News

POST TYPE

PERSPECTIVE

စာကြည့်တိုက်ဟာ ပြည်သူတွေရဲ့ ဒုတိယအိမ် ဖြစ်ဖို့လိုတယ်
စက်တင်ဘာလ ၂၈ ရက်နေ့က ရန်ကုန်တက္ကသိုလ် ဘွဲ့နှင်းသဘင်ခန်းမမှာ ကျင်းပပြုလုပ်ခဲ့တဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ရန်ကုန်မှာရှိတဲ့တက္ကသိုလ်တွေရဲ့ ကျောင်းသား၊ ကျောင်းသူများ စကားဝိုင်းမှာ စာကြည့်တိုက်အကြောင်း ထည့်သွင်းပြောဆိုသွားတာကို ကြားသိဖတ်ရှုလိုက်ရပါတယ်။

ဒီလိုထည့်သွင်းပြောဆိုသွားကြရာမှာ ရန်ကုန်စီးပွားရေးတက္ကသိုလ်က မဝင့်မြတ်နိုးက “ကျွန်မတို့ဆီမှာ စာကြည့်တိုက်တွေက စာအုပ်ကောင်းတွေ အကုန်လုံးကို သော့ခတ်ပြီး ထိန်းသိမ်းထားလို့ စာကြည့်တိုက်ကို အားမကိုးရဘဲ အင်တာနက်ကနေ စာအုပ်တွေကိုလိုက်ရှာ ဒေါင်းလုတ်ဆွဲပြီး ဖတ်နေရပါတယ်၊ စာတစ်ခုကို လေ့လာတဲ့နေရာမှာ စာအုပ်ကိုကိုင်ပြီး ဖတ်ရမှအားရပါတယ်၊ အဲဒါကြောင့် စာကြည့်တိုက်မှာ တက္ကသိုလ်ကျောင်းသားတွေရော၊ အလယ်တန်း၊ အထက်တန်းကျောင်းသားတွေ အကုန်လုံးကို လွတ်လွတ်လပ်လပ် ဖတ်စေချင်ပါတယ်၊ ဒီစာအုပ်တွေဟာ သော့ခတ်ပြီးထားရင် ဖုန်တက်နေရုံမှတစ်ပါး တန်ဖိုးမရှိသလို ဖြစ်နေပါတယ်”လို့ ပြောသွားသလို။

ရန်ကုန် နိုင်ငံခြားဘာသာတက္ကသိုလ်က မမေရတနာဦးရဲ့ “ပညာရေးစနစ်က စာကြည့်တိုက်ကို အခြေပြုတဲ့ ပညာရေးစနစ်မဟုတ်တာကြောင့် ကျောင်းသားတွေက စာကြည့်တိုက်ထဲကို မဝင်ဖြစ်ပါဘူး”ဆိုတဲ့ ဆွေးနွေးချက်နဲ့ပတ်သက်ပြီး ဒေါ်အောင်ဆန်းစုကြည်က “စာကြည့်တိုက်ဆိုတာ ကျောင်းမှာပဲရှိရမှာ မဟုတ်တာ၊ ကျောင်းပြင်ပမှာလည်း စာကြည့်တိုက်တွေရှိရပါမယ်၊ စာကြည့်တိုက်ကိုသွားတဲ့ယဉ်ကျေးမှု၊ စာကြည့်တိုက်ကို သုံးတဲ့ယဉ်ကျေးမှုဆိုတာဟာ မိသားစုကလည်း ပံ့ပိုးပေးရမယ်၊ ကူညီရမယ်၊ မိဘတွေက ကလေးတွေကို စာကြည့်တိုက်ကိုခေါ်သွားတဲ့ အလေ့အကျင့် လုပ်ပေးရပါမယ်”ဆိုပြီးတော့ ပြန်လည်ဖြေကြားသွားပါတယ်။

