့အသေးစိတ်အချက်အလက်ကို ဥပဒေအရ ဗဟိုဘဏ်နဲ့ FIU (ငွေကြေးဆိုင်ရာစုံစမ်းထောက်လှမ်းရေးအဖွဲ့ - Financial Intelligence Unit) ဥပဒေများအရ အဆိုပါဌာနရဲ့ ညွှန်ကြားချက်အရသာ ပေးပိုင်ခွင့်ရှိပါတယ်။ အဆိုပါ ဌာနများရဲ့ ခွင့်ပြုချက်ရရင်တော့ ကျွန်တော်တို့ပေးပါမယ်။ 

မေး : ဟာဂျီယာစင်က ရခိုင်ပြည်နယ်မြောက်ပိုင်းက ဘင်္ဂါလီလို့ သိရပါတယ်။ ဘဏ်စာရင်းဖွင့်တဲ့အချိန်မှာ သူက နိုင်ငံသားစိစစ်ရေးကတ်ပြနိုင်သလား။ ဘယ်အထောက်အထားပြနိုင်လို့ သူ့ကို ငွေစာရင်းဖွင့်ပေးတာလဲ။ 
ဖြေ : စဖွင့်စဉ်တုန်းကတော့ သုံးခေါက်ချိုးမှတ်ပုံတင်ကတ်ကို ကိုင်ဆောင်ထားပါတယ်။ ဗဟိုဘဏ်ရဲ့ ညွှန်ကြားချက်အရ White Card မဟုတ်ရင် ကျွန်တော်တို့ ငွေစာရင်းဖွင့်ပေးနိုင်ပါတယ်။ ဒါ့အပြင် သူသည် ပန်းရောင်နိုင်ငံသားကတ်ကို ၂၀၁၈ မတ်လမှာ ရထားတာကို သူလာအကြောင်းကြားတယ်။ ဒါကြောင့် ပန်းရောင် နိုင်ငံသားကတ် ကျွန်တော်တို့ဆီမှာ ကော်ပီရှိပါတယ်။ 

မေး : သူက ဘဏ်စာရင်း ဘယ်နှခုဖွင့်ထားတာလဲ။ ဘယ်အချိန်မှာ ငွေစတင်အပ်နှံပြီး စုစုပေါင်းအပ်နှံငွေ အခုချိန်အထိ ဘယ်လောက်ရှိပါသလဲ။ 
ဖြေ : ဘဏ်မှာ အကောင့်အမျိုးအစားကတော့ အများကြီးဖွင့်လို့ရတယ်။ သူကတော့ Saving Account (ငွေစုဘဏ်အပ်ငွေစာရင်း)၊ Fixed Deposit (စာရင်းသေအပ်ငွေစာရင်း) နှစ်မျိုးဖွင့်ထားပါတယ်။ ငွေသွင်း၊ ငွေထုတ်လုပ်နိုင်တဲ့ ငွေစုဘဏ်အပ်ငွေစာရင်းကို ၂၀၁၇ ခုနှစ်၊ ၁ လပိုင်းက ဖွင့်ခဲ့ပြီး၊ စာရင်းသေအကောင့်ကိုတော့ ၂၀၁၈ ခုနှစ် ၂ လပိုင်းမှာ ဖွင့်ခဲ့ပါတယ်။ 
Saving Account ကတော့ ငွေသွင်း၊ ငွေထုတ်တွေလုပ်တဲ့အကောင့်အနေနဲ့ သုံးတယ်။ စာရင်းသေအကောင့်ကတော့ အတိုးလိုချင်လို့ သူဖွင့်ထားတာ။ ၃ လ၊ ၆ လ၊ ၉ လ တစ်ကြိမ်စီအတိုးပေးတာ။ သူ့ရဲ့ ကုမ္ပဏီက Trading Company အိမ်ခြံမြေလုပ်တယ်ဆိုတာကို ဖြည့်ထားတယ်။ သူ့ကုမ္ပဏီအနေနဲ့ ငွေအသွင်းအထုတ်ကို ကျွန်တော်တို့ဆီလာအပ်ပါတယ်၊ လက်ခံဆောင်ရွက်ပေးပါတယ်။ လုပ်ဆောင်စရာရှိတဲ့ အချက်အလက်ယူဖို့ မေးတဲ့ဖြေတဲ့အပိုင်းအားလုံး မှတ်တမ်းတင်ဆောင်ရွက်ခဲ့ပါတယ်။ ငွေပမာဏကိုတော့ ပြောမပြနိုင်ပါဘူး။ 

