News

POST TYPE

YOUTH

အားကျစေချင် နည်းပညာရှင်များ (၁၆)
01-Sep-2018


မာဆာယိုရှီ ဆန် (Masayoshi Son)

ဂျပန်နိုင်ငံမှ ဘီလျံနာ မာဆာယိုရှီဆန်သည် အလွန်အထင်ကြီးလေးစားစရာကောင်းသည့် လုပ်ငန်းရှင်တစ်ဦးဖြစ်သည်။ သူသည် SoftBank ဆိုသည့် လုပ်ငန်းစုကြီးကို CEO တစ်ဦးအဖြစ် တာဝန်ယူနေရသူဖြစ်သည့်အပြင် ဒေါ်လာ ဘီလီယံ ၇၀ ခန့် ဆုံးရှုံးခဲ့သော်လည်း ဂျပန်နိုင်ငံ၏ ဒုတိယအချမ်းသာဆုံး ပုဂ္ဂိုလ်ဘွဲ့ကို ပေးအပ်ထားခြင်းခံထားရသူဖြစ်သည်။

ဆန်သည် စီပွားပျက်ကပ်များ မဆိုက်ရောက် မီကဆိုလျှင် ဒေါ်လာ ၇၈ ဘီလီယံခန့်ချမ်းသာခဲ့ဖူးသူ ဖြစ်သည်။ သူ့လုပ်ငန်းသည် စီးပွားပျက်ကပ်နှင့်အတူ ဆုံးရှုံးကုန်သဖြင့် SoftBank သည် ရေစုန်မျောခဲ့ရသည်။ သို့သော် သူ့အစွမ်းအစဖြင့် ပြန်လည်ထောင်မတ်နိုင်ခဲ့သည်မှာ နှစ်အနည်းငယ်ခန့်သာရှိသေးသည်။ သူ့ကို အနောက်စီးပွားရေးလောကတွင် ဂျပန် ဘီလ်ဂိတ်စ်ဟု ခေါ်ကြသည်။ ယခုတော့ သူ့ချမ်းသာ ကြွယ်ဝမှုမှာ ဒေါ်လာ ၁၃ ဒသမ ၈ ဘီလီယံဖြစ်သည်။ 

သူ့ကို ၁၉၅၇ ခုနှစ်တွင် ဂျပန်-ကိုရီးယား ရွှေ့ပြောင်းနေထိုင်သည့် မိသားစုက မွေးဖွားသည်။ သူ့မူရင်း အမည်မှာ ဆန်ဂျုံယူဖြစ်သည်။ ကိုရီးယားမျိုးနွယ်များဖြစ်ပြီး ဂျပန်ရောက်မှ ယာဆူမူတိုဆိုသည့် အမည်ကို ခံယူကာ သူလည်း ဂျပန်တစ်ယောက်အနေနှင့် ကြီးပြင်းလာခဲ့ရသည်။

McDonald ဂျပန်ကို ထူထောင်သူ တန်ဖူဂျီတက သူ့ကို အမေရိကမှာ ကျောင်းသွားတက်ဟု အကြံပေးသည်။ သူက ထိုအကြံပေးချက်ကို လိုက်နာပြီး အမေရိကကို ရောက်အောင်လာသည်။ ဆန်ဖရန်စစ္စ ကိုတောင်ပိုင်း Serramonte အထက်တန်းကျောင်းတွင် ကျောင်းစတက်သည်။ ဒေသကောလိပ်တွင် ၂ နှစ်ခန့်ပညာသင်ကြားပြီးနောက် California-Berkeley တက္ကသိုလ်သို့ ပြောင်းရွှေ့ပြီး ပညာသင်ယူသည်။ စီးပွားရေးပညာကို အဓိက ဘာသာအဖြစ် ယူခဲ့သည်။ 

သူသည် စီးပွားရေးပညာကို လေ့လာလိုက်စားသူ ဖြစ်သော်လည်း ကွန်ပျူတာကို စိတ်ဝင်စားသူဖြစ်သည်။ တက္ကသိုလ်တက်စဉ်ကတည်းက ကွန်ပျူတာနှင့် ပတ်သက်ပြီး ကျွမ်းကျင်နေသူဖြစ်သောကြောင့် ပါမောက္ခများကိုပင် အကူအညီပေးရသူဖြစ်သည်။ အီလက်ထရွန်းနစ် ဘာသာပြန်စက်ကို သူကိုယ်တိုင် တီထွင်သည်။ သူတီထွင်ထားသည် ဘာသာပြန်စက်ကို Sharp ကုမ္ပဏီသို့ ဒေါ်လာ ၄၂၃,၀၀၀ ဖြင့် ရောင်းချခဲ့သည်။ အိတ်ဆောင်အရွယ်အစား ဘာသာပြန် ထိုစက်လေးမှာ လူကြိုက်များခဲ့ပြီး ထိုစက်ကို ထပ်ဆင့်တီထွင် သည့် ကုမ္ပဏီက ဒေါ်လာသန်းချီပြီး အကျိုးအမြတ် ရရှိသွားခဲ့သည်။ 