ဒေါ်အောင်ဆန်းစုကြည်က ဆက်လက်ပြီး ပြောကြားသွားရာမှာ “ပထမဦးဆုံး ကျောင်းမှာ စာကြည့်တိုက် မဟုတ်ရင်တောင်မှ စာအုပ်ဗီရိုလေးတစ်ခုတော့ ရှိစေချင်ပါတယ်၊ စာအုပ်ဗီရိုလေးရှိရင် စာအုပ်ငှားတဲ့အကျင့်၊ စာအုပ်ငှားပြီးတော့ ဖတ်တဲ့အကျင့်၊ တစ်ပတ်ဆိုလည်းတစ်ပတ်၊ နှစ်ပတ်ဆိုလည်း နှစ်ပတ်၊ အဲဒီအချိန်အတွင်းမှာ စာအုပ်ပြီးအောင်ဖတ်ပြီးရင် နောက်အသစ်တစ်အုပ်နဲ့သွားလဲ၊ စာကြည့်တိုက်သွားချိန်ဆိုပြီးတော့ အဲဒါကတော့ ရှိသင့်တယ်လို့ထင်ပါတယ်”လို့ပြောပြီးတော့ သူတို့ငယ်ငယ်တုန်းကလည်း ကျောင်းမှာ တစ်ပတ် တစ်ကြိမ် စာကြည့်တိုက်သွားဖို့ အချိန်ရှိတဲ့အကြောင်းနဲ့ အဲဒါကို ပညာရေးဝန်ကြီးဌာနက ဦးဆောင်ပြီး လုပ်ပေးမယ့်အကြောင်းနဲ့ ပြည်သူတွေကလည်း ဝိုင်းပြီးပံ့ပိုးကူညီရမယ် ဆိုတဲ့အကြောင်းလည်း ထည့်သွင်းပြောကြားသွားပါတယ်။

ဒီထုတ်လွှင့်ချက်လေးကိုကြည့် ဒီသတင်းလေးကိုဖတ်ပြီး ကျွန်တော့်ဘဝမှာလည်း စာကြည့်တိုက်နဲ့ပတ်သက်တာလေးတွေကို ပြန်ပြောင်းသတိရမိသလို မြန်မာနိုင်ငံမှာ စာကြည့်တိုက်တွေနဲ့ပတ်သက်လို့ ကိုယ်ကြုံတွေ့ရတာလေးတွေကို အကြောင်းပြုပြီး ကျောင်းသားတွေ တင်ပြဆွေးနွေးချက်တွေအပေါ် ဖြည့်စွက်ဆွေးနွေး တင်ပြချင်တာလေးတွေရှိလို့ ဒီဆောင်းပါးကို ရေးဖြစ်တာပါ။

၁၉၆၈/၆၉ ခုနှစ်က ကျွန်တော် ပြည်မြို့၊ အစိုးရအထက်တန်းကျောင်း အမှတ်(၁)မှာ အခြေခံပညာအထက်တန်း (ယခုတက္ကသိုလ်ဝင်တန်း)ကျောင်းသားဘဝနဲ့ တက်ရောက်ခဲ့ပါတယ်။ ဒေါ်အောင်ဆန်းစုကြည် ပြောသွားသလို ကျွန်တော်တို့ကျောင်းမှာ စာကြည့်တိုက်ကလေးတစ်ခုရှိပါတယ်။ ကျောင်းစာသင်ချိန်ထဲမှာ စာကြည့်တိုက်အချိန်ဆိုပြီးတော့ အချိန်တစ်ချိန်ပါ ပါတယ်။ အဲဒီအချိန်မှာ အတန်းထဲက ကျောင်းသားတွေအားလုံး စာကြည့်တိုက်ထဲကို သွားရပြီးတော့ မိမိကြိုက်နှစ်သက်ရာစာအုပ်ကို ယူပြီးဖတ်လို့ရပါတယ်။ ကိုယ်ငှားဖတ်ချင်တဲ့စာအုပ်ရှိရင်လည်း ငှားလို့ ရပြီးတော့ နောက်တစ်ပတ် စာကြည့်တိုက်အချိန်မှာ ပြန်ပြီးအပ်နှံရပါတယ်။ တကယ်လို့ ဖတ်လို့မပြီးသေးဘူးဆိုရင် နောက်တစ်ပတ်ဆက်ပြီး ငှားလို့ရပါတယ်။ တစ်ပတ်ကို တစ်အုပ်နှုန်းနဲ့ ပညာသင်နှစ် တစ်နှစ်မှာ စာမေးပွဲကာလတွေကို ချန်ပြီးတွက်ရင်တောင် ကျောင်းသားတစ်ယောက်ဟာ တစ်နှစ်ကို စာအုပ် နှစ်ဆယ်၊ သုံးဆယ်လောက်တော့ ဖတ်ဖြစ်မှာ အသေအချာပါပဲ။ အဲဒီစာအုပ်တွေကို ဖတ်ခဲ့ရတဲ့အကျိုးကျေးဇူးတွေကြောင့် အဲဒီကျောင်းသားတွေရဲ့ဘဝမှာ အတိုင်းအတာတစ်ခုအထိတော့ အကျိုးရှိကြမှာ အသေအချာပါပဲ။