မေး : သူ့ရဲ့ငွေပမာဏက မကြာသေးခင်ကမှ ရုတ်တရက်များလာတာလား။ သူက ဧရာဝတီဘဏ်မှာ တစ်လကို ငွေသွင်း၊ ငွေထုတ် ဘယ်နှခါလောက် လုပ်သလဲ။ 
ဖြေ : ရုတ်တရက်များလာတာတော့ မဟုတ်ပါဘူး။ ကုမ္ပဏီလုပ်ငန်းလုပ်တဲ့သူအနေနဲ့ကတော့ အရင်ကတည်းကများတယ်။ သူက အပ်တဲ့ပမာဏလည်းများတယ်၊ ငွေလွှဲငွေသွင်းလည်း ခဏခဏလုပ်တဲ့သူဖြစ်တာကြောင့် ကျွန်တော်တို့ဘဏ်ရဲ့ Big Customer ထဲမှာပါပါတယ်။ ဒီလိုသတ်မှတ်လို့လည်း သူ့ရဲ့အချက်အလက်တွေကို ကျွန်တော်တို့ ပိုစောင့်ကြည့်ပါတယ်၊ သေချာရယူတယ်။ သူက တစ်လကို ငွေလွှဲ၊ ငွေသွင်း အနည်းဆုံး သုံးကြောင်း၊ အများဆုံး ခြောက်ကြောင်းလောက်တော့ လုပ်တယ်။ ပြည်တွင်းပါပဲ။

မေး : နိုင်ငံခြားငွေအကောင့်ရော ဧရာဝတီဘဏ်မှာ သူဖွင့်ခဲ့ဖူးသလား။ 
ဖြေ : သူက ကျွန်တော်တို့ဘဏ်မှာတော့ နိုင်ငံခြားငွေစာရင်းမရှိပါဘူး။ မြန်မာကျပ်ငွေစာရင်းပဲရှိပါတယ်။ ပြီးတော့ သူငွေအလွှဲအပြောင်းအားလုံးက တခြားနိုင်ငံကိုသွားတာ မဟုတ်ပါဘူး။ ပြည်တွင်းမှာပဲလှည့် ပတ်နေတာဖြစ်ပါတယ်။ ဒေါ်လာအကောင့်ဖွင့်ရင် ကျွန်တော်တို့က ငွေဝင်လမ်းကြောင်းကို သေချာစစ်ဆေးပါတယ်၊ အထောက်အထားတွေ ပိုပြရတယ်၊ မြန်မာငွေအကောင့်ထက်ပိုပြီးတော့ တင်းကျပ်ပါတယ်။ 

