News

POST TAGGED AS

ကျောက်မီးသွေးတွင်း

ကလေးဝ ကျောက်မီးသွေးတွင်းပြိုကျမှုတွင် သေဆုံးခဲ့သူများအတွက် ထောက်ပံ့ကြေးပေး
ကလေး၊ ဩဂုတ် ၉ 

ကလေးဝမြို့နယ်တွင် ဩဂုတ်လ ၃ ရက်နေ့က ကျောက်မီးသွေးတွင်း ပေါက်ကွဲမှုဖြစ်ပွားပြီး ပြိုကျခဲ့မှုတွင် သေဆုံးခဲ့သူများ၏ မိသားစုဝင်များအတွက် သေဆုံးသူတစ်ဦးလျှင် ကျပ်သုံးသိန်းနှုန်းဖြင့် ထောက်ပံ့ပေးအပ်ခဲ့ကြောင်း ကလေးခရိုင်၊ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနမှ ခရိုင်တာဝန်ခံ ဦးမြတ်ဇော်ထွန်းက ပြောကြားသည်။

သစ်ချောက်ဒေသရှိ ထွန်းသွင် ကျောက်မီးသွေးတူးဖော်ရေးကုမ္ပဏီ၏ ရွှေပေါက်ပေါက် မြေအောက်တူးဖော်ရေး လုပ်ကွက်၌ ပေါက်ကွဲမှုဖြစ်ပွားပြီး ပြိုကျခဲ့ရာ တွင်းထဲတွင် အလုပ်လုပ်နေသည့် ကျောက်မီးသွေးလုပ်သား ၅ ဦး သေဆုံးခဲ့သည့်အပြင် ၎င်းတို့ကို ကယ်ဆယ်ရန်သွားရောက်ခဲ့သည့် လုပ်သားလေးဦးမှာ အောက်ဆီဂျင်ပြတ်က ဆေးရုံတွင် ဆေးကုသမှု ခံယူခဲ့ရသည်။

အဆိုပါဖြစ်စဉ်တွင် သေဆုံးခဲ့သူများအနက် မြန်မာနိုင်ငံသားလေးဦး၏ ကျန်ရစ်သူမိသားစုများကို တစ်ဦးလျှင် ကျပ်သုံးသိန်း၊ ဒဏ်ရာရသူ လေးဦးကို တစ်ဦးလျှင် ငါးသောင်းကျပ်စီ ဩဂုတ်လ ၈ ရက်နေ့နံနက်က ကလေးဝမြို့နယ် အုပ်ချုပ်ရေးမှူးရုံးခန်းမတွင် ဘေးအန္တရာယ်ဆိုင်ရာ စီမံခန့်ခွဲမှု ကော်မတီက ထောက်ပံ့ကြေးပေးအပ်ခဲ့ခြင်းဖြစ်သည်။

“အသက်ရှူကျပ်ပြီး ဆေးရုံရောက်သွားတဲ့ လူတွေကိုလည်း ထောက်ပံ့ကြေး ပေးအပ်ခဲ့ပါတယ်”ဟု ဦးမြတ်ဇော်ထွန်းက ပြောဆိုသည်။ 

အဆိုပါ ဖြစ်စဉ်ဖြစ်ပွားခဲ့သည့် ကျောက်မီးသွေးတွင်းကို လက်ရှိယာယီပိတ်ထားပြီး ဆက်လက်တူးဖော်လုပ်ကိုင်ခွင့် ပြု မပြုကို နေပြည်တော်ရှိ သတ္တုတွင်းဦးစီးဌာနမှ တာဝန်ရှိသူများက စစ်ဆေးပြီးဖြစ်သဖြင့် ၎င်းတို့၏ ညွန်ကြားချက်အတိုင်း ဆက်လက်ဆောင်ရွက်မည်ဖြစ်ကာ လတ်တလော၌ ညွန်ကြားချက် ရောက်မလာသေးကြောင်း အမှတ်(၁) သတ္တုတွင်းလုပ်ငန်း (သစ်ချောက်) တာဝန်ခံ ဦးတိုင်းကျော်က ပြောကြားသည်။

R-20



FOLLOW US