News

POST TYPE

LOCAL

သီတဂူဆရာတော်မွေးနေ့ သံဃာအပါးတစ်ထောင်ကို ဆွမ်းကပ်
02-Mar-2018



အဘိဓဇမဟာရဋ္ဌဂုရု၊ ရွှေကျင်နိကာယဥပ ဥက္ကဋ္ဌ သီတဂူအဓိပတိဆရာတော်ဒေါက်တာ ဉာဏိဿရသည် မြန်မာသက္ကရာဇ် ၁၃၇၉ တပေါင်းလပြည့် (မတ်လ ၁ ရက်) နေ့တွင် သက်တော် ၈၁ နှစ် ပြည့်မြောက်ခဲ့ပြီဖြစ်သည်။

ဆရာတော်၏ မွေးနေ့မင်္ဂလာအခမ်းအနားကို ဖေဖော်ဝါရီလ ၂၇ ရက်နေ့ကစ၍ သီတဂူဗုဒ္ဓတက္ကသိုလ်တွင် ကျင်းပနေခဲ့ခြင်းဖြစ်ပြီး မတ်လ ၂ ရက်နေ့အထိ ကျင်းပမည်ဖြစ်ကြောင်း သီတဂူဗုဒ္ဓတက္ကသိုလ်က ထုတ်ပြန်ထားသည်။

သီတဂူဆရာတော်၏ သက်တော် ၈၁ နှစ်ပြည့် မွေးနေ့အလှူတော်မင်္ဂလာအခမ်းအနား စတင်ကျင်းပခဲ့ရာ ဖေဖော်ဝါရီလ ၂၇ ရက်နေ့ နံနက် ၅ နာရီ အချိန်က စစ်ကိုင်းမြို့ထူပါရုံစေတီတော် ရင်ပြင်ပေါ်တွင် စစ်ကိုင်းမြို့မှ သံဃာအပါး ၁၀၀၀ ကို ဆွမ်းလောင်းလှူခဲ့ပြီး ဖေဖော်ဝါရီလ ၂၈ ရက်နေ့ နံနက် ၅ နာရီအချိန်တွင် သီတဂူကမ္ဘာ့ဗုဒ္ဓတက္ကသိုလ်၌ သီလရှင်ဆရာကြီး၊ ဆရာလေးအပါး ၁၀၀၀ ကို ဆွမ်းကြီးလောင်းလှူခဲ့ကြောင်း သီတဂူ ကမ္ဘာ့ဗုဒ္ဓတက္ကသိုလ်၏ ဒုတိယပါမောက္ခချုပ်ဆရာတော် ဦးကုမာရက မိန့်ကြားသည်။

ဆရာတော်ကြီး သက်တော် ၈၁ နှစ်ပြည့် မွေးနေ့ဖြစ်သော မတ်လ ၁ ရက်နေ နံနက် ၅ နာရီအချိန်တွင် သီတဂူကမ္ဘာ့ဗုဒ္ဓတက္ကသိုလ်၌ စစ်ကိုင်းတောင်ရိုးမှ ပင့်သံဃာအပါး ၁၀၀၀ ကို ဆွမ်းကြီးလောင်းလှူခဲ့ပြီး မွန်းလွဲ ၂ နာရီတွင် သီတဂူအပြည်ပြည်ဆိုင်ရာဝိပဿနာ အကယ်ဒမီ၊ သီတဂူသံဝေဇနိယဗိမာန်တော်၌ သီတဂူတပည့်သံဃာတော်များနှင့် ဒကာဒကာမများက သီတဂူအဓိပတိဆရာတော်၏ ဩဝါဒတရားနာယူခဲ့ကြသည်။

