News

POST TYPE

OPINION

မြန်မာ့ဆန် ကမ္ဘာ့ဈေးကွက်မှာ ရွှေပေါ်မြတင်ဖြစ်လာရေး (Daily Vol-6/No-241)
17-Jan-2019

မြန်မာနိုင်ငံ၏ အဓိကပို့ကုန်များအနက် တစ်ခုအပါအဝင်ဖြစ်သော ဆန်တင်ပို့မှုအပေါ် အခွန်ကင်းလွတ်ခွင့်ပေးခဲ့သော ဥရောပသမဂ္ဂ (အီးယူ) က ယခုလလယ်ပိုင်းမှစ၍ အခွန်ပြန်လည်ကောက်ခံတော့မည်ဖြစ်ရာ မြန်မာ့ဆန်ပြည်ပသို့ တင်ပို့မှု အခန်းကဏ္ဍအတွက် အသက်ရှူကျပ်စေမည့်ကိစ္စဟုပင်ဆိုရပါမည်။ အီးယူသည် ယခင်က ကုန်သွယ်မှုဆိုင်ရာ အထူးအခွင့်အရေး (GSP) ဖြင့် မြန်မာ့ဆန် တင်ပို့မှုအပေါ် အခွန်ကင်းလွတ်ခွင့်ပြုခဲ့သော်လည်း ဆန်စပါးစိုက်ပျိုးထုတ်လုပ်ရောင်းချသော အီးယူအဖွဲ့ဝင်နိုင်ငံအချို့၏ စောဒကတက်လာခြင်းကြောင့် ယင်းကင်းလွတ်ခွင့်ကို သုံးနှစ်ခန့် ရပ်ဆိုင်းလိုက်ခြင်းဖြစ်သည်။ 

ဆန်တင်ပို့မှုများကို အခွန်ကောက်ခံမည်ဖြစ်သော်လည်း ဆန်ကွဲတင်ပို့မှုအပေါ် ဆက်၍အခွန်ကင်းလွတ်ခွင့်ပြုမည်ဖြစ်ရာ ယခုကိစ္စတွင် မြန်မာနှင့်အတူ အခွန်ကကင်းလွတ်ခွင့်ရပ်ဆိုင်းခံလိုက်ရသော ကမ္ဘောဒီးယားနိုင်ငံမှာ ပိုမိုအထိနာမည့် သဘောတွင်ရှိနေပေသည်။ အကြောင်းမှာ မြန်မာနိုင်ငံ၏ ပြည်ပသို့ဆန်ကွဲတင်ပို့မှု ၇၀ မှ ၈၀ ရာခိုင်နှုန်းခန့်သည် အီးယူသို့သာ အဓိကတင်ပို့နေခဲ့ခြင်းဖြစ်ပြီး ကမ္ဘောဒီးယားမှာမူ ပြည်တွင်း၌ ဆန်ကွဲဈေးကောင်းရ၊ ဝယ်လိုအားအလွန်မြင့်တက်နေသောကြောင့် အီးယူသို့တင်ပို့မှုမရှိခဲ့ပေ။ သို့သော်လည်း အခြားဈေးကွက်များနှင့်နှိုင်းယှဉ်လျှင် အီးယူက မြန်မာ့ဆန်ကို ကြိုက်ဈေးလည်းပေးသလို ပမာဏအားဖြင့်လည်း အမြောက်အမြား ဝယ်ယူလျက်ရှိခဲ့ရာ အခွန်ကောက်ခံမည့်ကိစ္စကြောင့် ကြီးမားသည့် ဂယက်တော့မလွဲမသွေရိုက်ခတ်လိမ့်မည်ဖြစ်ပေသည်။ 

