News

POST TAGGED AS

သက်ငယ်မုဒိမ်း

ခိုကိုးရာမဲ့တို့ကိုဖိစီးထားသည့် ကာမဘီလူးများ


အသက် ၇ နှစ်အရွယ် ကလေးမလေးသည် ဂေဟာတွင် ခိုကိုးနေသည့် မိန်းကလေးပေါင်း ၃၄ ဦးတွင် အငယ်ဆုံးဖြစ်သည်။ ကလေးများကို ဂေဟာတွင် မုဒိမ်းမှုကျူးလွန်ခြင်းအပြင် သတ်ဖြတ်နေသည်ဆိုသည့်သတင်းက အိန္ဒိယတစ်နိုင်ငံလုံး ပျံ့နှံ့သွားသည်။ ခိုကိုးရာမဲ့ဂေဟာတစ်ခုတွင် ဘီလူးစီးနေသည့် လူတစ်စုအပေါ် ပြည်သူတွေ ဒေါသထွက်ကြသည်။ 

Seva Sankalp Samiti ဂေဟာတွင် ကလေးပေါင်း ၄၄ ဦးကို လက်ခံထားကြောင်း သိရသည်။ ဘူတာနှင့် လမ်းများပေါ်တွင် လျှောက်သွားနေကြသော အိမ်ကထွက်ပြေးလာသည့် ကလေးများအတွက် ခေတ္တခိုနားရာနေရာတစ်ခုအဖြစ် ဖွင့်လှစ်ထားသည့် ကယ်ဆယ်ရေးစခန်းတစ်ခုလည်းဖြစ်သည်။ 

ဂေဟာအတွင်း ကယ်ဆယ်ခြင်းခံလိုက်ရသည့် မိန်းကလေး ၃၄ ဦးထဲတွင် အသက်အကြီးဆုံးမှာ ၁၈ နှစ်ဖြစ်ပြီး အငယ်ဆုံးမှာ ၇ နှစ်အရွယ်ကလေးဖြစ်သည်။ အခင်းဖြစ်ပွားခဲ့သည့် ဂေဟာမှ တာဝန်ရှိသူ ၁၀ ဦးကို ဖမ်းဆီးထားပြီး ယင်းတို့အထဲတွင် ဂေဟာမှူး ဘရာဂျက်ရ်ှသာခါလည်းပါသည်။ သူက ပြစ်မှုများကို သူ မကျူးလွန်ကြောင်း ငြင်းဆန်ထားပြီး၊ တစ်ဦးမှာ ထွက်ပြေးလွတ်မြောက်လျက်ရှိသည်။ 

မိန်းကလေးများ၏ ထွက်ဆိုချက်များကို ဇူလိုင်လ ၂၇ ရက်နေ့က အထူးခုံရုံးတွင်စတင်စစ်ဆေးခဲ့သည်။ အိန္ဒိယနိုင်ငံကလေးသူငယ်များလိင်မှုဆိုင်ရာအကြမ်း ဖက်မှုကာကွယ်ရေးဥပဒေ (POCSO) အရထိုအမှုကို စစ်ဆေးရန် စီစဉ်နေကြသည်။ POCSO ဥပဒေကို ဧပြီလကမှ ပြင်ဆင်ဖြည့်စွက်ပြဋ္ဌာန်းခဲ့ခြင်းဖြစ်သည်။ အသက် ၁၂ နှစ်အောက် ကလေးများကို မုဒိမ်းမှုကျူးလွန်ပါက သေဒဏ်ချမှတ်နိုင်သည့် ဥပဒေဖြစ်သည်။ ယခုဂေဟာတွင် ဖြစ်ပွားခဲ့သည့် ပြစ်မှုမှာ မိန်းကလေးများအားလုံး မုဒိမ်းမှုများ ကျူးလွန်ခြင်းခံထားရခြင်းနှင့်လည်း ပတ်သက်နေသည်။ 