UC-Berkeley တွင် ကျောင်းတက်နေစဉ်ကတည်းက သူသည် စီးပွားရေးပညာကို စိတ်ဝင်စားသလို၊ စီးပွားရေးလုပ်ငန်းကိုလည်း စတင်လုပ်ဆောင်ခဲ့သည်။ Pac-Man နှင့် Space Invaders ဆိုသည့် ဂိမ်းများကို ကစားနိုင်သော ဂိမ်းစက်များကို သူက မြောက်ကာရိုလိုင်းနားရှိ ဘားဆိုင်များနှင့် စားသောက်ဆိုင်များသို့ တင်သွင်းသော လုပ်ငန်းကို စတင်လုပ်ဆောင်ခဲ့သည်။ ဘာကလေမြောက်ပိုင်း စားသောက်ဆိုင်များတွင်လည်း သီချင်းဖွင့်စက်တွေကို လိုက်ရောင်းရာ အောင်မြင်ခဲ့သည်။ ထိုစဉ်က ငွေအကြွေစေ့ထည့်ပြီး ကစားရသည့် ဂိမ်းစက်များနှင့် သီချင်းဖွင့်စက်များကို သူက အမေရိကကို တင်ပို့ရင်း ဒေါ်လာသန်းချီပြီး ရှာနိုင်ခဲ့သူတစ်ဦး ဖြစ်လာခဲ့ရသည်။ ပြည်တွင်းသို့ ဂိမ်းစက်နှင့် သီချင်းဖွင့်စက်များ တင်ပို့နိုင်မှုက သူ့ကို ဒေါ်လာ ၁ ဒသမ ၅ သန်းခန့် ချမ်းသာစေခဲ့သည်။ 

ကျောင်းသားဘဝကတည်းက ကွန်ပျူတာနည်းပညာသည် ခေတ်ပြောင်းတော်လှန်ရေးကြီးတစ်ခုကို ဖြစ်စေပြီး စီးပွားရေးလုပ်ငန်းအားလုံးကို အသွင်ပြောင်းနိုင်ကြောင်း သူကောင်းစွာ သဘောပေါက်ထားပြီး ဖြစ်သည်။ ထို့ကြောင့် စီးပွားရေးလုပ်ငန်းကို ကွန်ပျူတာ ဒစ်ဂျစ်တယ်စနစ်ဖြင့် ပြောင်းလဲတည်ဆောက်ရန် သူကြံဆောင်ခဲ့သည်။ ဘာသာပြန်စက်ကို တီထွင်ရခြင်း ရည်ရွယ်ချက်ကလည်း ကမ္ဘာ့ဆက်သွယ်ရေးသည် စီးပွားရေးတွင် အရေးကြီးလာကြောင်း ကောင်းစွာ သဘောပေါက်ထားသောကြောင့်ဖြစ်သည်။ ဘာသာပြန် မိုက်ခရိုချစ်ပ်ကို သူတီထွင်ရခြင်းမှာ ခေတ်ပြောင်းမည်ကို ကြိုတင်သိနေသောကြောင့်ဖြစ်သည်။ တက္ကသိုလ် ကျောင်းသားဘဝကတည်းက သူစိတ်ကူးထားခဲ့သည့် အနာဂတ်အတွက် တီထွင်လိုသော ပစ္စည်းအမျိုးအစားပေါင်း ၁၅၀ ကျော်ခန့်ရှိသည်ဟုဆိုသည်။ 

သူသည် UC Berkeley တက္ကသိုလ်မှ B.A ဘွဲ့ကို စီးပွားရေးဘာသာဖြင့် ရခဲ့သည်။ သို့သော် သူကျွမ်းကျင်သည်မှာ နည်းပညာနှင့် ဈေးရောင်းအတတ်ပညာနှစ်ခုစလုံးဖြစ်သည်။ အမေရိကတွင် ပညာသင်ကြားပြီးနောက် ၁၉၈၀ ပြည့်နှစ်တွင် သူသည် ဂျပန်နိုင်ငံသို့ ပြန်လာသည်။ SoftBank ကုမ္ပဏီကို ထူထောင်နိုင်ခဲ့သည်။ ကုမ္ပဏီကိုထူထောင်ပြီးနောက် PC ကွန်ပျူတာများအတွက် ဆော့ဖ်ဝဲများကို တီထွင်ထုတ်လုပ်ခြင်း လုပ်ငန်းကို လုပ်ကိုင်ခဲ့သည်။ 