မေး : လုပ်ထုံးလုပ်နည်းတွေအတိုင်း လုပ်ခဲ့တယ်၊ ငွေတွေဟာလည်း ငွေမည်းမဟုတ်ဘူးဆိုရင် အခုလို ငွေကြေးများစွာ သိမ်းဆည်းခံရတော့ ဖောက်သည်ဘက်က မနစ်နာဘူးလား။ 
ဖြေ : လုပ်ထုံးလုပ်နည်းတွေနဲ့ သေချာစိစစ်ပြီးသားငွေတွေဆိုရင် ငွေမည်းမဟုတ်ဘူးလို့ လက်ခံလို့ရပေမယ့် အခုလိုအသိမ်းခံရတော့ Customer နစ်နာလားဆိုတော့ သူက ကျွန်တော်တို့ဆီလာအပ်တုန်းကတော့ ဘဏ်အပိုင်းက လက်ရှိဥပဒေအရသေချာယူတယ်၊ Customer က ငွေအထုတ်အသွင်းအရမ်းများတယ်ဆိုရင် သူ့ရဲ့အချက်အလက်ကို သေချာထပ်ယူရတဲ့အဆင့်ကို ထပ်လုပ်ပါတယ်။ သူ့ကို အဲဒီလိုလည်းလုပ်ထားပါတယ်။ အဲဒီတော့ ဘဏ်ဘက်ကတော့ လုပ်ဆောင်ရမယ့်အရာတွေ သေချာလုပ်ဆောင်ထားပြီးသားပါ။ ဒီတော့ အခုလိုဖမ်းမိသွားတဲ့အခါကျတော့ သူ့ရဲ့ပိုက်ဆံက ဒီကုန်သွယ်လုပ်ငန်းကပဲရတာလား၊ ဘယ်ကရတာလဲဆိုတာကို သက်ဆိုင်ရာအဖွဲ့အစည်းတွေကပဲ လိုက်စုံစမ်းရမှာပါ။ ငွေဖြူငွေမည်းသတ်မှတ်တာကလည်း အစိုးရနဲ့ပဲဆိုင်ပါလိမ့်မယ်။ ဘဏ်ကိုပြတာသည် ပိုက်ဆံက ကုန်သွယ်လုပ်ငန်းကနေရတယ်၊ လုပ်ငန်းကနေရတယ်လို့ ပြောပြီးတော့ သူ အသွင်းအထုတ်လုပ်တယ်။ ဒါကို ကျွန်တော်တို့က ဝန်ဆောင် မှုလုပ်ငန်းတစ်ရပ်အနေနဲ့ ဝန်ဆောင်မှုပေးတာပေါ့နော်။ စာမျက်နှာသုံးမျက်နှာလောက်ရှိတဲ့ အချက်အလက်ဖြည့်တာတွေ လုပ်ရပါတယ်။ ရှိသမျှဖောက်သည်ရဲ့ အချက်အလက်အားလုံးကို တစ်နှစ်တစ်ခါ ပြန်ပြီးတော့ စိစစ်တဲ့လုပ်ငန်းစဉ်ကို ကျွန်တော်တို့ ၂၀၁၆ ခုနှစ်ကတည်းက လုပ်ပါတယ်။ ၂၀၁၈ မှာဆိုရင် ဧပြီလမှာ အားလုံးလုပ်ထားပြီးပါပြီ။ 

မေး : မလေးရှားမူးယစ်မှုနဲ့ ပတ်သက်နေတယ်ဆိုတဲ့ ဦးမင်းနိုင်၊ သူ့ဇနီး ဒေါ်သီတာမိုးတို့ကရော ဒီဘဏ်မှာ အပ်နှံထားတာရှိလား။ ဒီအမှုနဲ့ပတ်သက်ပြီး တခြားဘယ်သူတွေရဲ့စာရင်းတွေ ပိတ်ထားတာရှိသလဲ။ 
ဖြေ : ဦးမင်းနိုင်အကောင့် ကျွန်တော်တို့ဆီမှာ မရှိပါဘူး။ ဒေါ်သီတာမိုးရဲ့အကောင့်တော့ရှိပါတယ်။ FIU ညွှန်ကြားချက်အရ သူ့ဘဏ်အကောင့်လည်း အပိတ်ခံထားရတယ်။ ငွေပမာဏအများကြီးတော့ မဟုတ်ပါဘူး။ တခြားလည်း အသေးစိတ်မပြောပြနိုင်ပါဘူး။

မေး : အစိုးရက ဘယ်ရက်၊ ဘယ်အချိန်မှာ မလေးမူးယစ်မှုနဲ့ ဆက်စပ်တဲ့ ငွေစာရင်းတွေကို ပိတ်ခိုင်းခဲ့တာလဲ။ 
ဖြေ : ဗဟိုဘဏ်ကနေ အကောင့်တွေကိုပိတ်ဖို့ အကြောင်းကြားတာကတော့ ဇွန် ၅ ရက်နေ့ကဖြစ်ပါတယ်။ စာရောက်တဲ့ နေ့လယ်ကနေစပြီးတော့ ပိတ်တာတွေကို ကျွန်တော်တို့ ဆောင်ရွက်ပါတယ်။ ဗဟိုဘဏ်ကိုတော့ အားလုံးလုပ်ဆောင်ပြီးကြောင်း ၈ ရက်နေ့မှာ အကြောင်းပြန်ခဲ့ပါတယ်။ ဗဟိုဘဏ်အနေနဲ့ နိုင်ငံပိုင်ဘဏ်များဆိုပြီးတော့ အားလုံးကို ရည်ညွှန်းထားတယ်။ ဧရာဝတီဘဏ်တစ်ခုတည်း သီးသန့်တော့မဟုတ်ပါဘူး။ တခြားဘယ်ဘဏ်တွေပါလဲ သေချာမသိပါဘူး။ လျှို့ဝှက်အဆင့်နဲ့လာတယ်၊ လျှို့ဝှက်အဆင့်နဲ့ပဲ ပြန်ပို့ရပါတယ်။ ဒါကြောင့် အသေးစိတ်ကို ပြောပြလို့မရပါဘူး။ 