Seva Sankalp Samiti ဂေဟာသည် အစိုးရခွင့်ပြုချက်ရထားသည့် NGO အဖွဲ့အစည်းတစ်ခု အဖြစ်ရပ်တည်နေသည်။ အလှူငွေများအပေါ် မှီခိုရပ်တည်နေသည့် အဖွဲ့အစည်းတစ်ခုအဖြစ် ၂၀၁၃ ခုနှစ်ကတည်းက ထူထောင်ထားသည်။ အသက် ၅ နှစ်မှ ၁၅ နှစ်အတွင်း ခိုကိုးရာမဲ့တို့ကို ပြုစုပျိုးထောင်ရန် ဖွင့်လှစ်ထားသည်ဟုဆိုသည်။

ဂေဟာမှူးအဖြစ် တာဝန်ယူထားသည့် သာခါသည် ဂေဟာအတွင်းရှိ ပြစ်မှုများကို စနစ်တကျကျူးလွန်နေသည့် ဘီလူးတစ်ကောင်အဖြစ် အားလုံးကသတ်မှတ်ထားသည်။ ကလေးများ၏ ပြောကြားချက်အရ သူသည် မိန်းကလေးများကို ဝတ်လစ်စားလစ်ထားသည်။ ကြိမ်၊ ခါးပတ်များနှင့်ရိုက်သည်။ အိပ်ဆေးများ ထိုးပေးပြီး သူနှင့် အပေါင်းအပါများသည် ကလေးများကို အကြိမ်ကြိမ် မုဒိမ်းကျင့်ကြသည်။ 

ကလေးများက သူတို့အပေါ် သာခါနှင့် အပေါင်းအပါများ မည်သို့ ပြုကျင့်ကြကြောင်း ပြန်လည်ပြောပြချက်များမှာ ကြားလို့မှမတော်၊ ဖော်ပြလို့မှမကောင်း ဖြစ်သည်။ အသက်အငယ်ဆုံး မုဒိမ်းကျင့်ခံထားရသည့် ၇ နှစ် အရွယ်ကလေးက သူသည် သာခါ၏ ပုံမှန် ရိုက်နှက်ခြင်းကို ခံနေရသူဖြစ်ကြောင်း သူ့ကို သူတို့ ကလေးတွေက “ကြိမ်ကိုင်ဦးလေး”ဟုပင် နောက်ကွယ်တွင် ခေါ်နေကြကြောင်း ပြောကြားသည်။ 

အသက် ၁၀ နှစ်အရွယ်ကလေးမလေးကလည်း သူ့ကို ညဆိုလျှင် လာဆွဲခေါ်သွားတတ်ပြီး အဝတ်အစားတွေကို ဆွဲချွတ်ခဲ့ကြောင်း၊ ငြင်းဆန်လျှင်လည်း ခြေထောက်များကို ရောင်လာသည်အထိ ရိုက်နှက်တတ်ကြောင်း ပြောပြသည်။ တစ်ယောက်ကလည်း ဆေးသောက်ရန် ငြင်းဆန်သည့်သူ့ကို ရေနွေးပူနှင့် လောင်းသည်ဟုဆိုသည်။ ကလေးတစ်ယောက်က အဓမ္မပြုကျင့်သူကို တွန်းလိုက်ရာ သူ့ကို ရက်ပေါင်းများစွာ အငတ်ထားပြီး နောက်ဆုံး တောင်းပန်ပြီး သူတို့အလိုလိုက်မှ ခွင့်လွှတ်လိုက်သည်။ မုဒိမ်းကျင့်ရန် ငြင်းဆန်လျှင် ရိုက်နှက်ခြင်းမှာ ရိုးနေပြီဟု မိန်းကလေးတစ်ယောက်က ရဲကို ပြောပြသည်။ 

