News

POST TYPE

PHOTO ESSAYS

အင်းလေး ကျွန်းမျော ခရမ်းချဉ်သီး (Daily, Vol-6/No-99)
05-Aug-2018

အင်းလေးကန်ကြီးအတွင်းရှိ ကျွန်းမျော ခရမ်းချဉ်သီးများ ရေပေါ်ကျွန်းမျောပေါ်မှ ဈေးများအထိ ရောက်ရှိလာသည့် လုပ်ငန်းအဆင့်ဆင့်ကို ရိုက်ကူးထားသည်များမှ ထုတ်နုတ်ဖော်ပြအပ်ပါသည်။

ဓာတ်ပုံ - ရန်မိုးနိုင်

ကျွန်းမျောများကို ပေါင်းသင် မြက်နုတ်ပြုလုပ်ကြရပြီး၊ ရေထဲမှနုန်းများကို မြေဆီအဖြစ်လည်း ပြန်လည် အသုံးပြုကြသည်။

ရေပေါ်စိုက်ခင်းများ စနစ်တကျဖြစ်ချိန်မှ ခရမ်းချဉ်များကို စိုက်ပျိုးကြရသည်။

ခရမ်းချဉ်ခူးခြင်းလုပ်ငန်းကို အမျိုးသမီးများက ဆောင်ရွက်တတ်ကြသည်။

ကျွန်းမျောများ နေရာမရွေ့ရန်အတွက် ဝါးလုံးရှည်များ စိုက်ထူကာ ထိန်းထားကြခြင်းဖြစ်သည်။

အင်းလေးကန်ပြင်ကျယ်အတွင်းတွင် ရေမှော်ပင်များကို ဆယ်ယူနေကြသည့် အင်းတိုင်းရင်းသားတို့ကို နေရာအနှံ့အပြားတွင် တွေ့ရှိနိုင်သည်။ ရေမှော်ပင်များကို ခရမ်းချဉ်စိုက်ပျိုးမည့် ကျွန်းမျောများအတွက် မြေဆီလွှာအဖြစ် အသုံးပြုကြခြင်းဖြစ်သည်။

ခရမ်းချဉ်သီးလာဝယ်သည့် စက်လှေများ။ ခရမ်းချဉ်သီးများကို ညောင်ရွှေမြို့ပေါ်မှ ပွဲရုံများထိ သွားရောက်ရောင်းချရန်မလိုဘဲ စိုက်ခင်းအထိ လာရောက် ဝယ်ယူသော စက်လှေများဆီသို့ ရောင်းချနိုင်သည်။

ပွဲရုံများမှတစ်ဆင့် ရန်ကုန်၊ မန္တလေး အစရှိသည့် မြို့ကြီးများအထိ ပို့ဆောင်ရောင်းချကြခြင်းဖြစ်သည်။

လူတစ်ရပ်နီးနီးမြင့်သည့် ရေပေါ် ခရမ်းချဉ်ခင်းများကို မြင်တွေ့နိုင်သည်။