News

POST TYPE

INTERVIEW

iMyanmarHouse.com ကုမ္ပဏီ အုပ်ချုပ်မှုဒါရိုက်တာ ဦးနေမင်းသူနှင့် တွေ့ဆုံခြင်း
09-May-2018 tagged as



“ဒီနိုင်ငံမှာ ကနဦးပေးသွင်းတာက အခုလောလောဆယ်မှာ ၃၀ ရာခိုင်နှုန်းဖြစ်နေတဲ့အတွက် ဝယ်သူဘက်ကကြည့်ရင် များနေသေးတယ်”

ရန်ကုန်မြို့ ဦးဝိစာရလမ်း တပ်မတော်ခန်းမ၌ မေလ ၁၁ ရက်နေ့မှ ၁၃ ရက်နေ့အထိ ၂၅ နှစ် အရစ်ကျဝယ်ယူနိုင်သည့်အိမ်ရာများ စတင်ရောင်းချမည်ဖြစ်သည်။ ထိုသို့ နှစ်ရှည်ဝယ်ယူခွင့်ရသော်လည်း လက်ရှိ ဘဏ်အတိုးနှုန်းအရ ၁၀ နှစ် အရစ်ကျဝယ်မည်ဆိုလျှင်ပင် တိုက်ခန်းတန်ဖိုး နှစ်ဆဖြစ်သွားမည့်အပေါ် iMyanmarHouse.com ကုမ္ပဏီ Managing Director ဦးနေမင်းသူနှင့် The Voice က တွေ့ဆုံမေးမြန်းထားပါသည်။