ကျွန်တော် ရှမ်းပြည်မှာ တာဝန်ထမ်းဆောင်ခဲ့တဲ့ (၁၉၈၁ ခုနှစ်ကနေ ၁၉၈၆ ခုနှစ်အထိ) ကာလနဲ့ ရန်ကုန်ကိုပြန်ရောက်ပြီး ၁၉၈၈ ခုနှစ်အထိ အချိန်ကာလတွေမှာ စာပေဗိမာန်ကထုတ်တဲ့ သုတပဒေသာစာစောင်မှာ ဘာသာပြန်ဆောင်းပါးတချို့ ရေးသားခဲ့ပါတယ်။ ဒါပေမဲ့ ဝန်ထမ်းဘဝ အပြောင်းအရွှေ့များတာနဲ့ အဲဒီစာအုပ်တွေ ပျောက်ဆုံးကုန်ပါတယ်။ ဒါကြောင့် ကိုယ်ရေးခဲ့တဲ့ဆောင်းပါးလေးတွေ ပြန်ဖတ်ချင်တာရယ်၊ ကိုယ့်ရဲ့ စာရေးသက် အနှစ်သုံးဆယ်လောက်ရှိပြီဆိုတာကို အထောက်အထား လိုချင်တဲ့အတွက်ရယ် ရန်ကုန်မှာရှိတဲ့ စာကြည့်တိုက်တွေဘက်ကိုခြေဦး လှည့်ခဲ့ပါတယ်။

အဲဒါနဲ့ ရန်ကုန်မှာရှိတဲ့ အမျိုးသားစာကြည့်တိုက်၊ စာပေဗိမာန်စာကြည့်တိုက်၊ ရန်ကုန်တက္ကသိုလ်စာကြည့်တိုက်နဲ့ တက္ကသိုလ်များဗဟို စာကြည့်တိုက်တွေမှာ စာကြည့်တိုက်တစ်ခုကို အနည်းဆုံး နှစ်ကြိမ်စီလောက် လှည့်လည်ရှာဖွေခဲ့ပါတယ်။ အဲဒီမှာ ကျွန်တော့်အနေနဲ့ မြန်မာနိုင်ငံရဲ့ အဓိက စာကြည့်တိုက်ကြီးတွေအကြောင်း သိရှိလာရပြီး အများပြည်သူလည်း ကြုံတွေ့ရနိုင်တဲ့ အခက်အခဲတချို့လည်း ကြုံတွေ့ခဲ့ရပါတယ်။

ပထမဆုံးကြုံတွေ့ရတာကတော့ စာကြည့်တိုက်တွေဟာ ပြည်သူတွေနဲ့ အလှမ်းဝေးတာပါပဲ။ အမျိုးသားစာကြည့်တိုက်ရဲ့ လက်ရှိနေရာကတော့ ကမ္ဘာအေးဘုရားလမ်းကနေ ရိပ်သာဆိုတဲ့လမ်းသွယ်ကလေးက ဝင်သွားရတဲ့ ဝန်ကြီးဌာနအဆောက်အအုံဟောင်းတစ်ခု ဖြစ်ပါတယ်။ ကမ္ဘာအေး ဘုရားလမ်းကနေ အထဲကို တော်တော်လေးဝင်သွားရတဲ့အတွက် ကိုယ်ပိုင်ကားရှိတဲ့သူနဲ့ တက္ကစီကားငှားစီးနိုင်သူတွေအတွက် မထောင်းတာလှပေမယ့် အသက်အရွယ်ရပြီး ဘတ်စ်ကားစီးပြီး လာရမယ့်သူတွေအတွက် မလွယ်ပါဘူး။ အထဲမှာ အဆောင်ကြီးသုံးခုလောက်ရှိပြီး စာအုပ်စာပေ အမျိုးအစားတွေကို အဆောင်အလိုက်ခွဲခြားပြီး စုဆောင်းထားတဲ့အတွက် ကိုယ်လိုချင်တဲ့စာအုပ်အမျိုးအစားနဲ့ ခုနှစ်တွေကိုပြောပြတော့မှ လိုချင်တဲ့ အဆောင်ကို ရောက်ပါတယ်။ စာအုပ်ဖတ်ရတဲ့နေရာလေးက ဝရန်တာမှာ ခုံတန်းရှည်လေးတွေချထာပြီး ထိုင်ဖတ်ရတဲ့အတွက် ကျွန်တော်တို့လို ကိုယ်လိုချင်တဲ့စာအုပ်ကို လာရှာတဲ့သူကလွဲလို့ ဘယ်သူကမှ စိတ်အပန်း ဖြေတဲ့အနေနဲ့ အပျင်းပြေလာဖတ်ကြမှာ မဟုတ်ပါဘူး။

