News

27-Nov-2017
မန်စီးတီးနည်းပြ ဂွါဒီယိုလာသည် မန်စီးတီးက ဟတ်ဒါးစဖီးလ်ကို နှစ်ဂိုး တစ်ဂိုးဖြင့် အနိုင်ရရှိခဲ့သည့် ပရီးမီးယားလိဂ်ပွဲစဉ်တွင် မန်စီးတီးအသင်းရရှိခဲ့သည့် ပင်နယ်တီနှင့်ပတ်သက်၍ အာဆင်နယ်နည်းပြ အာစင်ဝင်းဂါးထံသို့သွားရာက်၍ မှတ်ချက်တောင်းခံမည်ဆိုပါကလည်း ပေးသင့်ပေးထိုက်သည့် ပင်နယ်တီဟူသော အဖြေကိုသာ ရရှိလိမ့်မည်ဟု အသိပေးပြောကြားသွားခဲ့ကြောင်း Daily Star က ဖော်ပြထားသည်။
27-Nov-2017
ပရီးမီးယားလိဂ်ကလပ် မန်စီးတီးအသင်းသည် အင်္ဂလိပ်ဘောလုံးသမိုင်းတွင် ပြိုင်ပွဲအရပ်ရပ်၌ အဝေးကွင်းပွဲစဉ် ၁၁ ပွဲဆက်တိုက် အနိုင်ရရှိသည့် ပထမဆုံးအသင်းအဖြစ် မှတ်တမ်းဝင်သွားခဲ့ပြီဖြစ်ကြောင်း OPTA က ဖော်ပြထားသည်။
27-Nov-2017
အာဆင်နယ်နည်းပြ အာစင်ဝင်းဂါးသည် အာဆင်နယ်က ဘန်လေကို တစ်ဂိုး ဂိုးမရှိဖြင့် အနိုင်ရရှိခဲ့သည့် ပရီးမီးယားလိဂ်ပွဲစဉ်အပြီးတွင် အာဆင်နယ်အသင်း အနိုင်ဂိုးရရှိစေရန် ပင်နယ်တီ သတ်မှတ်ပေးခဲ့သော ဒိုင်လူကြီး လီမာဆန်၏ဆုံးဖြတ်ချက်မှာ မှန်ကန်မှုအပြည့်ရှိကြောင်း ထောက်ခံပြောဆိုသွားခဲ့သည်ဟု Daily Mail က ဖော်ပြထားသည်။
27-Nov-2017
ဘာစီလိုနာနည်းပြ ဗယ်လ်ဗာဒီသည် ဥရောပထိပ်တန်းလိဂ် ဘောလုံးပြိုင်ပွဲကြီး ငါးခုအနက်တွင် တစ်ခုအပါအဝင်ဖြစ်သော လာလီဂါပြိုင်ပွဲ၌ ခေတ်သစ်နည်းပညာများကို ထည့်သွင်းအသုံးပြု၍ ပြိုင်ပွဲကို အဆင့်မြှင့်တင်ရန် အချိန်တန်နေပြီဟု ဝေဖန်ထောက်ပြလိုက်ပြီဖြစ်ကာ ဗယ်လ်ဗာဒီမှာ ဗလင်စီယာနှင့် ဘာစီလိုနာတို့ တစ်ဖက်တစ်ဂိုးစီ သရေကျခဲ့သည့် လာလီဂါပွဲစဉ်တွင် မက်ဆီ၏သွင်းဂိုးကို ဒိုင်လူကြီး ဗီလာနျူးဗာက ခွင့်မပြုခဲ့ခြင်းအတွက် မကျေနပ်မှုများရှိနေကြောင်း Daily Star က ဖော်ပြထားသည်။
26-Nov-2017
ရီးရဲလ်မက်ဒရစ်အသင်းသည် မန်ယူတိုက်စစ်တောင်ပံကစားသမား မာတီရယ်လ်ကို လာမည့် ၂၀၁၈ ခုနှစ် နွေရာသီကာလ ကစားသမားအပြောင်းအရွှေ့ဈေးကွက်ဖွင့်လှစ်ချိန်တွင် ပြောင်းရွှေ့ကြေးပမာဏ ပေါင်သန်း ၈၀ အသုံးပြုခေါ်ယူရန် စီစဉ်နေပြီဖြစ်ကြောင်း Marca က ဖော်ပြထားသည်။
26-Nov-2017
