News

POST TAGGED AS

EMRE CAN

မန်ယူအသင်း၏ကစားသမားကင်းထောက်ချုပ်ဟောင်း ရီဘောလ်တာသည် မန်ယူအတွက် ၎င်းတာဝန်ထမ်းဆောင်ခဲ့စဉ်ကာလအတွင်း လီဗာပူးကွင်းလယ်လူ အမ်မရီကန်နှင့် ရှော်ကေးကွင်းလယ်လူ ဂိုရက်ဇ်ကာတို့ကို အလွတ်ပြောင်းရွှေ့ကြေးဖြင့် ခေါ်ယူနိုင်ရန် အနီးစပ်ဆုံးအနေအထားတစ်ရပ်ကို အသင်းအတွက် ဆောင်ရွက်ပေးနိုင်ခဲ့သော်လည်း အသင်းတာဝန်ရှိသူများ၏တွေဝေမှုကြောင့် ယင်းကစားသမားနှစ်ဦးမှာ မန်ယူထံသို့ရောက်မလာခဲ့ဘဲ အခြားသောကလပ်များသို့ ပြောင်းရွှေ့သွားခဲ့ခြင်းဖြစ်ကြောင်း Daily Star က ဖော်ပြထားသည်။
အီတလီစီးရီးအေကလပ် ဂျုဗင်တပ်အသင်းသည် လီဗာပူးကွင်းလယ်ကစားသမား အမ်မရီကန်ကို ငါးနှစ်သက်တမ်းရှိ အကြိုသဘောတူစာချုပ်တစ်ရပ် လက်မှတ်ရေးထိုးလိုက်ပြီဖြစ်ကာ ယင်းအတွက် လက်ရှိဘောလုံးရာသီပြီးဆုံးချိန်တွင် အမ်မရီကန်က လီဗာပူးကိုစွန့်ခွာ၍ ဂျူဗင်တပ်ထံသို့ ပြောင်းရွှေ့ရန် သေချာသွားခဲ့ပြီဖြစ်ကြောင်း Football Italia က ဖော်ပြထားသည်။
လီဗာပူးကွင်းလယ်ကစားသမား အမ်မရီကန်သည် ၎င်းကိုခေါ်ယူရန် မန်စီးတီးနှင့် ဘိုင်ယန်မြူးနစ်တို့က ကမ်းလှမ်းဆက်သွယ်ခဲ့သည်ကို ငြင်းဆန်ပယ်ချ၍ ဂျူဗင်တပ်ထံသို့ ပြောင်းရွှေ့ရန် အကြိုသဘောတူလိုက်ခြင်းဖြစ်ကြောင်း The Sun က ဖော်ပြထားသည်။
ဂျူဗင်တပ်အသင်းသည် လီဗာပူးကွင်းလယ်ကစားသမား အမ်မရီကန်ကို ခေါ်ယူရန်အတွက် ပုဂ္ဂိုလ်ရေးအချက်အလက်များ သဘောတူညီမှု ရယူလိုက်နိုင်ပြီဖြစ်ပြီး ယင်းအတွက် လာမည့် ၂၀၁၈ ခုနှစ် နွေရာသီကာလ ကစားသမားအပြောင်းအရွှေ့ဈေးကွက်ဖွင့်လှစ်ချိန်တွင် အမ်မရီကန်မှာ လီဗာပူးကိုစွန့်ခွာ၍ ဂျူဗင်တပ်ထံသို့ ပြောင်းရွှေ့သွားတော့မည်ဖြစ်ကြောင်း Daily Mail က ဖော်ပြထားသည်။