News

POST TYPE

TIP

ရုပ်ရှင်ခံစားမှု Her
16-Oct-2016


မိုးကလေး ဖွဲဖွဲကျနေသည်မှာ အချိန်ပင် အတော်ကြာပြီ။ တစိမ့်စိမ့် ရွာသွန်းခဲ့သော မိုးရေများကြောင့် အိမ်ရှေ့က မြေပြင်သည်ပင် စိုစွတ် နူးအိနေကြပြီ။ ရောင်စုံပွင့်နေသည့် နှင်းဆီချုံခင်း ကလေးမှာလည်း မိုးရေများအောက်ဝယ် စိမ်းမြလှပလျက် ရှိနေကြသည်။ ခဏကလေး ပြေးထွက်မိချိန်မှာ ခြေအစုံသည် နူးအိနေသည့် မြေပြင်ထဲကို နစ်ဝင်ကုန်သည်။ ကိုယ်လက် သန့်ရှင်းပြီးသည့် နောက်တွင် အပြင်ကို ထပ်မထွက်ဖြစ်တော့။

တီဗီရှေ့ကို ထိုင်လိုက်ပြီး အခွေတစ်ခုအား ဖွင့်ကြည့်မိသည်။

Her ။ အဲဒီက အသံကလေး ကြားရတိုင်း ရူးမတတ် ခံစား ပျော်ဝင်မိသွားမယ့် အသံပိုင်ရှင် ကောင်မလေး တစ်ယောက်ရဲ့ အကြောင်းပေါ့ စသဖြင့် ပရိသတ်အကြား သတင်း မွှေးလွန်းလှသည့် ရုပ်ရှင်ကား တစ်ကားဖြစ်ပါသည်။

ဒါရိုက်တာ Spike Jonze ကိုယ်တိုင် ဇာတ်လမ်း ဇာတ်ညွှန်း ဒါရိုက်တာရော ထုတ်လုပ်သူ အဖြစ်ပါ ဖန်တီးထားသော ဇာတ်ကား တစ်ကားဖြစ်သည်။ ဆိုရလျှင် အနုပညာအသစ် တစ်ခုကို ဖန်တီး အားထုတ်သည့် ဇာတ်ကား တစ်ကား။ ခမ်းနားထည်ဝါ လွန်းလှတဲ့ ဇာတ်အိမ်ခန်းဆောင်တွေ။ ဇာတ်ဆောင် အင်အား မြောက်မြားစွာတို့ကို ယခု ဇာတ်ကားတွင် လုံးဝ တွေ့ရှိရမည် မဟုတ်ပဲ ခေတ်သစ်ကမ္ဘာ၏ ဆန်ပြားလှသော သိပ္ပံပစ္စည်းကလေး တစ်ခုနှင့် စိတ်ခံစားမှု ရှိသော လူသား တစ်ယောက်တို့၏ ချစ်ခြင်း ဖြစ်တည်မှုကိုသာ ဦးတည် ဖန်တီးထားသည့် ဇာတ်ကား တစ်ကား။ ၈၆ ကြိမ်မြောက် အော်စကာ ပေးပွဲမှာ ယင်းကဲ့သို့ ဖန်တီး တင်ဆက်နိုင်မှုများကြောင့်ပင် အကောင်းဆုံး ဇာတ်ညွှန်းဆုကို ရရှိခဲ့သည့် ဇာတ်ကား တစ်ကားဖြစ်သည်။

ပြင်ပက မိုးဖွဲကလေးများနှင့် လှပနေသော မနက်ခင်းကလေးကိုလည်း မေ့သွားခဲ့ပါပြီ။ သိပ္ပံနည်းကျ ဖန်တီးထားသည့် Her ဆိုသည့် နတ်သမီး ပုံပြင်ထဲဆီကို စီးမျော သွားခဲ့တော့သည်။ သူမက နတ်သမီး အစစ်ပဲလေ။ သူမမှာ ရုပ်သွင် မရှိဘူး။ ကျွန်တော်တို့မှာ မြင်နိုင်စွမ်း မရှိဘူး။ ဒါပေမဲ့ အရာရာ နားလည်ပေးတတ်သည့်၊ အထီးကျန် ဆန်လွန်းလှသည့် ဘဝတွေကို မျှဝေ ပေးတတ်သည့် အကြင်နာတရားတွေ အားလုံး အဲဒီ အသံကလေးထဲမှာ ရှိပါသည်။ ရှာဖွေ တွေ့ရှိနိုင်ပါသည်။ ပျော်ရွှင်မှု အပေါင်းကို ယူဆောင် ပေးနိုင်စွမ်း ရှိသည့် အသံ ပိုင်ရှင်ကလေး ဖြစ်ပါသည်။

