News

POST TYPE

YOUTH

၂၀၁၈ အောင်မြင်သော လူငယ်စွန့်ဦးလုပ်ငန်းရှင်လေးများ
01-Sep-2018





ဆူဟေးလ် ဒိုရှီ (Suhail Doshi)
 
၂၉ နှစ်သာရှိသေးသည့် ဒိုရှီသည် စတိဂျော့ဆိုသည့် Apple ကုမ္ပဏီကြီးကို ထူထောင်ခဲ့သူ တီထွင်သွားသော ဒီဇိုင်းများကို မှားနေသည်ဟု မြင်သူဖြစ်သည်။ ထို့ကြောင့်လည်း သူက ကိုယ်ပိုင်ကုမ္ပဏီတစ်ခုထူထောင်ပြီး သက်သေပြနိုင်ရန် ကြိုးစားမည်ဟု ဆုံးဖြတ်လိုက်သည်။ 

သူသည် Intel ကုမ္ပဏီတွင် ဒေါ်လာ ၉၀,၀၀၀ စားသည့် အင်ဂျင်နီယာတစ်ယောက်ဖြစ်ရန်လည်း စိတ်ကူးယဉ်ခဲ့ဖူးသည်။ အမေရိကန်ပြည်ထောင်စု အရီဇိုးနားတွင် ကြီးပြင်းခဲ့ရသည့် ဒိုရှီသည် ငယ်စဉ်ကတည်းက မြင့်မြင့်တွေးပြီး ကြိတ်ကြံနေသူတစ်ယောက် ဖြစ်သည်။

ယနေ့ ဒိုရှီတစ်ယောက် Mixpanel ဆိုသည့် ကုမ္ပဏီတွင် CEO အဖြစ် တာဝန်ယူထားသည်။ ဆန်ဖရန်စစ္စကိုတွင် ထူထောင်ထားသော သူ့ကုမ္ပဏီသည် ယခုအခါ ဝန်ထမ်းပေါင်း ၃၀၀ ကျော်ရှိနေပြီ ဖြစ်ပြီး လူတိုင်း မိမိတို့သိလိုသော သတင်းအချက်အလက်များကို သိနိုင်စေရန် ဝန်ဆောင်မှုများပေးနေသည့် လုပ်ငန်းကြီးတစ်ခုဖြစ်ကာ တိုးတက်နေသည့် လုပ်ငန်းစာရင်းဝင်ဖြစ်လာခဲ့ရသည်။

သူ့ဝန်ဆောင်မှုက အင်တာနက်ထဲတွင် မည်သူတွေ ဘာလိုသနည်းဆိုခြင်းကို သိအောင်လုပ်သည်။ လိုအပ်ချက်များကို ဖြည့်ဆည်းဝန်ဆောင်ပေးရင်း BMW, OpenTable, Intuit ဆိုသည့် ကုမ္ပဏီကြီးများကို သူ့ဖောက်သည်ဖြစ်အောင် ဆွဲဆောင်နိုင်ခဲ့သည်။ 

ဒိုရှီသည် သူ့လုပ်ငန်းကို ၂၀၀၉ ခုနှစ်ကတည်းက စတင်ခဲ့သည်။ အသက် ၂၀ နှစ်အရွယ် လူငယ် လေးတစ်ယောက်သည် တင်မ်ထရက်ဖရန်ဆိုသည့် သူနှင့် ရွယ်တူကောင်လေးတစ်ယောက်ကို မိတ်ဆွေဖြစ်ခွင့်ရလိုက်သည်။ သူတို့နှစ်ယောက်ပူးပေါင်းပြီး စိတ်ကူးတွေ တည်ဆောက်ကြသည်။ ကုမ္ပဏီတစ်ခု ထူထောင်ရန် ဆုံးဖြတ်လိုက်ကြသည်။ 