ဂျူဗင်တပ်အသင်းသည် လီဗာပူးကွင်းလယ်ကစားသမား အမ်မရီကန်ကို ခေါ်ယူရန်အတွက် ပုဂ္ဂိုလ်ရေးအချက်အလက်များ သဘောတူညီမှု ရယူလိုက်နိုင်ပြီဖြစ်ပြီး ယင်းအတွက် လာမည့် ၂၀၁၈ ခုနှစ် နွေရာသီကာလ ကစားသမားအပြောင်းအရွှေ့ဈေးကွက်ဖွင့်လှစ်ချိန်တွင် အမ်မရီကန်မှာ လီဗာပူးကိုစွန့်ခွာ၍ ဂျူဗင်တပ်ထံသို့ ပြောင်းရွှေ့သွားတော့မည်ဖြစ်ကြောင်း Daily Mail က ဖော်ပြထားသည်။
26-Nov-2017
ရီးရဲလ်မက်ဒရစ်တိုက်စစ်တောင်ပံကစားသမား ဂါရတ်ဘေးလ်သည် လာမည့် ၂၀၁၈ ခုနှစ်တွင် မွေးရပ်မြေ ဝေလနိုင်ငံ၌ ကျင်းပမည့် ၎င်း၏မင်္ဂလာပွဲတွင် တေးသံရှင်များသီဆိုရန်အတွက် ကမ္ဘာကျော်အမေရိကန်တေးသံရှင် ဘီယွန်ဆေးကို ခေါ်ယူရန် စီစဉ်နေပြီး ဂါရတ်ဘေးလ်၏ညွှန်ကြားချက်အရ ၎င်း၏အကျိုးဆောင်များမှာ ဘီယွန်ဆေး၏ကိုယ်စားလှယ်များနှင့်တွေ့ဆုံ၍ အနုပညာကြေးညှိနှိုင်းမှုများ ဆောင်ရွက်နေပြီဖြစ်ကြောင်း Daily Mail က ဖော်ပြထားသည်။
26-Nov-2017
လီဗာပူးတိုက်စစ်တောင်ပံကစားသမား မာနေးသည် လီဗာပူးနှင့် ချယ်လ်ဆီးတို့ တစ်ဖက်တစ်ဂိုးစီ သရေကျခဲ့သည့် ပရီးမီးယားလိဂ်ပွဲစဉ်အပြီးတွင် ၎င်းကို ပွဲပြီးရန် မိနစ်အနည်းငယ်သို့ရောက်မှ လူစားလဲလှယ်ထည့်သွင်းခဲ့ခြင်းအတွက် နည်းပြဂျာဂင်ကလော့ပ်နှင့် စကားအချေအတင်ဖြစ်ခဲ့ကြောင်း Daily Mail က ဖော်ပြထားသည်။
26-Nov-2017
အာဆင်နယ်အသင်းသည် လာမည့်ဇန်နဝါရီကာလ ကစားသမားအပြောင်းအရွှေ့ဈေးကွက်ဖွင့်လှစ်ချိန်တွင် မိုနာကိုတိုက်စစ်တောင်ပံကစားသမား သောမတ်စ်လီမာကိုခေါ်ယူရန်အတွက် တစ်ကျော့ပြန်လည် ကမ်းလှမ်းရန် စီစဉ်နေပြီဖြစ်ပြီး ယခုတစ်ကြိမ်တွင်မူ အာဆင်နယ်က ပေါင်သန်း ၉၀ အောက်ပမာဏရှိ ပြောင်းရွှေ့ကြေးမျိုးဖြင့်သာ ကမ်းလှမ်းသွားလိမ့်မည်ဖြစ်ကြောင်း Sportmail က ဖော်ပြထားသည်။
26-Nov-2017
အင်္ဂလန်ပရီးမီးယားလိဂ်အမှတ်ပေးပြိုင်ပွဲသည် ကမ္ဘာတစ်ဝန်းတွင် ကျင်းပနေသည့် ကမ္ဘာ့ထိပ်တန်းလိဂ်ပြိုင်ပွဲများအားလုံးအနက်တွင် ပျမ်းမျှလုပ်ခလစာရရှိမှု အမြင့်မားဆုံးလိဂ်အဖြစ် ရပ်တည်နိုင်လိုက်ပြီဖြစ်ကြောင်း GSSS စစ်တမ်းကောက်ယူရေးအဖွဲ့က သတင်းထုတ်ပြန်လိုက်သည်ဟု Daily Star က ဖော်ပြထားသည်။