မေး : အရင်ကရော ဘဏ်ငွေစာရင်းတွေ ပိတ်ခိုင်းခဲ့တာရှိလား။ ဘယ်ကာလမှာ ပိတ်ခိုင်းတာပိုများလဲ။ စာရင်းထဲကငွေသိမ်းရင် ဘယ်သူသိမ်းတာလဲ၊ အစိုးရလား၊ ဗဟိုဘဏ်လား။ 
ဖြေ : အကောင့်ပိတ်ခိုင်းတာမျိုး အရင်တုန်းကလည်း ရှိပါတယ်။ အဲဒီလိုမျိုးဖြစ်ရင် ဗဟိုဘဏ်က ကျွန်တော်တို့ကို ညွှန်ကြားချက်အကြောင်းကြားစာပို့ပါတယ်။ ဒီဖောက်သည်ရဲ့ငွေစာရင်းကို ထိန်းသိမ်းထားပေးပါဆိုရင် ကျွန်တော်တို့က ထိန်းသိမ်းထားရပါတယ်။ အကောင့်ရာကျော် အကြောင်းအရာအစုံနဲ့ ပိတ်ထားပါတယ်။ ၂၀၁၇ နောက်ပိုင်းမှာတော့ ပိုများပါတယ်။ သူတို့ အမှုရင်ဆိုင်ပြီးပြီဆိုရင်တော့ အစိုးရက နိုင်ငံတော် ဘဏ္ဍာအဖြစ် သိမ်းဆည်းတာရှိပါတယ်။ အဲဒီအချိန်ထိ ဘဏ်က ထိန်းသိမ်းထားရပြီး၊ တရားရုံးအမိန့်အရ အမှုပြီးဆုံးတဲ့အခါ အစိုးရကိုငွေလွှဲပေးရပါတယ်။ 

မေး : မူးယစ်ဆေး၊ တရားမဝင်ကျောက်စိမ်း၊ သစ်တွေရောင်းချတဲ့ငွေတွေကို ပြည်တွင်းဘဏ်တွေမှာ အလွယ်တကူ ငွေကြေးခဝါချနိုင်တယ်လို့သိရတယ်။ ဒါဟာမှန်ပါသလား။ 
ဖြေ : တရားမဝင်လုပ်ငန်းတွေရဲ့ ငွေကြေးခဝါချမှုက ပြည်တွင်းဘဏ်တွေမှာသာမက ပြည်ပနိုင်ငံများမှာလည်း ရှိကောင်းရှိနိုင်ပါတယ်။ ၎င်းအတွင် FIU နိုင်ငံဖြတ်ကျော်မှုခင်းရဲတပ်ဖွဲ့၊ ဗဟိုဘဏ်တို့ရဲ့ ညွှန်ကြားချက်များအရ ဘဏ်ဝန်ထမ်းတွေအားလုံးကိုတော့ ငွေကြေးခဝါချမှုတွေ (ဟန့်တားရေး) အတွက် သင်တန်းတွေပေးထားတယ်။ ဗဟိုဘဏ်ရဲ့ ညွှန်ကြားချက်တွေအတိုင်း ကျွန်တော်တို့လုပ်ပါတယ်။ နောက်တစ်ခု ထိန်းချုပ်တာကတော့ သတ်မှတ်ပမာဏထက်ကျော်ရင် အကြောင်းကြားတဲ့နည်းနဲ့ ထိန်းချုပ်တယ်။ နောက်တစ်ခုကတော့ ကိုယ့်ဖောက်သည်က အရမ်းကိုများတဲ့ ငွေပမာဏတွေလွှဲပြောင်းပြီး၊ သံသယရှိနိုင်ဖွယ်ဖြစ် သောငွေကြေးအပြောင်းအလွှဲလုပ်တယ်ဆိုရင် သံသယဖြစ်ဖွယ် ငွေကြေးလွှဲပြောင်းမှုအဖြစ် FIU ဆီကိုမပျက်မကွက် သတင်းပေးပို့ပေးရတာပါ။ 