Voice : ၂၅ နှစ်အထိ အရစ်ကျစနစ်နဲ့ အိမ်ရာတွေ ဝယ်ယူခွင့်ရတော့မယ်ဆိုတော့ အတိုးနှုန်းတွေက ဘယ်လောက်တက်လာနိုင်လဲ။ လစဉ် ငွေပေးသွင်းရမှာတွေက ဘယ်လိုဖြစ်လာနိုင်လဲရှင်။
UNMT : အဓိကက မြန်မာနိုင်ငံမှာ အခုလောလောဆယ်မှာက အိမ်ရာချေးငွေလို့ပြောလိုက်ရင် အများဆုံးကတော့ ပြီးခဲ့တဲ့လတွေအထိ ၁၅ နှစ်အထိပဲ အဓိကရတယ်။ ရိုးမဘဏ်ရှိမယ်၊ ဧရာဝတီဘဏ်ရှိမယ်။ ကမ္ဘောဇဘဏ်ကတော့ ဒီလာမယ့် မေ ၁၁ ရက်နေ့ပွဲမှာ အိမ်ရာ ချေးငွေကို စပြီးမိတ်ဆက်မှာပေါ့။ အခုကမ္ဘောဇဘဏ်ကတော့ နှစ်ရှည် ၂၅ နှစ်အထိပေးမယ်ဆိုပြီး ကြေညာထားပါတယ်။ နှစ်ရှည်ဆိုတဲ့ကာလကလည်း မြန်မာနိုင်ငံမှာ ဖြစ်သင့်ပါတယ်။ တခြားနိုင်ငံတွေမှာက အိမ်ဝယ်ရင် ပိုက်ဆံတစ်လုံးတစ်ခဲတည်း ပေးဝယ်တယ်ဆိုတာ တော်တော်လေးရှားတယ်။ ထိုင်းနိုင်ငံ၊ မလေးရှားနိုင်ငံတို့၊ စင်ကာပူနိုင်ငံတို့မှာဆိုရင် အိမ်ရာကို အရစ်ကျစနစ်နဲ့ဝယ်ကြတယ်။ နှစ်ရှည်ပုံစံနဲ့ ဝယ်ကြတာများတယ်။ နှစ် ၂၀၊ ၂၅ နှစ်၊ နှစ် ၃၀ အဲဒီလိုမျိုးပုံစံတွေ ဝယ်ကြတာများတယ်။ နှစ်ရှည်တာနဲ့အမျှ တစ်လတစ်လ ပေးသွင်းရတဲ့ပမာဏက နည်းသွားတယ်။ အဲဒါကြောင့် လူအများစုတတ်နိုင်တဲ့ အနေအထားမျိုးမှာ ဖြစ်သွားတယ်။ အဓိကကတော့ အများပြည်သူအနေနဲ့ ပြန်စဉ်းစားရမှာက ဘာလဲဆိုတော့ နှစ်ရှည်ဖြစ်သွားတဲ့အတွက်ကြောင့်မို့လို့ အတိုးပေးရတဲ့ပမာဏကလည်း များသွားတယ်။ ၁၀ နှစ်လောက်ယူတယ်ဆိုရင်ပဲ အတိုးပမာဏက တိုက်ခန်းတန်ဖိုးရဲ့ နှစ်ဆလောက်ဖြစ်သွားတယ်။ ၂၅ နှစ်ဆိုရင် သုံးဆ၊ လေးဆလောက်ဖြစ်သွားနိုင်တယ်။ မြန်မာနိုင်ငံမှာ အတိုးက ၁၃ ရာခိုင်နှုန်းဖြစ်နေတယ်ဆိုတော့ နှစ်ရှည်ရင်ရှည်သလောက် အတိုးများများပေးရတယ်။ တစ်ဖက်မှာ ဘာကိုပြန်ကြည့်သင့်သလဲဆိုတော့ အိမ်၊ ခြံ၊ မြေဈေးနှုန်းဆိုတာက ရေရှည်ကာလမှာ တဖြည်းဖြည်းနဲ့ တက်သွားလေ့ရှိတယ်။ အဲဒီတော့ အခုချိန်မှာ သိန်းတစ်ထောင်လောက်ပေါက်နေတဲ့ တိုက်ခန်းတွေ၊ ကွန်ဒိုတွေက ပြီးခဲ့တဲ့ ၁၀ နှစ်လောက်ကဆို သိန်းရာဂဏန်းလောက်ပဲရှိတယ်။ အဲဒီလိုမျိုးပဲ အခုချိန်မှာ သိန်းရာဂဏန်းပဲရှိတဲ့ တိုက်ခန်းတွေက နောက် ၁၀ နှစ်လောက်ဆိုရင် သိန်းထောင်ဂဏန်းလောက်လည်း ဖြစ်ချင်ဖြစ်သွားနိုင်တယ်။ ဘာဖြစ်လို့လဲဆိုတော့ ကျွန်တော့်မှာရှိတဲ့ အိမ်၊ ခြံ၊ မြေ ဈေးနှုန်းတွေကလည်း အမြဲတမ်းပြောင်းလဲနေတယ်။ ရေတိုမှာ ဈေးကျချင်ကျမယ်။ ရေရှည်ကိုကြည်မယ်ဆိုရင် ကမ္ဘာပေါ်မှာရှိတဲ့ နိုင်ငံတိုင်းရဲ့ အိမ်၊ ခြံ၊ မြေဈေးနှုန်းတွေက တက်လေ့ရှိတယ်။ နောက်တစ်ခုကတော့ ငွေကြေးဖောင်းပွမှုက မြန်မာနိုင်ငံမှာ မြင့်တာဖြစ်တဲ့အတွက် အိမ်၊ ခြံ၊ မြေ တန်ဖိုးက တက်ကိုတက်ရတယ်။ အဲဒီတော့ အခုလောလောဆယ်မှာ သိန်း ၂၀၀ တန်တိုက်ခန်းကို ၁၀ နှစ် အရစ်ကျနဲ့ ဝယ်လိုက်တယ်ဆိုပါတော့။ နောက်ထပ် သိန်း ၂၀၀ လောက် အတိုးပေးရတယ်။ အဲဒီတော့ စုစုပေါင်း သူပေးရတဲ့ပမာဏက သိန်း ၄၀၀ လောက်ဖြစ်သွားတယ်။ ရုတ်တရက်ကြည့်ရင် အိမ်တန်ဖိုးကြီးက နှစ်ဆပေးရတယ်လို့ မြင်ကောင်းမြင်လိမ့်မယ်။ ဒါပေမဲ့လည်း ဝယ်သူအများစု မသိတဲ့အချက်က ဘာလဲဆိုတော့ နံပါတ်တစ်အချက်က သူ့တိုက်ခန်းက အခုချိန်မှာ သိန်း ၂၀၀ ဖြစ်ပေမယ့် နောက် ၁၀ နှစ်အကြာမှာ သိန်းတစ်ထောင်လည်း ဖြစ်သွားနိုင်တယ်။ အဲဒီအချိန်မှာ သူပြန်ရောင်းရင် သူ့မှာအမြတ်ရှိသွားပြီ။ နောက်တစ်ခုက ဒီ ၁၀ နှစ် ကာလအတွင်းမှာ သူတတ်နိုင်သလောက်လေး ပြန်ဆပ်သွားတာဖြစ်တဲ့အတွက် ဝန်ထုပ်ဝန်ပိုးမဖြစ်တော့ဘူး။ အိမ်ပေါ်မှာလည်း အခမဲ့နေခွင့်ရသွားမယ်။ အဲဒီတော့ အဲဒီအကျိုးအမြတ်တွေ သူရရှိသွားမယ်။ လူအများစု တွေးမိတာက အတိုးများတာကိုပဲ ကြည့်ကြတယ်။ အိမ်အလကားနေလို့ရတယ်ဆိုတာ မကြည့်ကြဘူး။ တခြားနိုင်ငံတွေမှာဆို အိမ်အရစ်ကျဝယ်ပြီး ဈေးကစားတာတွေတောင်ရှိတယ်။ သိန်းတစ်ထောင်ရှိတာကို သိန်းတစ်ထောင်တန်တိုက်ခန်းမဝယ်ဘဲနဲ့ သိန်း ၂၀၀ တန် တိုက်ခန်း ငါးခန်းဝယ်ပြီး ဈေးတက်လာတဲ့အချိန်မှာ ပြန်ရောင်းစားလိုက်တာတွေရှိတယ်။

