News

POST TYPE

OPINION

အောင်ဆန်းလိုဗိုလ်ချုပ်များ မွေးထုတ်ပေးပါ
17-Jul-2019

အောင်ဆန်းလိုဗိုလ်ချုပ်များ မွေးထုတ်ပေးပါ

“ဗိုလ်ချုပ်”ဟု ရည်ညွှန်းလိုက်သည်နှင့် အမိမြန်မာနိုင်ငံသား တို့၏နှလုံးသား၊ အသိစိတ်အတွင်းတွင် အစဉ်ထာဝရ ရုပ်လုံးပေါ်လာတတ်သောပုဂ္ဂိုလ်မှာ လွတ်လပ်ရေးဗိသုကာဗိုလ်ချုပ်အောင်ဆန်း သာဖြစ်ပါ၏။ ဤ သည်မှာ ခေတ်အဆက်ဆက်မှ မျိုးဆက်အဆက်ဆက် သော အမိမြန်မာ နိုင်ငံသားတိုင်း၏ နှလုံးသား အသိစိတ်တွင် အစဉ်ထာဝရ စွဲမြဲတည်တံ့နေသည့် ကမ္ပည်းမော်ကွန်းတစ်ခုဟု ဆိုရပေလိမ့်မည်လည်း ဖြစ်ပါသည်။ ဗိုလ်ချုပ်အောင်ဆန်းသည် နိုင်ငံနှင့်လူမျိုးအပေါ် အဖြူစင်ဆုံး ပေးဆပ် ခြင်းဖြင့် ရိုးသားမွန်မြတ်ခဲ့သူဖြစ်ပါ၏။ နယ်ချဲ့လက်ပါးစေတို့ လက်မှ တစ်နိုင်ငံလုံး လွတ်လပ်ရေးရရန်အတွက် ဘဝ၊ အသက်ကို စတေး၍ ကြိုးစား ပုံဖော်ထုဆစ်ပေးခဲ့ပေ၏။ လက်ရုံးရည်နှင့် နှလုံးရည်ပါ အထူး ကောင်းမွန်ခဲ့ သောဗိုလ်ချုပ်အောင်ဆန်းသည် ပြည်သူလူထုတစ်ရပ်လုံး အပေါ်တွင်လည်း အသန့်စင်ဆုံးမေတ္တာထားရှိနိုင်ခဲ့ပါပေသည်။ နိုင်ငံနှင့် လူမျိုးအတွက် အားမလို အားမရဖြစ်ခြင်းများစွာကြောင့် စကားပြော ကြမ်းပါသော်လည်း သူ၏ အသန့်စင်ဆုံးမေတ္တာတရား၏ တန်ပြန် သက်ရောက်မှုအဖြစ် ပြည်သူလူထုတစ်ရပ်လုံး၏ ရိုသေလေးစားချစ်ခင် ယုံကြည်မှုကိုလည်း အထူးရရှိခဲ့ပေသည်။

