News

09-Dec-2017
အာဆင်နယ်နည်းပြ အာစင်ဝင်းဂါးသည် အသင်းအနေနှင့် ကွင်းလယ်ကစားသမားများဖြစ်ကြသော အိုဇေးလ်နှင့် ဝီလ်ရှိုင်းယားတို့ကို စာချုပ်သစ်ချုပ်နိုင်ရန် မလွယ်ကူတော့ဟု ဖွင့်ဟဝန်ခံလိုက်ပြီဖြစ်ပြီး လက်ရှိအခြေအနေများအရ ယင်းကစားသမားနှစ်ဦးလုံးကို လာမည့်ဇန်နဝါရီကာလ ကစားသမားအပြောင်းအရွှေ့ဈေးကွက်ဖွင့်လှစ်ချိန်တွင် အာဆင်နယ်က လက်လွှတ်လိုက်ရရန် သေချာနေပြီဖြစ်ကြောင်း Daily Star က ဖော်ပြထားသည်။
09-Dec-2017
မန်စီးတီးတိုက်စစ်မှူး ဂါဘရီရယ်လ်ဂျီးဆပ်စ်သည် မန်ယူနှင့် မန်စီးတီးတို့ အားပြိုင်မည့် မန်ချက်စတာဒါဘီပွဲစဉ်မှာ တောင်အမေရိကဒါဘီအဖြစ် နာမည်ကြီးသော ဘရာဇီးနှင့် အာဂျင်တီးနားတို့ ထိပ်တိုက်တွေ့သည့်ပွဲစဉ်နှင့် အလားသဏ္ဌာန်တူညီသည်ဟု မှတ်ချက်ပေးအပ်သွားခဲ့ကြောင်း Daily Star က ဖော်ပြထားသည်။
09-Dec-2017
စပါးနည်းပြ ပိုချက်တီနိုသည် ရီးရဲလ်မက်ဒရစ်တိုက်စစ်တောင်ပံကစားသမား ဂါရတ်ဘေးလ်မှာ ရီးရဲလ်မက်ဒရစ်ကို ကျောခိုင်းစွန့်ခွာဖြစ်ခဲ့ပါက စပါးထံသို့ ပြန်လည်ပြောင်းရွှေ့ရောက်ရှိလာနိုင်သည်ဟု ဖွင့်ဟအသိပေးသွားခဲ့ကြောင်း Sportmail က ဖော်ပြထားသည်။
09-Dec-2017
မန်ယူနည်းပြ မော်ရင်ညိုသည် မန်စီးတီးအသင်းမှာ ဒိုင်ဗင်သမားများ စုဝေးနေသောအသင်းဖြစ်ပြီး မန်စီးတီးနည်းပြ ဂွါဒီယိုလာမှာလည်း ဥရောပဘောလုံးအဖွဲ့ချုပ်(ယူအီးအက်ဖ်အေ)၏အထူးအခွင့်အရေး ပေးအပ်ခြင်းခံထားရသူဖြစ်ကြောင်း မန်ချက်စတာဒါဘီပွဲစဉ်မတိုင်မီတွင် စိတ်ဓာတ်စစ်ဆင်ရေးစကားတစ်ရပ် ပြောကြားလိုက်ကြောင်း Daily Mail က ဖော်ပြထားသည်။
08-Dec-2017
ရီးရဲလ်မက်ဒရစ်တိုက်စစ်မှူး စီရော်နယ်ဒိုသည် ၎င်း၏ကစားသမားဘဝဖြတ်သန်းမှုအတွင်း ဘလွန်းဒီအော်ဆု(ရွှေဘောလုံးဆု)ကို ငါးကြိမ်မြောက် ဆွတ်ခူးရရှိခဲ့အပြီးတွင် ဘောလုံးသမိုင်းကြောင်း၏အကြီးကျယ်ဆုံးကစားသမားမှာ ၎င်းသာဖြစ်သည်ဟု အံ့သြသင့်ဖွယ် ဖွင့်ဟပြောကြားသွားခဲ့ကြောင်း Goal က ဖော်ပြထားသည်။
