News

POST TYPE

OPINION

ပြောင်းလဲချိန်မတန်သေးတဲ့ နေပူတောင်လား
18-Jun-2019



၂၀၁၈ ခုနှစ်၊ စက်တင်ဘာ ၁၉ ရက်နေ့က နေပူတောင်စီမံကိန်းကို အပြီးသတ်ပိတ်သိမ်းတော့မည်ဖြစ်ကြောင်း သတင်းတစ်ခုကို ဖတ်ခဲ့ရသည်။ လက်ရှိလုပ်ကိုင်နေသော ဗီယက်နမ်ကုမ္ပဏီသည် စီမံကိန်းကိုရပ်တန့်ခွင့်တင်ထားကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးပြည်ထောင်စုဝန်ကြီးက ဆိုထားသည်။ ထို့အပြင် နေပူ တောင်စီမံကိန်းကို တရားဝင်ပိတ်သိမ်းပြီးပါက သဘာဝအခြေခံခရီးသွား လာမှုဒေသဖြစ်လာရေးအတွက် ဟိုတယ်နှင့်ခရီးသွားလာရေးဝန်ကြီးဌာနနှင့် ပူးပေါင်းဆောင်ရွက်သွားမည်ဖြစ်ကြောင်းဆိုသည်။ စင်စစ်တွင် ရခိုင်ရိုးမတောင်တန်းပေါ်မှ နေပူတောင်ကို မန်နေဂျင်းဒါရိုက်တာ Mr Nguyen Cong Kien ပိုင်ဆိုင်သော ဗီယက်နမ်ကုမ္ပဏီ (Myanmar Simco Song Da Joint Stock Co., Ltd.) က (၁၆.၃.၂၀၁၂ မှ ၁၅.၃.၂၀၃၂ ခု နှစ် အထိ) နှစ်ပေါင်း ၂၀ ကျောက်ထုတ်လုပ်ကိုင်ခွင့် ရရှိထာခြင်းဖြစ်သည်။ ထိုသို့နှစ်ရှည်လုပ်ကိုင်ခွင့်ရရှိထားသော နေပူတောင်ကျောက်ပြားစီမံကိန်းကိုရပ်တန့်ကာ သဘာဝအခြေခံခရီးသွားလုပ်ငန်း (Eco-Tourism) အဖြစ် ပြောင်းလဲနိုင်မည်ဆိုပါက သဘာဝပတ်ဝန်းကျင်အတွက် သာမက ဒေသခံလူထုနှင့် နိုင်ငံတော်အတွက်ပါ အကျိုးအမြတ်ဖြစ်ထွန်းလာနိုင်မည့်အခြေအနေဟု ဆိုနိုင်သည်။ သို့သော် အဆိုပါသတင်းစကားသည် လက်ရှိတိုင်အောင် တိမ်မြုပ်ပျောက်ကွယ်နေဆဲဖြစ်သဖြင့် ပြောင်းလဲချိန်မတန်သေးသော နေပူတောင်လားဟု မေးရမလို ဖြစ်နေပါသေးသည်။ 

(တစ်) 

