News

21-Dec-2017
လီဗာပူးနည်းပြ ဂျာဂင်ကလော့ပ်သည် အာဆင်နယ်နည်းပြ အာစင်ဝင်းဂါးမှာ ချိန်ဘာလိန်း၏အကောင်းဆုံးသော စွမ်းဆောင်ရည်များကို ထုတ်ယူနိုင်ခြင်း မရှိခဲ့ဟု သုံးသပ်ပြောကြားလိုက်ပြီး ချိန်ဘာလိန်း၏ခြေစွမ်းမှာ လီဗာပူးသို့ ပြောင်းရွှေ့ရောက်ရှိလာခဲ့အပြီးတွင်မှ အံ့သြသင့်ဖွယ် မြင့်တက်လာခဲ့ခြင်းဖြစ်သည်ဟု ဂျာဂင်ကလော့ပ်က အသိပေးသွားခဲ့ကြောင်း Daily Star က ဖော်ပြထားသည်။
21-Dec-2017
အင်တာမီလန်အသင်း ကွင်းလယ်ကစားသမား ဂျောင်မာရီယိုသည် နည်းပြ စပယ်လက်တီလက်အောက်တွင် ၎င်းအနေနှင့် ပုံမှန်ပွဲထွက်ကစားခွင့်ရရှိရန် ရုန်းကန်နေရသည်ကို အလွန်အမင်း စိတ်ပျက်နေပြီဖြစ်ကြောင်း ဖွင့်ဟဝန်ခံလိုက်ပြီဖြစ်ပြီး အင်တာမီလန်အသင်းတာဝန်ရှိသူများကလည်း ဂျောင်မာရီယိုမှာ အသင်းက ထွက်ခွာခွင့်ပြုရန် ၎င်းတို့ထံ တင်ပြတောင်းဆိုထားပြီဖြစ်ကြောင်း အတည်ပြုပြောကြားလိုက်ပြီဖြစ်သည်ဟု Football Italia က ဖော်ပြထားသည်။
21-Dec-2017
လာဇီယိုအသင်းအားပေးသူများသည် တိုရီနိုက လာဇီယိုကို သုံးဂိုး တစ်ဂိုးဖြင့် အနိုင်ယူသွားခဲ့သည့် အီတလီစီးရီးအေပွဲစဉ်ကို တာဝန်ယူ ပွဲကြီးကြပ်ခဲ့သည့် ကွင်းလယ်ဒိုင်လူကြီးနှင့် ဗီဒီယိုလက်ထောက်ဒိုင်လူကြီးတို့ကို ဥပဒေကြောင်းအရ တရားစွဲဆိုလိုက်ပြီဖြစ်ကြောင်း The Sun က ဖော်ပြထားသည်။
21-Dec-2017
အင်တာမီလန်အသင်းသည် ရီးရဲလ်မက်ဒရစ်အသင်း ခေါ်ယူရန် စီစဉ်ထားသည့် ပစ်မှတ်ကစားသမားစာရင်းတွင် ပါရှိနေသော ၎င်းတို့၏တိုက်စစ်မှူး အိုင်ကာဒီကို စာချုပ်သစ်ချုပ်ဆိုရန် ဆွေးနွေးညှိနှိုင်းနေပြီဖြစ်ပြီး နှစ်ဦးနှစ်ဖက်အကြားတွင် အပြုသဘောဆောင်သော တိုးတက်မှုများ ရရှိထားပြီဖြစ်၍ များမကြာမီအချိန်အတွင်း စာချုပ်သစ် အထမြောက် အကောင်အထည်ပေါ်လာလိမ့်မည်ဟု အင်တာမီလန်အသင်းတာဝန်ရှိသူများက ယုံကြည်မျှော်လင့်နေကြပြီဖြစ်ကြောင်း Fotball Italia က ဖော်ပြထားသည်။
21-Dec-2017
မန်ယူနည်းပြ မော်ရင်ညိုသည် မန်ယူနှင့်ယှဉ်ပြိုင်ကစားခဲ့သည့် ခရာဘောင်းဖလား ကွာတားဖိုင်နယ်ပွဲစဉ်တွင် ဘရစ္စတိုးစီးတီးအသင်းမှာ ကံအလွန်ကောင်းစွာဖြင့် နိုင်ပွဲရသွားခဲ့ခြင်းဖြစ်ကြောင်း သုံးသပ်ပြောကြားသွားခဲ့ပြီး ယင်းရှုံးပွဲအတွက် အသင်းသားများကို ၎င်း၏ရုံးခန်းသို့ခေါ်ယူ၍ တွေ့ဆုံဆွေးနွေးသွားရန်လည်း မော်ရင်ညိုက စီစဉ်ထားပြီဖြစ်ကြောင်း Sportmail က ဖော်ပြထားသည်။
