ဒေသခံများ၏ ကန့်ကွက်မှုကြောင့် မြန်မာနိုင်ငံမြောက်ဖျား ခါကာဘိုရာဇီဒေသကို ကမ္ဘာ့အမွေအနှစ်စာရင်းဝင်အဖြစ် သတ်မှတ်နိုင်ရန် အဆိုပြုလွှာ ယူနက်စကိုထံ တင်သွင်းခြင်းကို ရွှေ့ဆိုင်းလိုက်ကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာန သစ်တောဦးစီးဌာနထံမှ စုံစမ်းသိရှိရသည်။

မြောက်ဥက္ကလာပမြို့နယ်၊ (င) ရပ်ကွက်၊ သုဓမ္မာလမ်းမကြီးပေါ်ရှိ လေးလွှာတိုက်ခန်းတစ်ခုတွင် ငှားရမ်းနေထိုင်သော အသက် ၂၇ နှစ်အရွယ် ရည်းစားဖြစ်သူ၏နေအိမ်သို့ လာရောက်ညအိပ်သည့် ထိုင်ဝမ်မှအမျိုးသားကို အိမ်ကျော်နင်းဝင်ရောက်သူ အမျိုးသားတစ်ဦးက ဓားနှင့်ဆင့်ထိုးသွားကြောင်း ရန်ကုန်တိုင်းဒေသကြီး ရဲတပ်ဖွဲ့ထံမှ စုံစမ်းသိရသည်။

အောင်ဇမ္ဗူသာသနာပြုအဖွဲ့က မန္တလေးမြို့တော်ရှိ သီလရှင်အပါး ၃၅၀၀ ကို ဇန်နဝါရီလ ၂၂ ရက်နေ့က သီလရှင်ဝတ်စုံများနှင့် အလှူငွေများ ပထမဦးဆုံးအကြိမ် လှူဒါန်းထောက်ပံ့ပေးခဲ့သည်။

ရန်ကုန်တိုင်းဒေသကြီး၊ တာမွေမြို့နယ် ၁၆၇ လမ်းအတွင်းရှိ လမ်းဘေးဈေးသည်များကို အများပိုင်နေရာတွင် ဈေးရောင်းချခြင်းမပြုလုပ်နိုင်ရန် ဖယ်ရှားရှင်းလင်းသွားမည်ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီထံမှ သိရသည်။

ပြည်တွင်း၌ အသားစား ကျွဲ၊ နွားများ မွေးမြူနိုင်ရေးအတွက် အမေရိကန်ပြည်ထောင်စု တက္ကဆက်ပြည်နယ်မှ ကျွဲ၊ နွား တိရစ္ဆာန် မွေးမြူရေးပညာရှင်များ၏ အကူအညီဖြင့် လိုအပ်သည့်နည်းပညာများ ဖြန့်ဖြူးပေးလျက်ရှိကြောင်း အမေရိကန်အပြည်ပြည်ဆိုင်ရာ ဖွံ့ဖြိုးတိုးတက်ရေး အေဂျင်စီ (USAID) ၏ အဖွဲ့အစည်းတစ်ခုဖြစ်သည့် Farmer to Farmer Program ထံမှ သိရသည်။

သာကေတမြို့နယ်၊ ကန်သာယာလမ်းတွင် ခရီးသည်၏ လက်ဝတ်ရတနာများ ပါသည့်အိတ်ကို ယူဆောင်မောင်းပြေးသည့် အငှားယာဉ်မောင်းအမျိုးသားကို ဖမ်းမိခဲ့ကြောင်း ကျောက်တံတားမြို့နယ် ရဲတပ်ဖွဲ့ထံမှ သိရသည်။

ဒေါ်လာ ၁၃ သန်း သုံး၍ ရန်ကုန်မြို့တွင်း ခြောက်မြို့နယ်ရှိ ဘတ်စ်ကားမှတ်တိုင် ၅၀၀ ကို အဆင့်မြှင့်တင်ကာ အသစ်လဲလှယ်မည့် လုပ်ငန်းစီမံချက်ကို ယခုနှစ်ဇွန်လ၌ စတင်ရန် စီစဉ်ထားကြောင်း တင်ဒါအောင်မြင်ထားသည့် FMIDecaux ကုမ္ပဏီထံမှ သိရသည်။

ရှမ်းပြည်နယ် (အရှေ့ပိုင်း) ကျိုင်းတုံမြို့ အမှတ် (၄) ရပ်ကွက်တွင် ၂၅ ခုတင်ဆံ့ တိုင်းရင်းဆေးရုံ တည်ဆောက်ပြီးသော်လည်း ဝန်ထမ်းများ မခန့်နိုင်၍ သုံးနှစ်ကြာသည်အထိ မဖွင့်နိုင်သေးကြောင်း ယင်းဆေးရုံအုပ် ဦးမြင့်ခိုင်က ပြောကြားသည်။