အမျိုးသားစာကြည့်တိုက်ဟာ နှစ်နေရာ သုံးနေရာအထိ ပြောင်းရွှေ့ခဲ့ရပြီး ကျိုက္ကဆံလမ်းနဲ့ အရှေ့မြင်းပြိုင်ကွင်းလမ်းထောင့်ကို ပြောင်းရွှေ့မယ်ဆိုပြီး (ယခုတေးဂီတဖျော်ဖြေပွဲတွေ လုပ်နေတဲ့) ရွှေထွဋ်တင်ကွင်းနေရာမှာ အဆောက်အအုံအသစ်ကြီး ဆောက်ပြီးကာမှ ပုဂ္ဂလိကကိုလွှဲသလိုလို ဘာလိုလိုနဲ့ နောက်ပိုင်း ဘာသံမကြားရတော့ပါဘူး။ နိုင်ငံတော်သမ္မတကြီး ဦးထင်ကျော်လက်ထက်မှာလည်း ကုန်သည်လမ်းပေါ်မှာရှိတဲ့ စီးပွား/ ကူးသန်း (ကုန်သွယ်ရေး) အဆောက်အအုံဟောင်းကို ပြောင်းဖို့လမ်းညွှန် မှာကြားခဲ့ပြီး အခုထိ ပြင်ဆင်မှုတွေ လုပ်လို့မပြီးသေးဘူးလို့ သိရပါတယ်။ နိုင်ငံတော်သမ္မတကြီး ဦးဝင်းမြင့်အနေနဲ့ ဒီကိစ္စကို အမြန်ဆုံးပြီးစီးအောင် ဆက်လက် အကောင်အထည်ဖော်ပေးပါလို့ ဒီနေရာကနေ မေတ္တာရပ်ခံအပ်ပါတယ်။

နောက်စာကြည့်တိုက်နှစ်ခုကတော့ ရန်ကုန်တက္ကသိုလ်စာကြည့်တိုက်နဲ့ တက္ကသိုလ်များ ဗဟိုစာကြည့်တိုက်တို့ပဲဖြစ်ပါတယ်။ နှစ်ခုစလုံးကတော့ ရန်ကုန်တက္ကသိုလ်ကျောင်းဝင်းထဲမှာ တည်ရှိပါတယ်။ အဲဒီစာကြည့်တိုက်နှစ်ခုစလုံးက စာအုပ်စာတမ်းတွေ တော်တော်စုံစုံလင်လင်ရှိပေမယ့် ဘတ်စ်ကားစီးပြီးသွားမယ်ဆိုရင် လှည်းတန်းထိပ်ကနေ ကျောင်းဝင်းထဲကို တော်တော်လျှောက်ရတာမို့ တက္ကသိုလ်ကျောင်းသား၊ ကျောင်းသူတွေကလွဲလို့ အပြင်လူတွေအနေနဲ့ မကြာခဏ စာကြည့်တိုက်မှာ စာသွားဖတ်ဖို့ဆိုရင်တော့ သွားရေးလာရေး၊ ဝင်ရေးထွက်ရေး မလွယ်ကူပါဘူး။ ဒါပေမဲ့ တက္ကသိုလ်စာကြည့်တိုက်တွေမှာ လွယ်အိတ်တွေကို အပြင်မှာထားခဲ့ပြီး စာဖတ်သူရှာချင်တဲ့စာအုပ်ကို ခုနှစ်အလိုက်၊ ဘာသာရပ်အလိုက် တင်ထားတဲ့ စင်တွေမှာ စိတ်ကြိုက်ရှာဖွေလို့ရသလို စာထိုင်ဖတ်ဖို့၊ ကွန်ပျူတာ အသုံးပြုဖို့ နေရာလေးတွေ လုပ်ပေးထားတဲ့အတွက် အဆင်ပြေပါတယ်။ ကျွန်တော့် ဆောင်းပါးပါတဲ့ သုတပဒေသာစာအုပ်ကို အဲဒီစာကြည့်တိုက်မှာ တွေ့လိုက်ရတာမို့ စေတနာကောင်းပြီး ဝန်ဆောင်မှုကောင်းတဲ့ စာကြည့်တိုက် ဝန်ထမ်းတွေကိုတော့ ကျေးဇူးအထူးတင်မိပါတယ်။
 