“မနက်ပိုင်းမှာ သံဃာတစ်ထောင် ဆွမ်းလောင်းတယ်။ ဆရာတော်ကြီးလာကြည့်တယ်။ သံဃာတော်တွေ ဆွမ်းလောင်းနေတာကို ကြည်ညိုတယ်။ ဆရာတော်ကြီးက ကုသိုလ်ရှင်တွေရဲ့ သူတို့ပြုလုပ်ရတဲ့ကုသိုလ်ကောင်းမှုကို အမျှအတန်းပေးဝေတယ်။ ဆရာတော်ကြီးအနေနဲ့ မန္တလေးကန်တော်ကြီးမှာရှိတဲ့ မျက်စိအထူးကုအစီအစဉ်အတွက်ရယ်၊ မျက်စိကုတဲ့နေရာမှာ အသုံးပြုတဲ့ပစ္စည်းကိရိယာတွေ လှူဒါန်းတာတွေလုပ်တယ်။ မွေးနေ့အထိမ်းအမှတ်အနေနဲ့ လုပ်ခဲ့ပါတယ်”ဟု ဒုတိယပါမောက္ခချုပ် ဆရာတော် ဦးကုမာရက ထပ်မံမိန့်ဆိုသည်။

သီတဂူဆရာတော်ကြီး၏မွေးနေ့တွင် ဆရာတော်ကြီးနှင့်အတူ မျက်စိဆေးရုံများ၌ ဦးဆောင်ဦးရွက်ပြုနေသည့် အဝေးရောက်သံဃာတော်များ၊ စစ်ကိုင်းတောင်ရိုး၊ မင်းဝံတောင်ရိုးရှိ သံဃာတော်များ၊ စုစုပေါင်း အပါး ၁၀၀၀ ကို အလှူဒါယကာ ဒါယိကာမများက ဆွမ်းဆန်များနှင့် လှူဖွယ်များလောင်းလှူခဲ့ကြသည်။ 

အလှူခံဆရာတော်များ အတွက်လှူဖွယ်များကို ပညာရေးဌာနမှ ကျောင်းသားကျောင်းသူများက လက်ခံရယူခြင်း ဝေယျာဝစ္စကုသိုလ်ယူခဲ့ကြသည်။ 

“ကျောင်းသားကျောင်းသူတွေ ကုသိုလ်ရစေချင်တာရယ်၊ ဗုဒ္ဓဘာသာရဲ့ယဉ်ကျေးမှုက ဒီလိုရှိပါတယ်ဆိုတာကို သိစေချင်တာကတစ်ကြောင်း၊ ဆရာတော်ကြီးရဲ့မွေးနေ့ကို ဒီလိုလုပ်တာပါလားဆိုတဲ့ သိစိတ်မြင်စိတ်လေးရရှိစေချင်တာကတစ်ကြောင်းကြောင့် ဗဟုသုတရအောင်ဆိုပြီး သူတို့ကိုခေါ်လိုက်တာ”ဟု ဦးကုမာရက မိန့်ဆိုသည်။

ဆရာတော်ကြီးမွေးနေ့ကျင်းပရာသို့ စစ်ကိုင်းတိုင်းအစိုးရအဖွဲ့ဝင်ဝန်ကြီးများ၊ ဌာနဆိုင်ရာများမှ တာဝန်ရှိသူများ၊ စစ်ကိုင်းတိုင်း စစ်တိုင်းမှူး၊ အငြိမ်းစား အရာရှိကြီးများလာရောက်ပြီး ဖေဖော်ဝါရီလ ၂၈ ရက်နေ့က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် လာရောက်ခဲ့သည်ဟု သီတဂူဗုဒ္ဓတက္ကသိုလ်ထံမှ သိရသည်။

ဆရာတော်ကြီး၏ မွေးနေ့ပွဲသို့ တပ်မတော် အစိုးရလက်ထက် တပ်မတော်ထောက်လှမ်းရေး အကြီးအကဲဟောင်း ဦးခင်ညွန့် တက်ရောက်ကုသိုလ်ပါဝင်ခဲ့ရာ ဆရာတော်ကြီး၏မွေးနေ့ပွဲသို့ နှစ်စဉ်လာရောက်ကုသိုလ်ပြုပါဝင်လေ့ရှိသည်ဟု ဦးခင်ညွန့်နှင့်အတူပါလာသူတစ်ဦးက ပြောပြသည်။