သူတို့ကုမ္ပဏီထောင်မည်ဆိုမှ အမေရိက၏ စီးပွားရေးအခြေအနေကလည်း ထိုးကျနေသည်။ စီးပွားရေးလုပ်ငန်းများ အခက်တွေ့နေခြင်းကို သူတို့ အချက်ဖြစ်ရမည်ဟု ခံယူထားသည်။ စီးပွားရေးကျဆင်းနေချိန်တွင် လုပ်ငန်းများ ပြန်လည်ဦးမော့လာစေရန် သတင်းအချက်အလက်များလိုမည်သာ ဖြစ်သည်။ သူတို့လိုအပ်သည့် သတင်းအချက်အလက်များကို ဖွေရှာပေးရင်း Mixpanel သည် ဒေါ်လာ သန်း ၄၀ ခန့်ရင်းနှီးမြှုပ်နှံသည့် ကုမ္ပဏီကြီးအဖြစ် အောင်မြင်လာခဲ့ရသည်။ ဒိုရှီတစ်ယောက် သူ့စိတ်ကူးအတိုင်း ဖြစ်အောင်လျှောက်နိုင်ခဲ့ခြင်းဖြစ်သည်။ 

စီးပွားရေးအခွင့်အရေးတစ်ခုကို ဆုပ်ကိုင်မိရန်အတွက် သူ့ထံတွင် လုပ်ငန်းများကို အလွယ်တကူ ပိုင်းဖြတ်သုံးသပ်နိုင်မည့် ဆော့ဖ်ဝဲတစ်ခုရှိရမည်။ ထင်ကြေးနှင့် မိမိဖောက်သည်များကို ရှင်းပြနေခြင်းထက်၊ ခိုင်မာသည့် သက်သေများဖြင့် တည်ဆောက်ထားသည့် အချက်အလက်ဒေတာများနှင့် တည်ဆောက်ပြမှရမည်ကို သူကောင်းကောင်းသိထားသည်။ ၂၀၀၀ ပြည့်နှစ်ခန့်က တည်ဆောက်ခဲ့သော လုပ်ငန်းအများစုသည် တီထွင်ဖန်တီးရှင်ကြီးများ၏ စိတ်ကူးကောင်းကောင်းများဖြင့် တီထွင်အောင်မြင်ခဲ့သော လုပ်ငန်းများ ဖြစ်ကြသည်။ များသောအားဖြင့် စတိဂျော့လို ပုဂ္ဂိုလ်မျိုးတွေ တည်ဆောက်ခဲ့ကြသော လုပ်ငန်းများ ဖြစ်ကြသည်။ ထို့ကြောင့် ထိုပုဂ္ဂိုလ်များကိုသွားပြီး ဖြီးလုံးထုတ်၍မရ။ သူတို့တီထွင်ထားသည့် ဆော့ဖ်ဝဲနှင့် ကုမ္ပဏီက ဆရာကြီးတွေထက် ပိုပြီးသာလွန်ကြောင်း မပြနိုင်လျှင် သူတို့တိုး၍မရနိုင်ပေ။ 

ဒိုရှီတို့က ဒေတာတွေကို လုပ်ဆောင်ပြနိုင်သည့် အဆင့်ရောက်အောင် ဖော်ထုတ်ပြီး လုပ်ငန်းရှင်ကြီးတွေကို ချဉ်းကပ်သည်။ လုပ်ငန်းတွေကို ခွဲခြမ်းစိတ်ဖြာပြပြီး မည်သို့အောင်မြင်အောင် လုပ်ဆောင်နိုင်ကြောင်း လမ်းခင်းမပြနိုင်လျှင် သူတို့ကို အဖက်ပင် လုပ်မည် မဟုတ်ပေ။ သူက ၂၀၀၉ ခုနှစ်လောက်ကတည်းက ရရှိထားသည့် ဒေတာများအပေါ် မူတည်ပြီး မည်သို့ ဖွံ့ဖြိုးတိုးတက်အောင်လုပ်ဆောင်နိုင်မည်ဆိုခြင်းကို ပြသနိုင်ခဲ့သည်။ သူ့လုပ်ဆောင်နိုင်မှုက ဆီလီကွန်တောင်ကြားကိုပင် များစွာပြောင်းလဲသွားစေခဲ့ကြောင်း သူကဆိုသည်။ 

