နိုင်ငံတကာအသိုင်းအဝိုင်းအနေနှင့် တရားမျှတမှုကို ရှာဖွေရာတွင် မြန်မာပြည်သူပြည်သားများကို မနစ်နာစေရန်နှင့် မရည်ရွယ်ဘဲ တာဝန်မရှိသူကို အပြစ်ဖို့ခြင်း ပြည်သူတစ်ရပ်လုံးကိုခြုံ၍ အပြစ်ဒဏ်ခတ်ခြင်းများ မပြုလုပ်ရန် ကာဒီနယ်ချားစ်ဘိုက တိုက်တွန်းလိုက်သည်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဒီဇင်ဘာလ ၁၀ ရက်နေ့တွင် အပြည်ပြည်ဆိုင်ရာတရားရုံး (ICJ ) သို့ မြန်မာနိုင်ငံကိုယ်စားပြု သွားရောက်ထုချေဖြေရှင်းမည့် အစီအစဉ်ကို မြန်မာနိုင်ငံလွတ်လပ်သော ရှေ့နေများအသင်း (ILAM) က ပြတ်သားစွာထောက်ခံကြောင်း သတင်းထုတ်ပြန်သည်။

ရန်ကုန်တောင်ပိုင်းခရိုင်၊ တွံတေးမြို့နယ်၊ သဝန်းတောကျေးရွာတွင် ဆယ်ကျော်သက်အရွယ် ချစ်သူနှစ်ဦးမှာ နှစ်ဖက်မိဘများမှ သဘောမတူသဖြင့် မိမိကိုယ်ကိုယ် အဆုံးစီရင်ခဲ့ကြောင်း ရဲတပ်ဖွဲ့ထံမှ သိရသည်။

တမူးမြို့၊ ဈေးတန်း၂ရပ်၊ မာဃလမ်းရှိ အမျိုးသားလွှတ်တော်အမတ် ဦးမောင်မောင်လတ်၏ နေအိမ် ဒီဇင်ဘာ ၃ ရက်၊ ည ၇ နာရီကျော်က လက်ပစ်ဗုံးဖြင့် အပစ်ခံခဲ့ရကြောင်း ယင်းနေအိမ်ပိုင်ရှင်လွှတ်တော်အမတ် ဦးမောင်မောင်လတ်က ပြောကြားသည်။

New World Therapeutic Training Center တွင် စကားမပြောနိုင် သည့် ဆယ်နှစ်အရွယ် အော်တစ်ဇင် ကလေးငယ်တစ်ဦးအား ရိုက်နှက်ညှဉ်းပန်း နှိပ်စက်ခဲ့သည့် ဆရာနှစ်ဦးကို ဒဂုံမြို့သစ် (မြောက်ပိုင်း) မြို့မရဲစခန်းတွင် မသန်စွမ်းသူများ အခွင့်အရေးများဆိုင်ရာ ဥပဒေပုဒ်မဖြင့် အမှုဖွင့်အရေးယူထားကြောင်း ကလေး၏မိခင်ထံမှ သိရသည်။

မလာနှင့်ဟု မတားသလို၊ ပြန်ပို့ရမည် ဖြစ်သော်လည်း မိသားစုက လိပ်စာအမှား၊ ဖုန်းနံပါတ် အမှားများဆေးရုံကိုပေးခဲ့သဖြင့် ဆက်သွယ်ရန် ခက်ခဲမှုများကြောင့် ဆေးရုံတွင်ပင် နေထိုင်နေရ သည့်သူများ စိတ်ကျန်းမာရေးဆေးရုံ (ရန်ကုန်) တွင်ရှိနေသည်။

အရှုံးများစွာ ရှိသည်ဟုဆိုကာ ပုဂ္ဂလိကသတင်းစာ တစ်စောင်ဖြစ်သည့် ဒီမိုကရေစီတူဒေးသတင်းစာကို ၂၀၁၉ ခုနှစ် ဒီဇင်ဘာ ၁ ရက်မှ စတင်၍ ရပ်နား လိုက်ပြီဖြစ်ကြောင်း မြန်မာနယူးစ်နက်ဝက်ခ် ကုမ္ပဏီမှ GM ဖြစ်သူ ဦးသက်နိုင်ဦးက ပြောသည်။

ရခိုင်ပြည်နယ် မြောက်ဦးမြို့တွင် ဗုံးပေါက်ကွဲမှုကြောင့် လူသုံးဦး သေဆုံး ခဲ့သည့် ဖြစ်စဉ်မှာ ဗုံးသီးဟောင်း ကွဲခဲ့ခြင်းသာဖြစ်ပြီး တပ်မတော်က လက်နက်ကြီး ပစ်ခတ်ခဲ့ခြင်းမရှိကြောင်း တပ်မတော် သတင်းမှန်ပြန်ကြားရေးအဖွဲ့မှ ဗိုလ်မှူးချုပ် ဇော်မင်းထွန်းက The Voice Daily သို့ ပြောကြားသည်။

