News

POST TAGGED AS

လှိုင်သာယာ

အစိုးရ အကောင်အထည်ဖော်ပေးမယ့် ဝန်ထမ်းများလစာတိုးမြှင့်ရေး အိပ်မက်
လာမည့်ဖေဖော်ဝါရီလ တစ်ရက်နေ့ဆိုလျှင် လွှတ်တော်များ၏သက်တမ်းသည် ၂ နှစ်ပြည့်တော့မည်ဖြစ်သည်။ ထို ၂ နှစ် ကုန်ဆုံးခါနီးချိန်နှင့် တိုက်ဆိုင်စွာပင် လာမည့်ဇန်နဝါရီလ ၁၅ ရက်နေ့ဆိုလျှင် ပြည်ထောင်စုအဆင့် လွှတ်တော်များဖြစ်သည့် ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်များကို ပြန်လည် ကျင်းပကြတော့မည် ဖြစ်သည်။ ထိုလွှတ်တော် အစည်းအဝေးများသည် ၂၀၁၈ ခုနှစ်အတွက် ကနဦး ပြုလုပ်သည့် အစည်းအဝေးများဖြစ်လာပြီး ထိုကာလအတွင်း ထူးခြားမှုရှိနိုင်သည့် အစီအစဉ်ကောင်းများ ပါလာနိုင်သည်ဟုလည်း နိုင်ငံ့အရေး လေ့လာသူများက သုံးသပ်နေကြသည်။

၂၀၁၈ နှစ်ဦးတွင် ကနဦးကျင်းပကြခြင်းနှင့်အတူ မင်္ဂလာရှိသော သတင်းများကိုလည်း ကြားချင်နေကြပုံ ဖြစ်နိုင်လေသည်။ ထိုမင်္ဂလာသတင်း ကြားချင်နေကြသည့်သူများထဲတွင် ရှေ့ဆုံးမှပါဝင်နေသည်မှာ မြန်မာပြည်လူဦးရေ၏ အပုံ ၅၀ ပုံလျှင် တစ်ပုံမျှရှိသော နိုင်ငံ့ဝန်ထမ်းအုပ်စုကြီး ဖြစ်လေသည်။ ကြားရနိုင်ဖွယ်ရှိသည့် ထိုမင်္ဂလာသတင်းကို သူတို့မျှော်လင့် နေသည်မှာလည်း နှစ်ပေါင်း အတော်ကြာနေပြီဖြစ်သည့်အတွက် သူတို့ကိုလည်း အပြစ်ဟုမဆိုသာချေ။ ယနေ့လက်ရှိ အချိန်အခါအရ ပြင်ပတွင်ဖြစ်ပေါ်နေသည့် ကုန်ဈေးနှုန်းများနှင့် ငွေကြေးဖောင်းပွမှုများကြောင့် သူတို့တစ်လရကြသည့် လုပ်ခလစာမှာ အလွန်ပင်နည်းပါးသထက် နည်းပါးကာ မလုံမလောက်ဖြစ်လျက် ရှိကြသည်ဆိုသည်ကိုလည်း ခြွင်းချက်မရှိ လက်ခံရမည့် အချက်ဖြစ်နေသောကြောင့်ဖြစ်သည်။