Voice : ဘဏ်တွေက အခုဆိုရင် အရစ်ကျစနစ်နဲ့ တိုက်ခန်းတွေကို အပြိုင်အဆိုင်ရောင်းချနေတော့ နောက်ပိုင်းမှာ အတိုးနှုန်းတွေ လျော့ကျလာဖို့ရှိလား ရှင်။
UNMT : ဟုတ်ပါတယ်။ ဘဏ်အတိုးနှုန်းတွေက လျော့ကျနိုင်ခြေရှိပါတယ်။ အခုဆို ကမ္ဘောဇဘဏ်က ငွေစုစာရင်းရဲ့အတိုးတွေကို စတင်လျှော့ချလိုက်တာ တွေ့ပါတယ်။ အပ်ငွေအတိုးနှုန်းတွေက ကျသွားတာနဲ့အမျှ တစ်ဖက်က ချေးငွေအတိုးနှုန်းတွေကလည်း တဖြည်းဖြည်းနဲ့ လိုက်ကျလေ့ရှိတယ်။ ဒါက နိုင်ငံတကာမှာလည်း ဖြစ်ရိုးဖြစ်စဉ်တစ်ခုပါပဲ။ အခု iMyanmar House အနေနဲ့ ဈေးကွက်ထဲမှာ အိမ်ရာချေးငွေတွေ ပေးနေတဲ့ ဧရာဝတီဘဏ်၊ ရိုးမဘဏ်၊ ကမ္ဘောဇဘဏ် တို့ရဲ့ အိမ်ရာစာချုပ်တွေကို ကြည့်ဖူးပါတယ်။ ဒီဗဟိုဘဏ်က သတ်မှတ်တဲ့ချေးငွေနှုန်းထားတွေ လျော့ကျလာတာနဲ့အမျှ အိမ်ရာချေးငွေရဲ့ အတိုးနှုန်းတွေလျော့ပါမယ်ဆိုတဲ့အချက်ကို ဖော်ပြထားပါတယ်။ အခုလောလောဆယ်မှာ ၁၃ ရာခိုင်နှုန်းဖြစ်ပေမယ့် နောင်နှစ်မှာ ၁၁ ရာခိုင်နှုန်းကျသွားတယ်ဆိုရင်လည်း ကျသွားတဲ့ အတိုးနှုန်းအတိုင်းပဲ ဝယ်တဲ့သူဘက်က ပေးရမှာပါ။