မိန်းကလေးတစ်ဦးကလည်း ဂေဟာတွင် ကီရန်အန်တီဆိုသည့် မိန်းမကြီးမှာ ကြောက်စရာအကောင်းဆုံး ဖြစ်သည်ဟုဆိုသည်။ ထိုမိန်းမကြီးက မိန်းကလေးတွေကို အဝတ်အစားမဝတ်ခိုင်းဘဲ အိပ်စေသည်။ ဆဲဆို ရိုက်နှက်ခြင်းသာမက ရေလောင်းပြီးထားခြင်းလည်း ခံကြရသည်။ မိန်းကလေးများကို အသုံးတော်ခံအဖြစ် သူကိုယ်တိုင်၏ စီမံပေးခြင်းကို ခံကြရသည်။ ကိုယ်ဝန်ရှိလာသော မိန်းကလေးများအား ကိုယ်ဝန်ဖျက်ချပြီး အစဖျောက်လိုက်သည်။ ထွက်ပြေးလျှင်လည်း ပြန်ဖမ်းလာသည်။ ကြိုးတုပ်ပြီး အကြိမ်ကြိမ် ရိုက်နှက်နှိပ်စက်ခြင်းကို ခံကြရသည်။ လွတ်ထွက်သွားပြီး အပြင်တွင် အကူအညီပေးရန် လိုက်တောင်းပန်သည့် မိန်းကလေးများ ရှိသော်လည်း မည်သူကမှ အကူအညီမပေးခဲ့ပေ။

ဂေဟာတွင် နေရသူများ၏ဘဝကား ညတိုင်း မည်သူငရဲကျမည်ကို မသိနိုင်လောက်အောင်ဖြစ်သည်။ သူတို့ ဂေဟာထဲတွင် နေသည့်ကာလများ၌ ကာမဘီလူးများအတွက် အလှည့်ကျဖျော်ဖြေနှစ်သိမ့်မှုကို ကလေးတိုင်း အလှည့်ကျတာဝန်တစ်ခုလို ထမ်းဆောင်ပေးနေကြရသည်။ 

ဘီဟာအမျိုးသမီးအဖွဲ့က ထိုဂေဟာအတွင်း ဝင်ရောက်စစ်ဆေးခွင့်ရခဲ့သည်။ အမျိုးသမီးအဖွဲ့က တွေ့ရှိချက်များကို အစိုးရထံပြန်ပြီး အစီရင်ခံရမည် ဖြစ်သည်။ မိန်းကလေးများကို စစ်ဆေးရာတွင် အချို့သော မိန်းကလေးများ၌ လက်များတွင် ဒဏ်ရာများတွေ့ကြရသည်ဟုဆိုသည်။ မေးကြည့်ရာ၌ သူတို့ကို မုဒိမ်းကျင့်စဉ် လက်များကို ပုလင်းကွဲများဖြင့်ခြစ်ပြီး အာသာဖြေကြကြောင်း ပြောပြကြသည်။ 

ယခုအခါ Seva Sankalp Samiti ဂေဟာကို အစိုးရက ချိတ်ပိတ်ထားလိုက်ပြီဖြစ်သည်။ ဖမ်းဆီးထားသူများထဲတွင် ကလေးသူငယ်ကာကွယ်ပေးရေး အရာရှိတစ်ဦးလည်း ပါဝင်နေသည်။ သူက အစိုးရ၏ လူမှုဖူလုံရေးဌာန အဖွဲ့ဝင်တစ်ဦးလည်းဖြစ်သည်။ 

မူဇက်ဖာပါရဲတပ်ဖွဲ့မှ ဌာနမှူး ဟာပရစ်ခါးကလည်း ပြစ်မှုကျူးလွန်ထားသူများကို တရားစွဲဆိုနိုင်ရန်အတွက် မိမိတို့ထံတွင် ခိုင်လုံသော သက်သေများရှိနေပြီဖြစ်ကြောင်း၊ ကလေးများကို လိင်ပိုင်းဆိုင်ရာ ကျူးလွန်ထားမှုများအား ဆေးစစ်ချက်အစီရင်ခံစာများ လုပ်ဆောင်နေကြောင်း၊ ဂေဟာအတွင်းကို ဝင်ရောက်စစ်ဆေးရာတွင်လည်း အနံ့အသက်များ အလွန်ဆိုးဝါးနေကြောင်း ပြောကြားခဲ့သည်။

