News

07-Jan-2021
အမေရိကန်ပြည်ထောင်စု၏ မြို့တော်ဖြစ်သော ဝါရှင်တန်ဒီစီရှိ ကက်ပီတယ်လ် လွှတ်တော်အဆောက်အအုံကြီးတွင် ဖြစ်ပျက်နေသော အခြေအနေများ၊ မြင်ကွင်းများနှင့်ပတ်သက်၍ ကမ္ဘာကအတော့်ကို အံ့အားသင့်ကြရသည်။
07-Jan-2021
ဝန်ထမ်းတွေအနေနဲ့ တစ်နေ့တစ်နေ့ အိမ်မှာနေရတဲ့အချိန်ထက် ရုံးမှာနေရတဲ့အချိန်က ပိုများပါတယ်။ ရုံးမှာရှိတဲ့ဝန်ထမ်းတွေအချင်းချင်း တစ်ယောက်နဲ့တစ်ယောက် တွေ့ရတဲ့အချိန်တွေဟာ ကိုယ့်မိသားစု အချင်းချင်း တွေ့ဆုံရတဲ့အချိန်ထက် ပိုများပါတယ်။ ဆိုရရင်တော့ ရုံးဝန်ထမ်းတွေဟာ ဒုတိယမိသားစုတွေပါပဲ။ မိသားစုနဲ့ ခွဲခွာနေရတဲ့ ဝန်ထမ်းတွေ ဆိုရင်တော့ ဝန်ထမ်းအချင်းချင်းဟာ တကယ့်မိသားစုအရင်းအချာ ညီအစ်ကို မောင်နှမ အရင်းတွေလိုပါပဲ။ အဲဒီဝန်ထမ်းတွေဆိုရင် တစ်ယောက်လိုအပ် တဲ့အကူအညီကို တစ်ယောက်ပြော၊ တစ်ယောက်အပြောကို တစ်ယောက်က ဖြည့်ဆည်းပေး၊ လုပ်ငန်းခွင်မှာဆိုရင်လည်း တစ်ယောက်မသိတာကို တစ်ယောက်က မေးနဲ့ တကယ့်ကို မိသားစုကြီးသဖွယ်ဖြစ်ပါတယ်။
06-Jan-2021
အချိန်ဆိုသည့်အရာသည် ရပ်တန့်နေသောအရာမဟုတ်။ အမြဲတမ်း တရွေ့ရွေ့ခရီးဆက်နေ၏။ လက်ရှိအချိန် သည် နောက်ထပ်အနည်းငယ် ကြာလျှင် အတိတ်ဖြစ်သွားသည်။ သို့နှင့် အချိန်ဖြင့်ဖွဲ့စည်းထားသော ၂၀၂၀ ပြည့်နှစ် သက္ကရာဇ်သည်လည်း တဖြည်းဖြည်း အဆုံးသတ်ချိန် နိဂုံးဆီသို့ ရောက်လာခဲ့၏။ တစ်စုံတစ်ဦးနှင့် ခွဲခွာရတော့မည်ဆိုလျှင် ဘိုင့်ဘိုင့်ဟု နှုတ်ဆက်တတ်ကြသည်။ ထို့အတူ ပြက္ခဒိန်စာမျက်နှာပေါ်ကနေ ကုန်ဆုံးကျန်ရစ်ခဲ့မည့် ၂၀၂၀ အားလည်း ဘိုင့်ဘိုင့်ဟု နှုတ်ဆက်လိုက်ချင်သည်။ နေရစ်ခဲ့တော့ ၂၀၂၀ ရေ။
06-Jan-2021
'ဇေတဝန်ကျောင်းခေါင်းလောင်းသံက မမြဲခြင်းတရားကို ပဲ့တင် ထပ်လျက်၊ ပြည့်စြွုံကယ်ဝလည်း ဆင်းရဲခြင်းကြုံရမယ်ဆိုတဲ့ သစ္စာတရား ဟာ အင်ကြင်းပွင့်အဆင်းမှာ ထင်ဟပ်တယ်။ ထောင်လွှားမောက်မာခြင်း သဘောက နွေဦးညအိပ်မက်ပမာ မတည်မြဲတတ်သလို၊ တန်ခိုးအာဏာ တုမယှဉ်သာလည်း ဖုန်မှုန့်များပမာ လေမလာခင်မှာ ခဏတာ'