ဆရာတော်ကြီး၏ မွေးနေ့အလှူနောက်ဆုံးရက်ဖြစ်သည့် မတ်လ ၂ ရက် (ယနေ့) နံနက် ၅ နာရီအချိန်တွင် စစ်ကိုင်း၊ မန္တလေး၊ ရန်ကုန်၊ တောင်ငူရှိ သီတဂူကမ္ဘာ့ဗုဒ္ဓတက္ကသိုလ်များ၌ ပညာသင်ယူနေကြသော စာချ၊ စာသင် သံဃာတော်အပါး ၁၀၀၀ ကို သီတဂူအပြည်ပြည်ဆိုင်ရာဝိပဿနာ အကယ်ဒမီ၌ ဆွမ်းကြီးလောင်းလှူမည်ဖြစ်သည်။

သီတဂူအဓိပတိဆရာတော် ဒေါက်တာဉာဏိသရသည် အဆိုပါသံဃာတော်များကို သီတဂူ အပြည်ပြည်ဆိုင်ရာဝိပဿနာအကယ်ဒမီ၌ မတ်လ ၄ ရက်နေ့မှ ၁၀ ရက်နေ့အထိ မဟာသတိပဋ္ဌာနသုတ္တန်ကို သင်ပြပို့ချမည်ဟု မွေးနေ့ပွဲကျင်းပရေးအစီအစဉ်များအရ သိရပါတယ်။

သီတဂူဆရာတော်ဘုရာကြီးကို ၁၉၃၇ ခုနှစ် ဖေဖော်ဝါရီလ ၂၃ ရက်နေ့၊ မြန်မာသက္ကရာဇ် ၁၂၉၈ ခုနှစ် တပေါင်းလပြည့်နေ့တွင် အဖ ဦးမောင်ညို၊ အမိ ဒေါ်သန်းတင်တို့က ပဲခူးတိုင်း၊ ပြည်မြို့နယ်၊ ပုတီးကုန်းမြို့နယ်တွင် ဖွားမြင်ခဲ့သည်။ ၁၉၄၄ ခုနှစ်တွင် သဲကုန်းမြို့၊ တပ်ရွာအလယ်ကျောင်း၌ ဘုန်းတော်ကြီးပညာ အခြေခံများကို စတင်သင်ယူခဲ့ပြီး ၁၉၅၂ ခုနှစ်တွင် ရှင်သာမဏေပြုခဲ့ပြီး ၁၉၅၇ ခုနှစ်တွင် ရဟန်းအဖြစ်ခံယူခဲ့သည်။ ၁၉၆၁ ခုနှစ်တွင် ဓမ္မာစရိယ စာချတန်း အောင်မြင်ခဲ့ပြီး သာသနဓဇဓမ္မာစရိယဘွဲ့ရရှိခဲ့သည်။ ၁၉၆၂ ခုနှစ်တွင် သံဃာ့တက္ကသိုလ်သို့ဝင်ရောက်ခဲ့ပြီး ၁၉၅၆ ခုနှစ်တွင် ဗုဒ္ဓသာသနာ ဒီပလိုမာဘွဲ့ ရရှိခဲ့သည်။ ၁၉၆၈ ခုနှစ်တွင် စစ်ကိုင်းတောင်၌ ဗုဒ္ဓစာပေများ စတင်သင်ကြားပိုချခဲ့ပြီး ၁၉၇၂ ကစ၍ မွန်ပြည်နယ်၊ ပေါင်မြို့နယ်အတွင်းရှိ သပိတ်အိုင်တောရကျောင်း၌ လေးနှစ်ကြာပဋိပတ်အလုပ်များကိုသာ အားထုတ်ခဲ့ပြီးနောက် ၁၉၇၅ ခုနှစ်မှစတင်ကာ မြန်မာပြည်အနှံ့ တရားဟောခဲ့သည်။

