ကိုင်ဟာဗက်ဇ်အနေနှင့် ချဲလ်ဆီး သို့ပြောင်းရွှေ့ခဲ့ပါက ပရီးမီးယားလိဂ်တွင် ကစားနိုင်လောက်သည့် ကြံ့ခိုင်မှုနှင့် ပါဝါ လိုအပ်လိမ့်မည်ဟု အာဆင်နယ်တိုက်စစ်မှူး ဟောင်း ပိုဒေါစကီးက သတိပေးလိုက်ကြောင်း The Sun က ဖော်ပြခဲ့သည်။

ဂျူဗင်တပ်တိုက်စစ်မှူး စီရော်နယ်ဒိုက နွေဈေးကွက်အတွင်း ကစားသမားသစ်တစ်ဦး ခေါ်ယူပေးဖို့အသင်းထံကိုတောင်း ဆိုမှုပြုလုပ်ထားကြောင်း azzetta dello Sport က ဖော်ပြခဲ့သည်။

ချန်ပီယံလိဂ်ဆီမီးဖိုင်နယ်အဆင့် သို့ တက်ရောက်နိုင်ရေးအတွက် ၃ နှစ်ဆက် ကြိုးပမ်းမှုကျရှုံးခဲ့သော်လည်း လာမည့်ရာသီတွင် အတောင့်တင်းဆုံးပုံစံဖြင့် ပြန်လာမည်ဟု မန်စီးတီးအသင်းနည်းပြ ဂွါဒီယိုလာက ကတိပေးခဲ့ကြောင်း Dailymail က ဖော်ပြခဲ့သည်။

လီဗာပူးအသင်းနည်းပြ ဂျာဂင် ကလော့ပ်သည် ပရီးမီးယားလိဂ်တစ်နှစ် တာ အကောင်းဆုံးနည်းပြဆုကိုပိုင်ဆိုင်ခဲ့ကြောင်း Dailymail က ဖော်ပြခဲ့သည်။

မက်ဆီအနေနှင့်ဘာစီလိုနာအသင်းမှထွက်ခွာရန်ဆုံးဖြတ်ပါက အရခေါ်ယူနိုင်လိမ့်မည်ဟု မန်စီးတီးအသင်းတာဝန်ရှိသူများက ယုံကြည်နေကြောင်း Daily Mirror ကဖော်ပြခဲ့သည်။

ပိုလန်တိုက်စစ်မှူးလီဝန်ဒေါစကီးသည် ကမ္ဘာ့အကောင်းဆုံးကစားသမားဖြစ်ပြီး မက်ဆီ၏ဘာစီလိုနာအသင်းကို အနိုင်ယူကျော်ဖြတ်ရန်အတွက် ဘိုင်ယန်မြူးနစ်ကို ဦးဆောင်မှုပေးနိုင်လိမ့်မည်ဟု အသင်းဂန္တဝင် လိုသာမာသီးယက်စ်က ယုံကြည်နေကြောင်း Bild က ဖော်ပြထားသည်။

စူပါစတား ကစားသမားနှစ်ဦးဖြစ်သော နေမာနှင့်အမ်ဘာပီတို့ ပီအက်စ်ဂျီကို ကျောခိုင်းသွားလိမ့်မည်မဟုတ်ဟု အတ္တလန္တာကို အနိုင်ရခဲ့သောပွဲအပြီးတွင် အသင်းဥက္ကဋ္ဌအယလ်ခီလိုင်ဖီက အခိုင်အမာပြောကြားလိုက်ကြောင်း Goal.com က ဖော်ပြသွားသည်။

ကိုရိုနာဗိုင်းရပ်စ်နှင့်ပတ်သက်၍ အပြုသဘောဆောင်သည့် စမ်းသပ်မှုများ ပြုလုပ်ခဲ့ရာ၌ ဘာစီလိုနာနောက်ခံလူ တိုဒီဘိုနှင့် ဘီလ်ဘာအိုတိုက်စစ်မှူးအီနာ ကီဝီလီယံတို့တွင် ရောဂါကူးစက်ခံထားရကြောင်း တွေ့ရှိခဲ့သည်ဟု Dailymail က ဖော်ပြခဲ့သည်။

ပီအက်စ်ဂျီအသင်း၏ နောက်ကျသွင်းဂိုးနှစ်ဂိုးက မိမိကိုနောင်တရစေခဲ့ပြီး ဂုဏ်ယူမှုများစွာနှင့်ထားရစ်ခဲ့သည်ဟု အတ္တလန္တာနည်းပြ ဂက်စ်ပါရီနီကဝမ်းနည်း စကားဆိုခဲ့ကြောင်း Dailymail က ဖော်ပြခဲ့သည်။

ကိုဗစ်-၁၉ ရောဂါကြောင့် သုံးလ ကျော်ရပ်နားထားသည့် မြန်မာနေရှင်နယ် လိဂ်ပြိုင်ပွဲကို သြဂုတ်လ ၂၂ ရက်တွင် ပြန်လည်ကျင်းပနိုင်ရန် မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က တောင်းဆိုမှုပြုလုပ်ခဲ့သည်။

THE HEROES TAEKWONDO VIRTUAL INTERNATIONAL CHAMPION-SHIP Online Poomsae ပြိုင်ပွဲကို မြန်မာကိုယ်စားပြု အောင်ဆန်းတိုက်ကွမ်ဒို ကလပ်အသင်းက ဝင်ရောက်ယှဉ်ပြိုင်ခဲ့ပြီး ရွှေတံဆိပ်(၄)ဆု၊ ငွေတံဆိပ်(၁)၊ ကြေးတံဆိပ်(၂)ဆု ရရှိခဲ့သည်။

ကိုပင်ဟေဂင်ကို အနိုင်ရခဲ့သည့် ယူရိုပါလိဂ် ကွာတားဖိုင်နယ်ပွဲစဉ်မှ မာရှယ်၏ ခြေစွမ်းကို BT Sport ရုပ်သံတင်ဆက်သူများအဖြစ် ပါဝင်ခဲ့သည့် မန်ယူကြယ်ပွင့်ဟောင်းများက ချီးကျူးဂုဏ်ပြုခဲ့ကြောင်း Dailymail က ဖော်ပြခဲ့သည်။

ပရီးမီးယားလိဂ်ချန်ပီယံလီဗာပူးအသင်းသည် အိုလံပီယာကော့စ် ဘယ်နောက်ခံလူ တစ်မီကက်စ်ကို ပေါင် ၁၁ ဒသမ ၇၅ သန်းဖြင့်ခေါ်ယူခဲ့ပြီဖြစ်ကြောင်း Dailymail က ဖော်ပြခဲ့သည်။

ယူရိုပါလိဂ်တွင် အနိုင်ရဗိုလ်စွဲခြင်းက နည်းပြဘဝအတွက် ကြီးမားသည့် အောင်မြင်မှုတစ်ခု ဖြစ်လာနိုင်သည်ဟု မန်ယူနည်းပြဆိုးလ်ရှားကပြောဆိုလိုက်ကြောင်း Goal.com က ဖော်ပြခဲ့သည်။

ချန်ပီယံလိဂ်ပွဲစဉ်တွင် ဘိုင်ယန်မြူးနစ်ကို ၄-၁ ဖြင့် အရေးနိမ့်ခဲ့ပြီးနောက် ချဲလ်ဆီးနည်းပြလမ်းပတ်သည် နွေဈေးကွက်အတွင်း လှုပ်ရှားမှုများကို တိုးမြှင့်လာဖွယ်ရှိနေကြောင်း The Sun ကဖော်ပြခဲ့သည်။