04-Jan-2021
ဗုဒ္ဓဘာသာချင်းအတူတူ၊ တစ်မြို့တည်းအတူတူကိုတောင် ထုံးစံ က မတူပြန်ဘူး။ ဥပမာ-ကျွန်မတို့မြို့ပေါ်မှာ နာရေးတစ်ခုဖြစ်ရင် ကာယ ကံရှင်ရဲ့မိသားစုဆန္ဒအတိုင်း တစ်ရက်၊ နှစ်ရက်၊ သုံးရက်ဝန်းကျင်အတွင်း သေဆုံးသူရဲ့ ရုပ်ကလာပ်ကို သင်္ဂြိုဟ်တယ်။ အိမ်မှာ သက်ပျောက်ဆွမ်းကပ် တယ်။ အိမ်ဆင်းတရားနာတယ်။ ငါးရက်မဟုတ်ရင် ခုနစ်ရက်မှာ ရက်လည် လုပ်တယ်။
04-Jan-2021
နိုင်ငံတိုင်းတွင် ထူးခြားသောနေ့ရက်များရှိကြသည်။ ထိုနေ့ရက်များအနက် လွတ်လပ်ရေးနေ့သည် တိုင်းတစ်ပါး လက်အောက်ကျရောက်ခဲ့ ဖူးသောနိုင်ငံအတွက် များစွာ အဖိုးထိုက်တန်လှပေသည်။ ထိုလွတ်လပ်ရေး ပြန်လည်ရရှိရေးအတွက် အသက်သွေးချွေး၊ အချိန်၊ ငွေကြေးများစွာ ပေးဆပ်ခဲ့ကြရမည်ဖြစ်သည်။ လူသားတို့သည် လွတ်လပ်ရေး၏ တန်ဖိုးကို မလွတ်လပ်သောအချိန်မှသာ သိရှိကြသည်။ ထိုအချိန်သည် လွန်စွာ နောက်ကျသွားပြီဖြစ်သည်။ ရှေးမြန်မာဘိုးဘွား ဘီဘင်တို့သည် နောင်လာနောင်သား တိုင်းရင်းသားညီအစ်ကိုအားလုံးအတွက် အဖိုးမဖြတ်နိုင်သော အမွေတစ်ရပ်ထားရှိခဲ့ပါသည်။ ထိုအမွေကား အခြားမဟုတ်ချေ။ ကျွန်ုပ်တို့အားလုံး အမြဲတစေ တန်ဖိုးထားကြရမည့် လွတ်လပ်ရေးအမွေပင်ဖြစ်သည်။
03-Jan-2021
ကျွန်တော်တို့တစ်တွေအနေနှင့် ရပ်ပစ်ထားခဲ့ကြရမည့် နှစ်ဟောင်း ထဲတွင် ယူစရာများအနေဖြင့် များများစားစား ရှာဖွေထားမိကြဖို့လည်း လိုအပ်ပါသည်။ နှစ်ဟောင်းထဲတွင် ချန်ထားခဲ့သင့်သည့်အရာများကိုလည်း ချန်ထားခဲ့ရမည်ဖြစ်သော်လည်းပဲ မေ့ပစ်ထားလို့ကား လွယ်ကူနိုင်မည် မဟုတ်ပေ။ နှစ်ဟောင်းထဲတွင် ပြုလုပ်မိခဲ့ကြသော အမှားပေါင်းများစွာအတွက် တာဝန်ယူကြဖို့ လိုအပ်ကြသလိုပင် မေ့ပစ်နိုင်ရန်လည်း ကြိုးစားရပေမည်။ သင်ခန်းစာတစ်ခုအဖြစ် ထားရှိနိုင်ရမည်။ နှစ်ဟောင်းထဲတွင် ပြုလုပ်မိခဲ့ကြသောအမှားများကို မေ့ပစ်နိုင်ရန်ကြိုးစားသင့်သော်လည်း ပဲ သင်ခန်းစာကောင်းတစ်ခုအနေနှင့် ကျွန်တော်တို့တစ်တွေ၏ရင်တွင်း၌ ဆင်ခြင်ခြင်းသတိတရားများ ထားရှိနိုင်ကြဖို့ရန် အလွန်အရေးကြီးလှပါသည်။