ထို့ကြောင့်လည်း သူ့အား နိုင်ငံ၏ခေါင်းဆောင်အဖြစ် ပြည်သူလူထု တစ်ရပ်လုံးက စိတ်ရင်းစေတနာအမှန်ဖြင့် သိရှိနားလည်သတ်မှတ်ထား ကြခြင်းလည်း ဖြစ်ပါလိမ့်မည်။ စင်စစ် ဗိုလ်ချုပ်အောင်ဆန်းသည် နိုင်ငံနှင့် လူမျိုးအတွက် အကြွင်းမဲ့သူရဲကောင်းတစ်ဦးဖြစ်ခဲ့သလို၊ လောကအတွက် သူတော်ကောင်းတစ်ဦးအဖြစ်လည်း သန့်စင်မွန်မြတ်မှုဖြင့် ရှင်သန်ရပ်တည် နိုင်ခဲ့သော ပုဂ္ဂိုလ်တစ်ဦးသာဖြစ်ပေသည်။ သူ့အား ပြည်သူလူထုတစ်ရပ် လုံးက ရိုသေလေးစား ချစ်ခင်ယုံကြည်ကြပေ၏။ ဤသည်မှာ ဗိုလ်ချုပ် အောင်ဆန်းအပေါ်တွင်ထားရှိသော ပြည်သူလူထုတစ်ရပ်၏စစ်မှန်သော မေတ္တာဟုသာ ဆိုရပေလိမ့်မည်ဖြစ်ပါသည်။ ဆိုရလျှင် ဗိုလ်ချုပ်အောင်ဆန်းသည် ပြည်သူလူထုတစ်ရပ်လုံး၏ စစ်မှန်သောမေတ္တာကိုအထူးရရှိ ပိုင်ဆိုင်ခဲ့သောသူသာဖြစ်ပါသည်။ အမှန်တော့ ဤသည်မှာလည်း ဗိုလ်ချုပ်အောင်ဆန်းကိုယ်တိုင်ကိုက ပြည်သူလူထုတစ်ရပ်လုံးအပေါ် အဖြူစင်ဆုံး မေတ္တာထားရှိနိုင်ခြင်းဖြင့် နိုင်ငံတော်အပေါ် အရိုးသားအထက်မြက်ဆုံး သစ္စာစောင့်သိခဲ့ခြင်းကြောင့်လည်း ဖြစ်ပါသည်။ ဖြူစင်စစ်မှန်သော မေတ္တာတရား၏ တန်ပြန်သက်ရောက်မှုဟုသာ ဆိုရပေလိမ့်မည်ဖြစ်ပါသည်။ စင်စစ် နိုင်ငံတော်နှင့်လူထုအပေါ်တွင် ထားရှိရှင်သန်ခဲ့သော ဗိုလ်ချုပ်အောင်ဆန်း၏ မွန်မြတ်သန့်စင်သော မေတ္တာတရားအကြောင်းဖော်ကျူး ပြနေလျှင်လည်း စာဖွဲ့၍ပင် ကုန်နိုင်လိမ့်မည်မဟုတ်ပါပေ။ မည်သို့ပင် ဆိုစေ အလျဉ်းသင့်သဖြင့် ဤနေရာတွင် ဗိုလ်ချုပ်အောင်ဆန်း၏ဘဝရှင် သန်မှုများအတွင်းမှ သာဓကလေးတစ်ခုကိုတော့ အနည်းငယ်တင်ပြလို ပါပေသည်။ 

“ဟေ့ တာရာ၊ အပြင်က စကားပြောနေတဲ့အကောင်တွေအကုန် လုံး ငါ့ဆီ အမြန်ဆုံးခေါ်ခဲ့စမ်း၊ မြန်မြန်ကွ”။ တောက်ခေါက်ခါ ကျွန်တော့် ကိုလှမ်း၍ အမိန့်ပေးလိုက်ပါ၏။ ပါးစပ်သရမ်းနေကြသော ဘသားချောများက သူတို့ခေါင်းမီးတောက်တော့မည့်အခြေအနေကို ခုထိမရိပ်မိဘဲ ပုံမကျပန်းမကျ စစ်ဝတ်စုံများကိုသာကြည့်ရင်း တဝါးဝါး တဟားဟားရယ် မောနေကြတုန်းပင်။ ကျွန်တော်လည်း တချိုးတည်းသွားရောက်ခါ ဘသား ချောအားလုံးကို ဗိုလ်ချုပ်အမိန့်အရ သူ့ရုံးခန်းထဲသို့ ခေါ်ခဲ့ပေ၏။ အထဲရောက်သောအခါ ကျွန်တော်က စစ်ထုံးစံအတိုင်း အားလုံးကိုခေါ်လာပြီး ဖြစ်ပါကြောင်း သတင်းပို့၍ အလေးပြုလို့မှမဆုံးသေး “မင်းတို့ ဘာကောင် တွေတုန်းကွ၊ ဟေ့ မေးနေတာမကြားဘူးလား” စူးစူးဝါးဝါးမေးလိုက်သည့် ဗိုလ်ချုပ်၏အသံသည့် စစ်ဌာနတစ်ခုလုံးကို လွှမ်းမိုးသွားပါတော့သည်။ သူတို့သည် ကြောင်၍နေကြပြီး မှင်သက်နေသူများပမာ တစ်စုံတစ်ရာကို အဖြေမပေးဝံ့ကြချေ။ သတိအနေအထားဖြင့် ငြိမ်သက်စွာရပ်နေကြပါ သည်။ “ပြောကြစမ်း မင်းတို့ဘာကောင်တွေတုန်း။ ငါမေးနေတာ မင်းတို့ မကြားဘူးလား၊ ခုနတင် မင်းတို့ ရယ်လားမောလားနဲ့ ပြောနေကြတာတွေလေ”။ ဒုတိယအကြိမ် ဗိုလ်ချုပ် စူးစူးဝါးဝါး အော်မေးလိုက်ပြန်ပါသည်။ အမေးခံရသူအားလုံး မျက်နှာသေကလေးများဖြင့် ဣနြေ္ဒပျက်၍ တုန်နေကြပေပြီ။ “ကျွန်တော်တို့ စစ်ဝတ်စုံတွေညံ့တာကို ဝေဖန်မိပါတယ်ဗိုလ်ချုပ်” ဗိုလ်ကြီးအဆင့်ရှိသူတစ်ယောက်က အရဲကိုး၍ ဖြေကြားသတင်းပို့လိုက်ပါသည်။ “ဘာကွ စစ်ဝတ်စုံတွေညံ့တယ်။ ကြမ်းတယ်။ လက်တောင်မသုတ်ချင်ဘူး ဟုတ်လား၊ ငါ အကုန်ကြားတယ် မင်းတို့ပြောနေတာတွေ”။ ကျယ်လောင်စွာပြောလိုက်ပြီး ဗိုလ်ချုပ်သည် ကုလားထိုင်မှ ဗြုန်းခနဲထရပ်လိုက်ပြီး တန်းစီထားသူများအရှေ့သို့ သုတ်ခနဲတက်လာ၍ “မင်းတို့ ငါအုပ်ချုပ်နေ တဲ့တပ်ထဲက အခုထွက်၊ ခုထွက်ကြ။ အလကားကောင်တွေ၊ မင်းတို့ကို ငါ နည်းနည်းမှအထင်မကြီးတော့ဘူး။ အလကားနွားတွေ”