20-Dec-2017
မြန်မာ့လက်ရွေးစင်အသင်းနှင့် ရန်ကုန်ယူနိုက်တက်အသင်း၏ အားထားရသည့် အဓိကတိုက်စစ်ကစားသမားဖြစ်သူ ကျော်ကိုကိုသည် ထိုင်းပရီးမီးယားလိဂ်ကလပ် ချင်းရိုင်ယူနိုက်တက်အသင်းထံသို့ ပြောင်းရွေ့ရန် သဘောတူညီမှု ရရှိခဲ့ပြီဖြစ်ကြောင်း ရန်ကုန်ယူနိုက်တက်အသင်းက အတည်ပြုလိုက်ပြီဖြစ်သည်။
20-Dec-2017
ဘာစီလိုနာကွင်းလယ်ကစားသမား ရာဖင်ညာသည် လာမည့် ဒီဇင်ဘာလ ၂၃ ရက်နေ့တွင် ရီးရဲလ်မက်ဒရစ်နှင့် ဘာစီလိုနာတို့ ယှဉ်ပြိုင်ကစားမည့် အယ်လ်ကလပ်စီကိုဒါဘီပွဲစဉ်၌ ပါဝင်ကစားနိုင်ရန် ကြံ့ခိုင်မှု ပြည့်ဝနေပြီဖြစ်ပြီး ၎င်းအတွက် ဒဏ်ရာပြသနာကြောင့် အနားယူခဲ့ရသည့်အချိန်ကာလများမှာ လွန်စွာ စိတ်ပျက်ဖွယ် ကောင်းလွန်းလှသည်ဟု ရာဖင်ညာက ထုတ်ဖော်ပြောကြားသွားခဲ့ကြောင်း Daily Mail က ဖော်ပြထားသည်။
20-Dec-2017
မန်စီးတီးနည်းပြ ဂွါဒီယိုလာသည် မန်စီးတီးက လက်စတာကို ပင်နယ်တီအဆုံးအဖြတ်ဖြင့် အနိုင်ရရှိခဲ့သည့် ခရာဘောင်းဖလား ကွာတားဖိုင်နယ်ပွဲစဉ်အပြီးတွင် သတင်းမီဒီယာများနှင့်တွေ့ဆုံခဲ့ရာ၌ လက်ရှိအချိန်တွင် အသင်းမှာ ဆုဖလား လေးလုံး ဆွတ်ခူးရယူနိုင်မည့် လမ်းကြောင်းထက်တွင် ရှိနေသည့်အတွက် ကျေနပ်အားရဖြစ်မိသော်လည်း ပြိုင်ပွဲလေးရပ်လုံးတွင် ချန်ပီယံအဖြစ် အောင်ပွဲခံနိုင်မည်၊ မခံနိုင်မည်ကိုမူ ခန့်မှန်းပြောကြားရန် အချိန်လွန်စွာ စောလွန်းနေသေးကြောင်း အသိပေးပြောကြားလိုက်သည်ဟု Daily Mail က ဖော်ပြထားသည်။
20-Dec-2017
မြန်မာဘောလုံးအဖွဲ့ချုပ်သည် ရာထူးလစ်လပ်နေသည့် မြန်မာ့လက်ရွေးစင် အမျိုးသမီးဘောလုံးအသင်း၏ နည်းပြချုပ်အဖြစ် ဂျပန်နိုင်ငံသားနည်းပြကို ခန့်အပ်နိုင်ရန် နီးစပ်နေပြီဟု သိရှိရသည်။
20-Dec-2017
အာဆင်နယ်တိုက်စစ်မှူး ဂျီရုဒ်သည် အာဆင်နယ်က ဝက်စ်ဟမ်းကို တစ်ဂိုး ဂိုးမရှိဖြင့် အနိုင်ရရှိခဲ့သည့် ခရာဘောင်းဖလား ကွာတားဖိုင်နယ်ပွဲစဉ်တွင် တံကောက်ကြောဒဏ်ရာ ရရှိခဲ့သည့်အတွက် မနက်ဖြန်(သောကြာနေ့)တွင် လီဗာပူးနှင့်ယှဉ်ပြိုင်ကစားမည့် ပရီးမီးယားလိဂ်ပွဲစဉ်၌ အသင်းအတွက် ပါဝင်ကစားပေးနိုင်တော့မည် မဟုတ်ကြောင်း The Sun က ဖော်ပြထားသည်။
20-Dec-2017