နေပူတောင်သည် ရခိုင်ရိုးမပေါ်တွင် တည်ရှိနေသော ဆင်စွယ်ရောင် စကျင်ကျောက်ဆောင်ကြောကြီးဖြစ်သည်။ ရခိုင်ရိုးမကိုကွေ့ပတ်ဖောက်လုပ်ထားသော တောင်ကုတ်တောင်ကြားလမ်း မိုင်တိုင်အမှတ် (၂၉.၃) ဖာလုံတွင်ရှိသည်။ ရခိုင်ရိုးမ၏ အမြင့်ဆုံးအပိုင်းဟုဆိုနိုင်သော နေပူတောင်ဝန်းကျင်သည် အလွန်သာယာလှပပြီး ရာသီမရွေး မြူခြေဆိုင်းနေတတ်သောနေရာလည်း ဖြစ်သည်။ မြင့်မားလွန်းသော တောင်ကြောအောက်ခြေတစ်နေရာတွင် ကွေးကွေးကလေးစီးဆင်နေသော ရေကောက်ချောင်းကို လှမ်းမြင်နိုင်သည်။ နေပူတောင်နှင့် ကျောက်ပြားစက်ရုံတည်ရှိရာနေရာသို့ ဟိုက်ဝေးလမ်းမှတစ်ဆင့် တောလမ်းအတိုင်း သုံးမိုင်ခန့်သွားရသည်။ စီမံကိန်းတည်နေရာသည် အရှေ့လောင်ကျီကျု (၉၉ံ ၊ ၃၂ ၊ ၃ဒဒ) နဲ့ မြောက် လတ္တီကျု (၁၈ံ၊ ၄၂ဒဒ)ကြားတွင်တည်ရှိနေကြောင်း မှတ်တမ်းများက ဆိုသည်။ 

နေပူတောင်စီမံကိန်းနယ်မြေသို့ သွားရာလမ်းတစ်လျှောက်နှင့် ကျောက်ပြားစီမံကိန်းစက်ရုံ တည်ရှိရာနေရာတို့တွင် ထူထပ်သော သဘာဝသစ်တောများ၊ ဝါးတောများ၊ လျှိုမြောင်စိမ့်စမ်းများနှင့် ဇီဝငှက်မျိုးစိတ်များကို တွေ့ရှိနိုင်သည်။ တောတောင်လျှိုမြောင်များကြားထဲတွင် အစဉ်အမြဲ မြူခြေဆိုင်းနေတတ်သဖြင့် စိမ့်အေးသောရာသီဥတုမျိုးကိုလည်း ရရှိခံစားနိုင်၏။ ရခိုင်ရိုးမထဲမှ သစ်ပင်သစ်တောအများစုသည် ရွှေ့ပြောင်းတောင်ယာ လုပ်ငန်းများနှင့် သစ်ထုတ်လုပ်ငန်းများကြောင့် တောင်ကတုံးအသွင် ဆောင်နေခဲ့ပြီးဖြစ်သော်လည်း နေပူတောင်စီမံကိန်းနယ်မြေထဲတွင်တော့ ပကတိသဘာဝတရားကို တွေ့မြင်နိုင်သေးသည်။ အထူးခြားဆုံးမှာ ထိုနေရာတွင် “နေပူတောင်” ဟုခေါ်သော ဆင်စွယ်ရောင်မာဘယ်ကျောက်တောင်တန်းများ ရှိနေခြင်းပင်ဖြစ်သည်။ 

(နှစ်)

နေပူတောင်သည် အသွင်ပြောင်းကျောက်တောင်အမျိုးအစားတစ်ခု ဖြစ်သည်။ သို့ရာတွင် အနည်ကျ တောင်တန်းကြီးတစ်ခုဖြစ်သော ရခိုင်ရိုးမပေါ်တွင် အသွင်ပြောင်းကျောက်များဖြင့် ဖွဲ့စည်းထားသော နေပူတောင် တည်ရှိနေခြင်းကို ပညာရှင်များက ဝေခွဲရခက်ခဲ့ကြကြောင်း ဆိုသည်။ ဖြစ်တည်ခြင်းအစပိုင်းတွင် တခြားနေရာမှ မျောပါတင်ကျန်နေရစ်နေခြင်း ဖြစ်နိုင်ကြောင်း ခန့်မှန်းခဲ့ကြသည်ကိုလည်း မှတ်တမ်းများတွင် တွေ့ရ၏။နေပူတောင်ကျောက်သည် ထုံးကျောက်အမျိုးအစားထဲတွင် ပါဝင်ကြောင်း ဆိုသည်။ ကျောက်သား၏အတွင်းပိုင်းတွင် ယှလေကျောက် (Copper Cretaceous)၊​ သဲကျောက် (Agillaceous)၊​ ကယ်လ်စီယမ်ကာဗွန်နိတ်၊ အလူမီနီယံအောက်ဆိုဒ်၊ ဆာလဖာဒိုင်အောက်ဆိုဒ်နဲ့ ဆိုဒီယံမိုနောက်ဆိုဒ် စသော ဒြပ်ပေါင်းများရှိနေကြောင်းလည်း လေ့လာသူများ၏ မှတ်တမ်းများမှဆိုသည်။ မစ္စတာ သီအိုဘဲလ်ဒ် (Mr. Throbald) နှင့် အိန္ဒိယ ဘူမိဗေဒ တိုင်းတာရေးအဖွဲ့  (Volume of Geplogical Paper on Burmese) ၏ အစီရင်ခံစာထဲတွင် ရခိုင်ရိုးမတောင်ပေါ်မှ ကျောက်များသည် နှစ်သန်းပေါင်း (၁၈၀-၂၂၅ သန်း) ထိ သက်တမ်းရှိပြီး မအီ (တောင်ကုတ်) မှ ကျောက်များမှာ (၁၃၅) သန်း သက်တမ်းရှိနိုင်ကြောင်း ဖော်ပြသည်။ 