စာရင်းဇယားများကို ပြန်လည်ကြည့်မည်ဆိုပါက မြန်မာ့ဆန်အပေါ် ပြည်ပဝယ်လိုအားသည် တဖြည်းဖြည်းချင်းမြင့်တက်လာရာမှ ပြီးခဲ့သည့် ၂၀၁၇-၂၀၁၈ ဘဏ္ဍာနှစ်တွင် နှစ်ပေါင်း ၅၀ အတွင်း ဝယ်လိုအားအမြင့်မားဆုံးအနေအထားသို့ ရောက်ရှိသွားသည်။ ထိုသို့ ပြည်ပတင်ပို့မှု အမြင့်ဆုံးအနေအထားသို့ ရောက်သွားရခြင်းမှာလည်း ဘင်္ဂလားဒေ့ရ်ှနှင့် သီရိလင်္ကာတို့တွင် ရာသီဥတုဆိုးရွားဖောက်ပြန်မှုကြောင့် ဆန်စပါးစိုက်ပျိုးထုတ်လုပ်မှု ကျဆင်းခဲ့သလို ကမ္ဘောဒီးယားနှင့် ဗီယက်နမ်တို့ကလည်း ဝယ်လိုအားနှင့်ကိုက်ညီသည့်ဆန်ပမာဏကို စိုက်ပျိုးထုတ် လုပ်နိုင်ခြင်းမရှိခဲ့သောကြောင့်သာဖြစ်ပေသည်။ မြန်မာ့ဆန်အရည်အသွေးမှာ ထိပ်တန်းရောက်နေသောကြောင့် မြင့်တက်သွားသည့် သဘောမျိုးတော့မဟုတ်ပေ။ 

မည်သို့ပင်ဆိုစေကာမူ လက်ရှိခေတ်ကာလတွင် ဖွံ့ဖြိုးပြီးနိုင်ငံကြီးအများစု၌ ပြည်တွင်းအမျိုးသားအကျိုးစီးပွားကာကွယ်ရေး အယူဝါဒ ပြန်လည်ကျင့်သုံးရန် ကြိုးစားလျက်ရှိရာ အီးယူကဲ့သို့ အသင်းအဖွဲ့ပုံစံဖြင့်သွားသော နိုင်ငံအစုအဖွဲ့များနှင့် ကုန်သွယ်ရေးလုပ်မည်ဆိုပါက ရေရှည်အလုပ်ဖြစ်ဖွယ်မရှိပေ။ ယခု အီးယူက ဆန်တင်ပို့မှုအပေါ် အခွန်ကောက်မည့်ကိစ္စမှာလည်း အဆိုပါ အမျိုးသားအကျိုးစီးပွား ကာကွယ်ရေးအယူအဆ၏ တစ်စိတ်တစ်ပိုင်းပင်ဖြစ်သည်။ သို့အတွက်ကြောင့် နိုင်ငံအုပ်စုများနှင့် ကုန်သွယ်ရေးပူးပေါင်းဆောင်ရွက်မှုပြုလုပ်ရန် ကြိုးပမ်းခြင်းထက် မိမိအတွက်အလားအလာရှိသော နိုင်ငံတစ်နိုင်ငံချင်းစီနှင့် ကုန်သွယ်ရေးပူးပေါင်းဆောင်ရွက်ရန် ကြိုးပမ်းကာ မြန်မာ့ဆန်အတွက် ဈေးကွက်သစ်ရှာဖွေသင့်ပေသည်။ 

ထို့အတူတစ်ဖက်တွင် မြန်မာနိုင်ငံဆန်စပါးသုတေသနအဖွဲ့အပါအဝင် ဆန်စပါးစိုက်ပျိုးရေးပညာရှင်များအနေနှင့် မြန်မာ့ဆန်အရည်အသွေးကိစ္စအတွက် သုတေသနလုပ်ငန်းများကို အရှိန်မြှင့်တင်သင့်လှပေသည်။ မည်သို့ပင်ဆိုစေ အီးယူကိစ္စ ဂယက်ကြောင့် အခက်တွေ့လာနိုင်သည့် ဆန်စပါးစိုက်ပျိုးသူတောင်သူကြီးများ အသက်ရှူချောင်နိုင်ရေးနှင့် မြန်မာ့ဆန်ပြည်ပတင်ပို့မှု လမ်းကြောင်းသစ်များပေါ်ပေါက်ရေးအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန အပါအဝင် ဆန်စပါးနှင့်ဆိုင်သော အသင်းအဖွဲ့များအားလုံး၌ အထူးတာဝန်ရှိပါကြောင်း ဖော်ပြလိုရင်းဖြစ်ပေသည်။ 

အယ်ဒီတာ (၁၆-၁-၂၀၁၉ )