ပြည်​၊ စက်​တင်​ဘာ ၂၀

ပြည်​​ဆေးရုံကြီးအတွင်း ပရဟိတ အဖွဲ့အ​ယောင်​​ဆောင်​ကာ ​သွေးလိုသည့် လူနာရှင်​များကို ​ငွေ​ကြေးလိမ်​လည်​​တောင်းခံမှု ဖြစ်ပွားခဲ့​ကြောင်း ပြည်အခြေစိုက်​ပရဟိတ​ သွေးအလှူရှင်​အသင်းများမှ တာဝန်​ရှိသူများက ​ပြောကြားသည်​။

နယ်​များမှ​ ဆေးရုံလာတက်​ရသည့် လူနာများသွေးလိုအပ်​ပါက ​သွေးတစ်​လုံးလျှင်​ ၄၀၀၀ ကျပ်​၊ ၁၂၀၀၀ ကျပ်​၊ ၁၅၀၀၀ ကျပ်​တို့အထိ လူနာအ​ခြေအ​နေကြည့်၍ လိမ်​လည်​​တောင်းခံ​နေခြင်းဖြစ်​​ကြောင်း အဆိုပါပရဟိတအဖွဲ့များထံမှ စုံစမ်းသိရှိရသည်​။

“လုပ်​စားတဲ့သူ​တွေက မနက်​ဖြန်​လို ​သွေးလှူဒါန်းမှာသိရင်​ ဒီလို​နေ့ သွေးလှူဘဏ်​ခါတယ်။ အဲဒီမှာ သွေးအလကားသွားယူပြီး မသိတဲ့လူ လိုတဲ့လူ​တွေကို​ရောင်းစား​နေတာ”ဟု အဖြူ​ရောင်​သစ္စာသွေးလှူအဖွဲ့မှ ကိုနေဇာက​ ပြောဆိုသည်​။

ယင်းကဲ့သို့လိမ်​လည်​ခြင်း​ကြောင့် လိုအပ်​သည့်လူနာရှင်​လည်းထိခိုက်​ရပြီး အမှန်​တကယ်​လုပ်​​နေသည့် ပရဟိတအဖွဲ့များ၊ ဆေးရုံလည်း နာမည်​ပျက်​ရ​ကြောင်း၊ ယင်းအတွက်​ ဥပ​ဒေ​ကြောင်းအရ အ​ရေးယူနိုင်​ရန်​ လုပ်​​ဆောင်​မည်​ဖြစ်​​ကြောင်း ၎င်းက ဆက်​​လက်ပြောကြားသည်​။

“ဆေးရုံတက်​တာ ၁၅ ရက်​၊ ရက်​ ၂၀​ လောက်​ရှိပြီ။ ပြီးခဲ့တဲ့ရက်​က​​ သွေး​လေးလုံးလိုတာ ပထမတစ်​လုံးကို အလကား​ရှာ​ပေးပြီး ​နောက်​သုံးလုံးအတွက်​ တစ်​လုံးကို​လေး​ထောင်​ရယ်​ အချိုရည်​​လေးစုံစာဆိုပြီး​တောင်းလို့ တစ်​​သောင်းနှစ်​​ထောင်​​ပေးလိုက်​ရတယ်​။ အချိုရည်​ဖိုးထပ်​​တောင်း​နေ​တော့ ဆရာမ​တွေသိသွားပြီး မ​ပေးနဲ့​ပေးစရာမလိုဘူး​ပြောမှ မ​ပေးရ​တော့တာ”ဟု ရခိုင်ပြည်​နယ်​ ​ညောင်​ကုန်းမှ ​ဆေးရုံလာတက်၍ သွေးလိုအပ်​ပြီး ​သေဆုံးသွားသည့် မီး​နေသည်၏ လူနာရှင်​ မကြည်​လွင်​စမ်းက​ ပြောဆိုသည်​။

အဆိုပါ​ သွေး​လိမ်​လည်​​ငွေတောင်းခံ​နေသည့် ဖြစ်​စဉ်​မျိုး ပြည်​​ဆေးရုံတွင်​ ​လေးငါးကြိမ်​ခန့်ဖြစ်​ခဲ့​ကြောင်း ပြည်​အ​ခြေစိုက်​ ပရဟိတအဖွဲ့များထံမှ သိရသည်​။

“တချို့ပရဟိတအဖွဲ့​တွေက ​ဆေးရုံမှာ ​သွေးလိုအပ်​ရင်​ ကူညီကြတယ်​။ ဒါပေမဲ့ သွေးလှူမယ့်လူသွား​ခေါ်ဖို့ ဆိုင်​ကယ်​ကယ်ရီခ ​တောင်းတာ​လောက်​​တော့သိတယ်​။ ကယ်​ရီခဆိုတာလည်း အလွန်​ဆုံး အသွားတစ်ထောင်​ အပြန်​တစ်​​ထောင်​​ပေါ့။ ကျွန်​​တော်တို့အ​နေနဲ့ အတတ်​နိုင်​ဆုံး အခမဲ့ဖြစ်​​အောင်​လုပ်​​ပေး​နေတယ်​။ အခုလိုလုပ်​သွားတာမျိုး မဖြစ်​​အောင်​လုပ်​​ပေး​နေတယ်”ဟု ​သွေးလှူဘဏ်​မှ တာဝန်​ရှိသူတစ်ဦးက ​ပြောဆိုသည်​။

ပြည်​​ဆေးရုံကြီးသည် ခုတင်​ ၅၀၀ အထူးကု​ဆေးရုံကြီးဖြစ်​ပြီး ပဲခူးတိုင်း အ​နောက်​ပိုင်း ပြည်​ခရိုင်​၊ သာယာဝတီခရိုင်​နှင့် မကွေးတိုင်းအတွင်းရှိ ​အောင်​လံ၊ ကံမမြို့များ၊ ရခိုင်​ပြည်​နယ်​ရှိ​ တောင်​ကုတ်​မြို့စသည့် ပြည်နယ်​နှင့် တိုင်းနှစ်​ခုမှ လူနာအများစု အဓိကအားထားရသည့်​ ဆေးရုံလည်းဖြစ်သည်။