“ငါတို့ ယိုးဒယားကနေ ဒီအထိ ရန်သူကို ရင်ဆိုင်တိုက်ခိုက်လာတာ။ ဘာတွေဝတ်ပြီး တိုက်ခဲ့ကြလဲ ပြောကြစမ်း” စိတ်လိုက်မာန်ပါဖြင့် လက်သီးလက်မောင်းတန်းခါ မေးပြန်သည်။ “မင်းတို့က အခုမှ ယူနီဖောင်း လေး၊ စစ်ဝတ်စုံလေး ဘာလေးနဲ့ ရေးကြီးခွင်ကျယ်လုပ်လို့၊ ဟေ့ တိုင်းပြည်နဲ့ လူထုအတွက်ဆိုရင် စစ်ဝတ်စုံမရှိလို့ ခါးတောင်းကျိုက်ပြီး တိုက်ရရော ဘာဖြစ်လဲ။ တိုင်းပြည်နဲ့လွတ်လပ်ရေးအတွက် ကိုယ်လုံးတီးချွတ်ပြီးတိုက် ရရော ရီးဖြစ်လား။ ပြောစမ်း စစ်တိုက်နိုင်ဖို့သာ အဓိကကွ။ အခုတော့ မင်းတို့က ကြီးကြီးကျယ်ကျယ်စကားတွေပြောလို့”ဗိုလ်ချုပ်က တန်းစီရပ်နေသူ များ၏မျက်နှာအား တစ်ယောက်ချ င်းစီစေ့စေ့ကြည့်၍ အော်ငေါက်နေ၏။ “ခုတော့ မင်းတို့ပြောနေတဲ့စကားတွေက ကျဆုံးခဲ့တဲ့ရဲဘော်တွေကို သစ္စာဖောက်နေသလိုပဲ။ အလကား သစ္စာဖောက်ကောင်တွေ။ မင်းတို့ကို ငါ့တပ် ထဲမှာ မထားဘူး၊ ထုတ်ကို ထုတ်ပစ်ရမယ်။ အချောင်သမားတွေ”။ အကြိမ်း ခံရသူများ မျက်ရည်ကျသူကကျ ၊ ဒူးချင်းရိုက်သူကရိုက်နှင့် အတော်ပင် စိတ်ထိခိုက်နေကြပေပြီ။ ဗိုလ်ချုပ် ခေါက်တုံ့ခေါက်ပြန်လျှောက်ရင်း “ဘာလဲကွ မင်းတို့က ဂျပန်တွေကားစီးပြီး အဝတ်ကောင်း ဝတ်တာကိုအားကျတာလား၊ ဟေ့ မင်းတို့မှတ်ထား။ ငါတို့တပ်မတော်သားတွေဆိုတာ ပြည်သူ လူထုရဲ့သားသမီးတွေကွ၊ ခုကြည့်စမ်း ပြည်သူတွေရဲ့ဘဝကို။ စစ်ဘေးစစ် ဒဏ်ကတစ်ဖက်၊ ဖက်ဆစ်ငပုတွေရဲ့ အနိုင်ကျင့်အစော်ကားခံရတာက တစ်ဖက်။ ဒါကို မင်းတို့ကောင်တွေက ဇိမ်ခံနေချင်ကြတယ်။ အဝတ်ကောင်းဝတ်ချင်တယ်။ ကားအသစ်တွေ စီးချင်တယ်။ ဒုက္ခရောက်နေတဲ့ပြည်သူ တွေရဲ့မျက်နှာမှမထောက် မင်းတို့က အခွင့်အရေးယူချင်နေကြတယ်။ မှတ်ထား အဲလိုအမြင်မျိုး၊ အတွေးမျိုးရှိနေသမျှ ငါမျှော်မှန်းထားတဲ့ ပြည်သူ့ တပ်မတော်နဲ့တော့ ဝေးပါသေးတယ်ကွာ။ သိပ်ရှက်စရာကောင်းတယ်။ မင်းတို့ပြည်သူတွေအတွက် စစ်တိုက်နေကြတာ အလကားပဲ။ လုံးဝ အဓိပ္ပာယ်မရှိဘူး။ ငါအုပ်ချုပ်တဲ့တပ်မတော်မှာ မင်းတို့က ပြည်သူလူထု နဲ့တစ်သားတည်းဖြစ်နေရမယ်။ အခုဟာက (တောက်) ငါလုပ်ထည့်လိုက်ရ။ အလကားကောင်တွေ။ မင်းတို့ကိုတပ်ထဲက ထုတ်ကိုထုတ်ရမယ်”