ရဲတပ်ဖွဲ့က မသင်္ကာသဖြင့် ဂေဟာဝန်းကျင်ရှိ မြေများကိုလည်း တူးဖော်ကြည့်လျက်ရှိသည်။ ကလေးတစ်ယောက်၏ ထွက်ချက်ထဲတွင် ၇ နှစ်အရွယ် သူ့သူငယ်ချင်းတစ်ယောက် ပျောက်သွားသည်ဟု ပါရှိထားသည်။ ရဲတပ်ဖွဲ့က တစ်နေရာတွင် မြှုပ်ထားနိုင်ကြောင်း သံသယဖြင့် မြေလှန်ရှာဖွေနေကြသော်လည်း ယခုအထိ မတွေ့ရသေးပေ။

ဂေဟာအတွင်း၌ ဒုတိယထပ်ကိုတက်သည့် လှေကားတစ်ခုကို ကားဂိုဒေါင်ထဲတွင် တွေ့ရသည်။ ဒုတိယထပ်က မိန်းကလေးတွေကို ထားသည်။ ကာမဘီလူးများသည် ထိုလမ်းကိုသုံးပြီး မိန်းကလေးတွေကို တစ်ယောက်ပြီး တစ်ယောက်ဆွဲခေါ်ကာ ကျူးလွန်ကြသည်။ 

ပတ်နာဆေးကောလိပ်နှင့် ဆေးရုံကြီးမှ ဆေးအဖွဲ့က မိန်းကလေးများကို စစ်ဆေးပေးခဲ့သည်။ သူတို့၏ စစ်ဆေးတွေ့ရှိချက်များတွင်လည်း ဂေဟာနေ မိန်းကလေးအားလုံး အဓမ္မပြုကျင့်ထားခြင်းခံထားရကြောင်း ဖော်ပြထားသည်။ 

“ကလေးတွေအားလုံးကို ကျွန်တော်တို့ ဆေးရုံခေါ်လာပြီး ဆေးစစ်ခိုင်းတယ်။ လိင်ပိုင်းဆိုင်ရာ အဓမ္မကျူးလွန်ထားခြင်း ခံထားရမှုရှိ၊ မရှိပေါ့။ အားလုံးကို လိင်ပိုင်းဆိုင်ရာ ကျူးလွန်ခံထားကြပါတယ်” ဟု ဆေးရုံအုပ်ကြီး ဒေါက်တာ ရာဂျစ် ရန်ဂျန် ပရာဆတ်က ပြောကြားသည်။ 

Seva Sankalp Samiti ဂေဟာသည် ဘီဟာလူမှုဖူလုံရေးဝန်ကြီး မန်ဂျူဗာမာ၏ ခင်ပွန်းဖြစ်သူ ကိုယ်တိုင်ဝင်ထွက်သွားလာနေသည့် နေရာဖြစ်သည်။ မန်ဂျူ၏ ယောကျာ်းသည် ဤဂေဟာကို လာပြီး မုဒိမ်းမှုကျူးလွန်ရာ၌ ပါဝင်သည်ဆိုသော စွပ်စွဲချက်များကို ဝန်ကြီးက သတင်းမီဒီယာများကိုခေါ်ပြီး နိုင်ငံရေးကို ဤအမှုအတွင်း ဆွဲမထည့်ရန် ရှင်းလင်းပွဲလုပ်သည်။ မန်ဂျူကိုယ်တိုင်က ဤအမှုတွင် သူ့ခင်ပွန်း လုံးဝပါဝင်ပတ်သက်မှုမရှိကြောင်း ငြင်းဆိုထားသည်။ 