ကယားပြည်နယ်အတွင်း ကမ္ဘာလှည့်ခရီးသည်များ လည်ပတ်ရာတွင် ကန့်သတ်ထားသော ရပ်ရွာအခြေပြု ခရီးစဉ်ဒေသနှစ်ခုကို ပြန်လည်ခွင့်ပြုပြီဖြစ်ကြောင်း ဟိုတယ်နှင့် ခရီးသွားညွှန်ကြားမှု ဦးစီးဌာန (ကယားပြည်နယ်) တာဝန်ခံ ဦးလင်းဇော်ထွဋ်က ပြောကြားသည်။

ပြည်ထောင်စု ငြိမ်းချမ်းရေးညီလာခံ - ၂၁ ရာစု ပင်လုံညီလာခံ တတိယအကြိမ်အစည်းအဝေးကို ယခုလကုန် (ဇန်နဝါရီလ) ပိုင်းတွင် ကျင်းပရန် စီစဉ်ထားသော်လည်း ဖေဖော်ဝါရီလသို့ ရွှေ့ဆိုင်းလိုက်ကြောင်း ငြိမ်းချမ်းရေးကော်မရှင်ထံမှ သိရသည်။

အဋ္ဌမတန်း (၈တန်း) မှစ၍ အင်္ဂလိပ်စာ 4 Skills ကို ထည့်သွင်းသင်ကြားနိုင်ရန် ပြည်ထောင်စုအစိုးရအား တိုက်တွန်းကြောင်း အဆိုကို မဲခွဲဆုံးဖြတ်ရာတွင် ထောက်ခံမဲ ၉၆ မဲ၊ ကန့်ကွက်မဲ ၁၀၂ မဲဖြစ်သောကြောင့် ၆ မဲ အကွာဖြင့် ရှုံးနိမ့်ခဲ့သည်။

ရုပ်ရှင်သရုပ်ဆောင်ရဲတိုက်သည် ဇန်နဝါရီ ၂၂ ရက်နေ့ ညနေ ၅ နာရီအချိန်က ဒိုင်ယာဆီဗင် သောက်ဆေးအပြား ၄၀ သောက်သုံးမှုကြောင့် သတိမေ့လျက် သင်္ဃန်းကျွန်းစံပြဆေးရုံသို့ ရောက်ရှိကုသမှု ခံယူခဲ့ရပြီး ညနေ ၅ နာရီခွဲအချိန်တွင် ရန်ကုန်ပြည်သူ့ဆေးရုံသစ်ကြီးသို့ ဆက်လက်ပို့ဆောင်ခဲ့ရကြောင်း ရဲတပ်ဖွဲ့ထံမှ သတင်းရရှိသည်။

ကချင်ပြည်နယ် ဖားကန့်မြို့ လုံးခင်း အုပ်စုတွင် ဇန်နဝါရီလ ၂၀ရက်ညက နဠနျွ ကျောက်လုပ်ကွက်မှ မြေစာ ပုံများ အခြားလုပ်ကွက်အတွင်းသို့ ပြိုဆင်းရာမှ လူသေဆုံးမှုများရှိပြီး ယနေ့ (ဇန်နဝါရီလ ၂၂ ရက်)တွင် နောက်ထပ် အလောင်း ၂ လောင်း ဖော်ယူနိုင်ပြီဖြစ် ကြောင်း ကုဋေကျေးရွာမှ ကြက်ခြေနီ တပ်ဖွဲ့ဝင်တစ်ဦးက ပြောသည်။

ပုဂ္ဂလိကပိုင် ဆင်များသည် မှတ်ပုံတင်ရန် သက်တမ်းလွန်နေသည့်အတွက် ဆင်ပိုင်ရှင်များအနေနှင့် လာမည့်မတ်လ ၁၅ ရက်နေ့ နောက်ဆုံးထား၍ သက်တမ်းတိုးမြှင့်ရန် ကရင်ပြည်နယ် သစ်တောဦးစီးဌာနက သတိပေးထားသည်။

ယခုနှစ်ဆန်းပိုင်းမှစ၍ တဖြည်းဖြည်း ပြန်ကျလာသော ဒေါ်လာဈေးသည် အမေရိက၌ အမေရိကန် ဒေါ်လာတန်ဖိုး ကျဆင်းခြင်းကြောင့် ဒေါ်လာဈေးကျပြီး ကျပ်ငွေတန်ဖိုး မြင့်တက်ကြောင်း ငွေကြေး ဈေးကွက်အတွင်းမှ သိရသည်။