ကျောက်ပြားထုတ်လုပ်ခြင်းမပြုရသေးမီအချိန်က နေပူတောင်၏ မူလအတိုင်းအတာသည် မြေပေါ်မျက်မြင်ထုထည်သည် ကုဗပေ (၃၄၉,၂၃၇,၅၀၀) ရှိကြောင်း ဆိုသည်။ မြေပြင်အပေါ်သို့ ပေ ၃၀၀ ကျော် ခန့်မျှ ထိုးထွက်နေကြောင်းနှင့် အောက်ခြေသို့ ပေ ၃၅၀ ခန့်မျှနက်ရှိုင်းကြောင်း လေ့လာသူအချို့၏ မှတ်တမ်းများတွင် တွေ့ရှိရသည်။ အချို့လေ့လာသူများ၏ အဆိုအရ နေပူတောင်ကျောက်ဆောင်ကြောကြီးသည် သံတွဲနှင့် ဂွ မြို့နယ်ဘက်ထိ သွယ်တန်းနေကြောင်း ကြားဖူးသည်။ သို့သော် နေပူတောင်နှင့် ပတ်သက်၍ စိစစ်လေ့လာထားသောမှတ်တမ်းမှတ်ရာများ အလွန်အားနည်းလှသဖြင့် အတိအကျပြောနိုင်ရန်မှာ ခက်ခဲ၏။ လက်ရှိကျောက် ပြားထုတ်လုပ်လျက်ရှိသော နေပူတောင် ကျောက်ဆောင်ကြီး၏ အနီးအနားပတ်ဝန်းကျင်တွင်လည်း တခြားသော ကျောက်ဆောင်တောင်တန်းများ အသွယ်သွယ်ရှိနေသည်ကို တွေ့ရသည်။ 

မြန်မာ့ဆိုရှယ်လစ်လမ်းစဉ်ပါတီခေတ် (၁၉၇၃-၇၄ ခုနှစ်) က နေပူတောင်၏ လေးပုံတစ်ပုံကို (ဒေါ်လာ သန်း ၉၀၀၀) နှင့် ဝယ်ယူရန် ညှိနှိုင်းခဲ့ဖူးကြောင်း ဆိုသည်။ ဂျပန်တို့ဝယ်ယူမည့်အစီအစဉ် အထမမြောက်ခဲ့သော်လည်း မြန်မာအစိုးရက ၁၉၇၅-၇၆ ခုနှစ်မှစတင်ကာ အမှတ်(၁) စက်မှုဝန်ကြီးဌာန၊ ကြွေထည်မြေထည်လုပ်ငန်းကော်ပိုရေးရှင်းလုပ်ငန်း လက်အောက်ခံနေပူတောင်ဌာနခွဲ (၃) အဖြစ်သတ်မှတ်ကာ ကျောက်ပြား များစတင်ထုတ်လုပ်ခဲ့သည်။ သမ္မတဦးသိန်းစိန်အစိုးရလက်ထက်တွင် ဗီယက်နမ်ကုမ္ပဏီတစ်ခုဖြစ်သော Simco Song Da Joint Stock Company  က နေပူတောင်ကို အလှဆင်ကျောက်ပြားများထုတ်လုပ်ရန် ဝယ်ယူခဲ့သည်။ စာချုပ်သက်တမ်းအရ ၁၆.၃.၂၀၁၂ ခုနစ်မှ (၁၅.၃. ၂၀၃၂ ခုနှစ်အထိ) နှစ်ပေါင်း ၂၀ ကျောက်ပြားထုတ်လုပ်မည်ဖြစ်သည်။ 