08-Dec-2017
ရီးရဲလ်မက်ဒရစ်ဥက္ကဋ္ဌ ပီရက်ဇ်နှင့် နည်းပြ ဇီဒန်းတို့သည် ချယ်လ်ဆီးတိုက်စစ်တောင်ပံကစားသမား ဟားဇတ်ကို ခေါ်ယူရန်အတွက် ချိတ်ဆက်စကားပြောဆိုမှုများ ရှိနေပြီဖြစ်ကာ ဟားဇတ်ဘက်က ရီးရဲလ်မက်ဒရစ်ထံသို့ ပြောင်းရွှေ့လိုကြောင်း တရားဝင် အသိပေးခဲ့ပါက လာမည့် ၂၀၁၈ ခုနှစ် နွေရာသီကာလ ကစားသမားအပြောင်းအရွှေ့ဈေးကွက်ဖွင့်လှစ်ချိန်တွင် ဟားဇတ်အပြောင်းအရွှေ့အတွက် ချယ်လ်ဆီးနှင့် ပြောင်းရွှေ့ကြေးညှိနှိုင်းရန် ရီးရဲလ်မက်ဒရစ်ဘက်က စီစဉ်သွားတော့မည်ဖြစ်ကြောင်း Daily Mail က ဖော်ပြထားသည်။
08-Dec-2017
ဥရောပဘောလုံးအဖွဲ့ချုပ်(ယူအီးအက်ဖ်အေ)သည် ချန်ပီယံလိဂ် ၁၆ သင်းအဆင့်နှင့် ယူရိုပါလိဂ် ၃၂ သင်းအဆင့်ပွဲစဉ်များကို ဒီဇင်ဘာလ ၁၁ ရက်နေ့တွင် မဲခွဲသွားမည်ဖြစ်ပြီး ယခုတစ်ကြိမ် မဲခွဲရာတွင်မူ အုပ်စုဗိုလ်အသင်းများနှင့် အုပ်စုဒုတိယရရှိသောအသင်းများဟူ၍ သတ်မှတ်ချက် နှစ်ခုတည်းသာ ရှိသွားတော့မည်ဖြစ်ကြောင်း ယူအီးအက်ဖ်အေက ထုတ်ပြန်ကြေညာထားသည်ဟု Daily Mail က ဖော်ပြထားသည်။
08-Dec-2017
ရီးရဲလ်မက်ဒရစ်တိုက်စစ်မှူး စီရော်နယ်ဒိုသည် ရီးရဲလ်မက်ဒရစ်က ဒေါ့မွန်ကို သုံးဂိုး နှစ်ဂိုးဖြင့် အနိုင်ရရှိခဲ့သည့် ချန်ပီယံလိဂ်အုပ်စုပွဲစဉ်အပြီးတွင် ဘာစီလိုနာတိုက်စစ်မှူး မက်ဆီ၏ချန်ပီယံလိဂ် အုပ်စုသွင်းဂိုးစံချိန်ကို လိုက်မီသွားခဲ့ပြီဖြစ်ကာ ယင်းစံချိန်အပြင် အခြားသောစံချိန်တစ်ခုကိုပါ စီရော်နယ်ဒိုက ထပ်မံတင်ရှိသွားနိုင်ခဲ့ကြောင်း The Sun က ဖော်ပြထားသည်။
08-Dec-2017
မန်ယူကွင်းလယ်ကစားသမား ပေါ့ဂ်ဘာသည် ၎င်း၏အသင်းဖော်များကို လာမည့်တနင်္ဂနွေနေ့တွင် မန်စီးတီးနှင့်ယှဉ်ပြိုင်ရမည့် မန်ချက်စတာဒါဘီပွဲစဉ်၌ ခံစစ်ကို အသားမပေးဘဲ တိုက်စစ်အားပြုကစားရန် တိုက်တွန်းလိုက်ကြောင်း Goal က ဖော်ပြထားသည်။
08-Dec-2017