ရီးရဲလ်မက်ဒရစ်တိုက်စစ်မှူး စီရော်နယ်ဒိုသည် ၎င်း၏စီးပွားရေးလုပ်ဖော်ကိုင်ဖက်တစ်ဦးနှင့်တွဲဖက်၍ ချီလီနိုင်ငံ ဆန်တီယာဂိုမြို့တွင် ကလေးဆေးရုံတစ်ခု တည်ဆောက်လှူဒါန်းရန် စီစဉ်နေပြီဖြစ်ကာ ယင်းဆေးရုံအတွက် ဆောက်လုပ်ရေးလုပ်ငန်းခွင်များကို လာမည့် ၂၀၂၀ ပြည့်နှစ်တွင် စတင်နိုင်ရန် စီရော်နယ်ဒိုနှင့် ၎င်း၏လုပ်ဖော်ကိုင်ဖက်တို့က ရည်မှန်းထားကြောင်း AS က ဖော်ပြထားသည်။
20-Dec-2017
မန်ယူနည်းပြ မော်ရင်ညိုသည် ၎င်း၏တပည့်ဟောင်းတစ်ဦးဖြစ်သည့် ချယ်လ်ဆီးတိုက်စစ်တောင်ပံကစားသမား ဟားဇတ်ကို မန်ယူထံသို့ခေါ်ယူရန် စီစဉ်နေပြီဖြစ်ပြီး အကယ်၍ ဟားဇတ်ကို ရရှိနိုင်မည်ဆိုပါက ဗြိတိန်စံချိန်တင် ပြောင်းရွှေ့ကြေးပမာဏ ပေါင်သန်း ၉၀ အထိ အသုံးပြုရန် မော်ရင်ညိုက စိတ်ပိုင်းဖြတ်ထားပြီဖြစ်ကြောင်း The Mirror က ဖော်ပြထားသည်။
20-Dec-2017
လီဗာပူးအသင်းသည် အသင်းတိုက်စစ်တောင်ပံကစားသမားများဖြစ်ကြသည့် ဆာလားဟ်နှင့် မာနေးတို့ကို ဂါနာနိုင်ငံတွင် ကျင်းပမည့် အာဖရိကတစ်နှစ်တာအကောင်းဆုံးကစားသမားဆု ပေးအပ်ချီးမြှင့်ပွဲ အခမ်းအနားသို့ တက်ရောက်နိုင်စေရန် ခွင့်ပေးအပ်ထားပြီဖြစ်ပြီး ယင်းဆုပေးပွဲအခမ်းအနားကို မာဆေးဆိုက်ဒ်ဒါဘီပြိုင်ဘက် အဲဗာတန်နှင့် ကစားရမည့် အက်ဖ်အေဖလား တတိယအဆင့်ပွဲစဉ်မတိုင်မီ တစ်ရက်အလို ဇန်နဝါရီလ ၄ ရက်နေ့တွင် ကျင်းပသွားမည်ဖြစ်ကြောင်း Sportmail က ဖော်ပြထားသည်။
19-Dec-2017
ချန်ပီယံရှစ်ကလပ် အက်စတွန်ဗီလာအသင်းထံတွင် ကစားသမားဘဝဖြတ်သန်းနေသည့် ချယ်လ်ဆီးအသင်းခေါင်းဆောင်ဟောင်း ဂျွန်တယ်ရီသည် လက်ရှိမန်ယူနည်းပြမော်ရင်ညို စုဖွဲ့ပုံဖော်ခဲ့သည့် ပထမဆုံးချယ်လ်ဆီးအသင်းမှာ လက်ရှိမန်စီးတီးအသင်းကို အနိုင်ယူနိုင်စွမ်း အပြည့်ရှိကြောင်း သုံးသပ်ပြောကြားလိုက်သည်ဟု The Sun က ဖော်ပြထားသည်။
19-Dec-2017
မန်ယူအသင်းဆေးအဖွဲ့တာဝန်ရှိသူများသည် နည်းပြမော်ရင်ညို၏အလွန်အကျွံ ပွဲထုတ်အသုံးပြုမှုများကြောင့် အက်ရှ်လေယန်း၏ကြံ့ခိုင်မှု လျော့ကျသွားမည်ကို စိုးရိမ်ပူပန်နေပြီဖြစ်ကာ ခရစ္စမတ်ပွဲကျပ်ကာလတွင် အက်ရှ်လေယန်းကို ပွဲစဉ်တိုင်းတွင် ထည့်သွင်းကစားခိုင်းပါက မလိုလားအပ်သည့် ဘေးထွက်ဆိုးကျိုးများ ဖြစ်ပေါ်လာလိမ့်မည်ဟု အသင်းဆေးအဖွဲ့က မော်ရင်ညိုကို သတိပေးစကားပြောကြားထားပြီဖြစ်ကြောင်း Daily Mail က ဖော်ပြထားသည်။