အသံပိုင်ရှင်ကလေး စမန်သာသည် အံသြဖွယ် ကောင်းလွန်စွာ တစ်ခါ ပြန်နားထောင်တိုင်း တစ်ခါ နှလုံးသားထဲကို စီးဆင်း လာပါသည်။ ထိုနောက် ကိုယ် အသုံးပြုနိုင်စွမ်းသမျှသော စကားလုံးများဖြင့် “Her”ကို ဖောက်ခွဲ ရေးချလိုက်သောအခါ။

“Her”ဆိုသည့် စကားလုံးက နာမ်စား တစ်ခုဆိုတာထက် ကျွန်တော်တို့ လူသား အားလုံး၏ ထိစပ်မှုဆိုင်ရာအလိုက် ငြိတွယ်နေကြသည့် ကိုယ်စား အဓိပ္ပါယ် တစ်ခုဟုသာ ဆိုချင်သည်။ ကျွန်တော်တို့ အားလုံး၏ ထိတွေ့ပတ်သက်မှုက သက်ရှိ မိန်းမ တစ်ယောက်ဖြစ်ဖြစ် ဒါမှမဟုတ် အခြားသော အရုပ်ကလေးပဲဖြစ်ဖြစ်။ လက်ရှိစမတ်ဖုန်း တစ်လုံးပဲဖြစ်ဖြစ် ထိတွေ့ကျွံဝင်မှု အလိုက် စွဲလန်းကြသည်။ နှစ်သက်မိကြသည်။ သံယောဇဉ် ဖြစ်မိကြပါသည်။

ယခု ရုပ်ရှင်ထဲက Her ဆိုသော သူ / သူမသည် (သူမဟုပဲ ဆိုပါစို့) အကယ် စင်စစ်ရှိနေသော ရုပ်ပုံလွှာ တစ်ခုမဟုတ်။ ဖက်တွယ်နမ်းရှိုက်လို့ ရသော။ ထို့ထက်ပို၍ လိင်ဆက်ဆံလို့ နိုင်သော မိန်းမတစ်ယောက်လည်း မဟုတ်ချေ။ သိပ္ပံနည်းပညာဖြင့် တီထွင်ထားသည့် ပရိုဂရမ်တစ်ခုသာ ဖြစ်ပါသည်။ လက်ရှိဇာတ်ကား၏ ကာလဒေသမှာ ခေတ်သစ်သိပ္ပံ ကမ္ဘာကြီးဟု ပြောရမည်။ သိပ္ပံပညာ၏ အာနိသင်ကို ပို၍ အသုံးချနိုင်ခွင့် ရရှိပြီ။ လူ့ဘောင်နယ်ပယ်တွင် အရင်ကထက် ဝင်ရောက် အကျိုးပြုမှုတွေ နက်ရှိုင်းလာပါပြီ။

ခေတ်ကာလတွေမည်မျှ တိုးတက်လာပါစေ။ လူအလို နတ်မလိုက်နိုင်အောင် ပြောင်းလဲမှု မြင့်မားသည့် လူ့စိတ် သဘောထားကို သိပ္ပံပညာရပ်သည် လုံလောက်အောင် အထောက်အကူ မပြုနိုင်သေးချေ။ သီအိုဒေါမှာ အထီးကျန်နေဆဲ။ စမတ်ဖုန်း တစ်လုံးကနေ လိုအပ်တာမှန်သမျှ အထောက်အကူပြု ပေးနိုင်သော်လည်း သူ၏ လက်တွေ့ဘဝကမူ ခြောက်သွေ့နေဆဲပါပင်။ လက်ရှိချစ်သူသည် သူနှင့် ပေါင်းသင်း နေထိုင်နေရာကနေ စိတ်သဘောထား မတိုက်ဆိုင်သောကြောင့် စွန့်ခွာသွားသည်။ ကွာရှင်းခွင့် တောင်းထားသည်။