Voice : အတိုးနှုန်းက ၁၀ နှစ်ယူမယ်ဆိုရင် မြန်မာနိုင်ငံမှာ တိုက်ခန်းတန်ဖိုးက နှစ်ဆဖြစ်သွားတယ်ပေါ့နော်။ ဒါက အာဆီယံနိုင်ငံတွေမှာလည်း အဲဒီလိုမျိုးဖြစ်လား။
UNMT : သူများနိုင်ငံမှာ ဘာဖြစ်လို့ နှစ်ဆမဖြစ်လဲဆိုရင် အဓိကက အတိုးနှုန်းကြောင့်ပါ။ ပြည်တွင်းမှာက ၁၃ ရာခိုင်နှုန်းဆိုတော့ ၁၀ နှစ်ဆိုရင်ပဲ ရာခိုင်နှုန်း ၁၃၀ ဖြစ်နေပြီ။ စင်ကာပူနိုင်ငံမှာဆိုရင် တစ်ရာခိုင်နှုန်းကျော်၊ အများဆုံးက နှစ်ရာခိုင်နှုန်းကျော်ပဲရှိတော့ ၁၀ နှစ်ယူလိုက်မယ်ဆိုရင်တောင် အတိုးက အိမ်တန်ဖိုးရဲ့ လေးပုံတစ်ပုံလောက်ပဲရှိတယ်။ အဲဒီတော့ တခြားနိုင်ငံနဲ့ယှဉ်လိုက်ရင် ပြည်တွင်းအတိုးနှုန်းက တော်တော်လေးများနေတာဖြစ်တဲ့အတွက်ကြောင့်မို့လို့ အတိုးနှုန်းလျှော့ချသင့်တယ်လို့ မကြာခဏ အကြံပေးပြောဆိုနေပါတယ်။ အတိုးနှုန်းလျှော့တဲ့အခါမှာလည်း ချက်ချင်းကြီးမလျှော့ဘဲ တဖြည်းဖြည်းချင်းလျှော့ရင် အဆင်ပြေသွားနိုင်ပါတယ်။ ပြီးတော့ ဒီနိုင်ငံမှာ ကနဦးပေးသွင်းတာက အခုလောလောဆယ်မှာ ၃၀ ရာခိုင်နှုန်းဖြစ်နေတဲ့အတွက် ဝယ်သူဘက်ကကြည့်ရင် များနေသေးတယ်။ နိုင်ငံတကာမှာတော့ ၂၀ ရာခိုင်နှုန်း သတ်မှတ်ထားတဲ့အတွက် ဝယ်တဲ့သူတွေအနေနဲ့ ပိုအဆင်ပြေတယ်။ ဒါပေမဲ့လည်း နောက်ပိုင်းမှာ ပြည်တွင်းမှာလည်း ၂၀ ရာခိုင်နှုန်းတွေ ဖြစ်လာနိုင်ပါတယ်။