အဂတိလိုက်စားမှုတိုက်ဖျက်ရေးဥပဒေဖြင့် တရားစွဲဆိုထားသည့် တနင်္သာရီတိုင်းဝန်ကြီးချုပ်ဟောင်းအမှုတွင် တရားလိုပြ သက်သေနှစ်ဦးသာ စစ်ဆေးရန်ကျန်တော့ကြောင်း တိုင်းဒေသကြီးတရားလွှတ်တော်ရုံးထံမှ သိရသည်။

အခြေခံဥပဒေပြင်ဆင်ရေး လုပ်ငန်းစဉ်ကို ယခုကျန်ရှိနေသည့် လွှတ်တော်သက်တမ်းတွင် ပြီးစီးအောင်လုပ် ဆောင်မည်ဖြစ်ကြောင်း ပြည်ထောင်စု လွှတ်တော်နာယက ဦးတီခွန်မြတ်က ပြောကြားလိုက်သည်။

မြို့ပတ်ရထားစီးနင်းသူများနှင့် ရထားစီးနင်းသူများအဆင်ပြေစေရန်အတွက် ဂျပန်ချေးငွေဖြင့် ဝယ်ယူထားသည့် ဂျပန်နိုင်ငံမှ ရထား တွဲဆိုင်း ၃၂စင်း ဒီဇင်ဘာလအတွင်း ထပ်မံရောက်ရှိမည်ဖြစ်ကြောင်း မြန်မာမီးရထားမှ သိရသည်။

ထီးချိုင့်မြို့နယ် တွင် ကောက်ရိုးများ တင်ဆောင်လာသည့် နောက်တွဲပါ ထွန်စက်တိမ်းမှောက်ရာမှ ထွန်စက်မောင်းသူသေဆုံးသည့် ဖြစ်စဉ်တစ်ခု ဒီဇင်ဘာ ၂ရက်၊ နံနက်ပိုင်းကဖြစ်ပွားခဲ့ကြောင်း ထီးချိုင့်မြို့မရဲစခန်းထံမှ သိရသည်။

ခင်ပွန်းက ဇနီးကို လူမှုရေးဖောက်ပြန်သည်ဟု စွပ်စွဲပြောဆိုရာမှ စကားများရန်ဖြစ်ကြပြီး ဇနီးမောင်နှံနှစ်ဦး အပြန်အလှန် ဓားဖြင့်ထိုးသတ်မှု ဒီဇင်ဘာလ ၂ရက်၊ ညနေပိုင်းက ပဲခူးမြို့နယ်တွင် ဖြစ်ပွားခဲ့သည်။

နှစ်စဉ်ဆောင်းရာသီရောက်တိုင်း မန္တလေးတိုင်းဒေသကြီး မိတ္ထီလာမြို့နယ်အတွင်း၌ တစ်ပတ်ရစ် ဘေထုပ်ထည်များ အရောင်းအဝယ်ကောင်းသော်လည်း ယခုနှစ်ဆောင်းရာသီတွင် အရောင်းအဝယ်ပါးနေကြောင်း ဘေထုပ်အထည် လက်လီလက်ကား ဖြန့်ဖြူးရောင်းချသူများထံမှ သိရသည်။

ကရင်ပြည်နယ် ကြာအင်းဆိပ်ကြီး မြို့နယ်၊ ဘုရားသုံးဆူမြို့ ဂျပန်ရေတွင်း ကျေးရွာ၌ နိုဝင်ဘာလ ၂၇ ရက်နေ့တွင် မွန်ပြည်သစ်ပါတီနှင့် တပ်မတော်တို့ ပစ်ခတ် တိုက်ခိုက်မှုဖြစ်ပြီး ဒီဇင်ဘာလ ၂ ရက်နေ့ တွင် မွန်ပြည်သစ်ပါတီ (NMSP) တာဝန်ရှိသူနှင့် အရှေ့တောင်တိုင်း စစ်ဌာနချုပ် (ရတခ) မှ တာဝန်ရှိသူတို့ တွေ့ဆုံညှိနှိုင်းမှု ပြုလုပ်ခဲ့ရာ သဘောတူညီမှု တစ်စုံတစ်ရာမရခဲ့ကြောင်း မွန်ပြည်သစ်ပါတီထံမှ သိရသည်။