အိန္ဒိယနိုင်ငံ၏ ထိပ်တန်းအထူးစုံစမ်းစစ်ဆေးရေးဌာန CBI (Central Bureau of Investigation) ကလည်း ထိုအမှုကို ယခုအခါကိုင်တွယ်နေပြီဖြစ်သည်။ လူ့အခွင့်အရေးလှုပ်ရှားသူများကလည်း နယူးဒေလီတွင် ၂၀၁၂ ခုနှစ်က ကျောင်းသူတစ်ဦးကို အုပ်စုလိုက် မုဒိမ်းကျင့်ပြီး သတ်ဖြတ်မှုဖြစ်ပွားပြီးကတည်းက အစိုးရအနေနှင့် ဥပဒေကိုပြုပြင်ပြီး တင်းကျပ်စွာ နှိပ်ကွပ်သင့်သော်လည်း မလုပ်ခဲ့သဖြင့် ယနေ့တိုင် မိန်းကလေးများ၏ အဓမ္မအကျင့်ခံနေရမှုများမှာ တိုးလာပြီး လျော့သွားခြင်းမရှိခဲ့ကြောင်း ပြစ်တင်ဝေဖန်ခဲ့ကြသည်။ ယခု ဂေဟာတွင် ဘီလူးစီးနေသည့်အမှုမှာ ဥပဒေကိုပြင်ဆင်ပြီးနောက် ပထမဆုံးကိုင်တွယ်ရမည့်အမှုဖြစ်သောကြောင့်လည်း တရားဥပဒေကို အမြန်ဆုံးနှင့် အမှန်ဆုံးဖြစ်အောင် လုပ်ဆောင်သင့်ကြောင်း ဝိုင်းဝန်းထောက်ပြ အကြံပြုကြသည်။ 

အိန္ဒိယနိုင်ငံတရားရေးဝန်ကြီးဌာနကလည်း ကလေးသူငယ်များအား မုဒိမ်းမှုကျူးလွန်သည့် ကိစ္စများကို အမြန်ဆုံး တရားစီရင်ပြီး ပြစ်ဒဏ်များချမှတ်ရန် တွန်းအားများပေးထားသည်။ ဂေဟာတွင်ဖြစ်ပွားခဲ့သော အုပ်စုလိုက် မုဒိမ်းမှု၌ အမျိုးသမီးဂေဟာတွင် အဘယ်ကြောင့် အမျိုးသားအုပ်ချုပ်ရေးမှူးနှင့် ဝန်ထမ်းများကို ခန့်ထားရသနည်းဆိုသည့်မေးခွန်းကို စတင်ရင်ဆိုင်ရသည်။ နိုင်ငံအတွင်းရှိ ဂေဟာများတွင် ထိုသို့ မဆီလျော်မှုများ မည်မျှရှိနေသနည်းဆိုသည်ကို ပါလီမန်တွင် မေးခွန်းထုတ်ရန် အမတ်တွေက စီစဉ်နေကြသည်။ ထို့ပြင် မည်သည့်ဂေဟာသည် မည်သည့် ရန်ပုံငွေများနှင့် ရပ်တည်နေသည်။ မည်သို့ရပ်တည် နေသည်၊ ဘာတွေ ဖြစ်ပျက်နေသည်ဆိုခြင်းများကို အမြဲတမ်းအစီရင်ခံရန် လိုအပ်ကြောင်းလည်း ထောက်ပြလာကြသည်။