မေး : သတ်မှတ်ထားတဲ့ ငွေစာရင်းဆိုတာ ပမာဏဘယ်လောက်လဲ။ 
ဖြေ : သတ်မှတ်ထားတဲ့ ငွေပမာဏတစ်ခုရှိပေမယ့် မပြောနိုင်ပါဘူး၊ ဗဟိုဘဏ်ကခွင့်ပြုရင် ပြောပါမယ်။

မေး : ဟာဂျီယာစင်နဲ့ ပတ်သက်ပြီး အဲဒီလိုသတင်းပို့ခဲ့ရတာတွေရှိလား။ ဒေါ်သီတာမိုးငွေစာရင်းမှာရော ရှိခဲ့လား။
ဖြေ : မောင်မောင်က သတ်မှတ်ငွေကြေးထက် များပြားတာကို သတင်းပို့ပေးခဲ့ရဖူးတယ်။ မသင်္ကာဖွယ် ငွေကြေးခဝါချမှုအဆင့်ကိုတော့ သတင်းမပို့ခဲ့ရပါဘူး။ ငွေကြေးလွှဲပြောင်းမှုက မရိုးသားဘူးလို့ ထင်ရင်တော့ ပို့ကိုပို့ရတယ်။ ဘဏ်က စောင့်ကြည့်တာတော့ အမြဲလုပ်တယ်။ သတင်းပို့တာက အချက်အလက်အပြည့်အစုံနှစ်နေရာ၊ ဗဟိုဘဏ်နဲ့ FIU ပါပဲ။ ဒေါ်သီတာမိုးအကောင့်ဖွင့်ထားပေမယ့် ပမာဏမများပါဘူး။

မေး : ဘာများဖြည့်စွက်ပြောချင်ပါသလဲ။
ဖြေ : ငွေကြေးခဝါချမှုနဲ့ ပတ်သက်ပြီးတော့ ဧရာဝတီဘဏ်က စည်းမျဉ်းစည်းကမ်းအတိုင်းမဟုတ်ဘဲ ငွေကြေးအပ်နှံမှုပေးခဲ့တယ်ဆိုတာ မှန်ကန်ခြင်းမရှိပါ။ ဘာကိုမှ မစုံစမ်း မစစ်ဆေးဘဲနဲ့ ငွေကြေးတွေကို လက်ခံတယ်ဆိုတာလည်း မဟုတ်ပါဘူး။ အချက်အလက်ကိုတော့ မစစ်ဆေး၊ ကာယကံရှင်ကိုယ်တိုင် လက်မှတ်မထိုးဘဲနဲ့တော့ ဝန်ဆောင်မှုပေးလို့မရပါဘူး။ ဒါကိုလည်း ဘဏ်ဘက်က စစ်ဆေးစိစစ်တဲ့ အဆင့်ဆင့်ရှိပါတယ်။ လုပ်ဆောင်ရန်အဆင့်ဆင့်ကိုလည်း လုပ်ဆောင်ခဲ့ပါတယ်။ ဗဟိုဘဏ်ကချမှတ်ထားတဲ့ စည်းမျဉ်းစည်းကမ်းတွေ၊ တည်ဆဲဥပဒေများကို အတိအကျလိုက်နာပါတယ်၊ မေးလာရင်လည်း အချိန်မဆိုင်းဘဲ ဖြေကြားပေးပါတယ်။ ချမှတ်ထားတဲ့ တည်ဆဲဥပဒေများ၊ စည်းမျဉ်းစည်းကမ်းတို့ကို ကျွန်တော်တို့ ဘဏ်ဝန်ထမ်းတွေ လေးစားလိုက်နာရပါတယ်။

Myanmar Now