03-Jan-2021
ပြီးခဲ့တဲ့ ဒီဇင်ဘာ ၃၁ ရက်နေ့က NLD က ဒေါက်တာအောင်မိုးညို နဲ့ကိုယ်စားလှယ်အဖွဲ့ဟာ ကချင်ပြည်နယ်ထဲက ရွေးကောက်ပွဲ အနိုင်ရ တိုင်းရင်းသားပါတီတွေဖြစ်တဲ့ ကချင်ပြည်နယ်ပြည်သူ့ပါတီ၊ လီဆူအမျိုးသားဖွံ့ဖြိုးတိုးတက်ရေးပါတီ(ဒူးလေးပါတီ)၊ ဒီမိုကရေစီပါတီသစ် (ကချင်) ပါတီတွေနဲ့ သွားရောက်တွေ့ဆုံ ဆွေးနွေးခဲ့ကြပါတယ်။ ဒီလို တွေ့ဆုံတဲ့အခါ ကချင်ပြည်သူ့ပါတီဥက္ကဋ္ဌ ပြည်နယ်လွှတ်တော်ကိုယ်စား လှယ်အဖြစ်အနိုင်ရခဲ့သူ ဒေါက်တာမနာမ်တူးဂျာက ငြိမ်းချမ်းရေးနဲ့ ဖက်ဒရယ်အရေးကို အဓိကထားဆွေးနွေးခဲ့ပြီး တိုင်းရင်းသားတွေ လိုချင်တဲ့ တန်းတူအခွင့် အရေးနဲ့ ဖက်ဒရယ်အရေးကို NLD အစိုးရက ဖော်ဆောင် နိုင်ရင်တော့ ပြည်တွင်းငြိမ်းချမ်းရေး သေချာပေါက်အောင်မြင်မယ် လို့လည်း သူက ဆိုခဲ့သလို လီဆူတိုင်းရင်းသားဖွံ့ဖြိုးတိုးတက်ရေးပါတီရဲ့ ဥက္ကဋ္ဌ၊ လက်ရှိ လီဆူရေးရာဝန်ကြီးလောင်း ဦးရွှေမင်းကလည်း 'တိုင်းရင်းသားတွေ အဓိက လိုချင်တဲ့ တန်းတူအခွင့်အရေးရမယ်ဆိုရင် တစ်ဦးနှင့်တစ်ဦး တစ်ဖွဲ့နှင့် တစ်ဖွဲ့ ရန်သူသဖွယ်တိုက်ခိုက်နေစရာမလိုတော့ဘူးပေါ့၊ ဒါ့အပြင် အဲ့ဒီလို တန်းတူအခွင့်အရေးတွေ ရကြမယ်ဆိုရင် တိုင်းရင်းသားအားလုံးလိုချင်တဲ့ ဖက်ဒရယ်ပြည်ထောင်စုကို သွားဖို့ လွယ်ကူမယ်'လို့ ဆိုခဲ့ကြတာ တွေ့ရပါ တယ်။ ဒီကိုယ်စားလှယ်အဖွဲ့ဟာ ဒုတိယတွေ့ဆုံမှုခရီးစဉ်အနေနဲ့ မွန်ပြည် နယ်တိုင်းရင်းသားပါတီတွေက အနိုင်ရကိုယ်စားလှယ်တွေနဲ့လည်း ဆက်လက်တွေ့ဆုံဖို့ရှိတယ်လို့ ဆိုပါ တယ်။
02-Jan-2021