(သုံး)

နေပူတောင်စကျင်ကျောက်ပြားစက်ရုံဝင်းထဲသို့ ရောက်ရှိသွားပါက လှီးဖြတ်ထုတ်ယူထားသော ဆင်စွယ်ရောင်၊ အပြာနုရောင်နှင့် အနီရင့် သွေကြောကလေးများပါသော လေးထောင့်ပုံ စကျင်ကျောက်တုံးကြီးများကို အစီစီ အရီရီ တွေ့ရှိရမည်ဖြစ်သည်။ အလေအလွင့်ဖြစ်သွားသော ကျောက်ပြားအပိုင်းအစများ၊ စံချိန်မမီသော သို့မဟုတ် ပျက်ယွင်းသွား သောကျောက်တုံးနှင့် ကျောက်ပြားများကို စက်ရုံစီမံကိန်းနယ်မြေထဲတွင် အများအပြားတွေ့ရှိနိုင်သည်။ ကျောက်ခွဲရုံထဲတွင် ခေတ်မီစက်ကိရိယာ ဟုမဆိုနိုင်သော ကျောက်ဖြတ်စက်အချို့နှင့် ကျောက်ခွဲလွှ အရွယ်အစားစုံတို့ ရှိနေသည်။ နေပူတောင် (စကျင်ကျောက်) တောင်စွယ်တောင်တန်းကြီးဆီမှ ကျောက်သားများကို ခွဲထုတ်ယူရန်အတွက် လူလုပ်အားနှင့် စက်လုပ်အားကို မျှသုံးရသောအနေအထားမျိုးကို တွေ့ရှိရသည်။ 

ထိုကျောက်ပြားစီမံကိန်းတွင် အလုပ်လုပ်ကြရသော ဒေသခံ အလုပ်သမားများသည် တစ်လလျှင် မြန်မာကျပ်ငွေ တစ်သိန်းခွဲ (၁၅၀,၀၀၀) ကျပ်နှုန်းသာရရှိကြောင်း စက်ရုံထမင်းချက်အမျိုးသမီးတစ်ဦးက ပြောပြခဲ့ဖူးသည်။ လစာကို တစ်သိန်းခွဲသတ်မှတ်ထားသော်လည်း အကြောင်းကိစ္စ တစ်ခုခုကြောင့် အလုပ်ပျက်ကွက်ခဲ့ပါက လစာကို ရက်ကြေးနှင့်တိုင်းတာကာ ဖြတ်တောက်ခံရလေ့ရှိကြောင်းလည်း သူကဆိုသည်။ နေပူတောင်စီမံကိန်းနှင့်ပတ်သက်၍ SIA, EIA, HIA ကိုက်ညီမှု ရှိ မရှိကို ဒေသခံများက မကြာခဏ မေးခွန်ထုတ်ခဲ့ကြသည်ကိုလည်း တွေ့ရှိရသည်။

(လေး) 