၁၉၇၈ ခုနှစ်တွင် သီတဂူသာသနာပြုအဖွဲ့ကို စတင်တည်ထောင်ခဲ့ပြီး ၁၉၇၉ ခုနှစ်တွင် ကမ္ဘာ့သာသနာပြုလုပ်ငန်းများကို စတင်လုပ်ဆောင်ခဲ့သည်။ ၁၉၈၀ တွင် စစ်ကိုင်းတောင်သီတဂူရေအလှူ တော်စီမံကိန်းကို စတင်ခဲ့ပြီး စစ်ကိုင်းတောင်ပေါ်ရှိ ချောင် (သီလရှင်ကျောင်း) များရှိ ရဟန်းသာမဏေနှင့် သီလရှင်များကို ရေဖြန့်ဝေပေးခဲ့သည်။ ၁၉၈၅ ခုနှစ်တွင် ခုတင် ၁၀၀ ဆံ့ သီတဂူအာယုဒါနဆေးရုံကို စတည်ထောင်ခဲ့ပြီး ၁၉၉၀ တွင် ဖွင့်လှစ်ခဲ့သည်။ ဆရာတော်ရှင်ဉာဏိဿရသည် အစိုးရကချီးမြှင့်သော ဘွဲ့တံဆိပ်တော်များကို ရရှိထားသူဖြစ်ရာ ၁၉၉၃ ခုနှစ်တွင် မဟာဓမ္မကထိက ဗဟုဇနဟိတဓရဘွဲ့၊ ၁၉၅၅ ခုနှစ်တွင် အဂ္ဂမဟာသဒ္ဓမ္မဇောတိကဓဇဘွဲ့၊ ၁၉၉၇ ခုနှစ်တွင် အဂ္ဂမဟာပဏ္ဍိတဘွဲ့၊ အဂ္ဂမဟာဂန္ထဝါစက ပဏ္ဍိတဘွဲ့တံဆိပ်တော်များ ကပ်လှူပူဇော်ခံခဲ့ရသည်။ ၂၀၀၃ ခုနှစ်တွင် ရန်ကုန်တက္ကသိုလ်မှ ဒီလစ် (D.Litt) ဘွဲ့၊ ၂၀၀၅ ခုနှစ်တွင် ထိုင်းနိုင်ငံ ဘန်ကောက်မြို့ မဟာ ချူလာလောင်ကွန်းတက္ကသိုလ်မှ (Ph.D) ဘွဲ့၊ ၂၀၀၈ ခုနှစ်တွင် အိန္ဒိယနိုင်ငံ နာလန္ဒာတက္ကသိုလ်မှ (Ph.D) ဘွဲ့၊ ၂၀၀၉ ခုနှစ်တွင် ထိုင်းနိုင်ငံ မဟာမကုဋ် တက္ကသိုလ်မှ (Ph.D) ဘွဲ့များ အပ်နှင်းခြင်းခံခဲ့ရသည်။

ဆရာတော်သည် ၁၉၉၁ ခုနှစ်တွင် ကမ္ဘာ့ဗုဒ္ဓတက္ကသိုလ်ကိုဖွင့်လှစ်ခဲ့ပြီး ပိဋကတ်ကျမ်းစာ၊ ဗုဒ္ဓ သာသနာပြုသမိုင်း၊ သာသနာပြုနည်း၊ ကမ္မဋ္ဌာန်းတရားများကို ရဟန်းသာမဏေ၊ သီလရှင်၊ လူပုဂ္ဂိုလ်များကို သင်ကြားပိုချခဲ့ပြီး B.A၊ M.A၊ Ph.D ဘွဲ့များကို အပ်နှင်းနိုင်ခဲ့သည်။ 

၂၀၁၅ ခုနှစ်တွင်ကျင်းပသည့် ရွှေကျင်နိကာယ ဂိုဏ်လုံးကျွတ်အစည်းအဝေး၌ ရွှေကျင်နိကာယဥပ ဥက္ကဋ္ဌ တွဲဖက်ရွှေကျင်သာသနာပိုင်အဖြစ် ရွေးချယ်တင်မြှောက်ခံခဲ့ရသည်။ သီတဂူဆရာတော်ကြီးကို ၂၀၁၇ ခုနှစ် မတ်လတွင် သာသနာရေးဆိုင်ရာ အမြင့်ဆုံးဘွဲ့ဖြစ်သည့် အဘိဓဇမဟာရဋ္ဌဂုရုဘွဲ့ တံဆိပ်တော်ကို နိုင်ငံတော်အစိုးရက ဆက်ကပ်ခဲ့သည်။ 

တွဲဖက်ရွှေကျင်သာသနာပိုင် သီတဂူဆရာတော် ဒေါက်တာအရှင်ဉာဏိဿရ၏သက်တော် ၈၀ ပြည့်မွေးနေ့အလှူတော်ကို ၂၀၁၇ ခုနှစ်က ကျင်းပခဲ့ရာ သီတဂူကမ္ဘာ့ဗုဒ္ဓတက္ကသိုလ်၌ စစ်ကိုင်းတောင်ရိုးမှ ပင့်သံဃာအပါး ၁၀၀၀ ကို ဆွမ်းကြီးလောင်းလှူခဲ့သည်။