Voice : အခုပြပွဲမှာဆိုရင် ဝင်ငွေထောက်ခံချက် ပြရမယ်ဆိုပြီးပါတယ်။ ဒါဟာ အစိုးရဝန်ထမ်း၊ ကုမ္ပဏီဝန်ထမ်းတွေအတွက် လွယ်ကူတယ်ပေါ့နော်။ အပြင်ကလူတွေ ဝယ်မယ်ဆိုရင်ရော ဝင်ငွေထောက်ခံချက်ကို ဘယ်လိုပုံစံနဲ့ ပြရမလဲ။
UNMT : ဟုတ်ပါတယ်။ ဝင်ငွေအထောက်အထားကို တောင်းပါတယ်။ ဝင်ငွေအထောက်အထားမပြနိုင်ဘူးဆိုရင် ဘဏ်ရဲ့ငွေစုစာရင်းကို ကြည့်ပါတယ်။ ဒီလူဟာ လစဉ်ဝင်ငွေ အမြဲတမ်းရှိလား မရှိဘူးလားဆိုတာ စိစစ်တယ်။ အခုလောလောဆယ်က ကနဦးပေးသွင်းငွေကို ၃၀ ရာခိုင်နှုန်းသတ်မှတ်ထားတယ်။ သိန်း ၂၀၀ တန် တိုက်ခန်းဝယ်မယ့်သူက လက်ထဲမှာ သိန်း ၆၀ ပေးရမှာဖြစ်တဲ့အတွက် ဘဏ်ထဲမှာ သိန်း ၆၀ ရှိလား မရှိဘူးလားဆိုတာ စိစစ်မှာဖြစ်တယ်။ ဘဏ်တွေ စိုးရိမ်တာက ကနဦးပေးသွင်းငွေကို ပေးပြီးဝယ်လိုက်ပါရဲ့။ လစဉ်ဆပ်တဲ့အခါ မဆပ်နိုင်မှာကို စိုးရိမ်ကြတယ်။ အဲဒီအတွက်ကြောင့် အထောက်အထားတွေကို ကြည့်ချင်ကြတာဖြစ်ပါတယ်။ အဲဒီတော့ ကျွန်တော်အများဆုံး ပြောပါတယ်။ လူငယ်နဲ့ လူလတ်တွေအနေနဲ့ လစာရလာပြီဆိုရင် ဘဏ်စုစာရင်းလုပ်ပြီး ဘဏ်ထဲမှာ ပစ်ထည့်လိုက်သင့်တယ်။ နောက်မှ တဖြည်းဖြည်း ထုတ်သုံးလို့ရမယ်။ ဒီတော့ ဘဏ်ကပြန်စစ်တဲ့အခါ သူ့စာရင်း၊ လစာဘယ်လောက်ဝင်တယ်ဆိုတာသိပြီး လစဉ်ဝင်ငွေကို သိနိုင်တဲ့အတွက် အိမ်ရာချေးငွေကို ထုတ်ချေးရဲတယ်။ မြန်မာနိုင်ငံမှာ အဲဒီအချက်က တော်တော်လေးအားနည်းနေပါတယ်။ ပြီးတော့ လစာရဲ့ပမာဏတစ်ခုကို စုငွေအဖြစ် ထားသင့်တယ်။

Voice : ဒါဆို ကနဦးသွင်းငွေလည်း ပေးပြီးသွားပြီ။ လစဉ်ဝင်ငွေပေးသွင်းတဲ့အပိုင်း ညှိတာလည်း အဆင်ပြေတယ်ဆိုရင် ဘယ်အချိန် အိမ်ပေါ်တက်ခွင့်ရမလဲရှင်။
UNMT : အဲဒါက နှစ်ပိုင်းရှိပါတယ်။ တစ်ခုက ဆောက်လုပ်ပြီးစီးတဲ့ တိုက်ခန်းတွေ၊ ကွန်ဒိုတွေရှိတယ်။ နောက်တစ်ဖက်က ဘာရှိလဲဆိုတော့ ဆောက်လုပ်ဆဲပေါ့နော်။ ၇၅ ရာခိုင်နှုန်းပြီးစီးနေတဲ့ တိုက်ခန်းတွေ၊ ကွန်ဒိုတွေရှိတယ်။ အဲဒီတော့ ဆောက်လုပ်ပြီးသားဟာတွေကျတော့ ကနဦးငွေသွင်းပြီး ဘဏ်ကငွေထုတ်ချေးလိုက်တာနဲ့ တစ်ပြိုင်နက် အိမ်ပေါ်တက်နေလို့ရပါတယ်။ အဲဒီလုပ်ငန်းစဉ်က အများဆုံးကြာရင် တစ်လလောက်ပဲကြာမှာပါ။ နောက်တစ်ခုက ကြိုပွိုင့်လိုပုံစံမျိုးပေါ့။ ဒီပုံစံကလည်း ခိုင်မာတဲ့ ဆောက်လုပ်ရေးလုပ်ငန်းရှင်တွေနဲ့ပူးပေါင်းပြီး ရောင်းချတာဖြစ်လို့ အခန်းမပြီးမှာကို စိုးရိမ်စရာမရှိပါဘူး။ ကြာမယ်ဆိုတာကလည်း လေးလကနေ ခြောက်လအထိပဲကြာနိုင်တယ်။ စောင့်ရတဲ့ကာလမှာလည်း ခြောက်လအတွင်းမှာ စတင်ပြီး လစဉ်ဝင်ငွေသွင်းရတာရှိသလို မသွင်းရတာမျိုးလည်းရှိတယ်။ ဒါကတော့ ဆောက်လုပ်ရေးလုပ်ငန်းရှင်အပေါ်မှာပဲ မူတည်ပါတယ်။ ဝယ်သူနဲ့ ဆောက်လုပ်ရေးလုပ်ငန်းရှင်နဲ့ ညှိနှိုင်းရမှာပါ။