လူ့လောကဆိုတာ တကယ်တော့ နှစ်သက်အားကျမှုနဲ့ ယှဉ်ပြိုင်မှုတွေက မောင်းနှင်နေတဲ့ နယ်ပယ်လို့ပြောမယ်ဆိုရင် မှားနိုင်ဖွယ်မရှိပါဘူး။ ငယ်စဉ်အခါ စာသင်ကျောင်းအသီးသီးမှာ တစ်ဦးနဲ့တစ်ဦး အဆင့်ကောင်းကောင်းရဖို့၊ အမှတ် ကောင်းကောင်းရဖို့ အပြိုင်အဆိုင်ယှဉ်ပြိုင်ခဲ့ရာကအစ စီးပွားရေးနယ်ပယ်၊ နည်းပညာနယ်ပယ် စတဲ့နယ်ပယ်အသီးသီးတွေအထိ တစ်ဦးနဲ့တစ်ဦး၊ တစ်ဖွဲ့နဲ့ တစ်ဖွဲ့ သူ့ထက်ငါရှေ့ရောက်အောင် ယှဉ်ပြိုင်နေကြရတာပဲမဟုတ်ပါလား။
02-Jan-2021
ဘာသာရေးပွဲတော်များဖြစ်၍ လာရောက်သူ အယုတ်အလတ် အမြတ်မရွေး မေတ္တာတော်ရှေ့ထား၍ လက်ခံရသော အစဉ်အလာကို အခွင့်ကောင်းယူ၍ ဘဦး တို့ တစ်စခန်းထနေခြင်းဖြစ်သည်။ ဘာသာရေးလိုက် စားသူ အဒမ်ဘဦးဟု ခုမှမြင်ရတွေ့ရသူအပေါင်းအဖို့ အထူးအဆန်းသဖွယ် ဖြစ်ကောင်းဖြစ်နေမည်ဖြစ် သည်။ ဒါပေမဲ့ ဘဦးအတွက် တကယ်တော့ အထူးအဆန်း မဟုတ် ငယ်ပေါင်းဟုပင်ဆိုရမည်။ ငယ်စဉ်ကပင် ဘာသာရေးလိုက်စားခဲ့သူတစ်ဦးဖြစ်သည်။
31-Dec-2020
မည်သို့ပင်ဆိုစေကာမူ ကျွနု်ပ်တို့အားလုံးသည် ၂၀၂၁ ခုနှစ် ဇန်နဝါရီလ ၁ ရက်နေ့မှစ၍ လူသစ်၊ စိတ်သစ်၊ အတွေးသစ်၊ ခွန်အားသစ်များ ကြိုးပမ်းသွားမည်ဆိုသော စိတ်ကူအိပ်မက်များ၊ နှစ်သစ်သန္နိဋ္ဌာန် (New Year's Resolutions) ချမှတ်သွားသင့်ပါသည်။ ထိုသန္နိဋ္ဌာန်များကို ဖြစ်နိုင်ပါက မှတ်စုစာအုပ်တွင် ချရေးထားသင့်ပေသည်။ နှစ်သစ်တွင်ဆောင်ရွက်သွားမည်ဟု ရည်မှန်ထားသည့် စိတ်ကူးအိပ်မက်များကို နှစ်သစ်သန္နိဋ္ဌာန်ဟု ခေါ်ဆိုနိုင်ပါသည်။ နိုင်ငံကြီးသားများသည် နှစ်စဉ်ခရစ်သက္ကရာဇ်ကုန်ဆုံးတိုင်း နှစ်သစ်သန္နိဋ္ဌာန်ချမှတ်လေ့ရှိသည်။ ထိုနည်းတူစွာ စာရေးသူတို့ မြန်မာနိုင်ငံသားများသည်လည်း နှစ်သစ်အတွက် ကျန်းမာရေး၊ ဘာသာရေး၊ စီးပွားရေး၊ ပညာရေး၊ လူမှုရေးစသည့် နယ်ပယ်များတွင်အောင်မြင်စွာ ကြိုးပမ်းသွားမည်ဆိုသော ခိုင်မာသည့် ရည်မှန်းချက်များချမှတ်ထားပြီး ဆောင်ရွက်သွားသင့်ပါသည်။
31-Dec-2020