Mixpanel သည် လုပ်ငန်းရှင်များအတွက် အချက်အလက်ဒေတာများ လိုချင်သမျှ ရရှိစေရန် ပထမဆုံး ဝန်ဆောင်မှုလုပ်ငန်းတော့မဟုတ်။ Google Analytics နှင့် Kissmetrics ဆိုသည့် အဖွဲ့တွေကလည်း ဒေတာဝန်ဆောင်မှုလုပ်ငန်းများကို လုပ်ဆောင်ပေးနေသည်။ သူတို့အားလုံး အပြိုင်ကြိုးစားနေကြခြင်းဖြစ်သည်။ ဒေတာရယူလိုသည့် ဝန်ဆောင်မှုလုပ်ငန်းကလည်း ၂၀၂၀ တွင် ဒေါ်လာ ဘီလီယံ ၂၀၀ ခန့် အထိ တိုးတက်ဖွံ့ဖြိုးလာနိုင်သော လုပ်ငန်းကြီးဖြစ်ကြောင်း IDC က ခန့်မှန်းထားသည်။ 

အမေရိက၏ စီးပွားရေး အကျပ်အတည်းကာလတွင် အောင်မြင်သော ကုမ္ပဏီတစ်ခုဖြစ်လာစေရန်ဆိုသည်မှာ အလွန်မလွယ်ကူသည့် စွန့်စားမှုတစ်ခု ဖြစ်သည်။ Mixpanel ကို ဦးဆောင်မည့်သူလိုသည်။ သူတို့ သူငယ်ချင်းနှစ်ယောက်ကလည်း လူငယ်လေးတွေ ဖြစ်နေသဖြင့် CEO တာဝန်ကိုယူရန် မဝံ့မရဲဖြစ်နေသည်။ သူတို့လုပ်ငန်း၏ ပထမသုံးနှစ်တာကာလကလည်း သူတို့ကို စိန်ခေါ်မှုများစွာဖြစ်စေခဲ့သည်။ 

သို့သော် သူတို့ကြိုးစားခဲ့ကြသည်။ ယခုအခါ ဝန်ထမ်းပေါင်း ၃၀၀ ကျော်နှင့် လည်ပတ်နေပြီး ၂၀၁၇ ခုနှစ်တွင် သူတို့လုပ်ငန်းတိုးတက်မှုအတွက် ဝန်ထမ်းဦးရေကို ၃၈ ရာခိုင်နှုန်း တိုးမြှင့်ခန့်ထားနိုင်ခြင်းဖြစ်သည်။ သူတို့ ဖောက်သည်တွေကို အချက်အလက်ဒေတာများ အချိန်မီရယူနိုင်ရေးကို လုပ်ဆောင်ပေးရန် အရေးကြီးသည်။ သူတို့ Mixpanel ကုမ္ပဏီကို လည်း ယုံကြည်မှုတိုးလာသဖြင့် ရင်းနှီးမြှုပ်နှံပါဝင်လာမှုမှာ ဒေါ်လာ ၇၇ သန်းရှိလာသည်။ 

သူတို့ Mixpanel ကုမ္ပဏီသည် ၁၀ နှစ်သား အရွယ်ရှိလာပြီဖြစ်သည်။ ကောင်လေးနှစ်ယောက် စတင်ထူထောင်ခဲ့သော လုပ်ငန်းတစ်ခုသည် ယခုတော့ CEO တစ်ယောက်ကို ကောင်းစွာရွေးချယ်နိုင်ခဲ့ပြီ။ ဒိုရှီကို CEO အဖြစ် တင်မြှောက်နိုင်ခဲ့ကြသည်။ CEO သဘောထားနှင့် ပတ်သက်ပြီး ဒိုရှီက -