“နေပူတောင် (မာဘယ်လ်ကျောက်တောင်) ဟာ တန်ဖိုးရှိတဲ့ ကျောက်တောင်ဖြစ်တယ်။ သစ်ပင်တွေလို ခုတ်လှဲပြီးရင် ပြန်လည် အစားထိုးစိုက်ပျိုးလို့ရတဲ့ အမျိုးအစားမဟုတ်ပါဘူး... ဒါကြောင့် အဲဒီနေပူတောင်ကို သဘာဝအတိုင်းထားပြီးတော့ Eco-Tourism လုပ်ငန်းတွေ လုပ်ဆောင်ဖို့ ကျွန်တော်တို့ အမြဲတမ်းတိုက်တွန်းနေခဲ့ရတာပါ”

ရခိုင်သယံဇာတနှင့် သဘာဝပတ်ဝန်းကျင်ဆိုင်ရာကွန်ရက်မှ ကိုဇေယျကျော် ပြောပြသောစကားများ ဖြစ်၏။ ကိုဇေယျကျော်သည် နေပူတောင်ကျောက်ပြားစီမံကိန်းရပ်ဆိုင်းရေးနှင့် ထိုနေရာတွင် သဘာဝအခြေခံ ခရီးသွားလုပ်ငန်းတစ်ခု အစားထိုးဖြစ်လာစေရေးအတွက် ဦးဆောင်လှုပ်ရှား နေသူလည်းဖြစ်သည်။ ရခိုင်ပြည်နယ်သည် တောတောင်သဘာဝအလှအပ များ၊ ပင်လယ်ကမ်းရိုးတန်းများ၊ ရှေးဟောင်းမြို့ပြများနှင့် စေတီပုထိုးများ ရှိသော်လည်း ကမ္ဘာလှည့်ခရီးသည်များကို ဆွဲဆောင်နိုင်ခြင်းမရှိသော ပြည်နယ်တစ်ခု ဖြစ်နေရသည်။ 

ခရီးသွားလုပ်ငန်း၏အရေးပါမှုထဲတွင် (S) သုံးလုံးနှင့် (N) သုံးလုံးကို ဖော်ပြကြသည်။ (S) သုံးလုံးမှာ Sunshine (နေရောင်ခြည်)၊ Sand နှင့် Sea (ပင်လယ်) တို့ ဖြစ်၏။ လက်ရှိခေတ်စားလာနေသော (N) သုံးလုံးမှာ Nature (သဘာဝတရား)၊ Nostalgia (ခေတ်နောက် ပြန်ခြင်း) နှင့် Nirvana (ခေတ်နှင့်လိုက်လျောညီထွေရှိမှုရှိခြင်း) တို့ ဖြစ်ကြောင်းဆိုသည်။ ထိုသို့ (S) သုံးလုံးနှင့် (N) သုံးလုံးသည် ရခိုင်ပြည်နယ်ထဲတွင် အပြည့်အဝရှိနေသည်ဟု ဆိုနိုင်၏။ ထို့အပြင် သဘာဝအခြေခံခရီးသွားလုပ်ငန်းများ ဖန်တီးနိုင်ဖွယ်ရှိသော စိုင်းတင်ရေတံခွန်၊ မရဇိုင်တောင်တန်း၊ ဂူတောင်ကန်တောင်၊ မအီခြေတော်ရာနှင့် နေပူတောင်စသော အထင်ကရနေရာများစွာလည်း ရှိနေ၏။ The International Ecotourism Society (နိုင်ငံတကာ သဘာဝအခြေခံခရီးသွားလုပ်ငန်းအဖွဲ့) ၏ အဓိပ္ပာယ်ဖွင့်ဆိုမှုထဲတွင် Ecotourism ဆိုသည်မှာ သဘာဝအရတည်ရှိနေသောဒေသများသို့ ဒေသခံများ၏သာယာဝပြောရေးနှင့် ယင်းဒေသကိုထိန်းသိမ်းရေးအလို့ငှာ တာဝန်သိသိ ခရီးသွားခြင်းဟုဆို၏။ သက်ရှိများနှင့် သက်မဲ့ပတ်ဝန်းကျင်တို့၏ဆက်နွှယ်နေသော ဂေဟစနစ်ကို ခရီးစဉ်တစ်ခုအဖြစ် ဖန်တီးထားသောလုပ်ငန်းတစ်ရပ်ဟု ဖွင့်ဆိုသည်။ 