တရုတ်နဲ့ မနီးရိုးစွဲဖြစ်မယ့်နိုင်ငံက အိန္ဒိယဖြစ်ပြီး ၂၀၂၁ ခုနှစ်မှာ GDP ဟာ ၇.၉ ရာခိုင်နှုန်းအထိရောက်လာမယ်လို့ OECD က ခန့်မှန်း ပါတယ်။ မြန်မာနိုင်ငံရဲ့ GDP ကိုလည်း ၆ ရာခိုင်နှုန်း ပြန်တက်လာမယ်လို့ အဖွဲ့အစည်းအများစုက ခန့်မှန်းထားကြပါတယ်။ ခြုံပြောရရင်တော့ ကမ္ဘာ့နိုင်ငံအားလုံးရဲ့ စီးပွားရေးဟာ ၂၀၂၁ ခုနှစ်မှာ အတက်ဘက်ကို ပြန်ရောက်လာမှာဖြစ်ပါတယ်။
31-Dec-2020
အမှန်တော့ စည်းကမ်းတွေ၊ ကျင့်ဝတ်တွေ၊ နည်းလမ်းဥပဒေတွေ ဆိုသည်မှာ ပြဋ္ဌာန်းထား၊ ထုတ်ပြန်ထားရုံနဲ့မပြီးသေးဘဲ ထိုစည်းကမ်းတွေ၊ ကျင့်ဝတ်တွေ၊ နည်းလမ်းဥပဒေတွေကို လိုက်နာစောင့်ထိန်းမည့်သူများ ရှိရန်လည်း လိုအပ်ပါသည်။ သို့မဟုတ်ပါမူ စည်းကမ်းဆိုသည်မှာ စာရွက် အကုန်ခံပြီးရေးထားသည့် စာသားတစ်ခုကလွဲပြီး မည်သည့်တန်ဖိုး၊ မည်သည့်အနှစ်သာရမှ ရှိမည်မဟုတ်ပေ။
31-Dec-2020
မြန်မာနိုင်ငံ လွတ်လပ်ရေးရပြီးနောက် ၁၉၄၇ ခုနှစ် အခြေခံဥပဒေ နှင့်အညီ ပါလီမန်ဒီမိုကရေစီစနစ်ဖြင့် အုပ်ချုပ်ခဲ့ကြသည်။ ဒီမိုကရေစီ ဆိုသည့်အတိုင်း နိုင်ငံရေးပါတီတွေဖွဲ့ကြသည်။ နိုင်ငံကိုအုပ်ချုပ်နိုင်ရေး အတွက် နိုင်ငံရေးအာဏာကိုရယူရန် အပြိုင်အဆိုင်ကြိုးစားကြသည်။ မြန်မာ နိုင်ငံလွတ်လပ်ရေးတိုက်ပွဲဆင်နွှဲစဉ်က အဆင်းရဲခံ၊ အငတ်အပြတ်ခံ၊ ထောင်အကျခံ၍ အတူတကွတိုက်ပွဲဝင်ခဲ့ကြသော သေဖော်သေဖက် လုပ်ဖော်ကိုင်ဖက်တို့သည် ပုဂ္ဂိုလ်ရေးနှင့် နိုင်ငံရေးသဘောတရားအယူ အဆကွဲကြရာမှ လမ်းခွဲကြကာ ပါတီအသီးသီးထောင်ကြသည်။
29-Dec-2020
ကျုံး၏အရှေ့ဘက်ခြမ်းသည် အခြားဘက်ခြမ်းမျက်နှာစာများနှင့် မတူ။ ပြန်လည်ပြုပြင်ထားသည်ကလည်းတစ်ကြောင်း၊ အပင်မျိုးစိတ်အသစ် များ ထပ်မံဖြည့်စွက်ထားသည်ကလည်းတစ်ကြောင်း၊ အနုပညာကျောင်း၊ ပြဇာတ်ရုံတို့၏ အရှိန်အဝါကြောင့် ကဗျာဆန်လှပေသည်ဟု ရင်ထဲတွင် တေးထားမိသည်။ ထို့ကြောင့် မနက်ဘက် ကျုံးရှေ့ခြမ်းသို့ရောက်လျှင် ကဗျာတစ်ပုဒ်လောက်ဖြင့် ဉာဏ်ရွှင်မှာတော့ အသေအချာပင်။