သူ၏ ပထမဆုံးနှင့် အများဆုံး ရင်းနှီးမြှုပ်နှံသည့် လုပ်ငန်းမှာ အင်တာနက်လုပ်ငန်းဖြစ်သည်။ ၁၉၉၅ ခုနှစ်တွင် သူက Yahoo ကုမ္ပဏီ၏ ရှယ်ယာများကို ဝယ်ခဲ့သည်။ ၁၉၉၉ ခုနှစ်တွင်လည်း ဒေါ်လာ သန်း ၂၀ ခန့် ရင်းနှီးမြှုပ်နှံပြီး Alibaba ၏ ရှယ်ယာများကို ဝယ်ခဲ့သည်။ 

SoftBank သည် ၁၉၉၄ ခုနှစ်တွင် အများပိုင် ကုမ္ပဏီတစ်ခုအဖြစ် ပြောင်းလဲခဲ့သည်။ ရှယ်ယာရှင် အများဆုံးဖြစ်လာပြီး ဆန်၏ ချမ်းသာကြွယ်ဝမှုကလည်း တိုးတက်လာသည်။ သူက ရရှိသည့် အကျိုးအမြတ်များကို အိုးအိမ်များအား ဝယ်ယူသိမ်းပိုက်ပြီး ရင်းနှီးမြှုပ်နှံခဲ့သည်။ ၁၉၉၆ ခုနှစ်တွင် ဂျပန်နိုင်ငံတွင် Yahoo ကုမ္ပဏီကို ဆန်က ထူထောင်ခဲ့သည်။ ၂၀၁၀ ပြည့်နှစ်တွင် သူပိုင်သည့် Yahoo ဂျပန်သည် ရှယ်ယာအများဆုံး ပိုင်ဆိုင်သည့် ကုမ္ပဏီတစ်ခုဖြစ်လာပြန်သည်။ ၁၉၉၅ ခုနှစ်မှ ၁၉၉၈ ခုနှစ်ကြားတွင် ဆန်၏ လုပ်ငန်းများအပေါ်တွင် ရင်းနှီးမြှုပ်နှံခဲ့မှုများမှာ ဒေါ်လာ ၃၇၄ သန်းခန့်ရှိသည်။ 

Yahoo ကို သူက နိုင်ငံတကာအဖွဲ့အစည်းအဖြစ် ရပ်တည်မည့်အစား ဒေသဆိုင်ရာအဖြစ် ရပ်တည်ရန် အကြံပေးခဲ့သည်။ Yahoo ကလည်း Yahoo (Japan) အဖြစ် ရပ်တည်ခွင့် ပေးလိုက်ကတည်းက ဂျပန်တွေယုံကြည်မှု ပိုမိုရလာပြီး ယနေ့တိုင် ဂျပန်နိုင်ငံတွင် အကြီးကျယ်ဆုံး အင်တာနက်ဝန်ဆောင်မှု (Search Engine) လုပ်ငန်းကို လုပ်ဆောင်ပေးနေရသည့် ကုမ္ပဏီကြီးဖြစ်လာခဲ့ရသည်။ 

၁၉၉၀ ပြည့်နှစ် နောက်ပိုင်းတွင်ှSoftBank သည် ဒေါ်လာ ဘီလီယံ ၁၈၀ ခန့်တန်သော အနေအထားမှ ထိုးကျသွားသည်။ သူ့ကုမ္ပဏီသည် ဒေါ်လာ ၇၈ ဘီလီယံခန့်သာတန်တော့သည်။ ဒေါ်လာ ဘီလီယံ ၇၀ ကျော် ဆုံးရှုံးသွားခဲ့ရခြင်းဖြစ်သည်။ ၂၀၀၀ ပြည့် နှစ်တွင် သူ့ကုမ္ပဏီရှယ်ယာတွေကလည်း ထိုးကျသွားသည်။ ရှယ်ယာ တစ်စုတန်ဖိုး ၁၉၈၀၀၀ ယန်းမှ ၁၅၄၂ ယန်းသို့ ထိုးကျသွားခြင်းဖြစ်သည်။ 