Voice : အိမ်ရာဝယ်ယူစဉ်မှာ အကြောင်းအမျိုးမျိုးကြောင့် လစဉ်ဝင်ငွေပြန်မဆပ်နိုင်တဲ့ အခြေအနေမျိုးတွေအတွက် ဘာတွေကြိုတင်ပြင်ဆင်ထားသလဲရှင်။
UNMT : အဓိကကတော့ ဘဏ်က ဒါတွေကို ပြင်ဆင်ထားတယ်။ ဘယ်လိုမျိုးလုပ်ထားသလဲဆိုတော့ လစဉ်ဆပ်ရမယ့်ဟာကို ပုံမှန်ဆပ်သွားရမယ်။ တကယ်လို့ပျက်ကွက်ခဲ့မယ်ဆိုရင် တချို့ဘဏ်တွေက ရက်ပေါင်း ၉၀ အထိစောင့်ပေးပါတယ်။ ဒီရက်က ကျော်ရင်တော့ တရားစွဲဆိုတာတွေ စတင်လုပ်ဆောင်တာတွေရှိတယ်။ ပြီးရင် အခန်းကိုပြန်သိမ်းတာမျိုးတွေ လုပ်လေ့ရှိတယ်။ ဈေးကွက်ထဲမှာ အဲဒီလိုဖြစ်တာတော့ တော်တော်လေး ရှားပါသေးတယ်။

Voice : လစဉ်ငွေပြန်ဆပ်နေစဉ်အတွင်းမှာ ဝယ်ထားတဲ့တိုက်ခန်းက အကြောင်းအမျိုးမျိုးကြောင့် တစ်ခုခုဖြစ်ခဲ့တယ်ဆိုရင် ဘယ်အဖွဲ့က တာဝန်ယူပေးမှာလဲရှင့်။
UNMT : အိမ်ခေါင်မိုးက မိုးယိုတယ်ဆိုရင် တာဝန်ယူတဲ့ဆောက်လုပ်ရေးလုပ်ငန်းရှင်ကို ပြောရမယ်။ လုပ်ငန်းရှင်အများစုက တိုက်တစ်လုံးကိုဆောက်ပြီး ရောင်းပြီးသွားတယ်ဆိုရင် အာမခံသက်တမ်းတစ်နှစ် ပြန်ပေးလေ့ရှိတယ်။ တစ်နှစ်အတွင်းမှာ မိုးယိုတာဖြစ်ရင်၊ အိမ်သာက ရေယိုရင် ပြန်လုပ်ပေးမယ်ဆိုတာမျိုး ထည့်ရေးထားလေ့ရှိတယ်။ အဲဒီတော့ အဆောက်အအုံပိုင်းနဲ့ပတ်သက်တဲ့ဟာကတော့ ဆောက်လုပ်ရေးလုပ်ငန်းရှင်ကို ပြန်ပြီးပြောရမှာပေါ့နော်။ နောက်တစ်ခုက ဝယ်သူအများစု မေးလေ့ရှိတဲ့မေးခွန်းက အိမ်ရာချေးငွေကို ၁၅ နှစ် အရစ်ကျနဲ့ဝယ်ပြီး လစဉ်ငွေသွင်းနေရင်းနဲ့မှ ထီပေါက်သွားရင်ပဲဖြစ်ဖြစ်၊ အမွေရလို့ပဲဖြစ်ဖြစ် ချေးငွေကိုတစ်လုံးတည်းပြန်ဆပ်မယ်ဆိုရင်လည်း ဆပ်လို့ရပါတယ်။