သူတို့၏လစာတိုးမြှင့်ရေးကိစ္စကို နောက်ကြောင်းပြန်ကောက်ကြည့်လျှင် လွန်ခဲ့သည့် ၂၀၁၁ ခုနှစ် ပါတီစုံဒီမိုကရေစီစနစ်ကို စတင်ကျင့်သုံးစဉ် ကာလကတည်းကပင် သူတို့အတွက် လွှတ်တော်ထဲတွင် အသံများကျယ်လောင်စွာ ဆွေးနွေးခဲ့ကြဖူးသည်။ သို့သော်လည်း ယခင်ပါတီစုံ ဒီမိုကရေစီခေတ် အစိုးရသက်တမ်း ငါးနှစ်တစ်လျှောက်လုံးတွင်မူ သိသိသာသာ တိုးမြှင့်ပေးခြင်းမျိုး မရှိခဲ့ဘဲ ပြင်ပဈေးနှုန်းနှင့် ကာမိရုံသဘောမျိုးသာ တိုးပေးခဲ့ကြဖူးလေသည်။ သို့အတွက် သူတို့၏လုပ်ခလစာများ တိုးမြှင့်ရေးအိပ်မက်ကို အကောင်အထည်ဖော်ရန် ၂၀၁၆ ခုနှစ်တွင် တက်လာမည့်အစိုးရကို သူတို့ပုံအောပြီး မဲပေးခဲ့ကြဖူးသည်။ သို့သော်လည်း သူတို့မဲပေးခဲ့သည့် အစိုးရ၏သက်တမ်းသည်သာ ယခုဆိုလျှင် ၂ နှစ်ပြည့်ပြီး သက်တမ်းတစ်ဝက်ကျိုး တော့မည်၊ ထိုကိစ္စမှာ ငြိမ်ချက်သားကောင်းနေဆဲပင် ရှိသေးသည်။

လွှတ်တော်ကြီးများအတွင်း လေအေးပေးစက် အခန်းများအတွင်းမှ သူတို့ရွေးချယ်မဲပေးခဲ့သည့် ကိုယ်စားလှယ်တော်ကြီးများကလည်း သူတို့ကို မေ့နေပုံရသည်။ ထိုကိုယ်စားလှယ်များမှာလည်း တစ်နှစ်နေလို့ပင် သူတို့ မဲဆန္ဒနယ်များသို့ တစ်ခေါက်ပေါ်မလာ၊ မျက်နှာတော်ကိုပင် မမြင်ဖူးသည်မှာ ကြာသလိုဖြစ်နေခဲ့သည်။ စိုင်ကော်လို့ ချုံပေါ်ရောက်ကြသည့် အခြေအနေ၊ စိန်နားကပ်အရောင်ကြောင့် ပါးပြောင်နေကြသည်ကိုလည်း ထိုကိုယ်စားလှယ်တော်ကြီးများက သာယာနေကြပုံပေါ်သည်။ ထို့အတွက် နိုင်ငံ့ဝန်ထမ်းတို့မှာ ယခုလာမည့် ၂၀၁၈ နှစ်ဦးကာလ ပြည်ထောင်စု လွှတ်တော်များ ပြန်စလျှင်တော့ သူတို့အလှည့် ပါချင်ကောင်း ပါနိုင်လှည့်ဟု မျှော်လင့်နေကြခြင်း ဖြစ်တန်ရာသည်။

လာမည့် သီတင်းပတ်အတွင်း ကျင်းပမည့် ပြည်ထောင်စုလွှတ်တော် အစည်းအဝေးတွင် ဆွေးနွေးကြမည့်အစီအစဉ်များကို တစေ့တစောင်း လေ့လာကြည့်သည့်အခါ သူတို့၏ အိပ်မက်များအတွက်လည်း မျှော်လင့်ချက်များ ထားစရာပါလာနိုင်မည်မှာလည်း အမှန်ဖြစ်သည်ကို သွားတွေ့ရသည်။ ၎င်းမှာ နှစ်စဉ်နှစ်တိုင်း ပြုလုပ်လေ့ပြုလုပ်ထရှိသည့် အလေ့အထများအရ ထိုအချိန်တွင်ကျင်းပသည့် ထိုအစည်းအဝေး အစီအစဉ်များတွင် လာမည့် ၂၀၁၈-၁၉ ဘဏ္ဍာရေးနှစ်အတွက် ဘတ်ဂျက်ဥပဒေများ တင်သွင်းဆွေးနွေးကြမည့် အစီအစဉ်များ ရှိနေ၍ဖြစ်သည်။