ဝန်ဆောင်မှု ကောင်းတာကတော့ စာကြည့်တိုက်အားလုံးက ဝန်ထမ်းတွေက ဖော်ရွေပျူငှာပြီး စိတ်ရှည်လက်ရှည် ရှာပေးကြပါတယ်။ ဒါပေမဲ့ အဓိက ပြဿနာက စာအုပ်တွေ အစုံအလင် မရှိတာပါပဲ။ ကျွန်တော်ရှာတဲ့ သုတပဒေသာ စာစောင်ဆိုရင် အဲဒီနှစ်ကာလတွေက သုံးလတစ်ကြိမ်ထုတ်ဝေပြီး တစ်နှစ်ကို လေးအုပ်ထုတ်ပါတယ်။ ဒါပေမဲ့ တကယ်တမ်းကျတော့ စာကြည့်တိုက်အားလုံးလိုလိုမှာ တစ်နှစ်အတွက် နှစ်အုပ်၊ သုံးအုပ်လောက်သာ တွေ့ရပြီး လေးအုပ်အပြည့် မတွေ့ရတာက များပါတယ်။ အဲဒီမတွေ့တဲ့ စာအုပ်တွေထဲမှာ ကျွန်တော့်ဆောင်းပါးတွေ ပါသွားတာကတော့ ကျွန်တော့်အတွက် ကံမကောင်းတာပဲဖြစ်ပြီးတော့ စိတ်မကောင်းတာကလွဲလို့ ဘာမှမတတ်နိုင်ပါဘူး။

စာပေဗိမာန် စာကြည့်တိုက်ကတော့ မြို့လယ်ကောင်မှာရှိတယ် ဆိုပေမယ့် ပင်မအဆောက်အအုံရဲ့မျက်နှာစာဖြစ်တဲ့ ကုန်သည်လမ်းမပေါ်မှာမရှိဘဲနဲ့ ၃၅ လမ်းအတွင်းမှာသာ ရှိတဲ့အတွက် ဆူးလေဘုရားကိုတောင် ကပ်ကျော်ချင်ကြတဲ့ ကျွန်တော်တို့ မြန်မာလူမျိုးတွေအတွက်ကတော့ (ဝါသနာကြီးသူတွေကလွဲရင်) ကပ်ကျော်ကြတာပဲ များပါတယ်။ ကျွန်တော်ကတော့ ကိုယ့်ဆောင်းပါးလေးတွေ တွေ့လိုတွေ့ ငြား သုံးကြိမ်လောက်သွား ရောက်ရှာဖွေခဲ့သလို ပြည်လမ်းမှာရှိတဲ့ အမျိုးသားစာကြည့်တိုက်ကို လည်း သွားကြည့်လိုက်ပါသေးတယ်။ ဒါပေမဲ့ အဲဒီစာကြည့်တိုက်မှာတော့ စာအုပ်အဟောင်းတွေမထားဘူးဆိုတာ သိလိုက်ရလို့ တပ်ခေါက်ပြန်ခဲ့ ရပြီး ကမ္ဘာအေးဘုရားလမ်းက စာကြည့်တိုက်ကိုပဲ သုံးကြိမ်မြောက်ထပ်မံ သွားကြည့်လိုက်ရပါတယ်။

ကျွန်တော်ကိုယ်တိုင်လည်း စာကြည့်တိုက်များနဲ့ကင်းကွာသူတစ် ယောက်ဖြစ်ပြီး အခုလိုလိုအပ်တဲ့အခါမှသာ စာကြည့်တိုက်ကိုအသုံးပြု သလို၊ ကျွန်တော့်လိုပဲ စာကြည့်တိုက်ကို လိုအပ်မှအသုံးပြုကြတဲ့သူမျိုးတွေ ကိုလည်း တွေ့ခဲ့ရပါတယ်။ သုတေသနစာတမ်းပြုစုနေကြသူတွေ၊ ဘွဲ့ယူ စာတမ်းပြုစုနေကြတဲ့ ကျောင်းသား၊ ကျောင်းသူတွေနဲ့ လိုအပ်တာတွေ ရှာဖွေနေကြတဲ့ စာရေးဆရာ တစ်ယောက်စနှစ်ယောက်စကိုတော့ တွေ့ ခဲ့ရပါတယ်။ တကယ်တော့ စာကြည့်တိုက်ဆိုတာ လူတစ်စုအတွက်ရည် ရွယ်ပြီး ဖွင့်လှစ်တာမဟုတ်ဘဲ ပြည်သူတွေအားလုံးရဲ့ အသိဉာဏ်ဖွံ့ဖြိုး တိုးတက်ရေးအတွက် ရည်ရွယ်ဖွင့်လှစ်တာ ဖြစ်ပါတယ်။ ဒါကြောင့် စာကြည့် တိုက်တွေဟာ ပြည်သူတွေ သွားရေးလာရေး လွယ်ကူပြီး သွားခလုတ်၊ လာခလုတ် ခလုတ်တိုက်နိုင်တဲ့ နေရာမျိုးမှာ ရှိမှသာလျှင် နိုင်ငံတော်အစိုးရ မျှော်မှန်းတဲ့ စာဖတ်ပြီး အသိဉာဏ် ဖွံ့ဖြိုးတိုးတက်တဲ့နိုင်ငံသားတွေ ပေါများလာမှာဖြစ်ပါတယ်။