“CEO တိုင်းမှာ အခက်ခဲဆုံးက ထူထောင်သူဖြစ်ပေမယ့် ကိုယ့်အသင်းအဖွဲ့က ယုံကြည်မှုရှိဖို့လိုတယ်။ ခေါင်းဆောင်တစ်ယောက်အနေနဲ့ လုပ်ပိုင်ခွင့်အားလုံးကို စီမံသိမ်းပိုက်ဖို့ဆိုတာ သာမန်အရည်အချင်းနဲ့ မဖြစ်နိုင်ပါဘူး”ဟု သူကဆိုသည်။



ဂျိုးဆက် ဖာဆင် (Joseph Fasone)

လူငယ်တိုင်း စိတ်ကူးယဉ်အိပ်မက်တွေရှိ ကြသည်။ ဂျိုးဆက်တစ်ယောက်လည်း ငယ်စဉ်ကတည်းက ပိုင်းလော့ဖြစ်ချင်သည်။ သူဖြစ်ချင်သည့် Pilot ဆိုသည်က လေယာဉ်မောင်းရန်မဟုတ်။ သူသာ အကယ်၍ ကုမ္ပဏီတစ်ခု ထူထောင်ဖြစ်လျှင် Pilot ဆိုသည့် အမည်ပေးမည်ဆိုသော စိတ်ကူးဖြစ်သည်။ သူစိတ်ဝင်စားသည်မှာ အင်တာနက်ဝန်ဆောင်မှုပေးရန်သာ ဖြစ်သည်။ 

၂၀၁၀ ခန့်က သူ့အသက်မှာ ၁၆ နှစ်ခန့်သာ ရှိသေးသည်။ သူက ထိုအရွယ်ကတည်းက WeWork တွင် အလုပ်ဝင်လုပ်သည်။ နည်းပညာကုမ္ပဏီတစ်ခု ဖြစ်သည့် WeWork သည် လုပ်ငန်းစတင်လုပ်ကိုင်လိုသည့် လူငယ်များအတွက် ရှေးဦးအလုပ်သင်ဌာန ကြီးတစ်ခုအဖြစ် ရပ်တည်နေသည့်နေရာလည်း ဖြစ်သည်။ ဂျိုးဆက်တစ်ယောက် ထိုကုမ္ပဏီတွင် အလုပ်ဝင်လုပ်ပြီးနောက် အထက်တန်းကျောင်းကပါ ထွက်လိုက်တော့သည်။ သူက နယူးယောက်အနှံ့လျှောက်သွားပြီး အင်တာနက်ဝန်ဆောင်မှုကို ရယူလိုသည့်သူများကို ရှာဖွေပေးရသည်။ ထိုစဉ်ကတည်းက သူ့စိတ်ကူးအိပ်မက်တွေကို အကွက်ချနေခဲ့သည်။

ယခု အသက် ၂၄ နှစ်သာရှိသေးပြီး Pilot ကုမ္ပဏီ၏ ပိုင်ရှင်ဖြစ်နေသူ ဂျိုးဆက်သည် အင်တာနက် ဆက်သွယ်မှုအကြောင်း ကောင်းကောင်းသိလာသည်။ ဝန်ဆောင်မှုကို မည်သို့ပေးရမည်၊ ဖောက်သည်များက ဘာကိုကြိုက်သည်၊ မည်သူတွေနှင့် မည်သို့ချိတ်ဆက်ရမည်ဆိုခြင်းကို သူကောင်းစွာ သဘောပေါက်လာသည်။ 