ယခုအခါ Seva Sankalp Samiti ဂေဟာမှ မိန်းကလေးများကို ဘီဟာနယ်ရှိ အမျိုးသမီးစောင့်ရှောက်ရေး ဂေဟာများသို့ ခွဲပို့ထားသည်။ သူတို့၏ မိဘများကို ရဲတပ်ဖွဲ့က ကြိုးစားပြီး ရှာဖွေပေးသော်လည်း မတွေ့ကြောင်း ပြောကြားသည်။ မိန်းကလေးအချို့က ဘီဟာမှဖြစ်ပြီး အခြားမိန်းကလေးတွေမှာ အနောက်ဘန်ဂေါနယ်များက ရောက်လာကြသူပင်ရှိသည်။ ဘီဟာမှ ကီလိုမီတာ ၅၀၀ ခန့်အကွာက ရောက်လာကြခြင်းဖြစ်သည်။ ဂေဟာများတွင် မိန်းကလေးများကို ထားသည်ဆိုသော်လည်း ဂေဟာဆိုတိုင်း သူတို့ဘဝများအတွက် လုံခြုံမှုရှိနိုင်မည်လားဟု မေးခွန်းထုတ်စရာဖြစ်လာသည်။ ဘီဟာနယ်တွင်သာမဟုတ် အခြားသော ပြည်နယ်များရှိ အမျိုးသမီးဂေဟာများတွင် အလားတူဖြစ်ရပ်တွေ မည်မျှရှိနေသနည်း။ ဂေဟာတွင်ခိုလှုံနေသူများကို အဖျော်ဖြေခံအသုံးတော်ခံများအဖြစ် အသုံးချနေသည့်နေရာတွေ မရှိနိုင်ဘူးလားဟုလည်း နိုင်ငံရေးသမားတွေက ယခုမှတွေးဆမေးခွန်းထုတ်လာကြသည်။ 

နယူးဒေလီလူမှုသုတေသနစင်တာမှ ဒါရိုက်တာ ရန်ဂျနာကုမာရီက “လူတွေကနိုးနိုးကြားကြားရှိလာ ကြမယ်ဆိုရင် ဒီလို စက်ဆုပ်ဖွယ်အဖြစ်အပျက်တွေ ထက်ဖြစ်လာစရာအကြောင်းမရှိဘူးပေါ့”ဟု ဆိုသည်။ 

အိန္ဒိယနိုင်ငံတွင် ၁၅ မိနစ်တိုင်း ကလေးတစ်ယောက် မုဒိမ်းကျင့်ခံနေရကြောင်း Child Rights and You အဖွဲ့က ထုတ်ပြန်ထားသည်။ လွန်ခဲ့သည့် ဆယ်စုအတွင်း မုဒိမ်းမှုတွေက ၅၀၀ ရာခိုင်နှုန်းကျော် မြင့်မားလာသည်။ ၂၀၁၆ ခုနှစ်တွင် ရဲတပ်ဖွဲ့က လက်ခံရရှိသည် မုဒိမ်းမှုပေါင်း ၃၈၉၄၇ မှုရှိသည်။ ၂၀၁၅ ခုနှစ်က ၃၅၀၀၀ ခန့် ရှိသည်ဆိုသဖြင့် တိုးတက်လာသည့်သဘောဖြစ်သည်။ ယင်းမှာ အမျိုးသားရာဇဝတ်မှုမှတ်တမ်းဌာန၏ ထုတ်ပြန်ချက်စာရင်းဖြစ်သည်။ 

ကလေးတွေက ယခုအခါ ဘီဟာနယ်ထဲမှာပင် အေးချမ်းလုံခြုံစွာရှိနေသည်။ သူတို့က -

“ကျောင်းပြန်တက်ချင်တယ်။ သမီးတို့ ရဲဖြစ်အောင်လုပ်မယ်။ ရဲဖြစ်လာရင် ဒီလို သမီးတို့ကို ခံစားရအောင် လုပ်တဲ့သူတွေကို ပြန်ပြီး လက်စားချေမယ်” ဟုဆိုကြသည်။ 

(Ref: The Times of India, Undia Today, NDTV, Pakistan Defence, India Times)



FOLLOW US