၂၀၀၄ ခုနှစ်တွင် SoftBank သည် ဂျပန်နိုင်ငံ၏ အင်တာနက်ကွန်ရက်ချိတ်ဆက်ခြင်းလုပ်ငန်းကို ပြန်လည်ထူထောင်ခဲ့ရသည်။ ဂျပန်ပြည်သူတို့ကို 12 Mbps နှုန်းဖြင့် ချိတ်ဆက်သုံးနိုင်မည့် အင်တာနက်အား တစ်လ ၂၁ ဒေါ်လာခန့်ဖြင့် ဝန်ဆောင်မှုပေးခဲ့သည်။ ၂၀၁၁ ခုနှစ်တွင် ဂျပန်နိုင်ငံ ငလျင်ဘေးကြောင့် ဖူကူရှီးမား ဒိုင်အီချီ နျူကလီးယားလျှပ်စစ်ဓာတ်အား ပေးစက်ရုံပျက်စီးသွားသည်။ ဆန်က နေရောင်ခြည် စွမ်းအင်သုံး လျှပ်စစ်ဓာတ်အားစနစ်တွင် ရင်းနှီးမြှုပ်နှံပြီး ဓာတ်အားရရှိရေးကို လုပ်ဆောင်ပေးရုံမက ထိုဒေသမှ ပြည်သူများကို အင်တာနက်နှင့် ဖုန်းလိုင်းများ သက်သာစွာ အသုံးပြုနိုင်ရေးကိုလည်း စီစဉ်ပေးနိုင်ခဲ့သည်။ စီးပွားရေး ကွက်ကျော်မြင်နိုင်သူတစ်ဦး ဖြစ်သည်ဟု ဆိုရမည်ဖြစ်သည်။ 

SoftBank သည် အင်တာနက်လုပ်ငန်း ၁၀၁၈ ခုကို ချုပ်ကိုင်ထားနိုင်ခဲ့သည်။ ယင်းတို့အထဲတွင် Yahoo (Japan) ကိုသာမက တရုတ်နိုင်ငံမှ Alibaba Group လည်း ပါသည်။ Sprint Nextel ၏ ရှယ်ယာ ၇၀ ရာခိုင်နှုန်းခန့်ကို ဆန်က ဝယ်လိုက်ပြီးချိန်တွင် SoftBank သည် ကမ္ဘာ့တတိယအကြီးဆုံး မိုဘိုင်းလ်ဖုန်း ကုမ္ပဏီကြီးတစ်ခုဖြစ်လာခဲ့ရသည်။ 

ဂျပန်နိုင်ငံတွင် iPhone ကို ပထမဆုံး တင်သွင်း ဖြန့်ချိခွင့်ရသူမှာလည်း SoftBank ဖြစ်သည်။ ယနေ့ သူ့ဖုန်းလိုင်းကို သုံးစွဲနေသူပေါင်း သန်း ၃၀ ရှိသည်။ SoftBank  ကိုပိုင်ဆိုင်သူတစ်ဦးအနေနှင့် တရားဝင်မှတ်တမ်းက သူ၏ ချမ်းသာမှုမှာ ဒေါ်လာ ၁၃ ဒသမ ၈ ဘီလီယံဖြစ်သည်။ သို့သော် Bloomberg ၏ ခန့်မှန်းချက်အရ သူ၏ ကြွယ်ဝချမ်းသာမှုမှာ ဒေါ်လာ ၅၂၅ သန်းခန့်သာ ရှိမည်ဟုဆိုထားသည်။ သူသည် အလှူအတန်းလည်း ဝါသနာပါသည်။ ဆူနာမီဖြစ်စဉ် သူက ဒေါ်လာ သန်း ၁၂၀ လှူဒါန်းခဲ့သည်။ 

Forbes မဂ္ဂဇင်းက ဆန်သည် ဒေါ်လာ ၂၃ ဘီလီယံခန့်ချမ်းသာသည်ဆိုကာ ဂျပန်၏ အချမ်းသာ ဆုံးပုဂ္ဂိုလ်အဖြစ် ချီးကျူးဖော်ပြခဲ့သည်။ သို့သော် ကမ္ဘာနှင့်ယှဉ်လျှင် သူသည် ကမ္ဘာ့ဩဇာအရှိဆုံး ပုဂ္ဂိုလ်အဆင့် ၄၅ နေရာတွင် ရှိသည်။

(Ref: Business Insider, ARS Technica, The Famous People)