ထိုအချိန်မှာပင် လူ့ဘောင်အသုံးပြု Operating System တစ်ခုဖြစ်သည့် သူမဆိုသော မိန်းမ အသံပိုင်ရှင်လေး စမန်သာအား ကြုံဆုံခဲ့ရသည်။ (အသံကို ကြားခဲ့ရ နားထောင်ခဲ့ရသည်ဆိုလျှင် ပိုမှန်မည်။ သူမသည် ခန္ဓာ မရှိသော အဆံလွတ် အသံကလေးသာ ဖြစ်ပါသည်။ မည်သို့ပင်ဖြစ်ပါစေ။ အဲသည်အသံကလေးတွင် လူသား အားလုံးကို တန်ပြန်ခံစားမှု ပေးနိုင်သော အသံလှိုင်းတွေ ပါဝင်ပါသည်။ အသံလှိုင်းကလေးထဲမှာ ကိုယ်ချင်းစာတရား ပြည့်ဝသည့် လေသံကလေးတွေ။ ဒါထက်ပို၍ အလိုက်တသိ ကူညီဖေးမတတ်သည့် သဘောထားကလေးတွေ။ အထီးကျန်ဆန်နေချိန် အလိုက်တသိ နားလည်ဝေမျှပေးတဲ့ စိတ်ကလေးတွေ ဘာသာစကားနှင့်အတူ ထိတွေ့ တန်ပြန်မှု မှာ စိတ်၏ ရင်းမြစ်နေရာကို အလိုလို မြင်ရပါမည်။ ထို့ကြောင့် စမန်သာအမည်ရ မိန်းမ တစ်ယောက် လေသံဖြစ်၍ သူမဟု နာမ်စားပေးထားသည့် ထိုအသံကလေးမှာ ချစ်စရာ ကောင်းလွန်းသည်။ အခါမလပ် နားထောင်ချင် စကား ပြောချင်နေအောင် စွမ်းဆောင်ရည် ပြည့်ဝလွန်းသည်)။

ကျွန်တော်တို့အားလုံး ယင်းကာလမှာ မေးခွန်းထုတ်စရာတွေ ပေါ်လာသည်။ အထူးသဖြင့် အချစ်ဆိုသော သဘောတရား။ ယခုရုပ်ရှင်ထဲတွင် စမန်သာ အမျိုးသမီး၏ အသံကလေးသည် အသံပဲ ရှိသည့် မိန်းမတစ်ယောက်။ ချိုသောအပြုံး ရွှန်းလဲ့သော မျက်ဝန်းညို။ တင်းသောတင်။ ဖွံ့သောရင်။ လှပလှသော ခန္ဓာကောက်ကြောင်းတို့ကို မည်သို့သောအခါမှ တွေ့ရမည် မဟုတ်ပေ။ အသံကလေးဖြင့်သာ ကျွန်တော်တို့၏ အကြားအာရုံကို သာယာညက်ညောမှုကို ပေးနိုင်မည်။ ထိုမှတစ်ဆင့် စိတ်အတွင်းကို စီးဆင်းမည်။ ယင်းအခြင်းအရာကို စိတ်ကနေ အဖန်တလဲလဲ ဆင်ခြင်မည်။ ဒါထက်ပို၍ စွဲလန်းမည်။ (သီအိုဒေါ စွဲလန်း လာတာကို မြင်ခဲ့ရသည်။ သီအိုဒေါနေရာတွင် ကျွန်တော်တို့ဆိုလျှင်လည်း အပြစ်ဟူသမျှ မြူမှုံမဲ့ကင်း အသံချို လွင်လွင်ကလေးကို ချစ်မိသွားမှာ သေချာသည်)။ ထိုအခါ ကျွန်တော်တို့၏ ချစ်ခြင်း သဘောတရားသည် ခန္ဓာကိုယ် တစ်ခုကိုပဲ အဓိကထား ချစ်မိနိုင်ကြသလား ဆိုသည့် I love u at first sight ဆိုသည့် အသုံးအနှုန်းက အမှန်လား။ ယင်းသံသယ မေးခွန်းကို စမန်သာက နားလည်ခဲ့ပါသည်။