အဲဒါအပြင် ယခုအခါမှာ Online Media တွေခေတ်စားပြီး လူငယ်တွေဟာ ပုံနှိပ်မီဒီယာအစား Online Media တွေကို အဖတ်များလာကြ ပါတယ်။ ဒါကိုပြန်လည်တုံ့ပြန်တဲ့အနေနဲ့ ပြန်ကြားရေး/ယဉ်ကျေးမှုဝန်ကြီး ဌာနအနေနဲ့ တန်ဖိုးရှိပြီး ရှားပါးတဲ့ ဂန္ထဝင်စာအုပ်တွေကို Online ပေါ် တင်ပြီး Online Library အနေနဲ့ ဆောင်ရွက်ပြီး စာဖတ်အားနည်းနေတဲ့လူငယ်တွေဆီ အရောက်ပို့နိုင်မယ်ဆိုရင် သိပ်ပြီးအကျိုးရှိမှာပါ။ လက်ရှိ အားဖြင့်လည်း မြန်မာ့စွယ်စုံကျမ်းတွေ၊ မြန်မာနိုင်ငံပြန်တမ်းတွေနဲ့ နေ့စဉ် ထုတ်သတင်းစာတွေကို Online မှာ တင်ထားသလို၊ ရှေ့နေချုပ်ရုံးနဲ့ ဝါသနာရှင်တွေက ကြိုးပမ်းဆောင်ရွက်ကြတဲ့အတွက် ဥပဒေစာအုပ် တော်တော်များများကို နှစ်ကာလအလိုက်နဲ့ ကဏ္ဍအလိုက်ခွဲခြားပြီး တင်ထားတာကိုတွေ့ရပါတယ်။

အချုပ်ဆိုရရင်တော့ စာကြည့်တိုက်တွေအနေနဲ့ သုတေသနပြုသူတွေ၊ စာတမ်းပြုစုသူတွေက သူတို့လိုအပ်တာကို လာရောက်ရှာဖွေနေကြရုံမျှလောက်နဲ့ အားရကျေနပ်မနေသင့်ကြဘဲ ဗဟုသုတရှာဖွေလေ့လာ ဆည်းပူးလိုသူတွေ၊ ရသစာပေကိုဖတ်ရှုလိုသူတွေစတဲ့ သာမန်ပြည်သူတွေ သွားလာဝင်ထွက် ဖတ်ရှုနိုင်အောင် တည်နေရာကအစ အတွင်းပိုင်း အဆင်အပြင် အပါအဝင် အခြားသော ဆွဲဆောင်မှုမျိုးကိုပါ လုပ်ဖို့လိုအပ်ပါတယ်။ သို့မှသာလျှင် စာကြည့်တိုက်တွေဟာ ပြည်သူတွေရဲ့ ဒုတိယအိမ်သဖွယ်ဖြစ်လာပြီး သူတို့ရဲ့အားလပ်ချိန်တွေမှာ အခြားသော ဖျော်ဖြေမှုနဲ့ အပျော်အပါးနေရာများကို သွားရောက်အချိန်ဖြုန်းနေမယ့်အစား သူတို့ရဲ့အချိန်တွေကို စာကြည့်တိုက်တွေမှာ တန်ဖိုးရှိစွာ လာရောက် အသုံးပြုကြဖို့ နည်းလမ်းမျိုးစုံ ရှာဖွေကြံဆပြီး ဆောင်ရွက်သင့်ပါကြောင်း တင်ပြလိုက်ရပါတယ် ...။

သိန်းထက်အောင်