News

POST TYPE

TIP

ခရီးသွားတုန်း နိုင်ငံကူးလက်မှတ် ပျောက်ခဲ့ရင် အဆင်ပြေစေမယ့် အချက် (၄) ချက်
09-Nov-2016


ပြည်ပနိုင်င်ငံ တစ်ခုကို သွားတဲ့အခါ မဖြစ်မနေ သတိထားရမယ့် ပစ္စည်း တစ်ခုက နိုင်ငံကူး လက်မှတ်ဖြစ်ပါတယ်။ နိုင်ငံကူး လက်မှတ် ပျောက်ဆုံးသွားတဲ့အခါ သင်ဟာ ဘယ်မှ ဆက်သွားလို့ မရတော့ပဲ ခရီးစဉ် အခက်အခဲဖြစ်မှာ အသေအချာပါ။ 

ပြည်ပနိုင်ငံ တစ်ခုကို ရောက်နေတုန်း ပတ်စ်ပို့ ပျောက်ခဲ့ရင် လွယ်ကူ ချောမွေ့စေဖို့ ဒီအချက်တွေကို ဦးစားပေး လုပ်ထားရမှာပါ။

 

၁။ သံရုံး လိပ်စာနဲ့ ဖုန်းနံပါတ် စုံစမ်းထား 

သွားမယ့် နိုင်ငံမှာရှိတဲ့ ကိုယ့်နိုင်ငံ သံရုံးဖုန်းနံပါတ်ကို စုံစမ်းထားတာမျိုး အရင် လုပ်ထားသင့်ပါတယ်။ အင်တာနက် ခေတ်မှာ သင်အွန်လိုင်းပေါ်က ကြည့်လိုက်ရင်နဲ့ အလွယ်တကူ သိရှိနိုင်ပါတယ်။ နိုင်ငံကူး လက်မှတ် ပျောက်ခဲ့ရင် ရဲစခန်း၊ သို့မဟုတ် သံရုံးကို အရင်ဆုံး သွားရမှာ အသေအချာပါ။

 

၂။ မိတ္တူဆောင်ထား 

နိုင်ငံကူး လက်မှတ်ကို မိတ္တူ ဆွဲပြီး သပ်သပ် သိမ်းထားတာ အကောင်းဆုံးပါပဲ။ ဒါမှမဟုတ် သင့်မှာ Google အီးမေး (gmail) ရှိခဲ့မယ်ဆိုရင် ဓာတ်ပုံရိုက်ကာ google drive ထဲ သိမ်းထားလိုက်ပါ။ သင့်ဖုန်းမှာ ဓာတ်ပုံ ရိုက်ပြီး သိမ်းထားလို့လည်း ရပါတယ်။

 

၃။ ရဲစခန်းကို အကြောင်းကြား

ပတ်စ်ပို့ ပျောက်ပြီဆိုတာ သိသိချင်း ရဲစခန်းကို အကြောင်း ကြားသင့်ပါတယ်။ ပက်စ်ပို့မပါပဲ လျှောက်သွားနေမယ် ဆိုရင်တော့ ရဲနဲ့ တွေ့တဲ့အခါ ပြဿနာ တက်နိုင်ပါတယ်။

 

၄။ လိုင်စင်ဓာတ်ပုံ ဆောင်

လိုင်စင်ဓာတ်ပုံတွေ အများကြီး ထုတ်ပြီး ဘယ်သွားသွား ဆောင်ထားလိုက်ပါ။ သံရုံးမှာ သင့်ရဲ့ ပတ်စ်ပို့ကိစ္စ ပြန်လုပ်တဲ့အခါ ပိုပြီး အဆင်ပြေစေပါလိမ့်မယ်။

 

Ref : travel.state.gov



  • VIA