Voice : ဒီလိုမျိုး ဘဏ်က ဆောက်လုပ်ရေးလုပ်ငန်းရှင်တွေနဲ့ ချိတ်ထားတဲ့ အိမ်ရာတွေမဟုတ်ဘဲ ရပ်ကွက်ထဲမှာရှိတဲ့ အိမ်ရာတွေကို ဝယ်သူက ကိုယ့်ဟာကိုရှာပြီး ဘဏ်ချေးငွနဲ့ ဝယ်ယူချင်တယ်ဆိုရင်ရော ရမလား။
UNMT : ဒါကတော့ ကျွန်တော်တို့အခေါ်အရ Secondary Market လို့ခေါ်တယ်။ အိမ်ရာအဟောင်း ဈေးကွက်လို့ခေါ်တယ်။ ဒီအဟောင်းဈေးကွက်ထဲမှာလည်း ဘဏ်ချေးငွေနဲ့ အိမ်ရာဝယ်ယူခွင့်တွေ နောက်ပိုင်းမှာ ဖြစ်လာနိုင်ပါတယ်။ အခုလောလောဆယ်တော့ အဟောင်းဈေးကွက်မှာ ဘဏ်နဲ့ချိတ်ပြီး ရောင်းတာဝယ်တာက တွင်တွင်ကျယ်ကျယ် မဖြစ်သေးဘူး။ တဖြည်းဖြည်းနဲ့တော့ ဖြစ်လာနိုင်ပါတယ်။

Voice : ဒီလိုနှစ်ရှည်ချေးငွေနဲ့ အိမ်ရာဝယ်ယူခွင့်တွေရှိလာတော့ ရှေ့လျှောက်မှာ အိမ်၊ ခြံ၊ မြေလောက အပြောင်းအလဲမှာ ဘာတွေဖြစ်လာနိုင်လဲ။ ပြီးတော့ ပြပွဲအတွက် ဈေးကွက်ထဲမှာ ဘယ်အိမ်ရာတွေက လူတွေစိတ်ဝင်စားမှု အများဆုံးဖြစ်နေလဲ။
UNMT : ဈေးကွက်အနေအထားအရ တန်ဖိုးနည်းနဲ့ တန်ဖိုးလတ်အိမ်ရာတွေက လူတွေစိတ်ဝင်စားမှုအများဆုံးဖြစ်ပါတယ်။ သိန်း ၂၀၀ နဲ့ သိန်း ၅၀၀ ကြားပေါ့။ အဲဒီပတ်ဝန်းကျင်ကတော့ လူစိတ်ဝင်စားမှုအများဆုံးဖြစ်ပါတယ်။ ပြီးရင်တော့ သိန်း ၅၀၀ နဲ့ သိန်း ၁၀၀၀ ကြား တိုက်ခန်းတွေ၊ အသေးစားကွန်ဒိုတွေကို စိတ်ဝင်စားမှုတွေရှိပါတယ်။ အဲဒီမှာ တန်ဖိုးနည်းနဲ့ တန်ဖိုးလတ် တိုက်ခန်းတွေက ဈေးကွက်လိုအပ်ချက် တော်တော်လေးများတာတွေ့ရတယ်။ ဈေးကွက်ထဲမှာ တန်ဖိုးနည်းက အခန်း ၁၀၀ လောက်ရှိတယ်ဆိုရင် လူသုံး၊ လေးထောင်လောက်က ဝယ်ယူချင်တာတွေ့ရတယ်။ အဲဒီတော့ ဒီအနေအထားကလည်း အခြေခံလူတန်းစားတွေအတွက် အိမ်ရာလိုအပ်ချက်ကို အစိုးရက ထဲထဲဝင်ဝင် ဖြည့်ဆည်းမပေးနိုင်သေးဘူး။ နောက်တစ်ခုက ဆောက်လုပ်ရေးလုပ်ငန်းရှင်တွေကလည်း တန်ဖိုးနည်းအိမ်ရာ ဆောက်ပေးချင်ပေမယ့် မြေဈေးကြီးမြင့်မှုပြဿနာတွေနဲ့ ကြုံတွေ့နေရတယ်။ အိမ်၊ ခြံ၊မြေကဏ္ဍ အပြောင်းအလဲက ဘာတွေဖြစ်လာနိုင်လဲဆိုတော့ အခုပြပွဲမှာဆိုရင် ဆောက်လုပ်ရေးလောကမှာ နာမည်ရပြီးသား လုပ်ငန်းရှင်တွေရဲ့တိုက်ခန်းတွေကို အများဆုံးရောင်းချပေးတယ်။ အဆောက်အအုံတစ်ခုဟာ ၇၀ ရာခိုင်နှုန်း ဆောက်လုပ်ပြီးစီးတယ်ပြောရင် တကယ်ပြီးလား၊ မပြီးဘူးလားဆိုတာ ဝင်ပြီးစစ်ဆေးတယ်။ အခုဆို ဘဏ်တွေက ၂၅ နှစ်အထိ ချေးငွေပေးတော့ ပိုပြီးအရောင်းအဝယ်တွေဖြစ်လာလိမ့်မယ်။ အိမ်၊ ခြံ၊ မြေမှာ ရင်းနှီးမြှုပ်နှံချင်တဲ့ဈေးကွက်တစ်ခု ပြန်ပြီးပေါ်လာလိမ့်မယ်။ 