သီအိုဒေါနှင့် စမန်သာတို့ နေ့စဉ်နေ့တိုင်း စကားပြောကြသည်။ စမတ်ဖုန်းကလေးထဲကနေ စမန်သာက ဝန်းကျင်ကို မြင်ရသည်။ အထူးသဖြင့် သီအိုဒေါကို မြင်ရသည်။ သီအိုဒေါ၏ သနားစဖွယ် ဘဝကလေး။ ငတ်မွတ် တောင့်တနေသော စိတ်၏ လိုအင်က ထွက်ကျလာသည့် အထီးကျန် စကားလုံးတွေကနေ အချစ်၏ အဓိပ္ပါယ်ကို စမန်သာက သင်ကြားလာနိုင်ခဲ့၏။ ဒါပေမယ့် စမန်သာဆိုတာ အသံကလေးသာ ပိုင်ဆိုင်သူ ဖြစ်သည်။တစ်ဆင့်ချင်းသံယောဇဉ်ညွှန်းကိန်းများ မြင့်တက်လာချိန် သီအိုဒေါကို ပိုမိုပြီးပြည့်စုံသော နှီးနှော ဖလှယ်မှုတွေ ပြုလုပ်ပေးချင်လာသည်။ အချစ်ဆိုတာကို အသံတစ်ခုဖြင့် သာမက ခန္ဓာနှင့်ပါ နီးစပ်စေလိုခဲ့သည်။ မိန်းမတစ်ယောက်ကို သီအိုဒေါထံ လွှတ်ပြီး သူမက အသံကလေးဖြင့် ခန္ဓာလှုပ်ရှားမှုအတိုင်း တုံ့ပြန်ပေးခဲ့၏။ ထင်သလို ဖြစ်မလာ။ သီအိုဒေါ စိတ်မပါတော့ပါ။

စိတ်နှင့် တစ်ထပ်တည်း မရှိသော ခန္ဓာသည် ကားတာယာ တပ်ထားတဲ့ စက်ဘီး တစ်စင်းနဲ့သာ တူတော့သည်။ နောက်တော့လည်း အသံကလေးနှင့်သာ ကျွမ်းဝင်နိုင်တော့သည်။

စမန်သာက “ကျွန်မက အသံကလေးပဲ ရှိတယ်။ ကျွန်မက လူတွေ တီထွင်ထားတဲ့ ပရိုဂရမ်ဆိုတာလည်း သိတာပေါ့။ ခန္ဓာမရှိတော့ သေဆုံးခြင်း ဆိုတာလည်း မရှိတော့ဘူးလေ။ ရှင့်အနား အမြဲရှိနေမှာ။”

စမန်သာ၏ ပြောစကားတွေအရ သီအိုဒေါအနေဖြင့် ထာဝရ ထိတွေ့ကျွမ်းဝင်ခွင့် ရှိမည်ဟု ထင်မှတ်ခဲ့ပုံရသည်။ လူသား တစ်ဦးပီပီ ကာလရှည်ကြာလာလေ သူမက သူ၏ တစ်ဦးတည်းသော ဝန်ဆောင်မှုပေးတဲ့ အသံကလေးဟုသာ တွေးမိထားခဲ့သည်။ သူ့တစ်ဦးတည်းကိုသာ ချစ်ခင်နေသူဟု ယူဆထားမိခဲ့သည်။ စမန်သာသည် ထိုသို့ မဟုတ်ခဲ့။ တစ်နေ့လျှင် လူရှစ်ထောင်ကျော်လောက်ကို စိတ်အပန်းဖြေသည့် အသံပိုင်းဆိုင်ရာဖြင့် ဝန်ဆောင်မှု ပြုနေရသည်။ သူ့လိုချစ်သူမျိုး ခြောက်ရာကျော်လောက် ရှိသည်။ တကယ်ဆိုလျှင် ဇာတ်သမတွေလိုမျိုး ရောက်တဲ့နေရာကို ကောင်းကြောင်း မမေ့နိုင်ကြောင်း ပြန်လာချင်ကြောင်း ပြောသလိုမျိုး စမန်သာ အချစ်က ဆင်တူနေသလား ဆိုတာတော့ စမန်သာပဲ သိနိုင်မည်။

သီအိုဒေါ ဝမ်းနည်းရလေပြီ။ ဒါထက်ပို၍ ပို၍ အဲသည် အသံကလေးသာ သူ့ဘဝထဲက ထွက်ခွာ သွားခဲ့မည်ဆိုလျှင် ။
ညီလင်းအိမ်

  • VIA