News

POST TYPE

NEWS

ငါးလုပ်ငန်းနှင့် ရေသတ္တဝါမွေးမြူရေး ဘွဲ့ကြိုသင်တန်း စတင်ဖွင့်လှစ်
19-Feb-2019

ရန်ကုန်၊ ဖေဖော်ဝါရီ ၁၉

လေးနှစ်တာသင်ယူရမည့် ငါးလုပ်ငန်းနှင့် ရေသတ္တဝါမွေးမြူရေး ဘွဲ့ကြိုသင်တန်းကို ရန်ကုန်တက္ကသိုလ်၊ သတ္တဗေဒဌာနတွင် ဖေဖော်ဝါရီလ ၁၈ ရက်နေ့က စတင်ဖွင့်လှစ်မိတ်ဆက်လိုက်သည်။

ယင်းသင်တန်းကို ဥရောပသမဂ္ဂ (အီးယူ) နှင့် ဂျာမနီနိုင်ငံတို့၏ ရန်ပုံငွေထောက်ပံ့မှုဖြင့် ဆောင်ရွက်လျက်ရှိသည့် မြန်မာရေသတ္တဝါ မွေးမြူရေးကဏ္ဍ ရေရှည်ဖွံ့ဖြိုးတိုးတက်ရေးစီမံကိန်း (MYSAP) က ပံ့ပိုးကူညီပေးခြင်းဖြစ်ပြီး ၂၀၁၈ ခုနှစ် ဒီဇင်ဘာလမှစ၍ ကျောင်းသား၊ ကျောင်းသူ ၄၀ ဦး စတင်တက်ရောက် သင်ကြားလျက်ရှိကြောင်း MYSAP စီမံကိန်းထံမှ သိရသည်။

ဘွဲ့ကြိုသင်တန်းအတွက် စာသင်ခန်းများ၊ လက်တွေ့ဓာတ်ခွဲခန်းများနှင့် ရေဆိုးသန့်စင်ရေးစနစ်တစ်ခုကို အင်းယားကန်အနီးတွင် တည်ဆောက်ထားပြီး ငါးလုပ်ငန်းအဖွဲ့ချုပ်ကလည်း ပစ္စည်းကိရိယာများနှင့် ပရိဘောဂပစ္စည်းများ ဝယ်ယူဖြည့်ဆည်းရေးအတွက် ကူညီဆောင်ရွက်ပေးခဲ့ကြောင်း ယင်းစီမံကိန်းထံမှ သိရသည်။

“ဘွဲ့ကြိုသင်တန်းတက်ရောက်ပြီးချိန်မှာ ငါးလုပ်ငန်းကျွမ်းကျင်ပညာရှင်၊ ရေသတ္တဝါမွေးမြူရေးပညာရှင်၊ သားဖောက်စခန်းမန်နေဂျာ၊ အစာအာဟာရပညာရှင်၊ ငါးလုပ်ငန်းဆိုင်ရာမန်နေဂျာစတဲ့ အလုပ်အကိုင် အခွင့်အလမ်းတွေရလာမှာပါ” ဟု ငါးလုပ်ငန်းဦးစီးဌာန ညွှန်ကြားရေးမှူးချုပ် ဦးခင်မောင်မော်က ပြောကြားသည်။

ယင်းသင်တန်းအတွက် ဓာတ်ခွဲခန်း၊ ကွင်းဆင်းစခန်းနှင့် မွေးမြူရေး လုပ်ငန်းသုံးစနစ်များ၊ တတိယနှစ်ဘွဲ့ကြို ကျောင်းသား၊ ကျောင်းသူများအတွက် တစ်လတာ အလုပ်သင်ဆင်းရမည့်အစီအစဉ်များကိုလည်း စီစဉ်ထားပြီး ဖြစ်ကာ တက္ကသိုလ်ဝင်စာမေးပွဲတွင် ဇီဝဗေဒဘာသာရပ်၌ အနည်းဆုံးရမှတ် ၇၅မှတ်၊ အင်္ဂလိပ် ဘာသာရပ်တွင် အနည်းဆုံးရမှတ် ၆၀ ရရှိသည့် ကျောင်းသား၊ ကျောင်းသူများသည် ယခုသင်တန်း တက်ရောက်ရန် လျှောက်ထားနိုင်မည်ဖြစ်ကြောင်း သတ္တဗေဒဌာနမှ ပါမောက္ခ ဒေါက်တာကေလွင်ထွန်းက ပြောကြားသည်။

လာမည့် ၂၀၁၉ ခုနှစ် ဇွန်လတွင် ဒုတိယအသုတ်တက်ရောက်မည့်ကျောင်းသား၊ ကျောင်းသူများအတွက် လျှောက်လွှာများစတင်လက်ခံရန် စီစဉ်လျက်ရှိကြောင်း ၎င်းကပြောဆိုသည်။

MYSAP စီမံကိန်းသည် ဥရောပသမဂ္ဂ (အီးယူ) နှင့် ဂျာမနီနိုင်ငံစီးပွားရေးပူးပေါင်းဆောင်ရွက်ရေးနှင့် ဖွံ့ဖြိုးရေးဝန်ကြီးဌာနတို့၏ ထောက်ပံ့ရန်ပုံငွေ ယူရို ၂၂ ဒသမ ၂၅သန်းဖြင့် ငါးလုပ်ငန်းဦးစီးဌာနနှင့် ဂျာမနီနိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (GIZ) တို့က ငါးနှစ်စီမံကိန်းဖြင့် ပူးပေါင်းအကောင်အထည်ဖော်နေခြင်းဖြစ်သည်။

J-11