စပါးအသင်း ဘယ်နောက်ခံကစားသမား ဒန်နီရို့စ်သည် စပါးက အေပိုးလ်ကို သုံးဂိုး ဂိုးမရှိဖြင့် အနိုင်ရခဲ့သည့် ချန်ပီယံလိဂ်ပွဲစဉ်တွင် ၎င်းကို နည်းပြပိုချက်တီနိုက လူစားလဲလှယ်ခဲ့သည့်အတွက် ဒေါသပေါက်ကွဲနေကြောင်း Daily Mail က ဖော်ပြထားသည်။
07-Dec-2017
ဘာစီလိုနာအသင်းသည် လီဗာပူးကွင်းလယ်ကစားသမား ကော်တင်ညိုကိုခေါ်ယူရန်အတွက် ပြောင်းရွှေ့ကြေးညှိနှိုင်းမှု အဆင်ပြေသွားခဲ့ပြီဖြစ်ကြောင်း သတင်းများ ကျယ်ကျယ်ပြန့်ပြန့် ထွက်ပေါ်လာခဲ့ပြီဖြစ်ပြီး ဘာစီလိုနာနှင့် လီဗာပူးတို့အကြားတွင် ကော်တင်ညိုအပြောင်းအရွှေ့အတွက် ပြောင်းရွှေ့ကြေးပမာဏ ပေါင် ၁၂၈ သန်းဖြင့် သဘောတူညီမှုရလိုက်ခြင်းဖြစ်ကြောင်း El Mundo Deportivo က ဖော်ပြထားသည်။
07-Dec-2017
မန်ယူအသင်းသည် လာမည့် တနင်္ဂနွေနေ့တွင် မန်စီးတီးနှင့်ယှဉ်ပြိုင်ကစားမည့် မန်ချက်စတာဒါဘီပွဲစဉ်၌ မန်စီးတီးအသင်း၏မှတ်တမ်းရုပ်သံရိုက်ကူးရေးအဖွဲ့ကို အဝတ်လဲခန်းများရှိရာသို့ လာရောက်ခွင့်ပေးမည် မဟုတ်ဟု သတင်းထုတ်ပြန်ထားပြီဖြစ်ကြောင်း Daily Mail က ဖော်ပြထားသည်။
07-Dec-2017
မန်စီးတီးနည်းပြ ဂွါဒီယိုလာသည် ရှက်တာဒိုးနက်က မန်စီးတီးကို နှစ်ဂိုး တစ်ဂိုးဖြင့် အနိုင်ရရှိခဲ့သည့် ချန်ပီယံလိဂ်ပွဲစဉ်အပြီးတွင် အသင်းအနေနှင့် ရှုံးပွဲတစ်ပွဲ တွေ့ကြုံသင့်နေပြီဖြစ်သော အခြေအနေ၌ ရှုံးပွဲတစ်ပွဲ အချိန်ကိုက် ရောက်ရှိလာသည့်အတွက် ကျေနပ်မိကြောင်း ဖွင့်ဟအသိပေးသွားခဲ့သည်ဟု Daily Mail က ဖော်ပြထားသည်။
06-Dec-2017
ရီးရဲလ်မက်ဒရစ်တိုက်စစ်မှူး စီရော်နယ်ဒိုသည် ဘလွန်းဒီအော်ဆု(ရွှေဘောလုံးဆု)ကို ၎င်း၏ကစားသမားဘဝဖြတ်သန်းမှုအတွင်း ငါးကြိမ်မြောက် ဆွတ်ခူးရရှိသွားခဲ့ပြီဖြစ်ကြောင်း သတင်းပေါက်ကြားသွားခဲ့ပြီဖြစ်ပြီး စီရော်နယ်ဒိုနှင့် စပွန်ဆာစာချုပ် လက်မှတ်ရေးထိုးထားသည့် နီကီ အားကစားအသုံးအဆောင်ပစ္စည်း ထုတ်လုပ်ရောင်းချရေးလုပ်ငန်းစုမှာ စီရော်နယ်ဒိုကို ဂုဏ်ပြုရန်အတွက် အထူးဘောလုံးကန်ဖိနပ်တစ်ရံပင် ချုပ်လုပ်ထားပြီဖြစ်ကြောင်း Daily Star က ဖော်ပြထားသည်။