News

POST TYPE

INTERVIEW

မော်တော်ယာဉ်နှင့် မော်တော်ယာဉ်လုပ်ငန်းသုံးပစ္စည်းများ ဖြန့်ဖြူးထုတ်လုပ်သည့် SINOTRUK QINGDAO HEAVY INDUSTRY CO.,LTD. မှ Marketing Manager ဖြစ်သူ Mr.Hu Wei နှင့် တွေ့ဆုံခြင်း
18-May-2018 tagged as တရုတ် ကုန်စည်



“ကျွန်တော်တို့ကုမ္ပဏီတွေ ဝင်လာဖို့အတွက်ကတော့ စိန်ခေါ်မှုတွေ ရှိနေပါသေးတယ်”

ရန်ကုန်မြို့၊ မင်းဓမ္မလမ်းရှိ Myanmar Event Park (MEP) တွင် မေလ ၁၇ ရက်နေ့မှ ၁၉ ရက် နေ့အထိ ပြုလုပ်သည့် တရုတ်-မြန်မာ ကုန်သွယ်မှုမြှင့်တင်ရေးဆိုင်ရာကုန်စည်ပြပွဲတွင် တရုတ်ကုမ္ပဏီ ၁၀၀ ခန့် လာရောက်ပြသလျက်ရှိပြီး လာရောက်ပြသရသည့်ရည်ရွယ်ချက်၊ မြန်မာနိုင်ငံဈေးကွက်အတွင်းသို့ ရှေ့ဆက်တိုးချဲ့ဆောင်ရွက်လိုသည့်အကြောင်းအရာများကို တရုတ်လုပ်ငန်းရှင်တစ်ဦးဖြစ်သည့် Mr.Hu Wei နှင့် တွေ့ဆုံမေးမြန်းထားသည်များကို စာဖတ်ပရိသတ်အတွက် ကောက်နုတ်ဖော်ပြလိုက်ပါသည်။ 

Voice : တရုတ်လုပ်ငန်းရှင်တစ်ဦးအနေနဲ့ မြန်မာနိုင်ငံပြပွဲမှာ အခုလိုလာရောက်ပြသရတဲ့ ရည်ရွယ်ချက်ကို ရှင်းပြပေးပါဦး။ 
Mr.HW : မြန်မာနိုင်ငံရဲ့ဈေးကွက်က အရမ်းကို စိန်ခေါ်မှုတွေရှိတဲ့ ဈေးကွက်ဖြစ်တယ်။ ဘာကြောင့်လဲဆို ဂျပန်ဘက်က စက်ပစ္စည်းတွေကလည်း မြန်မာနိုင်ငံကို အရောက်မြန်တဲ့အတွက် အခုကျွန်တော်တို့ ကုမ္ပဏီကထုတ်တဲ့ စက်ပစ္စည်းတွေကလည်းနာမည် ကြီးတံဆိပ်တစ်ခုဖြစ်တဲ့အတွက် မြန်မာနိုင်ငံဘက်ကို မျှဝေချင်တယ်။ မြန်မာနိုင်ငံက Customer တွေနဲ့ ရင်းနှီးသွားချင်လို့လည်း လာရောက်ပြသရတာပါ။

Voice : အခုပြပွဲမှာ ဘယ်လိုစက်ပစ္စည်းတွေကို အဓိက လာရောက်ပြသတာလဲ။
Mr.HW : မော်တော်ယာဉ်နဲ့ပတ်သက်တဲ့ ပစ္စည်းတွေ၊ မော်တော်ကားတွေနဲ့ လုပ်ငန်းသုံးမော်တော်ယာဉ်တွေကို အဓိက လာရောက်ပြသတာပါ။ 