ထို့ကြောင့် ၂၀၁၄ ခုနှစ်တွင် Pilot ကုမ္ပဏီကို နယူးယောက်တွင် ကိုယ်တိုင်ထူထောင်သည်။ ယခုအခါ သူ့ကုမ္ပဏီတွင် ဝန်ထမ်းပေါင်း ၉၈ ဦးအထိ ခန့်ထားနိုင်ခဲ့ပြီဖြစ်သည်။ ဆက်သွယ်ရေးလိုင်းကောင်းကောင်း၊ မြန်ဆန်သော အင်တာနက်နှုန်းတို့ကို ရရှိရမည်ဟု သူက အာမခံသည်။ သူသည် အရှေ့ပိုင်းဒေသတစ်ခုလုံးကို စိုးမိုးထားနိုင်ပြီး Amazon နှင့် Salesforce တို့ကဲ့သို့သော ကုမ္ပဏီကြီးများကပါ သူ့ကို လက်တွဲချင်လာအောင် စွမ်းဆောင်နိုင်ခဲ့သည်။ ယခုအခါ ဘော့စ်တွန်နှင့် ဝါရှင်တန်ဒီစီတို့တွင် သူနှင့် လုပ်ငန်းအတူ တွဲဖက်လုပ်ကိုင်နေသည့် ကုမ္ပဏီပေါင်း ၁၂၅၀ နှင့် သူ့အင်တာနက်လိုင်းကို သုံးစွဲသူပေါင်း ၇၅၀၀၀ ကျော်ရှိနေပြီဖြစ်သည်။ သူ့လုပ်ငန်းကို တန်ဖိုးဖြတ်လျှင်ပင် ဒေါ်လာ ၃၂ ဒသမ ၃ သန်းခန့်တန်သည့် လုပ်ငန်းတစ်ခုဖြစ်နေပြီး ရှေ့လည်း တိုးတက်ရန် အလားအလာကောင်းများ ရှိနေသည်။ 

၂၀၁၄ ခုနှစ် ဧပြီလတွင် သူသည် WeWork က အလုပ်ထွက်လိုက်သည်။ ထိုကုမ္ပဏီတွင် သူနှစ်လသာ လုပ်ခဲ့ခြင်းဖြစ်သည်။ အလုပ်ထွက်ပြီး သူ့ကိုယ်ပိုင် Pilot ကို ထူထောင်ခဲ့ခြင်းဖြစ်သည်။ ထိုအချိန်တွင် လုပ်ငန်းရှင်ကြီးများနှင့် မည်သို့ချိတ်ဆက်ရမည်ဆိုခြင်းကို သူကောင်းစွာ သဘောပေါက်ထားသည်။ နှစ်လတာ ကာလတွင် သူကြိုးစားဆည်းပူးခဲ့သည် အတွေ့အကြုံ ဗဟုသုတများနှင့် သူ့အစွမ်းအစတို့ကို ပေါင်းစပ်ပြီး လုပ်ငန်းကို ယုံကြည်စွာဖြင့် စတင်လိုက်ခြင်းဖြစ်သည်။ 

သူက ဝန်ဆောင်မှုကို လက်ရှိကုမ္ပဏီကြီးတွေထက် လျှော့ချပေးနိုင်မှသာ သူ့ကိုဆက်သွယ်ပြီး အသုံးပြုမည်ဖြစ်ကြောင်း ကောင်းစွာသိထားသည်။ ထို့ကြောင့် လက်ရှိအများအသုံးပြုနေသော ဖိုင်ဘာလိုင်းထဲမှ အပိုင်းလိုက် အကန့်လိုက်ခွဲယူရန် ကြိုးစားသည်။ နယူးယောက်တွင် ဖိုင်ဘာအင်တာနက်လိုင်း ဝန်ဆောင်မှုပေးနေသည့် အော်ပရေတာပေါင်း ဒါဇင်နှင့်ချီပြီး ရှိနေသည်။ ထိုလိုင်းအော်ပရေတာများ ထူထောင်ထားသော ဖိုင်ဘာများထဲတွင် မသုံးဘဲထားသည့် လိုင်းပေါင်းများစွာရှိနေကြောင်းလည်း သူကောင်းစွာသိထားသည်။ ဥပမာ - ပညာရေးနှင့် သုတေသနအတွက် ဖယ်ထားသည့် ဖိုင်ဘာလိုင်းများဖြစ်သည်။ 