“မှားသွားပါတယ် ဗိုလ်ချုပ်၊ နားလည်ပါပြီ ဗိုလ်ချုပ်။ ကျွန်တော်တို့ နောင်တရပါပြီ ဗိုလ်ချုပ်”။ “ငါ ဘယ်လိုဝတ်ထားလဲ ကြည့်စမ်း။ မင်းတို့နဲ့ ဘာခြားလဲ။ မင်းတို့ ကြီးကြီးကျယ်ကျယ်လုပ်လို့ကွာ။ မှတ်ထား ငါ့တပ်ထဲမှာ အခွင့်အရေးယူချင်တဲ့ကောင် တစ်ကောင်မှရှိမနေရဘူး။ လူထုငတ်ရင် အားလုံးငတ်မယ်။ လူထုဆင်းရဲရင် အားလုံးဆင်းရဲမယ်။ ငါလည်း ဆင်းရဲရမယ်။ ခုတော့ မင်းတို့ကောင်တွေကွာ။ ငါ လိုက်ကန်ထည့်လိုက်ရရင်။ သွားကြစမ်း မြန်မြန်ထွက်သွားစမ်း။ အကောင်စုတ်တွေ ကြာကြာနေရင် ငါဆော်မိလိမ့်မယ်”။ ( ဗိုလ်တာရာ - ရဲဘော်သုံးကျိပ်။ အမှတ်တရဗိုလ်ချုပ် အောင်ဆန်းစာအုပ်မှ)။ အထက်ပါအကြောင်းအရာလေးအား အကြိမ် ကြိမ်အခါခါဖတ်မိတိုင်း ဗိုလ်ချုပ်အောင်ဆန်းအား ကြက်သီးမွေးညင်းထ လောက်အောင်ပင် ရိုသေလေးစားမိပါပေသည်။ အမှန်ပင် သူသည် နိုင်ငံနှင့် လူထုအတွက် အစင်ကြယ်ဆုံးသစ္စာစောင့်သိခဲ့ပါပေ၏။ သူ့စိတ်ဓာတ်နှင့် လုပ်ရပ်သည် မွန်မြတ်စင်ကြယ်လွန်းပါပေ၏။ ထို့ကြောင့်လည်း သူ့အား ပြည်သူလူထုတစ်ရပ်လုံးက သူတော်ကောင်းကြီးအဖြစ် သတ်မှတ်နေကြ ခြင်းလည်း ဖြစ်ပါလိမ့်မည်။ ယနေ့အချိန်အထိလည်း သူ့အား ပြည်သူလူထု တစ်ရပ်လုံးက အလိုရှိနေကြခြင်းလည်း ဖြစ်ပါ၏။ 