NLD အစိုးရလက်ထက် ထူးခြားသည့် ပြောင်းလဲမှုတစ်ခုအနေနှင့် နှစ်ပေါင်း ၄၀ ကျော်ကာလအတွင်း ကျင့်သုံးခဲ့သည့် ဘဏ္ဍာရေးနှစ်ကို သူတို့လက်ထက်တွင် ပြောင်းလဲလုပ်ဆောင်ခဲ့ကြပြီး ထိုပြောင်းလဲမှုမှာ လာမည့်ဧပြီလမှ ပြန်လည်ကာ အစပျိုးကြရမည်ဖြစ်သည်။ ဧပြီလမှ စက်တင်ဘာလကုန်အထိ ခြောက်လတာကာလ ဘတ်ဂျက်ကိုဖြတ်ပြီး တစ်ရစ်ရေးဆွဲ ပြဋ္ဌာန်းကျင့်သုံးပြီးမှသာ လာမည့်အောက်တိုဘာ ၁ ရက်မှ ၂၀၁၉ ခုနှစ် စက်တင်ဘာလ ၃၁ ရက်ထိကို ဆက်လက်ရေးဆွဲကာ လွှတ်တော်တွင် ဆွေးနွေးပြဋ္ဌာန်းကြရမည် ဖြစ်သည်။ သို့အတွက် အထက်တွင်ဆိုခဲ့သည့် နိုင်ငံ့ဝန်ထမ်းများ လစာတိုးပေးရေးကိစ္စအတွက် ထည့်သွင်းစဉ်းစားပေးကြရမည်ဆိုလျှင် ယခုလာမည့် ဘတ်ဂျက်ဥပဒေ တင်သွင်းဆွေးနွေးကြမည့်ကာလတွင် ပါလာကောင်းပါလာမည်ဟု မျှော်လင့်နေကြခြင်းဖြစ်သည်။

နိုင်ငံ့ဝန်ထမ်းများအနေနှင့် သူတို့၏လုပ်ခလစာ တိုးမြှင့်ရေးကိစ္စကို မျှော်လင့်နေကြသည်မှာလည်း မျှော်လင့်ချင်စရာကောင်းနေသည်။ အကြောင်းမှာ ၎င်းတို့နည်းတူ လုပ်ခလစာ နည်းပါးနေကြသည့် ပြင်ပမှအလုပ်သမားထုများအတွက် တစ်ရက်တာ လုပ်ခနှုန်းများ တိုးမြှင့်ပေးရေးကိစ္စနှင့်ပတ်သက်ပြီး ယခင်သီတင်းပတ်အတွင်းက ယခင် ၃၆၀၀ ကျပ်မှ ၁၂၀၀ ကျပ်တိုးပြီး ၄၈၀၀ ကျပ် တိုးမြှင့်ပေးရန်ကိစ္စက ပူပူနွေးနွေး ပေါ်ပေါက်လာခြင်းကြောင့်ဖြစ်သည်။ ထိုကိစ္စမှာလည်း အမှန်ဆိုလျှင် အတည်မဖြစ်သေးချေ။ အနည်းဆုံးလုပ်ခနှုန်းထား သတ်မှတ်ရေး အမျိုးသားကော်မတီက ဥပဒေလမ်းကြောင်းအရ နိုင်ငံတော်သမ္မတထံ တင်ပြထားဆဲဖြစ်သည်ကို တွေ့ရသည်။ နိုင်ငံတော်သမ္မတက အတည်ပြုပြီးမှသာ ထိုလုပ်ခနှုန်းထားမှာ အတည်ဖြစ်လာမည်ဖြစ်ပြီး ယခုရက်ပိုင်းအတွင်း ကြားရသည်မှာလည်း အလုပ်ရှင်များဘက်က သဘောမတူဟု သိရပြန်သည်။