သူ့အနေနှင့် ဖိုင်ဘာကြိုးလိုင်းသစ်ချမည်ဆိုလျှင် တန်ဖိုးများစွာ ရင်းနှီးမြှုပ်နှံရမည်။ ထို့ကြောင့် Pilot ကို အော်ပရေတာကြီးများမသုံးသေးသည့် လိုင်းများထဲက အချို့လိုင်းများကို ပေးသုံးရန် စာချုပ်လိုက်ချုပ်ရသည်။ စာချုပ်ကိုလည်း ၁၅ နှစ်မှ နှစ် ၃၀ အထိ သုံးခွင့်ရစေရန် ကြံဆောင်နိုင်ခဲ့သည်။ အချို့သော လူနေထူထပ်သည့် ရပ်ကွက်များတွင် သုံးလိုင်းမှ ၁၂ လိုင်းခန့် အထိ သူကရအောင် ကြိုးပမ်းနိုင်ခဲ့သည်။ Pilot သည် သူများလိုင်းကို သုံးပြီး ကိုယ်ပိုင်လုပ်ငန်းတစ်ခုအဖြစ် စတင်ခဲ့ရခြင်းဖြစ်သည်။ 

လေးနှစ်အတွင်း သူ့လုပ်ငန်းသည် အောင်မြင်တိုးတက်လာသည်။ ကုမ္ပဏီ ၉၈ ရာခိုင်နှုန်းလောက်က သူ့အင်တာနက်လိုင်းကို အသုံးပြုလာကြသည်။ သူ့လုပ်ငန်းကိုလည်း လူ ၂၄ ဦးနှင့် စတင်လည်ပတ်ခဲ့ရသည်။ သူတို့က ဈေးနှုန်းသက်သာရမည်၊ အမြန်နှုန်းမြင့်စွာဖြင့် သုံးစွဲနိုင်ရမည်ဆိုသည့် ဝန်ဆောင်မှုဖြစ်စေရန် ကြိုးစားကြသည်။ 

မသုံးသေးသည့် အင်တာနက်လိုင်းများကို အသုံးချရမှန်းကောင်းစွာသိပြီး အခွင့်အလမ်းတစ်ခုဖြစ်အောင် စီမံဖန်တီးနိုင်သော သူ့စိတ်ကူးမှာ ချီးကျူးစရာဖြစ်သည်။ သူများတူးပြီးသားကျင်းကို ဝင်အောင်းသည့် ကြွက်ပျင်းဟု ဆိုချင်ဆို ဂျိုးဆက်တစ်ယောက် သူဖောက်သည့်လမ်းကို သူ ကောင်းစွာလျှောက်လှမ်းနိုင်ခဲ့သည်။

သူက ဖောက်သည်တစ်ဦးထံက 100 MB အင်တာနက်အသုံးကို ဒေါ်လာ ၅၀၀ ခန့်သာယူသည်။ 10 GB သုံးလျှင် ဒေါ်လာ ၂,၅၀၀ ယူသည်။ လုပ်ငန်းသုံးဆိုလျှင် 1GB လျှင် တစ်လ ဒေါ်လာ ၁,၅၀၀ ခန့် အခြားအော်ပရေတာတွေက ယူကြသည်။ Pilot ကတော့ လုပ်ငန်းသုံးကို 1GB လျှင် ဒေါ်လာ ၁၀၀၀ သာ ယူသည်။ 

သူအသုံးပြုနေသည့် ဖိုင်ဘာလိုင်းများကို အမှောင်လိုင်းဟုခေါ်သည်။ မည်သို့ဆိုစေ အမှောင်လိုင်း၏ ဝန်ဆောင်မှုနှင့် အသုံးတည့်မှုက Pilot ကို လူပိုသိလာစေပြီး အသုံးလည်းများစေခဲ့သည်။ ယခုဆိုလျှင် နယူးယောက်၊ ဘော့စ်တွန်၊ ဖီလာဒဲလ်ဖီးယားနှင့် ဝါရှင်တန် ဒီစီစသည့် မြိ့ကြီး ၁၈ မြို့တွင် ဒေတာ စင်တာပေါင်း ၃၀ ကို ဖွင့်လှစ်ထားပြီးဖြစ်သည်။ ယခုနှစ် ၂၀၁၈ တွင် ဒေတာစင်တာ ၅၀ ဆက်ဖွင့်ရန် စီစဉ်နေသည်။

E-01

(Ref : Fortune)