(ငါး)

ချမ်းသာသော ကမ္ဘာ့နိုင်ငံမျာ၊ နည်းပညာဖွံ့ဖြိုးတိုးတက်တဲ့နိုင်ငံများနှင့် သဘာဝတရားကို တန်ဖိုးထားသောနိုင်ငံမျာတွင် သဘာဝတော တောင်အလှအပများကို ဖြုန်းတီးဖျက်ဆီးခြင်းမရှိကြဘဲ ထိန်းသိမ်းမှုမှတစ်ဆင့် ဝင်ငွေရရှိအောင်ဖန်တီးကြသည်ကို တွေ့ရသည်။ အထူးသဖြင့် သဘာဝကိုအခြေခံသောခရီးသွားလုပ်ငန်း (Eco Tourism) လုပ်ငန်းများ လုပ်ဆောင်ထားကြသည်ကို တွေ့ရသည်။ လက်ရှိအချိန်တွင် ပြောင်းလဲလာသော ကမ္ဘာ့ရာသီဥတုအခြေအနေနှင့် ပြောင်းလဲလာသော လူတို့၏ လိုအင်ဆန္ဒများအရ နိုင်းမြစ်ဝှမ်းမှ ပိရမစ်များ၊ ကမ္ဘာ့နိုင်ငံအရပ်ရပ်မှ ရှေးဟောင်းမြို့ပြများထက် ပင်လယ်ကမ်ရိုးတန်းများ၊ ရုရှားနိုင်ငံမှ ကမ္ဘာ့အအေးဆုံး အွိုင်မြခုံ (Oymy akon) နိုင်ရာဂရာရေတံခွန်၊ တူရကီနိုင်ငံ Denizil Pamukkale မြို့ပေါ်မှ Pamukkale ရေပူစမ်းလေးများ၊ ရော့ကီး တောင်တန်းများ၊ ရေခဲတောင်များနှင့် ဇီဝမျိုးစိတ်များကို လေ့လာကြည့်ရှု ခွင့်ရရှိနိုင်သောနေရာများကို လူများ ပိုမို စိတ်ဝင်စားလာကြပြီဖြစ်၏။ ယနေ့ခေတ်တွင် လိုအပ်သည်ထက် ပိုမိုပျက်စီးပြုန်းတီးလာနေသော အခြေအနေအရ သဘာဝတရားများကို လူအများ ပိုမိုချစ်မြတ်နိုးစိတ်ရှိလာရန်လည်း လိုအပ်နေသည်။ ရခိုင်ပြည်နယ်၊ တောင်ကုတ်မြို့၊ ရခိုင်ရိုးမ တောင်ပေါ်မှ နေပူတောင်ကိုလည်း ပျက်စီးဆုံးရှုံးမှုမရှိစေဘဲ သဘာဝကို အခြေခံသော ခရီးသွားလုပ်ငန်းအဖြစ် ပြောင်းလဲဖန်တီးနိုင်ရန် လိုအပ်နေပါသည်။ သို့သော် ၂၀၁၈ ခုနှစ် စက်တင်ဘာ ၁၉ ရက်နေ့က သတင်းတစ်ပုဒ်အဖြစ် ကြားသိခွင့်ရခဲ့သော နေပူတောင် သဘာဝအခြေခံခရီး သွားလုပ်ငန်းသည် လက်ရှိအချိန်ထိ လုပ်ငန်းတစ်ခု ဖြစ်မလာသေးသည်မှာ ပြောင်းလဲချိန်မတန်သေးလို့လားဟုသာ...။ ။

ရက္ခ