သက်တော် ၈၀ ပြည့် မွေးနေ့အခမ်းအနား ကျင်းပခဲ့သည့် တပေါင်းလပြည့်နေ့ ညဥ့်ဦးယံကာလလပြည့်ဝန်းတက်သည့်အချိန်တွင် သီတဂူဆရာတော်က သီတဂူသံဝေဇနိယဓမ္မဗိမာန်တော်ကြီးကို စက်ခလုတ်နှိပ်ဖွင့်လှစ်ခြင်း၊ အဘိဓဇမဟာရဋ္ဌဂုရုဆရာတော်ကြီး ၁၁ ပါးနှင့် သီတဂူတက္ကသိုလ်လေးခုရှိ သံဃာအပါး ၁၀၀၀ တို့က ဓမ္မဗိမာန်အတွင်း ပူဇော်ထားသည့် ရုပ်ပွားတော်များကို ဗုဒ္ဓါဘိသေကအနေကဇာတင်ခြင်း၊ သီတဂူသံဃာအပါး ၁၀၀၀ တို့က သီတဂူမော်ကွန်းတင်ကြေးခေါင်းလောင်းတော်ကြီးကို တစ်ပါးတစ်ချက်စီထိုး၍ ပူဇော်ခဲ့သည်။

သီတဂူကမ္ဘာ့ဗုဒ္ဓတက္ကသိုလ်၏ အဓိပတိဆရာတော် အရှင်ဒေါက်တာဉာဏိဿရသည် သက်တော် ၈၀ ပြည့်မွေးနေ့မှစ၍ နယ်ဝေးတရားဟောကြားမှုများကို လျှော့ချခဲ့သည်။ သက်တော် ၈၀ ပြည့် မွေးနေ့အခမ်းအနားကို မတ်လ ၁၁ ၇က်နေ့မှ မတ်လ ၂၀ ရက်နေ့အထိ ကျင်းပခဲ့ပါတယ်။

ဆရာတော်ကြီးသည် စစ်ကိုင်းတောင်ရိုး သောတပန်ကျေးရွာတိုက်နယ် ဆန်းသစ်ကျေးရွာ အနောက်ဘက် တောင်ဖီလာစေတီတော်အနီးတွင် သီတဂူ အပြည်ပြည်ဆိုင်ရာဝိပဿနာတက္ကသိုလ်ကြီးကိုလည်း တည်ထောင်ထားရာ အဆိုပါတက္ကသိုလ်သည် မြေဧက ၇၀ ကျော်ပေါ်တည်ရှိပြီး ယောဂီ ၃၀၀ တစ်ပြိုင်တည်း တရားအားထုတ်နိုင်သော သီတဂူ သံဝေဇနိယဓမ္မဗိမာန်တော်၊ သီတဂူဒီပင်္ကရစေတီတော်၊ ရွှေစည်းခုံစေတီတော်အပါအဝင် နိုင်ငံတကာမှ ပုံစံတူ စေတီ ၁၅ ဆူကို တည်ဆောက်ထားသည်။ ယင်းအပြင် ဆရာတော်ဘုရားကြီး သီတင်းသုံးနေထိုင်မည့် ကျောင်းဆောင်၊ လက်ထောက်ဆရာတော် ကျောင်းဆောင်၊ အမျိုးသားယောဂီအယောက် ၁၀၀ နေထိုင်ရန် အဆောင်ငယ် ၁၀၀၊ အမျိုးသမီး ယောဂီ အယောက် ၁၀၀ နေထိုင်နိုင်မည့်အဆောင်ငယ် ၁၀၀၊ ရုံးခန်းမဆောင်၊ ထမင်းစားဆောင်၊ မီးဖိုဆောင်နှင့် ဂါလန်ငါးသောင်းဆံ့ ရေကန်နှစ်ကန် စသည်တို့ ထည့်သွင်းတည်ဆောက်လျက်ရှိသည်။

မြတ်မင်း