ထိုကိစ္စသဘောတူခဲ့လျှင် နိုင်ငံ့ဝန်ထမ်းများအပိုင်းတွင်လည်း အချို့သောရုံးဌာနများတွင် ဝင်ရောက်လုပ်ကိုင်နေကြသော နေ့စားဝန်ထမ်းများအတွက်ပါ အကျုံးဝင်သွားနိုင်မည်ဖြစ်ပြီး ယခုပေးနေသည့် နိုင်ငံ့ဝန်ထမ်းများအတွက် အခြေခံလစာနှုန်းထားဖြစ်သည့် ၁၂၀,၀၀၀ိ နှုန်းမှာလည်း ပြောင်းလဲသွားနိုင်ဖွယ်ရာ ရှိနေသောကြောင့်ဖြစ်သည်။ သို့အတွက် သူတို့ မျှော်လင့်နေကြခြင်းပင်ဖြစ်သည်။ အမှန်ဆိုလျှင် သူတို့မှာ နိုင်ငံရေးသမားများအကြား အသုံးချခံဖြစ်နေကြရသည်မှာ ကြာပြီဖြစ်ပြီး ခေတ်အဆက်ဆက် ရသည့်လစာနှင့် မလောက်ငဘဲ လူနေမှုစနစ်များ နိမ့်ကျလျက်ရှိနေသည်။ ယနေ့ပြင်ပတွင် ဖြစ်ပေါ်နေသော ဒုစရိုက်မှုဖြစ်သည့် ခိုးမှုများ၊ အနုကြမ်းစီးလုယက်မှုများမှာ ထိုနိုင်ငံ့ဝန်ထမ်းများ လုပ်ခလစာ နည်းပါးနေခြင်းနှင့် အတော်ဆက်စပ်သည်။ နိုင်ငံ့ဝန်ထမ်းများမှာ အူမမတောင့်၍ သီလမစောင့်နိုင်သဖြင့် ထိုဒုစရိုက်သမားများကို အမြစ်ပြတ်ရှင်းလင်းရန် အားအင်နည်းရသလို ဖြစ်နေခဲ့ရသည်။ စိတ်အားထက်သန်မှု နည်းပါးခဲ့ကြရမည်မှာ မလွဲပေ။

နိုင်ငံ့ဝန်ထမ်းထဲတွင် လစာနှုန်းထား နည်းပါးနေကြသည့် အတန်းအစားအုပ်စုကို ခွဲထုတ်ကြည့်လျှင် အောက်ခြေဝန်ထမ်းများမှာ မလူးသာ မလွန့်သာသည့် အခြေအနေကို ကျရောက်နေပြီး အရာရှိများအုပ်စုမှာမူ  ယခုလက်ရှိ လစာနှင့်လုံလောက်ရုံသာရှိသည်။ အပိုအလျှံဟူ၍ မရှိကြချေ။ အရာရှိကြီးများမှာမူ နိုင်ငံတော်မှ ထောက်ပံ့ထားသည့် အခြားသောခံစားခွင့်များနှင့် အခြားသော စရိတ်စကများအကြားတွင် နေသာနေကြသေးသည်။ သို့အတွက် လစာတိုးပေးရေးအိပ်မက်ကို အမှန်တကယ် မက်သူများအုပ်စုကို ခွဲခြမ်းစိတ်ဖြာကြည့်ပါက အောက်ခြေ အမှုထမ်းအဆင့်များကသာ ပို၍မက်ကြရသည့် သဘောဖြစ်နေသည်။ နိုင်ငံတော်ဘဏ္ဍာငွေမှ ကျခံကာ ပေးကြရသူအချင်းချင်း နိုင်ငံ့ဝန်ထမ်းနှင့် ပြည်သူ့ဝန်ထမ်းများအကြား အမှန်တကယ်သာ ခွဲခြမ်းစိတ်ဖြာကြည့်လျှင် တရားမျှတမှု မရှိဖြစ်နေသည်မှာ ကြာပြီဖြစ်သည်။