ဖြစ်နိုင်လျှင် သူ၏ဆဲသံဆိုသံလေးများကိုသာ ပြည်သူလူထုတစ်ရပ် လုံးက ပြန်လည်ကြားယောင်လိုမည်ဟုလည်း ထင်ပါသည်။ ယခု ၂၀၁၉ ခုနှစ် ဇူလိုင်လ ၁၉ ရက်နေ့ဆိုလျှင် သူကျဆုံးကွယ်လွန်သွားခဲ့ရသည်မှာ (၇၂) ပြည့်မြောက်ခဲ့ပြီလည်း ဖြစ်ပါသည်။ မသမာသူ သေနတ်သမား တစ်စု၏လုပ်ကြံမှုအတွင်းတွင် “ဟေ့ ဟေ့ မှားမယ်” ဟုသာသတိပေး၍ သွားနိုင်ခဲ့ရှာသောသူသည် ကျည်ဆန် ၁၃ ချက်သင့်၍ ရေတိမ်နစ်ခဲ့ရရှာ သည်။ သို့သော် ယနေ့အချိန်အထိ သူ့အားပြည်သူလူထုတစ်ရပ်လုံးက မမေ့နိုင်ကြသေးဘဲ လွမ်းဆွတ်တမ်းတ သတိရနေကြဆဲဖြစ်ပါသည်။ စင်စစ် သူသည် ရှင်သန်နေစဉ်တွင် နိုင်ငံနှင့်လူထုအတွက် အကြွင်းမဲ့သူရဲ ကောင်းတစ်ဦးဖြစ်ခဲ့သည်နှင့်အညီ ကျဆုံးကွယ်လွန်သွားသော်လည်း အာဇာနည်အဖြစ် ပြည်သူလူထုတစ်ရပ်လုံး၏နှလုံးသား၊ အသိစိတ်အတွင်း ဝယ် စွဲထင်စိုက်ဝင်နေခြင်းလည်း ဖြစ်ပါလိမ့်မည်။ ကမ္ဘာတွင် မြန်မာတည် နေသရွေ့လည်း ထာဝရတည်တံ့နေမည့် ကမ္ပည်းမော်ကွန်းတစ်ခုလည်းဖြစ်ပါပေသည်။ 

မည်သို့ပင်ဆိုစေ ဗိုလ်ချုပ်အောင်ဆန်း ကျဆုံး ကွယ်လွန်သွားခဲ့ရ သည်နှင့်အတူ နိုင်ငံတော်၏အနာဂတ်ကာလရှည်ကြီးလည်း အမှောင်ဖုံး သွားခဲ့ရပါတော့သည်။ ဤသည်မှာ နှစ်ပေါင်းများစွာမှသည် ယနေ့အချိန် အထိသာဖြစ်ပါ၏။ သေချာသည်မှာတော့ ဗိုလ်ချုပ်အောင်ဆန်း၏နောက် ပိုင်းတွင် ဗိုလ်ချုပ်ပေါင်းများစွာ မြန်မာနိုင်ငံတွင် ထွက်ပေါ်ခဲ့ကြသည်သာ ဖြစ်ပါသည်။ သို့သော် အောင်ဆန်းကဲ့သို့သော ဗိုလ်ချုပ်မျိုးကတော့ ယနေ့အချိန်အထိ အမိနိုင်ငံနှင့်လူထုအတွက် ရှားပါးနေဆဲပင်ဖြစ်သည်ဟု ဆိုရပါမည်။ ဖြစ်နိုင်လျှင်တော့ အမိမြန်မာနိုင်ငံနှင့်လူထုအတွက် အောင်ဆန်းကဲ့သို့ သော ဗိုလ်ချုပ်များ အထူးအရေးတကြီး အလိုရှိနေသည်ဖြစ်ပါကြောင်း မေတ္တာရပ်ခံ ဆန္ဒပြုတင်ပြရင်းဖြင့် ရေးခဲ့ဖူးသောကဗျာလေးတစ်ပုဒ်ဖြင့်သာ ဤစာမူလေးအား အဆုံးသတ်လိုက်ရပါပေတော့သည်။ ။

“ဗိုလ်ချုပ်များ”

အောင်ဆန်းဆိုတဲ့ ဗိုလ်ချုပ်က

ပဲပြုတ်နဲ့နံပြားကို တောင့်တပြီး

ကိုယ်ကျိုးစီးပွားထည့်မတွက်

မေတ္တာချည်းသက်သက်နဲ့

နိုင်ငံနဲ့လူထုအတွက်

ပေးဆပ်သွားလေရဲ့ ...။

နောက်ဗိုလ်ချုပ်တွေက

(စစ်အာဏာရှင်တွေက)

တိုက် ခြံ အိမ် အကောင်းစား

ပဲပြုတ်နဲ့ နံပြားကို မစား

မြေပေါ် မြေအောက်

သယံဇာတတွေကိုသာ စား

အကြောင်းသင့်တဲ့အခါတိုင်း

ဟာသဒိုင်ယာလော့ခ်တွေ ရွတ်ဖတ်ရင်းနဲ့

နိုင်ငံနဲ့လူထုအပေါ်

နှစ်ပေါင်းများစွာ ကုပ်သွေးစုပ်ခဲ့လေရဲ့ ... ။ ။

ခက်ဆစ်လင်း (ပြည်)