Voice : ဒီပြပွဲအပြီး သွင်းရင်ရော နောက်ပိုင်းကုန်ပစ္စည်းတွေကို တိုက်ရိုက်ဝယ်ယူနိုင်အောင် ဘယ်လိုစီစဉ်သွားမလဲ။ 
Mr.HW : မန္တလေးမှာ ကျွန်တော်တို့ကုမ္ပဏီက ထုတ်တဲ့ပစ္စည်းတွေကို တိုက်ရိုက်မှာယူရောင်းချတဲ့ အရောင်းကိုယ်စားလှယ်ဆိုင် တစ်ခုရှိပါတယ်။ ကုန်ပစ္စည်းတွေကြိုက်လို့ ထပ်မှာယူချင်တယ်ဆိုရင် အဲဒီကနေ ဆက်သွယ်မှာယူလို့ရပါတယ်။ 

Voice : ဒီပြပွဲကနေရော ဘယ်လောက်အထိ အရောင်းအဝယ်ဖြစ်မယ်လို့ မျှော်မှန်းထားလဲ။ 
Mr.HW : အခုပြပွဲက အရမ်းအောင်မြင်တဲ့ ပြပွဲတစ်ခု ဖြစ်တဲ့အတွက် ဒီမှာပါဝင်ရတဲ့အတွက် အရမ်းကိုဝမ်းသာပါတယ်။ ကျွန်တော်တို့ကုမ္ပဏီအနေနဲ့လည်း မြန်မာနိုင်ငံဈေးကွက်ကို ဒါပထမဆုံးခြေလှမ်းဖြစ်တဲ့အတွက် အလားအလာကောင်းတွေ ရှိမယ်လို့တော့ မျှော်လင့်ပါတယ်။ 

Voice : နောက်ပိုင်းရော မြန်မာနိုင်ငံဈေးကွက်နဲ့ ကုန်သွယ်မှုတွေကို ဘယ်လိုချဲ့ထွင်သွားဖို့ရှိလဲ။ 
Mr.HW : ကျွန်တော်တို့အနေနဲ့ မြန်မာနိုင်ငံဈေးကွက်မှာ Partner (လုပ်ဖော်ကိုင်ဖက်) တစ်ယောက် ထပ်ရှာချင်ပါသေးတယ်။ သူနဲ့လက်တွဲပြီးတော့ နည်းစနစ်တွေ၊ စက်ပစ္စည်းတွေကို မြန်မာနိုင်ငံဈေးကွက်ထဲ ကျယ်ကျယ်ပြန့်ပြန့် ဖြန့်ဝေချင်တယ်။

Voice : တရုတ်လုပ်ငန်းရှင်တွေအနေနဲ့ မြန်မာနိုင်ငံဈေးကွက်နဲ့ ချိတ်ဆက်ရောင်းဝယ်ရာမှာ ဘယ်လိုအခက်အခဲတွေ အဓိကကြုံတွေ့ရလဲ။ 
Mr.HW : အဓိကပြဿနာက ဈေးနှုန်းပါပဲ။ ဂျပန်နိုင်ငံဘက်က စက်ပစ္စည်း Second Hand တွေကို မြန်မာနိုင်ငံမှာ ကျယ်ကျယ်ပြန့်ပြန့် အသုံးပြုနေတာ တော်တော်များများ တွေ့ရတဲ့အတွက် အဲဒါကို နိုင်အောင်လုပ်ဖို့၊ မီအောင်လိုက်ဖို့က အဓိကအခက်အခဲပါပဲ။

Voice : မြန်မာနိုင်ငံရဲ့ စီးပွားရေးအပေါ်ကိုရော ဘယ်လိုမြင်လဲ။
Mr.HW : မြန်မာနိုင်ငံရဲ့ စီးပွားရေးက တိုးတက်နေဆဲပါပဲ။ တော်တော်များများတော့ ကောင်းနေပြီ။ ကျွန်တော်တို့ကုမ္ပဏီတွေ ဝင်လာဖို့အတွက်ကတော့ စိန်ခေါ်မှုတွေ ရှိနေပါသေးတယ်။ 

Voice : အခုလိုဖြေကြားပေးတဲ့အတွက် ကျေးဇူးတင်ပါတယ်ရှင်။

နီလာမြင့်