ထိုအကြောင်းကို ရှင်းလင်းစွာပြောရလျှင် ပြည်သူ့ဝန်ထမ်းများဖြစ်သည့် လခစားများဖြစ်သော နိုင်ငံတော်သမ္မတနှင့် ပြည်ထောင်စုအဆင့် ဝန်ကြီး၊ ဒုဝန်ကြီးနှင့် အခြား ပြည်ထောင်စုအဆင့် ပုဂ္ဂိုလ်များမှာမူ ပါတီစုံဒီမိုကရေစီစနစ် မကျင့်သုံးမီ ၂၀၁၀ ခုနှစ်ကတည်းကပင် ဥပဒေဖြင့် သတ်သတ်မှတ်မှတ်ရေးဆွဲကာ သိန်း ၅၀ နှင့် ၃၀ အကြား အသီးသီးခံစားရန် ကြိုတင်စီမံပြင်ဆင်ထားခဲ့ကြပြီး ယနေ့အချိန်အထိ ဇိမ်ကျကျ ထုတ်ယူသုံးစွဲကြလျက်ရှိသည်။ ထိုနည်းတူစွာပင် လွှတ်တော် ကိုယ်စားလှယ်များသည်လည်း လစာ ၁၀ သိန်းနှင့် နေ့တွက်စရိတ် အသီးသီးကို အစီစီတိုးမြှင့်ကာ လခစားကြရသူများ အချင်းချင်းအကြား ဘိန်းစားချင်းအတူတူ သူတို့က နိုင်ငံ့ဘဏ္ဍာများကို တစ်မူထူးပြီး ပိုရှူကြသလိုဖြစ်နေလေသည်။

အစိုးရတစ်ရပ်အတွက် အဓိကမောင်းနှင်အားတစ်ရပ်သဖွယ် ဖြစ်နေသည့် နိုင်ငံ့ဝန်ထမ်းများ၏ လစာ၊ စရိတ်နှင့် ပင်စင်ခံစားမှုများအတွက်မူ ဥပဒေတစ်ရပ်အဖြစ် ယနေ့ထိတိုင် သီးခြားမရှိသေးပေ။ လိုလျှင်လိုသလိုသာ အမိန့်တစ်စုံတစ်ရာထုတ်ကာ ဆောင်ရွက်နေခဲ့သည်မှာ နှစ်ပေါင်းအတော်ပင် ကြာညှောင်းခဲ့ပြီဖြစ်သည်။ သူတို့အတွက် မည်သည့် နိုင်ငံရေးသမားကမျှ အလေးမထားခဲ့ကြသလို အရေးတယူလည်း မရှိကြသယောင် ရှိခဲ့ကြသည်။

သို့သော်လည်း သူတို့အတွက် နိုင်ငံရေးသမားများက အရေးတယူအလေးထားသည့် ကာလတစ်ခုက အမှန်ရှိသည်။ ၎င်းမှာ ရွေးကောက်ပွဲကာလ နီးချိန်တွင်ဖြစ်သည်။ ထိုအချိန် ရောက်လာခါနီးတွင်မူ နိုင်ငံရေးသမားများက သူတို့ကို အသုံးချကြသည်၊ လစာတိုးပေးရေးအိပ်မက်ဖြင့် မဲဆွယ်ကြသည်။

သို့အတွက် နိဂုံးချုပ်ရလျှင် ယခုလာမည့် ဇန်နဝါရီ လလယ်ပိုင်းအတွင်း ကျင်းပကြမည့် ပြည်ထောင်စုလွှတ်တော် အစည်းအဝေးများတွင် ဘတ်ဂျက်ဥပဒေကို တင်သွင်းဆွေးနွေးကြတော့မည်ဖြစ်ရာ နိုင်ငံ့ဝန်ထမ်းများ၏ အိပ်မက်ကို မပျက်ပြယ်စေမည့် အစီအစဉ်ကောင်းများကိုလည်း နိုင်ငံရေးသမားများက ထည့်သွင်းစဉ်းစား ဦးစားပေး ဆွေးနွေးပေးကြစေလိုပါကြောင်း စိတ်ကောင်းစေတနာဖြင့် ရေးသားလိုက်ရပါသည်ဗျား။ 
 
အောင်ဇေယျ



FOLLOW US