26-Nov-2017
ပီအက်စ်ဂျီတိုက်စစ်မှူး နေမာ၏တစ်နှစ်လုပ်ခလစာရရှိမှုသည် ကမ္ဘာ့ထိပ်တန်း အမျိုးသမီးလိဂ်ပြိုင်ပွဲခုနစ်ခု၏စုစုပေါင်းလုပ်ခလစာထက် ပိုများကြောင်း စစ်တမ်းတစ်ရပ်က ဖော်ပြလိုက်ပြီး လက်ရှိတွင် နေမာမှာ ပီအက်စ်ဂျီထံ၌ တစ်နှစ်လုပ်ခအဖြစ် ပေါင် ၃၂ ဒသမ ၉ သန်း အကျိုးခံစားခွင့်ရရှိနေခြင်းဖြစ်ကြောင်း Daily Mail က ဖော်ပြထားသည်။
26-Nov-2017
ဂျာမန်ဘွန်ဒက်စ်လီဂါကလပ် ဒေါ့မွန်အသင်းသည် မန်ယူထံတွင် ပုံမှန်ပွဲထွက်ကစားခွင့်ရရှိရန် ရုန်းကန်နေရသည့် ၎င်းတို့၏ကွင်းလယ်ကစားသမားဟောင်း အမ်ခီတာယန်ကို ပြန်လည်ခေါ်ယူရန် စောင့်ကြည့်မှုများ ရှိနေပြီဖြစ်ပြီး စီးရီးအေကလပ် ရိုးမားအသင်းကလည်း ဒါမီယန်ကို အငှားခေါ်ယူနိုင်ရန် မန်ယူထံသို့ ဆက်သွယ်နေပြီဖြစ်ကြောင်း Daily Star က ဖော်ပြထားသည်။
26-Nov-2017
မန်ယူနည်းပြ မော်ရင်ညိုသည် ဝါရင့်ကွင်းလယ်ကစားသမား ကာရစ်ကို ကစားသမားဘဝက အနားယူပြီးပါက အသင်းနည်းပြအဖွဲ့တွင် နည်းပြအဖွဲ့ဝင်အဖြစ် တာဝန်ထမ်းဆောင်ရန် ရာထူးတစ်နေရာစာ ကမ်းလှမ်းထားပြီဖြစ်ကြောင်း Daily Mail က ဖော်ပြထားသည်။
26-Nov-2017
အဲဗာတန်အသင်း အဓိကရှယ်ယာရှင် အီရန်သန်းကြွယ်သူဌေး ဖာဟစ်ဒ်မိုရှီရီသည် ၎င်းတို့အနေနှင့် နည်းပြသစ်တစ်ဦး ခန့်အပ်နိုင်ရန် လွန်စွာနီးစပ်နေပြီဖြစ်ကြောင်း ဖွင့်ဟအသိပေးလိုက်ပြီဖြစ်ကာ နည်းပြသစ်ခန့်အပ်မှုကို ယခုသီတင်းပတ်အတွင်း၌ အဲဗာတန်က အပြီးသတ် ဆောင်ရွက်သွားဖွယ်ရှိနေပြီဖြစ်ကြောင်း Daily Mail က ဖော်ပြထားသည်။
25-Nov-2017
မန်စီးတီးအသင်းသည် အသင်းဝတ်စုံချုပ်လုပ်ရေးလုပ်ငန်းစဉ်နှင့်စပ်လျဉ်း၍ မိတ်ဖက်ကုမ္ပဏီ အပြောင်းအလဲလုပ်ရန် စီစဉ်နေပြီဖြစ်ပြီး အားကစားအသုံးအဆောင်ပစ္စည်းများ ထုတ်လုပ်ရောင်းချရေးနှင့်သက်ဆိုင်သည့် ကမ္ဘာ့ထိပ်တန်း စီးပွားရေးလုပ်ငန်းစုကြီးများအနက်တွင် တစ်ခုအပါအဝင်ဖြစ်သော ပူးမားမှာ မန်စီးတီး၏မိတ်ဖက်သစ်ဖြစ်လာရန် နီးစပ်နေပြီဖြစ်ကြောင်း Daily Mail က ဖော်ပြထားသည်။