Voice : ဒီပြပွဲမှာ တန်ဖိုးနည်း၊ တန်ဖိုးလတ်အိမ်ရာကို လာရောက်ဝယ်သူတွေအနေနဲ့ နှစ်ရှည်ရွေးတဲ့အခါ ဘယ်လိုနှစ်မျိုးကို ရွေးချယ်သင့်သလဲ။ နှစ်နည်းလွန်းရင်လည်း လစဉ်ဘဏ်ကို ပေးသွင်းရမယ့် ပမာဏကလည်း များတာတွေ့ရတယ်။ နှစ်များလွန်းရင်လည်း အတိုးနှုန်းများတာတွေဖြစ်နေတော့ ဘယ်လိုမျိုး ရွေးချယ်သင့်လဲရှင်။
UNMT : ပြပွဲအတွင်းမှာ ဘဏ်သုံးဘဏ်နဲ့ တစ်နေရာတည်းမှာ လျှောက်ထားဝယ်ယူလို့ရအောင် လုပ်ဆောင်ပေးထားပါတယ်။ သူတို့နဲ့ဆွေးနွေးပြီး အကြံဉာဏ်တွေယူလို့ရပါတယ်။ ငါးနှစ်ယူမယ်ဆိုရင် တစ်လပြန်သွင်းရမှာ ဘယ်လာက်ကျလဲ။ ၁၅ နှစ်ယူမယ်ဆိုရင် တစ်လပြန်သွင်းရမှာ ဘယ်လောက်ကျလဲ။ အတိုးလည်း ဘယ်လောက်ပေးရမလဲဆိုတာကို ဘဏ်ဝန်ထမ်းတွေက တစ်ထိုင်တည်း တွက်ချက်ပေးမှာဖြစ်ပါတယ်။ အဲဒီအပေါ်မှာမူတည်ပြီး စဉ်းစားဆုံးဖြတ်စေချင်ပါတယ်။ နှစ်အရမ်းတိုသွားရင်လည်း မကောင်းဘူး။ နှစ်အရမ်းရှည်သွားရင်လည်း မကောင်းတဲ့အတွက် လူအများစုကတော့ ၁၀ နှစ်၊ ၁၅ နှစ် ချေးငွေပုံစံကိုပဲ ယူကြလိမ့်မယ်လို့ သုံးသပ်ပါတယ်။

Voice : ဟုတ်ကဲ့။ အခုလိုပြည့်ပြည့်စုံစုံ ဖြေကြားပေးတာ ကျေးဇူးတင်ပါတယ်ရှင်။

မေလှိုင်းသူ

  • TAGS